في الكوفي...........
مطر:ماعليه يااحمداني مردوده ماتعرف تقول انها مي يالله يالفضيحه في بنت عميه...
احمد:ههههههههه محد قالك تمط السماعه من عنديه شو تتحراني برمس وحده من الشارع وبتفداها تخسي والله ماتي في باليه دامنه هالقلب محتلته الغلا كله ...
مطر:ههههههههه منو هذي سعيده الحظ ارمس...
احمد:هههههههههه لا سر محد يعرفه غير مي ختيه ..
مطر:يالهرم انا اخبرك باللى في قلبي وانته ماترمس ماعليه يالله انا ساير البيت بتروح ولابعدك يالس...
احمد:لا بسير مي تترياني هي وسويره وميمي بنتعشي مع بعض ..
مطر:اه فديت هالطاري ياربي هي وانا بعزم نفس عندكم شو قلت..
احمد:منو قال لا عيب شو عشي عائلي عن ترز فيسك..
مطر:نعم شو قلت ارمس شكلك من زمان ماجربت لمحناه على جبدك.
احمد:هههههههههههههههههه هي تصدق ..اجلب ويهك والله امزح حياك ...
مطر:ومن قال اني عا بزعل انا اصلن ساير بيت عميه غصبن عنك...
احمد:يالله يالخقه ماعليه حياك الله يعينا على الحرب ارجوك لاتتنغشر في سويره تراني مافيه على الصدعه ..
مطر:في قلبه فديت هالطالري ...اممممممممم اوكي بنسويها هدنه بس اذا قالت أي شي تتحمل اللى بيها مني....
احمد:اف انزين يالله سرينا ...........
راحو احمد ومطر بيت عمهم وهو حادرين تلاقو مع مي يايه من المطبخ الكبير ويايبه معاها العشي اللى امرت على الطباخ يسويه لهم..
مطرواحمد:الله شو هالريحه الحلوه شو مسوين على العشي ..
مي:وعليكم السلام سلموا قبل ..
مطر واحمد:هههههههه السلام عليكم اشحالج...
مي:بخير وسهاله الله يسلمكم مسوين معكرونه بالبشمل وشوربه وفطاير ادري انكم تحبون البشمل علشان جيه سويناه ...
مطر:الله يم يم يالله بسرعه انا يوعان ..
سوير:اوه اوه منو مطلع الساحر من الفانوس الله يهديك يااحمداني انا كم مره موصيتنك ماتطلعه اف ...
احمد:ههههههههههههههههه شو ياج منو الساحر هي لا مش انا روحه قال انا مشتاق للساحره وبطلع اشوفها ..
مطر:نعم نعم شيخه سويره اصلن انتي الساحره مب انا يالله اجلبي ويهج وسويلي عصير ...
مي:ارجوكم بس اليوم هدنه والله تعبت من الوقعه والحشره بليز بس اليوم علشان خاطري.........
مطر:اوكي يابنت عمي بس علشانج انتي بس ..
ومر اليوم عليهم كاي يوم عادي ماملو من السوالف والضحك
موزه:يالله مقواج ...الحين انا امج شو هالرمسه
خالد وسعيد:هههههههههههههه شو ها امي يبتيلنا عيوز مانباها ولانريد بنات كفايه هالعيوز...
مي:يالله عيزتو عن حيلكم انا عيوز يالهرم ماعليه بالمحناه اصبر ...
راشد:انزين يابنت راشد شي في خاطرج من دبي...
مي:امره سلامت راسك بس اخبررك وهي ترمس ابوها بصوت واطي عن تشوف الغراشيب في دبي وتنسي حرمتك...ماوعت الا بظربه على راسها....
مي:اااااااااااااخ امايه شو فيج....
موزه:شوهالرمسه اقطعيها ..........
مي:انزين خلاص يالله اترخص واشوفكم يوم الجمعه يالله شنغل ومنغل جدامي.........
