الفصل الثالث
يه سعود البحرين ورجع الدوحة من غير ما اشوف دانه لانها كانت لاهية بالخلف واهو ما كان حا يضغط عليها اكثر بس اهو كان خاطرة اشوفها لانه حب وحدعمره ما شافها بس دايما اقول لها دام هذا صوتج يعني اكيد انتي ملكة
جمال واهو حتى لو ما كانت حلوة كان بتم معاها لانه كان احبها وناوي اخطبها ..
اي صج نسيت اقول لكم انه في الخلف يات ام سعود واخته ويدته ودانه ما قصرت معاهم قبل لا اطلبون الشي اتييبة لهم وام سعود اعجبتها دانه وايد وكانت مقررة لمن ترجع الديرة اتقول حق سعود عن دانه ..
عاد عقب فترة قررت العنود اتزور ابوها وامها لانه من زمان ما شافتهم . وقالت حق ام ريلها واخوانه انها ناوية اتروح الكويت حق امها وابوها وقالت لهم تعالوا معاي دام انه عندكم اجازة وكلهم رحبوا في الفكرة عشان انه تغير جو عن ضيقة الخلق بس ام سعود ما اطوف عليها شي وكانت تبي سعود اشوف دانه قبل لا تقول له عنها فراحت حق العنود في شقتها فوق وقالت لها..
ام سعود: العنود يمه ليش ما تقولين حق بنت عمج اتيي معانا الكويت دام احنا بنمر البحرين ناخذها معانا ولا شرايج
العنود عجبتها الفكرة: انشاللة يمة بقول لها
العنود اتصلت حق دانه وخبرتها بالموضوع ودانه كانت طايرة من الفرح لانه كان عليها المد تيرم بريك وتبي اتغير جو وخصوصاً انه سعود وامه بكونون هناك فقررت اتروح ،كلمت ابوها وابوها وافق . وعلى طول دانه اتصلت حق العنود ...
دانه : هلا عنودة شلونج حبيبتي بغيت ابشرج انه ابوي وافق
الغنود : صج والله هذا احلى خبر سمعته في حياتي يلا زهبي اغراضح احنا انشالله اليوم محركين بتجي البحرين وبعندين بنروح الكويت اوكي
دانه : انشاله
العنود : اي نسيت اقول لج ترى سعود محتمل ما أيي معانا لانه ما حصل اجازة
دانه وحيبت الامل بينت ي صوتها لكن كان عندها امل طفيف انه ايي : اي مو مشكلة اهم شي انتي موجودة
العنود : فديتج والله يلا الحين بروح ازهب اغراضي اوكي
دانه: اوكي يلا باي
المهم انه اهما مروا عليها وريحوا ليلة بالبحرين وبعدين راحوا الكويت ..
بالدرب ام سعود كل شوي تسال دانه يمة تبين شي يوعانه تعبانه ودانه الي ياها الم مو طبيعي في بطنها ما تدري شنو سبب هالالم
دانه : لا خلاتي مشكورة
لطيفة ودانه كانوا قاعدين ورى كلش يالسيارة والوسط العنود وام سعود وقدام عبدالله وخالد وطول الدرب دانه كانت ساكته لانه بطنها اعورها ولطيفة لاحظة الوضع المتكررر لدانه على بطنها ..
لطيفة تساسر امها: يمه ترى دانه مريضة ما ادري شفيها!!
ام سعود واهي خايفة عليها : بسم الله عليها وش فيها
لطيفة : ما ادري بس اشوفها كل شوي تزخ بطنها
ام سعود: دانه حبيبتي وش فيج ساكته ما تتكلمين
عبدالله يضحك صحكة خبيثة لانه يدي انه دانه اتكلم سعود ومتضايقة عشان انه ما جه معاهم والعنود كانت نايمة ..
عبدالله : ما عليج منها يمة اتلاقينها ما تشد السفرات الطويله بالسيارة او انها اتدلع يوم شافتج مهتمه فيها .. هذا طبع البنات وضحك اهو وخالد ..
