|--*¨®¨*--|الفصل الثامن|--*¨®¨*--|
شرح عبدالله حق العنو الموضوع والعنود على طول بدلت ملابسها وانزلت دار سعود ...
العنود : افتح الباب يا اسود الوية يالي ما تستحي يالي امناك على بنتنا جذي اتسوي فيها
سعود : ما ابي اكلم احد روحي عني
عبدالله : عنود حبيبتي قصري صوتج لحد يسمعنا والبيت يدرون
العنود : اي لانه مو بنتك ولا اختك هذي بالنسبة لك غرية بنت عمي بتموت بالبحرين مودينها المستشفى وانت ولا هامك
سعود يوم سمع الي قالته العنود حق عبدالله فتح الباب على طول ,,
عبدالله: انت قاعد تبجي!!!
سعود : مالك شغل قولي لي شفيها دانه شصادها طمنيني عنها
العنود : اي مثل علي دور المسكين دموعك ما تعور قلبي ادري انها دموع تماسيح للكن والله وبالله وهذي علي ليلة ان صاد دانه شي لا تلوم الا نفسك فاعن
سعود : والله انتوا فاهميني غلط انا احب دانه وعمري ما فكرت اخونها او اكلم غيرها خلوني اشرح لكم السالفة بليز ما اصير جذي حرام عليكم انا اذا هديت دانه بموت وبدي يبجي لانه ما عطوه مجال ادافع عن نفسة
العنود : لا تكلمني ولا تشرح لي شي بس اذا سمعت انك دقيت عليها يا ويلك ويا سواد ليلك فاهم كفاية ما ياها منك
راحت العنود فوق وعبدالله تم مع سعود لانه حس انه يتكلم من صجة ولانه كان يبجي وسعود عمرة ما نزلت دمعه من عينه حتى يوم وفات ابوهم الله يرحمة
عبدالله : قول لي السالفة وانا بحاول احلالموضوع
سعود : شقول يا اخوي اهم خلوا لي مجال اني اقول او احجي بس ابيك اتصدق شي واحداني ما خنت ولا عمري بخون الدانه هذي نور حياتي ومريم اهي الي دقت علي وقالت تقول لي كلام انا ما ادري ليش تقولة وانا يوم رديت عليها على بالي انها تبي تقول لي شي عن دانه مرية بسم الله عليها او فيها شي
عبدالله : انا واثق من الكلام الي اقولة
سعود : تكفى يا اخوي اتصل تطمن عليها ابي اعرف شخبارها تكفى
عبدالله : ما طلبت
رن تلفون دانه كانو بالطوارء مركبين عليها السيلان لانها وايد تعبت ام دانه ردت على التلفون
عبدالله : الوو
ام دانه : هلا يمة عبدالله
عبدالله : هلا خالتي شخبار دانه الحين
ام دانه : ما ادري يا ولدي شفيها صادتها صخونه مو طبيعية ولا عارفين شالسبب بس الحين شوي اشوة
عبدالله : الله اقومها بالسلامه واطمنكم عليها
ام دانه : الله يسمع منك يا يمة ....
سكر عبدالله الخط وطالع سعود بنظرة حزن ...
سعود : تكفى طمني شفيها دانه ؟؟
عبدالله: دانه وايد تعبانه ومو عارفين شفيها!!
سعود : ابي اكلمها تكفى يا عبدالله ابي اكلمها ابي اشرح لها الي صار ,, ما ابي دانه تروح مني
عبدالله : اوكي مو الحين ام دانه قالت انه بعد شوي برخصونها .. لكن تدري طرش لها مسج ..
دانه ان عبدالله اذا ترخصتي وحسيتي روحج اشوى سوي لي مس كول ابيج في موضوع
دانه ما شافت المسج الا الفير يوم ردت البيت
دانه دزت مسج : خير اخوي ؟؟؟
عبدالله الي كان قاعد مع اخوه بالدار لانه حالته لا يرثى لها .. دق على دانه على طول...
دانه: الوو
عبدالله: هلا اختي شلونج الحين ؟
دانه : الحمد لله نشالله اشوة
عبدالله: دانه طلبتج لا ترديني
دانه: تم ؟؟
عبدالله : اخوي يبي اكلمج حتى لو ما بتردين علية بس سمعية شبقول
دانه : ما اقدر اسمح لي ... كل شي الا هذا
عبدالله : انتي مو خسرانه شي
دانه: لا تقول مو خسرانه شي ... قول ما بقى عندي شي اخسرة اخوك ما خلى فيني شي
عبدالله: افهم من كلامج انج بتكلمينه؟
دانه : ما بكلمة اهو بكلمني وبقول الي يبغية ويسكر انا ما راح ارد علية
عبدالله : صار
عطى عبدالله سعود التلفون ...
