السلام عليكم ورحمة الله
همسه:
يبتعد عنك لأجل حبه الثاني ( مثل ما يسميه) و بعد ما يذوق منه المرّ و الويل
يقرر الرجوع لك ...... هذا ما طرى بمخيلتي ... خياليه ولكن لامست مشاعري
..... لحظــــه الغـــــالي .....
لحظه الغالي صف هناك طابـور ..... هذاك أول بين الملا أبّديك
هذي الحياه دوم دايره و تـدور ..... يوم ضدك وأيام تحتويك
خلك على جـفاك ،، تراه مقـدور ..... راحت الأيام يومِنّي أرتجيك
اعتبرتك خط أصفر يحذر مرور ... بالمشاعر مستحيل إني أعّديك
كاس ينضح بالكذب دوم مهمور ... بالهوى تـدّور عَمِّن يـجاريك
الحين أنا القاضي وسيد الطابور .... وقـّف بآخره يمكن بناديك
صرت أنا الـنوخـذه أمـرّ بـحور .... إنت ملاّح للطلب ترفع أياديك
و إذا مـ البـحـر راسـك يـدور ..... لا تجاريني..بأول مرسى بخليك
لازم تعيش الذل وانت مكسور .... لا تـظـن إني لـولـو بـجـازيـك
حتى للوسـن إنت هَب مـعذور .... إذا النـّهام صاح هِبّ بخطاويك
ينقشع الدجى بخيط من نور .... وانت نور الشمس ما يضويك
اكتب قصيدك عد ما مقدور ..... سود صفحتي وأنا دوم بمحيك
لا ترتجي مني وانا مقهور .... خلاص مني ضاعت معانيك
والسموووحه منكم على أي قصور