اعضاء المنتدي وزوراه انا بزل لكم قصه جديده من تاليفي اذا عجبتكم بكمل واذا ماعجبتكم بوقف اتفقنا 
واخجل أذا جات عيني صدفه في عينك واصير مربوك وحاير في امري من فرحي ابغي اطير....
اهداء لكل من حب وتجرع اهات الحب ....................
الجزء الاول....................
ام محمد وابو محمد وساره يالسين يتريقون وساره تتريا مي تنزل علشان تسير معاها تنزلها في المدرسه وعقب تسير مي الجامعه
ام راشد:مي يامي وينج يامايه يالله فديتج بتتاخرين على الجامعه.........
مي :لبيه يااغلي ام في الدنيا صباح الخير امايه شو اصبحتي فديتج...واشحالك باباتي الغلا والحب انته
ام راشد:بخير فديت ويهج غناتي يالله فديتج بتتاخرين على الجامعه...
ابو راشد:بخير يانور عيون ابوج طيب بشوفتكم ..
ساره :هي الغلا كله الاحق مي والتفدي لها ولا انا بنت البطه السودا هي هي ...اهىء اهىء...
ام محمد:يالله يالغيره لا فديتج كلكم غلاكم واحد في قلبي وانتي الا تدلعين ولا انتي مثل مي في الغلا...ولا شو يابو محمد...؟
ابو محمد :هي عيل وانتي ياسويره اخر العنقود لولو معقود ياالغلا كله وعن الدلع الزايد تراكم كلكم غالين وتسون عيوني وقلبي
يدخل راشد ااخوهم العود مع بنته مي اللى مسميها على اخته وحرمته موزه وولدهم سعيد وخالد التوائم ...
راشد وموزه:السلام عليكم اشحالكم وشو اصبحتم؟؟؟الكل :بخير وسهاله اشحالكم انتو ا؟؟
راشد وحرمته:بخير ربي يعافيكم ...
راشد:ها سويره بلاج تتحنطمين من الصبح شو
ساره :ماشي بس ابويه وامايه يحبون مي اكثر عني ...
راشد:منو قال اصلن ابويه وامي يحبوني اكثر عنج وعن ميوه وحمود ...
ساره :نعم لاوالله انا اكثر انا اخر العنقود ولولو معقود ..
راشد:يضحك عليها انزين ياللولو المعقود شلي توأمج وسيري المدرسه ...يقصد مي بنته اللى كانت في نفس سن ساره وهي وساره اكثر من الخوات....
ساره:انزين يالله ميمي بنسير مع السلامه ....
الكل:الله يحفظكم ....طلعوا البنات اللي سايرين المدارس واللى سايرين الجامعه.....
ام راشد :هابنتي موزه شو آن شاء الله ماانستي شي البارحه
موزه:لا الحمد لله رقد اول مره ارقد مرتاحه من دخلت الخامس
ام راشد:ههههههههه الله يسهل عليج يابنتي...
موزه:آن شاء الله ياعمتيه ربي يسمع منج...
ترخص راشد وابوه سار و الشركه اللى وارثها بوراشد هو واخوه بو ماجد من بو احمد و ابوهم الله يرحمه ...
في الجامعه............
مي:السلاااااااااااااااام عليكم ..
مريم:عليكم السلام هلا والله تو مانورت الجامعه حي الله بنت عمي وين اليوم اشتقت لج ...
مي:هههههههه اونه اشتقت لج عنبوج امس مفارقتج عن الخريط الا اشتقتي لناس ..............
مريم:جب اونه اشتقتي لناس اجلبي ويهج يالله بسرعه ورانا كلاس بننطرد والسبه انتي وهذربانج............(راحو الكلاس وكل وحده تفكر في حياتها مريم اللى تحب محمد ولد عمها من يوم هم صغار ومي اللى تحب مبارك اللى يحبها بس ماكان يبين لها هالحب )
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،
ساره ومي في المدرسه وهذي اخر سنه لهم خلاص بيودعون الدراسه والمدرسه
في الفصل:
ساره :ميمي شو تسوين اف ملل انا ماداني حصه الفلسفه شو رايج نشرد انا وانتي واسوم برع ..
مي:شو لالا اخاف تذكرين اخر مره شردنا شو صار كتبتنا الاخصائيه تعهد لا عموه اخاف ...
ساره :عمي في كشتج كم مره اقولج لتقولين عموه تكبريني اكبر عن سني عموه قوليها لميمي مب لي سمعتي...
مي:اف انزين اسفه نسيت...
