الفصل السادس+ السابع
وصل خليفة سعود المطار واتفقوا انه اطلعون اروحون الجمعية الي احذى البيت لانه يبون ياخذون بعض الشغلات الي ناقصتهم .. دانه ما كانت تبي تروح بس الحاح العنود وعبدالله خلها تورح ... واهي البدرب اتفكر بسعود الي ما استانست معاه ولا قعدت معاه وسعود الي كان في الطيارة رايح الدوحة واهو متضايق بس اهو مؤمن بقضاء الله وقدرة وعسى ان تكرهو شي وهو خير لكم ..
خلصوا الاغراض من الجمعية وقررو يتعشون في مطعم ودانه ما حبت اتضايقهم واتقول ما ابي راحت مع انها ما كانت بتاكل ولا شي بس اسمها معاهم راحو طلبوا الاكل تعشوا وردوا البيت ...
دانه كانت مستاحشة تنام لحالها ما تدري ليش شعور غريب فطلبت من ام سعود اتخلي لطوفة اتنام معاها
دانه : خالتي ممكن طلب
ام سعود : امري يمه عيوني لج
دانه : عيونج سالمة بس ممكن لطوفة اتنام معاي اليوم احس روحي مستاحشة بالغرفة بروحي
ام سعود : اذا تبين تعالي نامي معانا واذا ما تبين عادي اخذي لطوفة
لطيفة : اي يمة بروح معاها انتي تنامين من وقت وانا اتملل
وافقت ام سعود وراحوا لطيفة ودانه دارهم وقعدت لطيفة اتسولف طول الوقت ودانه كانت دور المستمعه الي اتعلق على الموضوع تعليقات بسيطة وساعات نصايح تنفع لطيفة لكن اغلب الوقت كانت تسمع وتضحك وكانت مستانسة لانه اسلوب لطوفة وايد يشبة سلوب سعود بالسوالف ولطوفة كانت اتكلم عن المواقف الي اتصيدها في البيت مع اخوانها وخصوصاُ سعود ودانه كانت مستانسة واهي تسمع سوالف لطيفة ونست سالفت سعود شوي ..
سعود وصل الدوحة وراح البيت ويلس بدارة افكر في دانه اكيد الحين اهي متضايقة اكيد مو نايمة خل اكلمها ...
اتصل سعود بدانه .. دانه شافت رقم سعود ما همتها لطوفة الي قاعدة بالعكس ردت وكلمته على اساس انها صديقتها ومتصلة تسأل عنها ..
دانه : حي الله الغالية وحشتيني مووووووووووووووت
سعود : هلا حبيبتي شفيج جذي فراقي خلاج اتخرفين وما تفرقين بين الريال والحرمة هههههههههههه
دانه : اي والله اتصدقين فرقاج صعب
سعود: احد معاج اكلمج بعدين
دانه : لا ابد بس انا اليوم كنت مستاحشة انام بروحي ويات بنت خالتي فديت عمرها تنام عندي
سعود : بل لطفوا نايمة معاج اففففففففففففف
دانه : لا عادي فديتج اهي على وشك اتنام شلونج انتي شخبارج الحين انشالله اشوة
سعود : اكيد اشوة دام اني اسمع صوتج ... وانتي شخبارج وين رحتوا شسويتوا
دانه : ابد رحنا الجمعية خالتي ام عبدالله كانت تبي اغراض وبعدين رحنا تعشينا وردينا
سعود : عسى كلتي عدل؟؟
دانه : تبين الصج ما كان لي خلق اكل لاني كنت متضايقة L
سعود : افا وانا خو لطيفة ما كلتي !!!
دانه : الا كلت كلت لا تحاتين
سعود : ياا خوفي بس .. ان ضعتي يا وييلج .. انزين ما قلتي لي شلبستي يوم طلعتي؟؟
دانه شفيه هذا قبلةحاس المشكلة ما اعرف اجذب علية بقول له الصج والي فيها فيها
دانه : بنطلون وبدي جم طويل وشيلة
سعود : والعباية ؟؟؟؟؟؟؟
دانه : شفيج احنتا بالكويت
سعود : صج والله زين انكم بالكويت حسبتكم في سنغفورها .. شكو تفصخين العباية اكيد امي تضايقت يوم فصختيها ليش سويتي جذي الحين بتقول هذي مو محترمة وما اعرف ايش
دانه : وي سكتي ما قلت لج حتى عنودو بنت عمي ما كانت لابسة عباية وانا اقنعدت ام عبدالله تفصخ البرقع لانه محد اعرفها بالكويت هههههههههههههههههه
سعود : سود الله رقاعج فصختي امي البرقع هذي لو اتم معاج بعد يومين زود تطلع ببدي وبانطلون
|--*¨®¨*--|الفصل السابع|--*¨®¨*--|
ردت دانه البيت وقبل لا تركب دارها
دانه: خليفة عندك قلم؟؟؟
خليفة : اي عندي لحظة شوي .... سمي
دانه : سلمت
وراحت ركيض على الدري ادلت غرفتها وفصخت شيلتها وعبايتها وايلست على السرير وقعدت تكتب ...