سعيد:منو هذيلا ليكون نحن يالهرمه ........
مي:لا افا مب انتوا الا التوائم اللى ورايه......ههههههههههههه وتشرد عنهم.........بيت يدها ........
مي:السلاااااااااااااام عليكم
الكل:عليكم السلام كان يالس يدها ويدتها ومي وساره ومحمد كان نازل من الدري وسار صوبهم ..
مي:ادري لاتقولون اني وحشتكم هي ادري........
ساره:لاتصدقين عمرج وايد لا حبيبتي انا الغلا كله .........
محمد:انا اريد اعرف شي واحد انتن متي بتكبرن عنبوكن كله مضارب ......
ساره:منو يتضارب انا وميمي لا بتبطي ماتواقعنا نحن توائم مثل شنغل ومنغل ....هههههههههه
سعيد:منو هذيلا اريد اعرفهم وهو يطالع ساره بنظره .
مي:هي هذيلا انته وخويلد منو غيركم .........
سعيد:نعم منو انا وحبيب قلب لابتبطين هذي انتي والساحره اللى معاج ........وياشر على ساره وتقوم ساره وتركض وراه اراويك يامنغل بتنضرب بس طيح في يدي.......والكل يضحك عليهم ....
الا بدخله احمد......
احمد:حو شو ها اعصار شو صاير سويره انتي وسعيدان قرو لاتنظربون ...........
ساره:وهي تلهث ماعليه ياسعيدان والله لاتنظرب اوكي .....
احمد:امايه شو جهزتوا ترانا بنتغدا وبنمشي ورمستي قوم عميه...
ام راشد:هي يابويه وبيت عمك جاهزين وعقب الغدا بنمشي ...
مي يالله فديتج خليهم يحطون الغداء
مي:من عيوني يامايه فديتج ماطلبتي ...
............
في بيت بوماجد....
بوماجد:ها ي ام ماجد جهزتوا كل شي ترانا مانبي شي ناقص ...ترا مابنرجع الا يوم الجمعه........
ام ماجد:هي نعم كل شي بارز يابوماجد وماشي قاصر فديتك بس نتريا الشباب ينزلون ونتغدا وبنحط كل شي في السياره...
مريم:هلا والله ابويه ونظر عيني فديتك انته هنيه اشوف البيت منور ..
بوماجد:وهو يلوي على بنته هي نظر عين ابوج انا هنيه فديتج شو سويتي من الصداع آن شاء الله احسن..
مريم:هي الحمد لله من استخدمت الزيت والماي المقرا فيه قديت احسن فديتك يابويه ....متي بنروح العزبه يالله شكثر احبها واحب جوها والضو وكل شي ......
بوماجد:عقب الغدا آن شاء الله بنمشي ...
وطافي:اوه الحلوين هنيه ابويه فديتك ماشفتك وين انته
بوماجد:انا الا موجود انتي اللى مختفيه من تصبحين لين تمسين في بيت عمج ولاجنه عندج ابو تتخبرين عنه...
وطافي:فديتك ياغناه الروح تعرف دراسه وطول وقتي ارجع مع سويره ومي ترى اخر سنه ونريد نرفع راسك شيبتيه ...
ام ماجد:عيزتي عن عشاج منو شيبه ابوج عده شباب فديته...
وطافي:اوه الشيخه ماطيع في رجلها عاشو يغارون عليك من قدك يامحمد..........وفي هالحظه يدخل
مبارك ومطر:السلام عليكم .......
الكل:وعليكم السلام.........
مطر:اوه العايله هنيه اقول وطافي مريوم جهزتو مب كل شوي تقولون لنا لاماخلصنا ترا ماشي بنمشي وبنخليكم .........
وطافي:لاتخاف بارزين...ويقطع سوالفهم التلفون .....
مبارك:الووووووووه
مي:السلام عليكم...((يالله فديت هالصوت))
مبارك:وعليكم السلااااااااااام ((يامرحبا والله فديت صوتج ياربي ))
مرحبا بنت العم اشحالج...