الابله:مي و ساره شو يعني مابنخلص اليوم اذا مب عاجبتكم الحصه برع خلو البقيه تستفيد....
ساره:اف لا خالص بنسكت اوكي .............
مي:اسوم اقول شوفي شكل سويره تقولين عيوز سارقين عشاها..
اسما:ههههههههههه حليلها هزبوها........
الابله اسمي انتي ومي بس خلاص اشوف سكوت خلوني اخلص لكم الدرس..
مي واسما:انشاء الله بنسكت خلاص
في بريطانيا..........
محمد:اف ياربي متي يخلص هالفصل ونرجع لبلاد والله اشتقت لامايه وابويه والعزبه اه والشباب خلاص تعبت من الغربه والبعد عن اللى احبهم...متي ياربي بس....
مبارك:اونه الشباب ولا حبيبه القلب والروح اعترف .....هههههههه
محمد:جب اونه حبيبه القلب والروح اجلب ويهك ..هي زين والله احبها واعترف اني ماصبر عنها اه فديتها متي ارد واملج واعرس مابرجع حق الغربه خلاص
مبارك:اه ليتني مثلك اقدر اقول اللى في قلبي يامحمد ليتني اقدر..
محمد:ليش شو في قلبك يامبارك اعترف ليكون تحب من ورايه ياخوفي ويطالع مبارك بنظره ................
مبار ك:ها لا شو احب ماحب شو هالخرابيط انته بعد يالله اجلب ويهك اريد ارقد وراي مليون شغله باجر لازم اخلص اموري قبل لانرجع لبلاد ..........
محمد:شو وراك خبرني يالله؟
مبارك:شوشو ورايه ورايه اخلص تشطيب الاغراض واخذ هدايا لقوم ابويه وامايه ومريوم ولانسيت ...
محمد:لابويه مانسيت خلاص ارقد وعقب بنسير نخلص اشغالنا وذكرني اخذ لميمي اللى طلبته اذا رجعت من دونه بتسفرني بريطانيا ..
مبارك:هههههههههه تسويها بنت سعيد تراها بنت ابوها .........
في الجامعه.....
مريم:مي يالله تعالي بنروح الكفتيريا بموت من الجوع ماكلت شي والله يوعانه...
مي:انا اريد اعرف شي واحد على الاكل اللى تاكلينه بس مايبين عليج ليش ممكن اعرف .؟؟؟
مريم:ههههههههههه شدراني يقولون انه كله يروح في شعري
مي:زين يالله جدامي اشوف ...
مريم:انزين يالله متي ربي يفرج علينا ونفتك من الجامعه والملل
مي:الله كريم خلاص باقي هالكورس ونخلص والحين نحن في نهايته خلاص وبنفتك من الدراسه وعقبها بتعرسين وبنفتك من حنتج..ههههههههههههههههه
مريم :لاتفرحين وايد بيلس على قلبج تري بصير حرم محمد بن سعيد يعني على قلبج .............هههههههههههههههههه
مي:من قال انا بعرس وبخليج.......
مريم:لا ماشي عرس بتقعدين تربين عيالي ولا من بيربيهم انا ماحب اخلي الخدامه تربيهم لا انتي عمه ببلاش اسفه هههههههههههه
مي:نعم نعم لاحبيبتي بعرس عيل اربي عيالج بتبطين ...احلمي........
مريم:مي متي بيرجع محمد؟
مي:يقول نهايه شهر سته ومبارك بعد بيرجع معاه خلاص خلصو وتخرجوا وماباقي غير يعرسون........
مريم:اه فديته ياميمي والله اشتقت له متي يرجع خلاص مليت من متي مخطوبه له خلاص اشتقت له والله احبه شو احبه لا اموت على التراب اللى يمشي عليه...
مي: وهي سرحانه ياحيج تقدرين تقولين اللى في قلبج ليتني مثلج يامريم.............
مريم:مي هي ارمسج وين وصلتي نحن هنا يالله بنسير هذا الدريول وصل .
مي:ها يالله سوري افكر في البروجكت متي بخلصه.......
مريم:لبروجكت ولا في حبيب القلب لا اللى واخذ عقلج وقلبج يامي يتهنى به .........
مي:تضرب مريم على جتفها جب محد في بالي يالله طوفي جدامي يالله ..................
في الطريج،،،،،،،
مريم:محي الدين خذ حط هالشريط في المسجل حشي والله تعب هالجامعه..
