المستوى: 5
ليست هي العادة .. كتابتي للخواطر .. فأنا شاعر نبطي وفصحى ولكن .. عندما تتملكني الحروف وتحضرني لأن أكتب شيئاً فريداً من سيرة السقراط .. حظرتني كل كلمات ومعاني الحب .. لتُكتب لإنسانه إستثنائية في حياة السقراط فكانت الخاطرة استثنائية وجنونية لإنسانةٍ إستثنائية [عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا] يا حياتي سمعيني للآخر ولا تعتبرين كلامي هذا جنون أكثر شي يعذبني اني كل ما احبج اكثر احس انه شوية عليج واني ما عطيتج الحب حقه !! واني ماقدرت ازيد حاسة يديدة فيني عشان احبج فيها حواسي خمس وماقدرت ازيدها ماقدرت ازيدها لحبيبة غير ؟!! غير في كل شي , يعني باختصار غير انتي لازم اخلق لج احاسيس خاصة فيج وشوق خاص فيج وحب لج انتي وبس ودرب لج وحدج ونورٍ تشوفينه انتي وبس يعني باختصار كل شي يكون لج انتي وبس ... بنت مثلج تحتاي قصايد وكتب وروايات خاصة فيها بعيدة عن تفاهات وكذب ومراوغات الشعراء والكتاب والمألفين تحتاي حزن خاص فيها وبسمة بس ترضيها هي وبس حياة وموت خاصين فيها بس الموت يكون لها ولعيونها هي بس انتي تحتايين دقايق تكون لج بثوانيها سنه خاصة فيج بكل شهورها تحتايين دنية يديدة عشانج .. تونسين عمرج وتحومين فيها يعني شي يكون لج انتي وبس ولكن اللي مثلي ولد آدم ,.. يمكن يغير كل شي الا الوقت وايامه .. الا اليوم بصبحه وظلامه اهنيه اوقف حدي !!! يا حياتي حبي لج ما تتصورينه حب ما تقدرين بذرة تعطينه حب ذاب منه الصلب لعجينه حب احد من طرف السكينه !! من كثر حبي لج , ودي اتكلم بلغة غير ودي اخلق لغة يديدة واعلمج اياها ودنا نحن الاثنين بس نتكلم فيها ونترك العذال يسمعون ولا يدرون في شوه حنا نقول بس يا حياتي .. يكفيني قول عذالي يكفيني كثر ما اسمعوا عني ووشوبي خلاص .. ابا اخلقها هاللغة وبكثّر من حروفها لا بـ28 ولا بـ29 ولا بـ30 حرف الحروف العادية ما تكفي مساحة حبي !!! ماتكفي شجون قلبي .. ولا تكفي كلامي وعتابي ابغي اللغة تكون لج انتي وبس آه يا حياتي من عيونج آآه من لبسج ولونج كل من شاف غدا مفتونج لكن صدقيني وحدي بصونج انا اللي شخصٍ حبّج بكونج أنا واعوّذ بربي من كلمتي انا بس يا حياتي غمظيها لا تشعلين الحب فيني زود لا تخلين جسمي الصلب يلين من عيونج لا تخليني الين وتصيرين انتي الصلبه لا تقولين كلامي كثير عليه وماقدرله انا أصغر من جيه وأنا وانا لا يا حبيبتي هذا شي من الكلام هذا بعده ماهوا كلامي .. هذا القلم يه وكتبلج .. ماهو انا يا حياتي حتى القلم يه وقال هذا الكلام لج انتي وبس ان كان هالكلام كلام القلم بعده في كلام قلبي .. شي كلام حبي وكلام شوقي و وكلام عيوني وكلام جسمي واحساسي كلام ايامي وثوانيّ كلام سكوتي لا يا حبيبتي انا للحين ماكتبت شي بسألج سؤال ؟؟ انتي تعرفين شو معني شي لج انتي بروحج وبس ؟ كلام لج بروحج وبس ؟ دنيا لج بروحج وبس ؟ اذا ما تعرفين انا بجاوب ^_^ يعني باختصار .. المستحيل بعينه او عــــــــــــــــين المستحيل شعر خاص فيج انتي وبس يعني اختلال فالاوزان والقوافي من هيبة الحب واعادة ترتيبها يعني حروف وكلام العشاق كله في كلمة واحدة أحبج وان كنتي تسأليني أنا منوه انا اللي احاول اسوي كل شي واغير كل شي لج إنتي وبس