اليوم الاول من روحتك الحين الساعة 10 ونص صباحاً رحت مع خليفة وخالد تهاني الخليج عشان اشتري هالكارد الي اكتب لك الحين فية وبعد شوي بنطلع انتغى برى ,,,,,,,,,,,,,
دانه قررت تكتب يومياتها بالكويت ان ديتيلز حق سعود في الكارت اكون اذا في شي نست اتقولة اكون معاهم في الصورة وبجذي اتحس انه سعود ليمة الحين موجود بالكويت
وانهم الي كتبته انزين الحين بروح لانه بيمشون واول ما ارجع راح اكتب لك شسوينا في الكلعة " ما شالله عليج صج فكرة حلوة "
وبجذي اكتبت له كل الي صادها بالكويت من غير ما تنسى ولا شي ومحد عرف سر هالكارد لانه حتى العنود ما قالت لها عنه ...
وفي اخر يوم كانوا بردون فية البحرين عطت دانه العنود الكارد ومعاه عطر وكفلنق ودبين مع بعض ودب اهي سوته في محل هناك ولبست الدب بدلة هاواي ولا سوت له شهادة ميلاد وكان تاريخ ميلاد الدب التاريخ الي تعرفوا فية على بعض وسمت الدب باسم سعود وطرشت شهادة ميلاد الدب ويا الدب مع العنود وقالت لها ..
دانه : عنود حبيبتي شوفي هذي الجنطة الصغيرة ابيج اتودينها حق سعود ممكن؟؟
العنود: شنو فيها ممكن اشوف
دانه : اي ممكن بس الكارد لا تقرين الي فية والمغلف هذا عطر والثاني كفلنق تدرين اليون 13 فبراير وبكرة الفلنتاين وما بقدر اشوفة وصليهم عني
العنود : من عيوني والله اخليكم حق بعض
دانه : الله يسمع منج
وردوا البحرين وراحت دانه بيتهم وراحوا العنود وريلها واهل ريلها الدوحة وكان سعود كل يوم اكلم دانه والامور ماشيه تمام التمام ليمة ثاني يوم 14/ فبراير ...
مسج من الصبح في تلفون دانه : صحبج الله بالخير يالغالية وكل عاد وانتي الحب يا أم عبدالعزيز
دانه شافت المسج طارت من الفرحة : وانت بصحة وسلامه يا بو عبدالعزيز واسمح لي الفلوس ما كفتني بالكويت وما خذت لك شي ..
سعود اتصل على طول : افا حبيبتي انا ما اكلمج عشان هدية ولا شي لا انا اكلمج عشانج انتي حبيتي وام اعيال بالمستقبل ..
دانه : تسلم لي يالغالي ..
سعود : لحظة ما ادري منو اطق الباب ... منو
العنود : انا مرت اخوك افتح الباب ... هاك جنطتك نسيتها في بيتنا ولا ادري متى بتكبر !!!
سعود: هذي مو جنطتي يمكن جنطة خلوود انا خذت كل اغراضي !!
العنود : ما ادري شوف شفيها واذا مو لك عطها حق خلود ...
سعود : اوكي
فتح سعود الجنطة وشاف الهدايا ايالهيس طلع عندك معجبات ها وركيض غرفت خالد ...
سعود : حبيبتي شوي واكلمج
دانه : اوكي
سعود: عند دار خالد : خلوود افتج الباب .. وخذ معاه الجنطة
خالد : شفيك من صباح الله خير كسرت الباب
سعود : من وين لك كل هذول!!