كانت اغنيه ::::عودتني كل يوم اسمع انا صوتك عودتني ليضاق صدري ماتخليني والله وغيابك طال مدري وش اسبابه وان غاب صوتك خيالك ساكن في قلبي....
سرحت مي مع الاغنيه وهي تتذكر وقت مضي يوم كانت صغيره كانوا في العزبه وطلبت من اخوها محمد يركبها الدراجه بس عصب ورفض تمت تصيح وهي تشوفهم يلعبون ياها مبارك ولد عمها اللى كل مايشوفها يكبر حبه لها يوم عن يوم ومايتحمل دمعه من دموعها...
مبارك:ميمي شو صار ليش تصيحين شو شي يعورج ارمسي ميمي..
مي:لا وهي تشاهق من الصياح بس حمود ماطاع يلعبني في الدراجه وواقعني وهي تزيد في نوبه الصياح..
مبارك :ماعليج منه تعالي انا بلعبج بالدراجه واذا فيه خير يقول شي بينظرب..شوفي انا عندي عضلات ها وتمت مي تضحك ومانتبهت لا ومريم تضربها بالفايل على راسها..
مريم:حو وين وصلتي خيبه اصبري بسحبج عن لاطيرين برع الدريشه..هههههههههههههههه
مي:جب شو شايفتني ساحره بطير بس تذكرت ايام ماكنا نسير العزبه مع ابويه وعمي...........
مريم:ميمي شو رايج نروح العزبه بنرمس قوم ابويه وعمي تولهت على العزبه اه وين ايام لول كنا نيلس نلعب لين الفجر ايام الاجازات من متي عديبها شو رايج ارمس مطر اخويه اقوله يودينا اليوم؟
مي:هي رمسيه وانا بشوف قوم ابويه وبرد عليج الخبر ..
مريم:اوكيكي يالله وصلنا بسير ابدل واشوف مطر وارجع لج اموووووووووح ...
مي:ههههههههههه ماتيوزين عن سوالفج يالله غناتي اترياج مابتغدي لين اتين انتي وطافي وبتريا ساروه وميميوه اوكي يالله مع السلامه ...........
تدخل مي الصاله وتلتقي بابوها وعمها وحرمه عمها وامها...
مي:السلام عليكم اشحالكم تو مانور البيت عمي عندنا وحرمته يامرحبا ملاين ولايسدن..
بو محمد وحرمته:المرحب باجي ياحيالله بنت سعيد
مي:الله يحيكم..وتوايه عمها وحرمته..
مي:اشوف بيتنا منور اقول منو عندنا ثر ولديه هنيه....وهي تقلد يدتها الله يرحمها..
بومحمد:هي ياامايه اشحالج اربج بخير فديت امايه انا..اشحالج يالعيوز.ههههههههه
مي:شو امايه لاعميه دخيلك لاشو العيوز لالايسمعك حد عقب اعنس محد بياخذنيه شو عيوزبيتحروني صدق عيوز وطايحه ضروسيه وكشتيه بيضا...
بوراشد:ههههههههه غربلات بليسج ياميمي شو هالرمسه بعد...
ويلتفت على بو محمد:هاخويه شو بتخاويني صوب العزبه...
بومحمد:نعم يالله روحني ....ام محمد::
ام محمد:لبيه ...
بو محمد:بتخاوينا انتي وام راشد؟
ام محمد:هي نعم بشوف هوشيه احيدن بيولدن يالله عيل بس بنيب لقهوه والقدوع ....
ام راشد:مي نحن بنسير العزبه مابتروحين معانا........
مي:اممممممم لا بني عقب مع مطر ولد عميه انا وسويره وميميوه ومريم و وطافي
لا بدخله مريم:السلام عليكم جني سمعت اسمي؟
مي:يالله لو انا طاريه مليون ابرك لي جان تقاسمته مع ابويه وعميه حشي انتي بتخبرج ماتستحين وين اهلج فاجين لج راسج عنبوج درعمتي قري ريحي عظامج....ماسستوينا يالله بالستر.....
الكل :هههههههههه تمو يضحكون على رمسه مي ...
بوراشد:صدقه اخويه عيوز والله انج عيوز يالله عيل خالفتنا العافيه عليكم .........
مريم ومي:الله يحفظكم...
نزلت ساره ومي من فوق :مرحبااااااا
مريم ومي:مرحبتين هلا والله
ساره:اف راسي مصدع عنبوه والله تعبت من الدراسه واترياكم يالله بنتغدي حشي شو مسوين ياربي حد يتغدي الساعه 4 العصر اف..الله يطولج ياروح..