ام سعود : يلا بس انت جابل دربك ومالك شغل في دانه ترى ان غلطت عليها يا ويلك وانت خلود على طول تضحك ها شنو اضحك بالموضوع بالله ؟؟
الشباب اسكتوا لانه ام سعود زفتهم زف اليهد
دانه واهي مستانسة انه ام سعود اتدافع عنها: لا يمة ما فيني شي بس مثل ما قال عبدالله ما اشد سفرات الدرب الطويل وهذيي اول مرة اسافر فيها بالبر ..
ام سعود : لا يمة لا تخافين ولا شي ذكري برج وهاج الموسدة حطيها ورى رقبتج عشان ما تعورج ونامي شوي ولمن بتقومين انشالله ما فيج الا العافية
لطيفة غارت من دانه : يمة الحين منو بنتج انا وله دانو
ومشوا بالدرب ليمة اذن المغرب وقالت ام سعود حق عبدالله انه اوقفون في اسراحة عشان اصلون ....
يا ترى شصار بالستراحة؟؟
الفصل الرابع
ونزلو وصلوا وبعد الصلاه واهم رايحين السيارة دانه المحت خالد ادخن واهو يوم شافها خاف اتخبر امه وعلى طول حذف الزقارة وية حق دانه
خالد وكان مرتبك من قلب : ها شخبارج الحين انشالله اشوه
دانه: اي اشوة بس انت انشالله بتكون اشوه بعد شوي لمن اقول حق امك انك اتدخن هههههههههههههههههههههههههههههه
خالد : ها من قال ما دخنت انا
دانه فتحت شنطتها : يود هذا علج عشان اتطير ريحت الز قاير من حلجك وهذي صابونه روح اغسل يدك وتعال
خالد واهو منحرج من تصرف دانه وحسها مثل اخته الكبيرة الي تبي مصلحتة : مشكورة وما تقصرين يالغالية
دانه: لا كلا واحد ....وامسكت اذنه... وان عدتها محد بيودني وبخبر الوالدة اوكي يلا بسرعة قبل لا نمشي
روجعت السيارة الا ام سعود : انه ما شفتي خالد
دانه : بلا يمة بس كرمتي راح الحمام شوي وبيرجع
ام سعود: اي اشوه لاني ما شفته خفت عليه
دانه : لا خافين يمة خالد ريال وما ينخاف علية . اكاهو يه
خالد : السلام عسى ما تاخرت!!
ام سعود : والله خرعتني عليك يمة
دانه : امك اسالت عنك وقالت لهاا انك ...
خالد : وش قلتي لها !! ميت من الخوف
دانه : لا ولاشي بس قلت لها انك يال وما ينخاف عليك
خالد الي ارتاح شوي : تسلمين
اركبو السيارة وتغيرت قعدتهم لانه ام سعود خلت دانه يمها بالوسط مع العنود وخلت لطيفة ورى
لطيفة: يمة ابي اقعد قدام يمكم ما اصير جذي
ام سعود اتحجج : لا يمة انا يبت دانه يمي قدام عشان انتي تنامين ورة بروحج
خالد : لطوف عمرج شفتي عفش يقعد مع الناس قدام خلج ورى يالبرميل المتحرك ههههههههههههههههههه
ام سعود اضحكت لكن بسرعة اسكتت وزفت خالد على الي قالة وقالت حق لطيفة ما عليج منه محتر جمنه من مساعة متصلب على الكرسي قدام
وبس كلهم اسكتوا ووصلوا حدود الكويت وخلصوا الجوازات ويوم وصلوا البيت كانت العنود وعبدالله اطالعون دانه واضحكون بس دانه ما تدري شالسالفة وكان تعبانه من قلب وتبي بسرعة تدخل البيت عشان اتريح وكانت متضايقة لانه طول الدرب سعود ما سال عنها ولا شي :L L
انزلت بسرعة وراحت عند باب الصالة ...
عبدالله : شفيج مستعيلة هالكثر ولهالنه على عمج ههههههههههههههههههههه
دانه : مالك شغل زين هذا بيت عمي قبل لا اصير بيت ابو زوجتك وثاني شي انا تعبانه وابي اروح ارتاح شوي
العنود وعبدالله وخالد هدوا الاغراض بالحوش والحقوا دانه للبيت دانه كانت مستغربة من الموضوع بس قالت عادي اكيد ملاغة شف كالعادة ..