خالد: الله كل هذا لي @@ الله نعم الله عليك حبيبي انت والله
فتح خالد الجنطة وشاف الكارد الكبير
خالد : هالكارد انا شفت دانه تشترية من محل بالكويت اووه دانه تحبني
سعود : هاا اي الحين فهمت يلا انجلع وهات الاغراض هذول لي .. "لوووووووول توه فاهم الريال "
خذ سعود الاغراض وراح دارة واول ما فتح الكارد وقرى الي فيها وشاف الدب معاه شهادة الميلاد وكل شي لانه دانه قالت له دير بالك على ولدك بطوط ترة من اليوم ورايح اهو ولدك واهو بكون الرابط في حبنا ,,,
على طول دق سعود على دانه : يا حبيبت قلبي يا روحي كل هذا وما عندج قلوس فديت عمرج ليش مكلفة على عمرج يالغالية
دانه : انت تستاهل اكثر واذا ما شريت لك اشتري حق منو؟
سعود :فديت قلبج والله
دانه : عسى الكفلنق والعطر اعجبوك ؟؟
سعود: للحين ما شفتهم بس دام انهم منج اكيد بعجبوني
فتح سعود الكفلنق : وااااااااو روعه صج صج عندج ذوق
دانه : انا ما ادري اذا احبك وله لا بس الصراحة يوم شفته تخيلته عليك والعطر شرايك في ريحتها؟؟
سعود : ما اصدق تدرين انه عطري المفظل !!
دانه : ادري
سعود : شدراج ؟؟؟!!!
دانه: في شي حبيبي اسوية وانا ما ادري عنه وثاني شي انت لمن بتطلع في الصالة بالكويت تتسبح فية ويوم شميته عرفت انه العطر الي تستعملة
سعود : يا روحي والله ما قصرتي وايد وايد كلفتي على روحج
دانه : ما كلفت على روحي ولا شي بس لا تستغرب اني سويت لك دب وسميتة بطة بس انا وعبدالله والعنود فترينا السوق كامل ابي بطة ما في كلا ارانب وقطاوة ودببة فقررت اسوي لك هالدب لانه معاه شهادة ميلاد واي ترى الجواز تقدر تستخدمة في المطارات
سعود : انا وين اطلع من يزاج انتي لبستيني جمايل من فوقي لي تحتي
دانه : واجبي ..
وظلوا على هالحال يتصلون حق بعض واشوفون بعض على النت وما اعرف ايش وفي يوم كانت دانه في بيت يدتها قالت لها مريم ..
مريم: دانه عطيني جوالج ابي مسجات حلوة
دانه خافت اول شي بس قالت ما بتشك لانه البطة مستحيل اكون اسم حبيب
دانه: سمي
مريم ما كانت تبي المسجات كانت تبي تعرف اذا دانه اتكلم وله لا وشافت تلفونها اغلب المسجات البطة فشكت في الموضوع وقررت اتسجل الرقم واتجيكة بعدين " صج انج وحدة اذا تبين الشي توصلينه لو وين اكون "
مريم: دانه اخذي تلفونج مشكورة وما قصرتي
دانه : نغزها قلبها بس تعوذت من البليس
ومريم اول ما اوصلت بيتهم على طول راحت دارها ودقت على الرقم ويوم تاكدت انه صبي سكرت التلفون في ويهاا .. و الله صوته حلو ليش ما اخذة لي " ايا النذلة وبنت خالج!!"
دقت مرة ثانية وسعود رد عليها
سعود : الو
مريم : هلا والله
سعود : نعم؟
مريم : شدعوة يبا انا جاية اطر منك!!
سعود : لا بس خير انا اعرفج !!!
مريم : لا بس انا كنت ابي اقول لك اني بنت عمه دانه
سعود : خير شفيها دانه صادها شي؟؟
مريم : اول شي انتي من وين عرفت دانه؟
سعود : انا سعود حمى العنود
مريم : اهاا لا بس حبيت اسلم اي صج قالت لك دانه انها بتروح بكرة عيد ميلاد بنت خالنا
سعود : اوكي انا مشغول باي
مريم : باي
سعود ما همه الموضوع لانه حس انه مريم انسانه تافه ولا اعارها اهتمام ، مريم اتصلت حق دانه
مريم: دانوا تقدرين بكرة اتيني من وقت ابي اروح اجلد هدية شيخة
دانه ك اوكي حبيبتي من عيوني
مريم : عيونج سالمة مع ضحة خبيثة
صار ثاني يوم مرت دانه على مريم وكل شي وفي الدرب مريم اتصلت على سعود ..
مريم : الو شخبارك
سعود : هلا خير
مريم : الحمد لله انا بخير .. ليش ما كلمتني الصبح انا كنت احاتيك
سعود : انا !! شفيج حلمانه انتي انا ما اعرفج عشان اكلمج
مريم : اي اذا جذي معذور
ومريم تعمدت اتعلي صوت التلفون عشان دانه تسمع .. دانه شكت بالصوت
دانه: مريم اتكلمين منو
مريم بكل ثقة : يلا باي ,, كنت اكلم سعود حمى العنود
دانه ما صدقت : بشوف الرقم
مريم : ليش اتعرفينه ؟؟
دانه : لا بس بشوفه
مريم ورت دانه الرقم دانه الي افترت فيها الدنياا ومو عارفة شتسوي الخاين كل هالفترة يلعب علي ليش يا ربي وتمت ساكته طول الدرب ...