مريم:والله ياالشيخه ساره محد ضربج على ايدج وقالج اتريني جان تغديتي ياطويله العمر شوفي مي ساكته فديتها ياربي خلاص بيوزها مطور اخويه.........
مي :نعم نعم اسفه لابويه مطر لا ارجوج مخليته لساره خخخخخخخ هذا اذا خذاها بتستوي حرب عالميه جديديه خبرج فار وقطو حشي
كانت مي تعرف بحب ساره لمطر فعلشان جذيه كانت تتجنب هالرمسه...........
ساره:تطالع مي بنظره تقولها شو ينيتي بتفضحيني .......
مي:جوليت ياجوليت
جوليت:نعم
مي:حطيلنا الغدا وخلي محبوب يسوي دله نسكافيه وخمير بنسير العزبه يالله..
جوليت:اوكي
ساره ومي:الله بنسير العزبه بنلعب في الدراجات وبنشوف البوش يالله من متي ماسرنا العزبه ...........
مي:هاالريم رمستي مطر؟
مريم:اوه نسيت عطيني تيلفونج بتصل به..
تتصل مريم بمطر ومارد ردت اتصلت ويوم رد
مطر:الوه نعم...
مريم:تضحك اصبرو بسوي فيه مقلب...........ههههههههههه
ساره:حطيه سبيكر بنسمع شو يقول..
مريم:اوكي
مريم:الوه مرحبا كيفك..
مطر:اهلين نعم منو انتي وشو بغيتي ومن وين يايبه رقمي خلصيني لاسكر في ويهج بسرعه ارمسي
مريم:لحظه منو فاكر نفسك شو ارمسي وبسكر في ويهج اصبر اخ مطر
مطر"من وين يبتي رقمي منو انتي وشو عرفج في اسمي
مريم:اصبر مطر انا مريم اختك شو فيك معصب هدى شوي...
مطر:مريم ! ومن وين متصله رقم مميز من وين داقه ارمسي.
مريم:هههههههههه كلتني بقشوري الله يسلمك هذا رقم مي بنت عمي وانا هنيه في البيت ليش متروع...
مطر:اف روعتيني قلت صار فيكم شي ..........مطر يحب خواته وحنون لاخر درجه ....انزين ريماني شو بغيتي حياتي امري فديتج..
مريم:احم احم الجو مغيم اصبر بحط سماعه....ههههههههههههه
مطر:شو مغيم ليش منو عندج هي الساحره ام الهيلان عدالج.هههههههاصبري بقولها شي ..............يقصد ساره.
اقول الساحره منو مطلعج من المكشه ارمسي بسرعه...
ساره:نعم نعم شو شو عيد والله يامط مط انا ساحره اوكي بتشوف بس خلني اشوف كشتك اذا ماحولتك ضب اصبر علي بس....
مطر:هههههههههههههههههههههه حليلج يابنت عمي ضحكتيني اونه مط مط في كشتج او امايه خفت تيبست مكاني
مطر:اقول مريم:امري فديتج شو بغيتي امري فديت قلبج..
مريم:لا ماشي غناتي بس نريد نروح العزبه قوم ابويه وعمي هناك فديتك مطر ......
مطر:امممممممممممم بوديكم بس شرط..........
مريم:عيوني لك امر............
مطر:اريد الساحره تسويلي عصير من اللى تسويه لربيعاتها ..ولا ماشي روحه ......
ساره:وايديها في خصرها.......نعم نعم اسفه ماراح اسوي والعزبه بنروح مع محي الدين مانبي نفعك....
مطر:وهو واقف وراها ماسمعت شقلتي اذا فيج حيل وقوه عتبي الباب وركبي مع محي الدين والله لاذبحج ....
ساره:نعم نعم
مطر:اظن سمعتي والحين بتسوين لي العصير ..
مي ومريم وميمي:يضحكون عليهم لانهم يعرفون انهم دوم جيه جبريت ومع هذا يحبون بعض ...
ساره:اف متي الله يرحمني وافتك منك وتعرس.......
مطر:منو قالج بعرس لاانا اصلن مابعرس الا يوم بحصل لج ريل يتحملج.......
ساره:وهي خانقتها العبره انا مابعرس خلاص عفته العرس ...
مطر:ها يالله ابغي العصير مثلج يبرد قلبي وعقب بوديكم العزبه...
ساره:اف انزين بروح اسويه بس شرط تخليني اركب الدراجه...
مطر:ماطلبتي بس العصير قبل ....
