خبرّوني لو سمحتوا . . .
وش هو معنى الإنكسار؟
وان كان لا بُد يعني
واسمحولي
بدون اختصار . . .
لأن الحزن طاويني
ومالي منّه مفر
لا يمين . . ولا يسار
سرت وسرا بي ليلي
وما عدت شفت النهار
صبرت والصبر قالوا
يعني الإنتظار ..
وانـــتظرنــا..
وذِبلت ورود الهوى
وصارت الدنيا صحار
لا مواني .. ولا بحار
وحتى ربان السفينة
ما ندري وين سار!!
خبروني لو سمحتوا . . .
وش هو معنى الإنبهار؟
هي لهفة في الخاطر؟
أو شعور شاعر !
أو جبل يخاف الإنهيار؟
عجزت أوصف حبي لحبيبي
و عرفت الحُب ومعنى كلمة
أغار..
وعشت أصعب اختبار
في سكوته .. وفي بروده
لا وله
لا شوق
لا هزيمة .. ولا انتصار!!
خبروني لو سمحتوا . . .
وش هو فن الإعتذار؟
يعني آسف حبيبي
ودي ارجع باختصار؟
و هدية بدراهم
ويالله انسّي اللي صار؟
خبروني لو سمحتوا . . .
يحقّلي أشوفه باحتقار؟
واشعل جوفه لهيب و نار؟
وأكره حضرته بكل افتخار ؟
خبروني لو سمحتوا . . .