سعود الي كان يتكلم والغبنه واضحة في صوته : الوو
دانه الي قلبها عورها يوم سمعت صوت سعود : ..........
سعود : دانه تكفين ردي علي
دانه: ...................
سعود الي بدى يتكلم واهو يبجي : اوكي انا بس ابيج اتاكدين اني احبج وانا ما ختتج وابيج تعطيني فرصة ثانية
دانه اكسرة باب الصمت يوم اسمعة هالجلمة وردت بكل صرامة : اسفة ما اقدر باي
سكرت دانه التلفون وداست على قلبها وقررت انه اتكون قاعدتها في الحياه
(( الضربة الي ما تقتلك اتقويك ))
وسعود الي ما تكلم وما قال لها ليش اهو كان اكلم مريم لانه ما كان يبي اسوي عداوة بين بنات عم وفضل انه اكون المظلوم ولا افرق بين اهل .. " فديت قلبك يا بو قلب كبير انت "
ومرت الايام ودانه كل لحظة اتفكر بسعود ما كانت تنساه بالمرة وكل مرة تتذكر الايام الحلوة الي قضتها معاه كانت تبجي وتشتاق له اكثر وازيد كرها لمريم الي فرقت من بينهم...
وسعود الي خذ على نفسة عهد ما اكلم ولا بنت عقب دانه لانه ما راح احصل وحدة تحبة وتغلية مثل دانه ولا راح يقدر يعطي اي بنت ثانية قلبة لانه قلبة عند دانه ,,,
ومرت اليام والاشهر وصار على فرقاهم حوالي سنه واهي ليمة الحين تتذكرة زاد اشتياقها له .. وفي يوم من الايام كانت دانه اتذاكر مع صيقتها بالبيت لانه كان عندها امتحانات وقررت انها تهتم بدراستها لانه معدلها نزل في بداية فترة تركها حق سعود .. واهي تذاكر يه اخو دانه وقاللها
محمد : دانه لا تطلعين الحوش لانه عندي ضيف جاي يبي اشوف سيارتي
دانه : انشالله .. صادها فضول تبي تعرف منو هالضيف
طلت دانه من الدريشة والا سعود بويها اهو شافها واهي على طول سكرت الستارة الا تقول حق فاطمة
دانه : فاطمة سعود سعود برى شسوي ؟؟
فاطمة : اوكي سو وت مو تقولين انج تكرهينه خلية اولي
دانه : اي ما احبة وبدت تروح واتيي ومو عارفة تيلس مكانها
فاطمة : انتي للحين تحبينه !!! انا متاكدة انج مو بس اتحبينه الا تموتين فية
دانه: مينونه انتي !! انا عمري ما كرهته .. القلب الي احب يا فاطمة عمرة ما يكرة .. بس كرامتي ما تهون علي
فاطمة : صدقيني لو مخلية سعود ابرر لج موقفة يمكن راح اتسامحينه انا حاسة انه مظلون
دانه: مظلوم !!! محد مظلوم غيري ... خلنا منه خل انخلص دراسة احسن
فاطمة : يلا
وكانت فاطمة تشرح حق دانه ودانه بالها شارد وتفكر في سعود وشلون عينه يات بعينها وانها كانت محتاجة حق هالنظرة ...
فاطمة : دانووووووووو هي انتي وين رحنتيي يلا انا ماشية ابوي برى ينتظرني
دانه: ابوج متى يه!!!
فاطمة : لا بالله منتي طبيعية وانا من مساعة اكلم منو !!
دانه : ما ادري ما ادري في حفظ الله .. الله اوفقج باجر
فاطمة: ووفقج
سعود الي من شاف دانه واهو مو على بعضة وطلب من محمد اردة الفندق لانه تعبان ويبي يرتاح ...
رجع سعود الديرة واهو ما شال من بالة سالفة دانه وكل شوي يتذكر شكلها واهي اتطل علية من دريشة الصالة كان شكلها جنان ...
سعود : خلود تعال شوي
خالد : امر اخوي
سعود : ابيك اتساعدني في شغلة
خالد: اعيوني لك
سعود : ابيك اتكلم دانه وتشوف جان اهي للحين تحبني ومستعدة تسمع مني كل شي وله لا
" ذكرتني بقول خالد المرخي (( جانه يبيني حاول اتحل الشكال وجانه مجفى جعلها سفلتاً له )) "
خالد: اتظن بترضى اتكلمني؟؟
سعود : حاول عشاني
خالد: انشالله بحاول والله اقدم الي فية الخير ..
اتهقون دانه بترد على خالد