ساره:اتاشر على عيونها من عيوني........
مطر:في قلبه فديت عيونج وقلبج........وقعد يغني((اخذت قلبي وروحي وش لك بعنيني ماتدري انك عيوني لااشوف بها ))
راحو العزبه واستانسو وماخلو شي ماسوه من لعب بالدراجات واللعب في الرمل كنهم يهال ماجنهم كبار واللى في الجامعه واللى في المدرسه...
في بريطانيا.........
محمد:مبارك اف يالله يابويه وراي السوق ولازم اخلص اوراقي يالله وايب اغراض ميمي اللى موصتنيه عليهم قبل لايسكر المحل...
مبارك:اوكي بس ممكن اعرف شو هالشي اللى طالبته مي ممكن اعرف .
محمد:اصبر بنروح المحل وبتشوفه لاتستعيل على روزقك..
مبارك يالله انزين خلصت ...
راحوا المحل...
محمد:لو سمحت انا ياي اخذ الطلبيه اللى طالبتها مي سعيد من فتره وهذا الايصال...
البائع:تفضلوا بس دقائق وتكون الاغراض جاهزه....
مبارك:الله محمد شوف هالرسمه كيف روعه تجنن كيف المنظر روعه شو رايك ناخذها حق مي اختك اعرف انها تحب هالاشياء..
محمد:والله فكره .........وهم يتكلمون ...
البائع:تفضلوا هذي الحاجه نصدمو يوم شافو ستاند كبير ومغلف اسئلو البائع عن محتوياته رفض يعلمهم لانه صاحبه الشان طلبت انهم يغلفونه ويمنعون أي حد من النظر اليه .......
خذو الاغراض وطلعوا من المحل ورجعوا الشقه علشان يجمعون حاجاتهم الباقيه ويتجهزون حق رحلة العوده ....
في احلي واغلي مكان في دار الزين ...
ام راشد:مي يامي ساره..
مي وساره:لبيه امايه ..
ام راشد:مي فديتج شوفي المجالس جان نظفوها باجر بي اخوج ونبى كل شي جاهز ..وانتي ياساره سيري دخني حجره اخوج وتاكدي من حاجاته انها عدله تعرفوني ماحب خدمه البشاجير ...
مي وساره:آن شاء الله ...جهزت مي كل شي هي وساره وسارت صوب امها...
مي :امايه حياتي وين انتي ...
ام راشد:هنيه في المطبخ ياغناتي شو بلاج ...مي:امايه بسير صوب مريوم بشوفها اليوم ماسارت الجامعه وتخبرت عنها قالولي تعبانه ...
ام راشد:وايه فديت الريم شو بلاها وايه فديت طاريها سيري وانا بيكم عقب مع سويره ....
ساره:امايه وين سارت مي ماشوفها هنيه؟؟؟
ام راشد:والله سارت بيت عمج بنت عمج تعبانه وسارت تشوفها..
ساره :هي خبرتني وطافي تقول مريوم طاحت عليهم الصبح تصيح وهي ماسكه راسها....ووداها عمي وحرمته المستشفي ..
ام راشد:ياويلي عليج يابنتيه ماترقعت من عرس بنت راشد وهي مب مترقعه ...يالله يابنتي بنسير صوبهم اشوف حالها هذي الغلا حرمه الغالي فديتها...
ساره:هي بدي الغلا يطلع هي الحين مريم الغلا ولا نحن مالنا شي ...
ام راشد:يالله يالغيريه بسج عاد محد مبزي في هالبيت كثرج اسكتي ويالله سيري بدلي بنسير صوبهم ...
ساره:ان شاء الله .
في بيت بو ماجد....
ام راشد:السلام عليكم هود اشحالكم ياعربانا وشو حال الغلا فديتها اربها بخير وماتانس شر ...
ام ماجد:مرحبا حيالله من يانا بخير فديتج الحين احسن...ومن صوبكم شو الحال
ام راشد:والله مانشكي باس نرتب ونجهز حق ييه الغالي...
ام ماجد:هي والله ياحيهم خلاص فتكو والله وفقهم ...
ام راشد:عيل وين الغلا ومي ماشوفهم...
ام ماجد:هي فديتج سارن يصلن في الغرفه والحين بين اقربوا..
ساره:عيل انا بسير ازقرهم ....توها بتروح لا بدشه مريم ومي وشكل مريم وايد تعبان ...
مريم ومي:السلااااااااام عليكم
الكل:عليكم السلام ....ام راشد:اشحالج بنتي مريم شو امسيتي ان شاء الله احسن...ربج ماتانسين شي فديتج...