مي:بخير يسرك الحال ومن صوبكم...
مبارك:يسرج الحال مانشكي باس شو جهزتوا ولا عدكم...
مي:والله جاهزين ونتريا الشواب بس يتغدون وبنمشي ...
مبارك:هي على خير آن شاء الله امري ...
مي:ممكن مريم شوي ...
مبارك :/مريووووووووم تيلفون ....
مريم:آن شاء الله وتاخذ السماعه مرحبا والله بنت العم اشحالج...
مي:يسرج ها جهزتي كل شي ....لاتنسين الكيمره ترانا بنصور...
مريم:هي صدقج ذكرتيني الله يذكرج بالشهاده فديتج ...
وتمت مريم ترمس مي وعقب قالت بتسكر الا تسمع سويره تقولها لاتسكر تريد ترمس وطافي وتزقرها ...
سويره:اقول اطفي لاتنسين البنطلون علشان نلعب بالدراجات...
وطافي:اخاف مايخلونا نلعب بالدراجات انا بيبه احتياط...
سويره:منو بيمنعني بيبطون ماعليه منهم بنلعب يالله حطيه انا بسير اتغدا يالله مع السلامه ..........تسكر ساره عن وطافي وتروح تتغدا وعقب الغداء . بيحركون صوب العزبه .............
ركب بوماجد وام ماجد مع مبارك وركبت مريم ووطفه مع مطر ..
وركب بوراشد وحرمته وخالد مع سعيد في سياره بوراشد ...وسارة وميمي مع محمد ورتبشن معاه ومطولين على المسجل ........ومي مع احمد في سياره احمد ............
وطول الطريج محمد يتغايض مع مطر ولد عمه ....آما في سياره
احمد...........(( شفته ولادري شحل بي مشي القطي و عين الظبي وين شفته ياحمد شفته انا في بوظبي ))...واحمد مرتبش وايول ومي تضحك ..........
مي:ياخوفي انه طحت ولاحد سمي عليك يالغلا........عاشوووووووو يابسسسسسسسس
احمد:منو قال لا بس مستطرب مع الاغنيه(( في وين شفته يااحمد شفته انا في دار الزين ....عاشوووووووووو
مي:والله يانك متخشع ياخويه اعترف منو هاي اللى ضوت راسك اعترف ......
احمد:ههههههههههههه محد فديتج وهذي الاغنيه بنغيرها ..... ارتحتي وسرح احمد ونزلت دمعه حاول يخبيها بس مي انتبهت له...
مي :احمداني شو فيك انته من فتره فيك شي كله بروحك ولاتسولف حد مضايقك ولابعدك مضيق من سالفه محمد...
احمد:اه يامي لافديتج بس شغله في الشركه مضيقه بي ولامره مابلايه شي طال عمرج...
مي:احماااااااااااد انا اختك وكاتمه اسرارك ارمس ...وبدون مايقول شي نزلت دموعه وحاول يخفيها ...وووقف السياره وحط راسه على السكان وصاح ...
مي:احمد حبيبي اخويه شو فيك ارمس روعتني ورفجه الغالين عندك ترمس...
احمد:مافيه شي والله بس مضايق من نفسي شوي ...
:مي لاشكلك كلش حول اقولك انزل وتعال انا بسوق ...
احمد:لا خلاص بسوق اخاف قوم ابويه يتروعون ...
مي:لا والله انك تنزل وانا بسوق بس عطني السفره وانته نزل الكرسي وريح راسك وانا بلبس الوقايه البيضي وعقب بتعصم بالسفره لاتخاف عليه محد بيعرفنيه ..
نزل احمد وركبت مي وحركت السياره ...((مي من يوم هي صغيره وهي تعرف تسوق احمد معلمها يوم يسيرون العزبه يعطيها السياره ومرات تسوق في طريج الرجعه فماتخاف من الطريج...