افتحت دانه باب البيت ولكهم وراها وعلى طول راحت الصالة عشان اتسلم على عمها واتروح غرفة الضيف عشان ترتاح اول ما دخلت الصالة شافت ولد عمها خليفة ومعاه وحد معطها قفاه
دانه : هلا بولد عمي .. او سوري خليفة ما كنت ادري انه عندك ضيوف
خليفة : لا عادي يبة تعالي هذا واحد من الاهل
عبدالله والعنود ماتوا من الضحك ولا الصبي ملتفت شلونج يالدانه !!!!!!!!!!!!!!
دانه انصدمت والبتسامة شقت ويها وردت فيها الروح واهي اتقول في قلبها سعود ما اصدق هذي احلى مفاجئة اشوفة اول ما اوصل
دانه : هلا اخوي .. على اساس انها ما تعرفة
خليفة : شفيج دانو هذا سعود اخو عبدالله جية بالطيارة قبلهم من امس معانا
وسعود الي يوم شاف دانه ما شال عينه من عليها ما توقعها بهالجمال اتوقعها تشبة العنود ..
عبدالله : ها سعودو شخبارك والله وحشتنا ياليت ييت معانا بالسيارة اتشوف معافر دانه ولطيفة وخلوت تموت من الضحك
دانه انحرجت : عبدالله حرام عليك انا ما سويت شي اصلا كنت ساكته اهم الي يتنقرشون فيني
ام سعود : اي دانه فديت عمرها ما سوت شي بروحها كانت مريضة ما ادري شفيها انشالله الحين اشوة يمه !!
دانه الحمد لله خالتي
سعود الي بقق عينه القلب مريضة وانا ما ادري !!
سعود من غيرما احس : ليش شكان فيها وبسرعة سكت لانه حس روحة فظولي ومالة داعي يسال ..
العنود وعبدالله وخالد وام سعود اضحكوا علية ودانه ويها صار مثل الطماطة
العنود : اسكت ما دريت تعبت علينا بالدرب وبغت اتموت غير ما الله ستر جان فجينا عزى من يدي هههههههههههههههههههههههههههههههههههههههههههههههههه ههههههه
الكل ضحك ودانه انحرج وسعود مو فاهم شي ,,
دانه : وي اسم الله علي تفيها من بوزج ما فيني الا العافية بس تعبت من الدرب لانه طويل شوي
سعود : سلامتج
العنود تبي اتغير الموضوع عشان خليفة ما اشك : الا امي وابوي وينهم واحشيني
سعود وخليفه : كنا نبي انسوي لهم مفاجئة جان اكشتون فينا واطلعون واحنا ما قلنا لهم انه بتييون عشان لمن ارجعون يتفاجئون
دانه من غير شعور : الله اكثر الفاجآتكم دامها جذي حلوة
سعود ابتسم لها لانه فهم قصدها
دانه : يلا انا استاذن بروح اريح شوي
عبدالله : خليفة سعود خالد شيلو شنط الحريم ودوها غرفهم
سعود ركيض زخ شنطة دانه : وين اودي هذي الشنطه؟؟
عبدالله : ودها غرفت الضيوف هذي شنطة دانه
دانه في بالها شدراه انه هذي شنطتي يلا اهم شي انه شنطتي توصل الدار وخلاص
طبعاً العنود وريلها في غرفت العنود ودانه استولت على غرفة الضيوف وكان في غرفة ثانية خذتها ام سعود ولطيفة والشباب في غرفة خليفة ..
دانه :انا استاذن بروح اريح الحين عنودو اذا يه عمي طرشي لي لطيفة ولا احد اناديني
كل واحد دخل دارة وريح دانه ادخلت الدار ولا سعود متصل لها
دانه : حي الله الغالي شالمفاجئة الحلوة
سعود : انتي الي شالمفاجئة الحلوة ما توقعتج جذي جميلة
دانه: عيونك الحلوة ها وين انت
سعود : انا بغرفة خليفة متى بتنزلين
دانه : انا بالدار بتسبح وببدل وبنزل اوكي
سعود : اوكي لا تطولين
دانه : انشالله
دخلت دانه تسبحت وبدلت وام سعود ولطوفة تسبحوا وبدلوا واكل بدل ونزل حق العشى داانه واهي نازله من على الدري حست بألم غريب في معدتها ما تدري من وشو ..