مريم:لا الحمد لله بس ياعمتيه هالويع اللى احسه جن حد يمط شعريه من القمه ...وماحس بهالشي لا من اصلي المغرب ...
ام راشد:يابنتي هذي عين وان شاء الله بنخلي ابوج ولاعمج يسويلج عند لمطوع يمدحون واحد يخاف الله وان شاء الله بيخوز عنج الشر فديتج...
مريم:ان شاء الله ...
ام ماجدوطافي خبري كول
تيب لقهوه والشاي والفواله وتفرش لنا في الحوي
ام راشد:حق منو نحن تونا متقهوين لا تيب ولاشي ...
ام ماجد:لا لا بنتقهوي معاكم وبنسولف وبيلس خاري الجو حلو .
الكل:يالله عيل نظهر خاري...
وهو في الحوي تدش سياره احمد...
احمد:السسسسسلاااااام عليكم اشحالكم اربكم بخير...ويلس عدال امه ام راشد اللى مرضعته مع مي ...عقب موتت امه ..
ام راشد والكل:مرحبا عليكم السلام..
ام راشد:هابويه اشحالك ان شاء الله بخير ..
احمد:بخير امايه اشحالكم انتوا والله يامايه انا بخير
ويلتفت على بنات عمه وهو يخز وطافي حبه الابدي :اشحالكم بنات العم ...
الكل :بخير نحن بخير ...مي:اقول احمداني اشحالك فديت قلبك ..وهي تطالع وطافي وتتقرب من احمد وتقوله اشحال الحب اعترف
احمد:هههههههههههه يسرج الحال .....
مي :وعلومك بعد يااخي العزيز ...
ساره:هي مب بس اخوج لاتنسين انه اخويه بعد...
مي :نعم لامب اخوج هذا راضع معايه انا بس انتي مالج خص ...
ساره:منو قال اصلن هو راضع من امايه يعني هو اخويه بعد وانا سالت الدعوه والارشاد وقالولي انه اخويه بعد...
احمد:يضحك ههههههههههه بسككن عنبوه انزين اخوكن كلكن ارتاحن ....بس اخوكن يوعان اريد عيشه.....
مي:فالك طيب وطافي الحين بتيب لك احلي عيشه ذقتها في حياتك...وهي تطالع بنت عمها بنظره خبيثه....وماحست لا بخبطه على راسها ويوم التفتت لقت احمد يضحك ...
وطافي:ان شاء الله يخسي اليوع فالك طيب الحين مره بيب لك احلي عيشه ....
احمد:تسلمين يابنت العم ونخدمج في عرسج ...
انحرجت وطافي وراحت اتيب لاحمد الاكل .....
في بريطانيا:
مبارك:حو حمود يالله خلاص ماباقي شي وبنطلع المطار يالله خلصت تشطيب اغراضك ولالا...
محمد:هي خلصت ونزلتهن تحت بلاك جيه محتشر عنبوك تو الناس على الروحه جدامنا 5 ساعات قبل لاتطير الطياره...
مبارك:نعم شو يالله خلنا نروح اخاف نتاخر شو 5ساعات يالله جدامنا ندخل الاغراض الشحن ونتاكد من كل شي يالله ...
محمد:اف انزين يالله جدامي عنبوك هالكثر محتشر لو انته خاطب مثلي شو بتسوي ...
مبارك:اف منك يالله انا مشتاق لامايه وخواتيه وابويه (وفي قلبه اه ومشتاق لغناه القلب اه فديت ضحكتها وقلبها ....)
(الروح دايم الى المحبوب مشتاقه شوق الذي يشتكي من بعد محبوبه واذا تذكرت وصله وساعه فراقه يفز قلبن يتله للغظي شوقه )....................
في المطار....
محمد:اف ماهقينا نخلص عنبوه ودي بس اعرف شو هالاستند اللي طالبته ميمي حشي والله لو مب من غلاتها ولا والله ماشليته...
مبارك:انا بتخبرك انته بتشله على ظهرك تراه سار في الشحن مع السامان ولا خايف تدفع زياده...اعترف..
محمد:لا والله بس اريد اعرف ليش ماتبانا نشوفه...
مبارك:اقول طوف جداميه مالك خص بها يمكن بتسويه هديه لعرسك ولا حق ربعها يالله انا ميت من الجوع نسير ناكل لنا شي ...