مريم : دانوا شفيج؟
دانه : ولا شي بس صداع
مريم : اي ما عليج شر .. بتنزلين معاي ؟
دانه: لا ما فيني شدة
مريم : اوكي ما راح اتاخر
دانه: اخذي راحتج
نزلت دانه من هني ومريم طرشت مسج حق سعود وربي ان شفت رقمك في جوالي لا تلوم الا نفسك ، سعود درى انه مريم قالت لها السالفة وعفست الموضوع لانها تبي تفرق بينهم اتصل على طول ودانه كانت اتسكر في ويهه .. بليز ردي ابي اكلمج حتى لو اخر مرة ,, اتصل
دانه : خير
سعود : ادري انه مريم قالت لج
دانه : لا تتكلم وما ابيك اتبرر خلاص انت في درب وانا في درب شدعوة يا سعود ما لقيت الا بنت عمتي ليش عاد هذي وانا الي واثقة فيك وعطيتك الي ما عطيته حق هلي احترمتك وعمري ما فكرت اكلم بس انت لانك من الاهل وصج حبيتك جذي تسوي فيني لكن مقيولة الي الريايل ما يحبون لكن دوم العبون
بدت اتصيح سعود ما تكلم ولا كلمة لانه دانه ما تعطية مجال ...
سعود : اوكي لمن تهدين بكلمج اوكي
اهو عصب لانه اهي شكت فية وصجق مريم بس ما تنلام مسكينه يعني مريم خطتها خبيثة وعرفت شلون اطيح بينهم ..
مريم: شفيج اتصارخين انا اشوفج في المحل على بالي صاير شي
دانه : ما فيني شي
طول الدرب ساكتين مريم الي مستانسة انه دانه هدت سعود وعلى بالها انه اهو بيلتفت لها او بكلمها وصلوا بيت اليد ...
البنات : السلام
ام دانه: شفيج يمة دانه
العمات : دعمتوا ؟؟
دانه : لا بس احس روحي صخنت
ام دانه تيود راسها: اي والله راسج حار
دانه : يلا بروح البيت بريح
ام دانه : يلا انشوفك اليوم انشالله في بيت خالي
الاهل : على خير
طول الدرب دانه ساكته وحاجزة الدمعه في عينها اوصلت دارها على طول قطت روحها على السرير وصياح من قلب
ام دانه: يمة ما بتيين الصالون معاي ؟؟
دانه : لا ما بروح العيد ميلاد
ام دانه دخلت الدار : ليش؟؟؟؟؟
دانه : بس تعبانه والحرارة مو قاعدة تنزل
ام دانه : هذي حبتين بندول اخذيهم ولمن تصيرين اشوى تعالي الصالون لانه لازم اتروحين بيت خال ابوج معاي عيب ما تيين عيد ميلاد بنتهم
دانه تبي امها تطلع من الغرفة عشان اتصيح عل راحتها : انشالله يمة
دانه ما كانت اترد على مكالمات سعود 40 مس كول من سعود غير المسجات بس دانه يوم شافت كل هذا قالت في خاطرها شنو الف جذبة جديدة بس ما ابي اكلمة وقررت تتصل على عبدالله ...
عبدالله : الوو
دانه : هلا اخوي شلونك ؟؟
عبدالله : الحمد لله خير شفيج؟؟
دانه صاحت ما قدرت ايود روحها وقالت له كل القصة .. هذا اخوك الخاين يلعب علي احنا بنات اوادم لكن الشرها مو عليه الشرها علي خنت اهلي وكلمته على بالي ريال واحبني من صجة .. ليش سوى جذي يا عبدالله انا عمري ما ظريته اروح اكلم اقرب بنات عماتي ليش عاد!!
دانه بالعمالة ما اتصلت للعنود لانه تدري انها مينونه وممكن اتذبحة لو درت انه سوى بدانه جذي لانه اهي تعتبر دانه اختها الصغير وما ترضى عليها بولا شي
دانه : لا تخبر العنود لانه الله العالم شبتسوي بس انت قول حق اخوك لا يتصل ولا اكلمني وكفاية ما جاني ,,,
عبدالله : تحاتين انا بشوف الموضوع وبرد عليج بس انتي لا تصيحين يا دانه
قال هالجملة وكانت العنود طالعة من الحمام متسبحة ..
العنود : دانه شفيها دانه قول لي شفيها ؟؟؟
تتوقعون شنو بصير بعدين وهل برجعون حق بعض وله لا ؟؟