نسدح احمد وحط شيله مي على عيونه ومانتبه لا وتيلفونه يرن ويوم شاف انه محمد.
محمد:احمد شو بلاك وقفت شي فيها السياره ارجع لك..
احمد:لا فديتك بس كنت اطالع تحريت بنجر في السياره...
محمد:اها يالله نحن عند شيشه البترول قوم ابويه وعمي طافوني وانا بصب بترول ...
احمد:هي اشوفك يالله بعب وبنمشي ...
انتبه محمد انه اللى يسوق مب احمد بس منو هالشخص قرب من الدريشه ويوم نزلت الجامه تم يضحك عرف انها مي بس انتبه انه احمد راقد وشكله تعبان ...
محمد:مي شو بلاه احمد شي يعوره ليش شكله تعبان..
مي:لاماشي بس مارقد وانا سقت عنه ...
اها يالله عيل حركي ولاتجاوزيني وتمي بيني وبين مطر اوكي ...
مي:اوكي
تمت مي بين محمد ومطر بحيث تم مطر وراها وهو يضرب ليت علشان يبى يتجاوز وهي ماتعطيه مجال ...
مطر:عنلااااااااااات صده احمدوه شو ها اضرب له ليت مب طايع يخوز اراويكم فيه الهرم....
مريم:فديتك مطر لاتسرع دخيل والديك تراني اتروع ...
وطافي وقلبها يعورها:مطر دخيلك والله اخاف خلهم ولاتسرع ....
ومي تضحك على مطر وهو معصب ويتصل على تيلفون احمد ومحد يرد .....
وصلو العزبه .........
مطر وهو مفول من الغيض على احمد...
احمااااااااااااااااد وحرمه شو ها اضرب ليت وماعطني بو لباس عنبو دارك طفرتبي ..........
مي:توها نازله من السياره وتشل السفره وهي تضحك.ههههههههههههه
حليلك ياولد عميه تعيش وتاكل غيرها.....
مطر وهو فاج عيونه مييييووووووووه انتي اللى تسوقين....
مي:ههههههههه ومنو غيري بيطفر بك خخخخخخخ والله شكلك تحفه .......
نزل احمد وهو يضحك على مطر والصدمه على وجهه حلو المقلب ها مطر خخخخخخخخ والله شكلك انتيكه .........
يقطع عليهم مبارك:حو هي تعالو فازعوني في السامان بدال هالهذربان ..........
مطر:يالله ياين اصبر ...
مبارك:بلاك تتحرطم علمك......
مطر:ولد عمك سوا فيه مقلب فنان ............
مبارك:هههههههههه اجدي فيك بس شو اللى سواه ........
ويخبر مطر مبارك كل شي ....ويتم مبارك يضحك عليه قاله اجدت فيك والله ...الا مي خاطفه .....مبارك:ههههههههه اجديتي فيه والله يابنت سعيد يعله محد قالك تسرع ...مي وهي تطالع مبارك ...يالله فديت هالضحكه آن شاء الله دوم مب يوم ...
دشت مي وشافت مريم والبنات يعدلن وتمت تعابل معاهم لين اذن عليهم المغرب عقب ماخلصن صلاه ...
مريم:يالله من متي عدي بالعزبه يالله محلاتها ...
مي:هي والله صدقج يالله بنسير صوب قوم عميه وابويه يالسين على الرمله وشابين الضو ....
مريم:يالله ......طلعن البنات صوب الشواب ولقوهم يسولفون...
بوماجد:مرحبا الساااااااااااااع بالحلوين....مرحبتين بامايه حي بها بنت سعيد اقربي صوبي ....
مي والبنات ....الله يحيكم
مي:الله يحيك ويبجيك ياولديه اشحالك ....
بوماجد:هههههههه يسرج ياعيوزيه فديتج............
مي:شو عيوزك عميه شو محد بياخذنيه لاتقول جيه ..........
الكل:هههههههههههههههههههه
مبارك:عاد شو نسوي انتي عيوزنا تراج مسمايه على يدوه الله يرحمها...