محمد:هي رمس الدفاع عنبو دارك ليكون ميمي موظفتنك محامي عنها كل ماقلت شي نطيت في حلجيه ولاليكون تحبها هههههههه اعترف...
مبارك:اف منك انزين لازم بحبها هذي بنت عمي ...
محمد:بس بنت عمك ولاشي ثاني
مبارك:اقول طوف جداميه لابالشنطره على راسك...
في بيت ام ماجد:
مريم:اه يامي متي أي باجر يالله ياربي يوصلهم بالسلامه ماتتخيلين شكثر مشتاقه لمبارك اخويه فديته من اخر مره سرنا لهم ماشفته بس ارمسه مرات على المسنجر يوم القاه ..
مي:بس مبارك ولا بعد لحبيب القلب اعترفي...
مريم:اه فديته حبيب القلب الغلا كله لازم بشتاق له تعرفين اريد منج خدمه ممكن تسوينها لي...
مي:امري وتدللي كم مريومه انا عندي ..
مريم هههههههههه محد غيري ..
مريم:اوكي اريد اسوي باقه ورد بس اريدج تقولين الها لج وعقب تحطينها في غرفه محمد وبعطيج البطاقه اوكيك ...
مي:اوكيك ياكيك بس شو بتكتبين فيها...
مريم:اممممممممم ماعرف بدور لي بيت شعر ولا قصيده ولا اقولج فكري معايه شو نكتب فيها...
مي:شوفي اكتبي فيها اغنيه ميحد:
نورت لبلاد بوجودك ولا اغنيه الجسمي ليش احس الورد يفرح
مريم:لا اغنيه الجسمي ماتصلح بحط له اغنيه ميحد خلاص ...
يالله انا بسير اشوف ترتيب غرفه مبارك ...وبنظره خبيثه تقول حق مي...اشرايج تروحين معايه نشوف ترتيبها وتحطين لمساتج ..
مي:لا فديتج انا بسير اشوف قوم امايه واشوف ابويه فديته متولهه عليه اليوم وبشوف احمداني جان يبا شي وعقبها بسير صوب موزه من متي عديبها اليوم ماشفتها ويوم تخبرت امايه قالت انها شوي تعبانه فديتها ...مع السلامه..
مريم: اها عيل برايج في امانه الله ...
سارت مي تشوف احمد بس مالقته وقالت بتتصل به عقب وبعدها سارت بيت راشد اخوها تشوف موزه ..
مي:بووووووووو طحت عليكم شتسون...
سعيد وخالد:هههههههه روعتينا عموه ماشي نلعب بلي ستيشن تلعبين معانا ...
مي:لا فديتكم العبو انا يت اشوفكم واتخبر عنكم عيل وين البطه امكم..........
سعيد:هههههههههه منو البطه ليكون امايه لا شو ماماتي مش بطه ماماتي توته...
خالد:والله امايه سارت تشوف العشي في المطبخ تبيني ازقرها لج..
مي:لا انا بسير الها هي ماتوب هي روحها تعبانه وبعد تعابل العشي ربي يهديها..
ياها صوت موزه:يالله اشوف بيتنا منور فديت هالويه
مي:يالله مرحبا بالغلا اشحالج ناتي وشو امسيتي واشحال الحلوين اللى هنيه اتاشر على بطن موزه..
موزه:هههههههههه بخير يسرج حالهم يلعبون كوره .ههههههههههههه
مي:يالله متي بيطلعون اريد اعرف بنت ولا ولد...
موزه:قولي بنتين ولا ولدين...
خالد وسعيد:شووووووووووو لا امايه لتقولين توائم بليز........
موزه:هههههههههه وليش لا هي توائم بس ماعرف النوع ماسالتها ولااريد اعرف شو ...
مي:الله آن شاء الله يطلعون بنات ماريد اولاد.
سعيد:نعم وليش لا نحن نريد اولاد نبى نسوي فريق قدم..
مي وموزه:شو
مي:ارجوكم انتوا تسدون بعد اولاد لا شكلي بعزل من البيت......
موزه:ههههههههه وين بتسيرين يعني..
مي :شدراني بس مابكون موجوده عندي احساس انه بكون محد يوم بتربين...
موزه:هبي هباج الله وين بتروحين ...
مي:والله العلم عند رب لعباد بس خبريني اذا اولاد شو بتسمينهم..
موزه:مادري راشد يقول بيسمي حمد وحمدان ..
واذا بنات ماعرف ..
مي :موزه ممكن اخذ الاساامي اذا بنات..الا بدخله راشد...السلام عليكم
الكل:عليكم السلام ...وقامو يوايهون راشد..
