شوق البحر

السلام عليكم ورحمة الله وبركاته

اشحالكم خلانيين؟؟؟

شو علومكم ؟؟


اليوم ياية و وياي مشكلة يديدة ..

ومن خاطر اتمنى تردون عليها وتحصلون لها حل


لانها مصيرية ... ويتقرر على اساسها حياة انسانه ...

اسمحولي ابدا ....


:
:
:

اختنا صاحبة المشكلة عمرها 23 سنة ,, تدرس و تشتغل فـ نفس الوقت ...

تقدم لها واحد من اهلها .. وكانت شروطه كالتالي : الزوجة لازم ما تشتغل .. ما تدرس .. ما تسوق سيارة ..
مع ان كل هالاشياء موجودة فالبنت ..بس ما يندرى كيف تقدم لها !! .. وبعد البنت رفضته من اول ما عرفت منو هو ... لكن تم الامر وطاف على خطبتها سنة للحين ...

الريال باختصار ما فيه شي يعيبه غير الشروط اللي حاطنها .. لكن البنت ما ترتاح لاهله مووولية .. والمشكلة انها بتعيش وياهم فـ نفس ابيت ولازم تكون بينهم علاقة قوية ...

البنت ما سوت بال لافكارها و وساوسها .. قامت سوت صلاة استخارة .. وما ارتاحت مول للولد ولا للعرس ....

يوم خبرت الوالدة ...... قالت لها " تبيني ازعل قوم فلان وارضيج انتي ؟؟؟؟ """

هالرد صدم البنية وخلاها طول هاييج الفترة فـ حزن وهم ... حسسوها انها رخيصة عندهم وانهم ما يبونها ورضى الناس اهم منها ...

حاولت مرة ثانية .. وطول شهر رمضان اللي طاف وهي تستخير .. بس ماشي فايدة .. مب مرتاحة له موول ..

والمشكلة مب قادرة تناقش حد فالسالفة

لان مب بس امها اللي مقتنعة بالريال..الكل في عايلتها مقتنع به .. ورافضين نهائي رايها

ولهالسبب تمت ساكتة وكاتمة السالفة فقلبها لين تعبت منها نفسيا عالاخر .. خلاص صارت حاسة بالقهر ..وحاسة انه حرقها من داخل خلاااااص ..

كل بنت مخطوبة من ينطرى لها العرس يحمر ويهها وتستانس وتحس برجفة فقلبها ..

ويمكن يظربها حفوووز

بس اختنا كل ما ينطرى عرسها تتكدر وتنقهر اكثر و اكثر .. وتحاول تغير السالفة

ومن جم يوم يتها الوالدة تقول لها انهم خلاص بيملجون عقب رمضان

وهي مب موافقة ..

شو تنصحون البنت تسوي؟؟؟؟؟؟

شو حلولكم لها؟؟

رجاء اللي يقرى لا يطنش الموضوع لانه فعلا مهم لصاحبة المشكلة وفعلا محتاجة نصيحة ومساعدة ..


نترياكم