مي:هي مسمايه بس عدنيه بنيه هب عيوز ..........
مطر:لا منو قال يابنت عميه امره انتي غرشوب رعبوب والخصر منهوب ...ويلتفت على ساره ولا غيرج ساحره انا اريد بس اعرف منو مطلعها من المكشه ..........
محمد:منو ساحره اربها الريم لابويه الريم غزال سارح......
نحرجت مريم من كلام ولد عمها .........
ساره:مطمط شو قلت لك انا قايله بحنطك وبخليك هناك بس ربك ماعليه ....بتي تتشرط تقلده ........ساره بنت عمي شيخه البنات سويلي عصير ولاسويلي عيشه ...ماشي بتحلم بها......
محمد:ههههههههه الله يعينك جانك طحت في ثم سويره صدق بتاكلك ........
مطر:منو بيطلب منج ماشي فيزج بتتكنسل وبنسفرج بلادج يعلج تفدين ميمي مابتقصر فيه يعلني ايول في عرسها.............
ساره:هي خلها بتنفعك وتقوم عنهم ساره وهي معصبه ...وتلحقها ميمي وطفه...
وطفه:سوسو تعالي ليش زعلتي من مطر تراه يضحك وانتي متعوده على رمسته...
ساره:خلاص تعبت ياوطافي والله تعبت وهي تصيح والله احبه بس هو ليش يعاملني جيه دومه يطفربي والله حرام ...
ميمي:سوسو خلاص طنشيه خلاص واذا رمسج لاتعبرينه وحسسيه انه غلط في حقج...
ساره:ليش يتحراني صغيره بعدني والله احبه هو ليش مايفهم ......
وطفه:اه الله يعينج ياساره على الاقل يطفر بج ويعطيج ويه انا شاقول اللى ولايعبرني قوليل .............
ميمي:والله انكن ضحكه كل وحده تشكي حالها للثانيه خخخخخخ الله لابليتنى الله يعينك على حياتكن انا بظهر بيلس على العرقوب مع عمي احمد وبخليه يشل لي بباي وانتن يوم بتخلصن مناحه خبرني ولاظهرن برع ..........تطلع ميمي وتلاقي احمد ومي ومريم يالسين على العرقوب ...
مي:عمي احمد طالبتك قول تم....
احمد:تم امري يالغلا ...
مي:ممكن تغني لي اغنيه محمد الجديده ((ماكد عصاني
احمد((ماكد عصاني بعيشتي عمر دنياي ..لو ني ابحكي كيف اقدر احاكيه مدري مدري وش اللى جابه الحظ وياي كل ماشكيت لشخص لقيتها فيه ...لاني بعطشان ولاشارب الماي ولاني انا ماخذ ولاني بمعطيه ))... وقبل لايكمل التفت وشاف وطفه حبه الاول والاخير وتم يغني ((يامرحبااااااا يامرحبا الساااااااااااع يابوعيون سود ووساع اقرب تفظل وسط قلبي لك في سويدا القلب مرباع )) التفتت مريم وميمي يطالعون منو اللى يرحب بها احمد بس ماشافوا حد الا مي اخته شافتها لانها مجابله هي واحمد الباب ولا الباقي ماعطين الباب ظهورهم .........
اذن العشاء تفرقوا وسارن البنات يصلن والشباب نفس الشي وعقب ماصلوا وتعشوا سارو الشواب يرقدون ولتموا البنات والشباب على الضو ....وتموا يسولفون عن ايام يوم كانوا صغار ....
محمد:ههههههه تذكر مبارك يوم كني نسهر لين الفجر علشان بس نشوف يوم تشرق الشمس على البقعه ونشرب لبن ونسير نرقد وماتي الساعه 8 الا يدي شال البقعه بالوقعه يواقعني على الرقاد ....