راشد:منو طالب الاسامي ...ويطالع مي..
مي:انا اريد اسمي اذا بنات ممكن اخذ الاسم...
راشد:انا ماعندي مانع تخبري موزه..
موزه:والله يامي انا مابرفض ادري انج بتسمينهن اسامي حلوه يالله شو تبين امري...
مي:اممممممممممم بنسميهن هيا وحمده احب هالاسمين اسم امايه واسم عمتيه شو الراي ...
راشدوموزه:اوكي حلوين بس الله كريم...
مي :هي زين يالله عيل انا اترخص بسير ..
موزه:وين تعشي معانا ميمي خلاص انتقلت بيت عميه ونحن الا رواحني نتعشي ..
مي:والله فديتج وديه بس شيبتيه ماشفته اليوم اتخبر عنه وبعد بتصل باحمداني الهرم ماشفته اليوم بطوله ...
موزه:اها مرخوصه وسلمي على قوم عميه...
مي:الله يسلمكم من الشر ...
تروح مي البيت وتلتقي بابوها توه راد من العزبه ..
مي:مرحبا ملااااااااين والله فديت شويبتيه يالله من متي عديبك فديتك وتتواايه مع ابوها..
ابو راشد:يالله مرحبى بامايه فديتج الا انتي وين اليوم من الصبح ماشفتج ...
مي:والله الا في الدار سرت بيت عميه اشوف مريم وعقب سرت صوب موزه ...
ابو راشد:شالحال عليهم آن شاء الله بخير...
مي والله بخير بس مريوم تعبت عليهم الصبح والحين احسن.
ابوراشد:هي خبرني محمد اخويه ويقول انه بيسويلها عند مطوع عن هالويع ربي يشفيها ويعافيها يالله ياغناتيه انا بسير اصلي العشاء وعقب بسير صوب مجلس قوم (........) ..
مي:ربي يحفظك ياغناه القلب انا بعد بسير اتصل باحمد مالي عد به اليوم ماشفته ....
تسير مي تتمسح وتصلي وعقب تتصل باحمداني...
احمد بعد الصلاه سار صوب ربعه في القهوه ...جان يرن تيلفونه
احمد:هلا والله بالغلا يالله فديت رنه التيلفون من صوبكم يالله فديت راعيه الاتصال...ويقول يالله فديت صوتك ورنه تيلفونك...والكل يطالعه ومطر ناقمنه على هالرمسه..
مي:ههههههههههههه فديتك انا وفدي حسك وين اليوم لاالوه ولاشوف ولا حتي ابتسامه اشتقت لك احمد وين دارك..
احمد:فديتج الا هنيه ويبي يغايض مطر زياده والله الا توني ظاهر عنج امداج تولهتي هي انا بعد ,....
مي:ههههههههههههههههههه من تغايظ اعترف اكيد مطر ولد عميه عدالك ...
احمد:هههههههههههه هي عيوني ..شو الحال عليكم واخباركم يامرحبا الساع يابو عيون سود ووساع ..
ياخذ مطر التلفون من احمد...
مطر:الوه يامسوده الويه انتي بتخبرج ماعندج اهل يردونج ولا ماتعرفين الحشمه تراني بعلمج اياها ماتستحين يوم انج تخونين ثقة اهلج فيج والله لو مب العيب جان علمتج الادب...
مي:ههههههههههههههه ياويلي عليك عنبوة مطر اصبر حشي كلتنيه بثيابيه انا مي منو تتوقع يعني...
مطر:وهو قافط من الفشله السموحه بنت العم والله تحريت وحده من الخايسات اللى دوم يغلطن والله اسمحيلي فديتج....
مي:هههههههههههه مسموح ولد العم ماعليه والله ادري اشحالك واخبارك..
مطر:يسرج الحال بخير وسهاله هنيه عند الشباب ...السموحه بنت العم وهذا احمد..
ياخذ احمد السماعه وهو يضحك على مطر..ها الغلا شو ياج داقه علينا شي في الخاطر من جدانا...
مي:لا فديتك بس ماشفتك اليوم قلت اتصل بك...
احمد:يالله فديتج أن شاء الله شوي وبيكم بس اريد عيشه ..
مي:من عيوني انته امر بس فديتك يالله عيل اترخص منك شي في الخاطر من صوبنا...
احمد:سلامتج ربي يحفظج...
مي:وياك مع السلامه ..
سكرت مي عن احمد وهي تضحك على مطر واللى سواه ..........