دانه بصوت شوي عالي : ااااااااااااااااه
ام سعود الي كانت بالصالة مع لطيفة والعنود وسعود ...
ام سعود : شفيج يمة @@
والكل وقف وراح على الدري ركيض واولهم سعود طبعاُ
دانه حاولة اتخش الالم بس ما قدرت : ايلست على الدري وبدت اتصيح بطني اعورني .
سعود: يلا يلا بروح ابدل خل انوديها المشتشفى.. يمة روحي يبي عباتج وعباة دانه
دانه: لا مالة داعي
سعود: شنو مالة داعي العباية !!!!
دانه شفية ذي صج مو حزتة: لا اخوي اقول مالة داعي المستشفى بس باخذ بندول وبصير اشوى
العنود: اي بروح اسوي لج زعتر شربية وايد زين حق البطن
ام سعود: لا يمة انا بروح اسوي لها ... الظاهر حايشها برد
دانه: لا تكلفون على عمركم ما فيني شي
لطيفة: اي ما عليكم منها هذي اتدلع
دانه الالم كان ذابحها : انشالله اصيدج واتحسين
سعود وخالد : هههههههههههههه اي يالبرميل المتحرك
الكل ضحك حتى لطيفة لانه تدري انه دانه اتحبها وما تقصد اتضايقها .. اقعدوا بالصالة اشوفون التلفزيون وام سعود راحت المطبخ اتسوي الزعتر يات ام سعود معاها الدلة..
ام سعود : سمي دانه هذا دواج وعلى الله شفاج
دانه : سلمتي خالتي .. اوف طعمه مو حلو بس بس ما ابي
ام سعود : يه دانه عن الدلع هذا دوى اكيد طعمة مو حلو .
سعود يازعم خذ عليها : لا تتشرطين على امي يلا شربي عن الدلع
دانه واهي منصدمة من سعود : لا خالتي سمحي لي مو قصدي انه اتشرط عليج انتي ما قصرتي بس طعمه ما ينبلع
ام سعود : مو مشكلة انا بصب لي وبشرب عشان اتشجعين
دانه واهي فرحانه بالقتراح : اي خالتي شربي معاي
سعود : اي خالتي شريبي معاي ... شرايج اتوكلج بعد مو احسن هههههههههههههههههههههههه
الكل ضحك على دانه واهي ماتت من الفشيلة بس اهي قررت اترد علية واتفشلة مثل ما فشلها..
دانه : اي ادري انك محتر لانه امك ادلعني وما ادلعك صح هههههههههههههههه
ام سعود : اي يمة ما عليج منه محتر اقول سعودو يوز عن دانه ترى يا ويلك وصدقني على هالهواش ما بتاخذ غيرها
دانه ويها قلب حمر خضر ما تعرف شتقول : لطوفة حبيبتي عطيني الشكر خل اغير الطعم " شترقعين خلاص السالفة انكشفت يا بابا ههههههههه"
العنود : هاج السكر يا سكر ..
دانه : هاج الحليب يا بقرة ههههههههههههههههههههههههه:P
كلهم اضحكوا والا على دخلت عم دانه ومرت عمها ..
العم : او او شالمفاجئة الحلوة
مرت العم : اي والله درينا انكم بتيون بس دانه ما درينا صج مفاجئة حلوة .. شدعوة من يوم عرس العنود مايييتي الكويت يالدانه ولا بس عفتينا
العنود صادها احباط لانه ما اهتموا فيها : بس عيل احنا بنمشي وبنخلي لكم دانه
دانه : ههههههههههههههههههه اشكرة محترة يا ربي شسوي بعمري اذا الكل احبني ههههههههههههههههههههههه
وخلص اليوم كل واحد راح دارة .. دانه تعبانه من الدرب ومن بطنها ما تدري شفية البست البجامه وقررت تنام والا سعود متصل ...
شبصير وشنو بكون شعور كل واحد مهم واهما في نفس البيت؟؟