مبارك:هي والله ايام ولايوم طاح احمد من على المطيه وواقعونى ليش نركبه عليها ولايوم مطر خخخخخخخخخخخ اخبر ولا ويطالع مطر بنظره.........
مطر:دخيلك لا وراس الغالين عندك..........ويدور ويطالع ساره لاارجوك نا س بيذلوني على السالفه دخيلك فديتك ......
مبارك:هههههههه خلاص ....شورايكم نلعب لعبه الاغاني كل واحد يقول مقطع اغنيه واخر حرف يكون مطلع الاغنيه اللى عقبها...ها شو ...الكل:اوكي....
مطر :انا ببدا ..........والله اني احبك رغم كل الظروف رغم كل المتاعب والاسي ..والجراح ..مانسيتك دقيقه يابهي الحروف ياسمو المعاني يامليك الملاك....
احمد:كل مانسنس من الغربي هبوب حمل النسمي سلام وان لمحت سهيل في عرض الجنوب عانق رموز الغرام....
مطر:متعني بصوتك وامتعك بالحب عطني قليل الحب لاصرت جنبي والحب اطهر عاطفه تدخل القلب مجمل كلام الحب لاصرت جنبي
ساره: ياطيب القلب حكم قلبك الطيب اخرت غيرك وبعدته وقربتك ليش تباعد مع انك قريب وين ماصد بعيوني تخيلتك .....
مطر:كم شمس غابت وانا اشوفك شمس عمري ...
الكل:لالامايصير لازم تكمل الاغنيه ولاتطلع ...
مطر:والله مب حافظنها يالله اوه خلاص بطلع ...
مبارك:يالله من الاول منو بيقول ...
محمد:احبك لوتكون حاضر احبك لو تكون هاجر ....ومهمي الهجر يجرقني راح امشي معاك للاخر ...حرف الراء ...
يالله خخخخخخخخ شكلي بفوز عليكم ...........
مريم:رحت يم الطبيب اللى يداوي جروحي قال جرح الموده مايسر الدوا به...حرف الياء ...
ساره:
ياصاحبي صديت عني وقفيت وانا موريك الغلا والحشيمه تبي تملل بي وانا منك مليت ..ماني بمن يرضي لنفسه هضيم
محمد:خلاص بسكم من هاللعبه والله مليت سولفوا شوي ويلتفت على مريم بنت عمه ....اخبارج بنت العم شو متي بتخلصين الامتحانات...
مريم:آن شاء الله عقب ثلاث اسابيع بنخلص خلاص ...
محمد:هي الله يوفقكم ياربي ....وانتن الثلاثي المرح متي بتخلصن ...
وطفه:والله يابن عمي بنخلص اخر سته يعني يبالنا شهر جيه والله كريم...
مبارك:هي عاد نبى نسب ترفع الراس ..
البنات:آن شاء الله بنرفع روسكم...
مطر:هي ميمي ووطافي اكيد بس الساحره ماظن ترفع راسكم هذي ساحره يعني ماتطلع الا في الليل .........
مي:مطر لاتقول جيه ساره فديتها شاطره وهي آن شاء الله بترفع راس ابويه ....
استغرب مطر انه ساره ساكته وماردت عليه ...اول مره تسكت عن حقها ....نشت ساره ولحقتها ميمي ووطفه...السموحه نحن بنرقد وحدرن وعقبهم نشوا احمد ومطر بيرقدون وماتم غير محمد ومبارك .....محمد تم يسولف مع مريم ويتخبرها عن الدراسه وقالها انهم بيملجون قريب ....وهي فرحت ....وتمت تتخبره عن بريطانيا وهو يخبرها عن المقالب اللى سواها في ربعه وتمو يضحكون ...
آما مي كانت سرحانه في عالم ثاني عالم مبارك حبها العذري ومانتبهت الا بصوت مبارك...
مبارك:بنت سعيد...
مي:عونك
مبارك:عانج الرحمن....بلاج ساكته جنج سرحانه في شي ...
مي:لا بس اسمع سوالفكم ....
مبارك:هي بسالج شو هالاستاند اللى ملفلف وطالبته من بريطانيا
مي:هههههههههههه انته بعد تتخبر عنه الله يسلمك هذا مفاجاه وبي يوم بتعرفون شو هو لا تستعيلون على ارزاقكم
مبارك(فديت هالضحكه ربي لاخلاني منج )) هي يعني مابنعرف شو هي زين ماعليه ربج كريم ....يمكن في يوم وانتي محد ادش واشوف شو هو ........خخخخخخخخخ
مي:لافديتك ونحرجت دخيلك لاهذي مفاجئه وبي يوم بتعرفون شو هي يمكن تشوفونها معايه ويمكن تشوفونها وانا في دنيا غير هالدنيا...
مبارك((فديتج ياربي وفديت تفديج اليه))...اهبي هباج الله ...
الكل:هبي هباج الرب شو هالرمسه فال الله ولافالج ....
مي:ليش انا احس اني مابعيش وايد والكل يعرف انه الاعمار بيد الله ...
مريم:وهي تطب مي بالرمل...هبي لاتقولين جيه وقطعيها هالرمسه وخافي ربج والله وتمت مريم تصيح نشت مي ولحقت مريم ولوت عليها وحبتها وقالت لها تعالي بقولج شي .....
مي:مريم عيوني انا ادري انه الاعمار بيد الله بس عندي احساس اني مابعيش كثر ماعشت وانا اقولج هالشي بس اريدج تعرفين انه حبي لج كبر هالكون كله والله ...مريم اسمعي بقولج شي وبطلب منج طلب.........اذا صار لي أي شي ترى وصاتج ابويه وامايه ومحمد وساره وميمي واحمد اخويه ...حطيهم في عيونج
مريم:لا فديتج آن شاء الله بتمين وبتعرسين وبنشوف عيالج وعيال احمد وساره وكلهم وانتي بترعينهم معايه ...
مي:..........اوكي اسمعي ... بتلقين صندوق بني محطوط في كبت الغرفه وملزق وبتلقين ورقه مخشوشه معاه بتدليج على المفتاح ...اللى في الصندوق امانه وماتفتحينه الا اذا مت سوا مت الحين ولاعقب مليون سنه امانه في رقبتج ...والحين يالله غناتي مشي دموعج تدرين انه محمد مايتحمل دموعج ويالله بنسير صوبهم ....
ماكانت مي تدري انه مبارك كان بالصدفه خاطف وسمع كل كلامها وطلع من الباب وسار يمشي ويلس بروحه عند الضو وتم يفكر في كلامها ....
مبارك وهو يرمس عمره ...ليش تفاولين على عمرج غناتي والله ماتحمل فديتج ربي يخليج لي واخذج واعيش معاج احلي سنين عمرنا ...تقع عليه مي افكاره ....
مي:مبارك وين سار محمد ....
مبارك:سار يرقد يقول تعبان ومن نش الصبح مارقد ...
مريم:هي زين انا بروح اسويلي نسكافيه حد يبى شي من المطبخ...
مي :لا تسلمين ماريد شي ...
مبارك:سويلي معاج واحد نسكافيه .....
سارت مريم المطبخ...وتمت مي مع ولد عمها...
مبارك:مي بعدج تكتبين خواطر ولا خلاص ....
مي:بعدك تذكر ......امممممم كنت بس الحين وقفت علشان الدراسه والامتحانات ....
مبارك:هي ربي يوفقج ...وشو تفكرين عقب ماتخلصين من الدراسه....
مي:والله رمست ابويه وقال بيشغلني عندكم في الشركه بكون معاه في المكتب بس طلبت منه مايدش على أي رجال بس تكون تعاملاتهم عن طريق السكرتيره ...وهو وافق
مبارك:هي والله زين الله يوفقج .... ((تشجع قولها عن حبك ليش ساكت والله ماعندك الشجاعه ))....مي ممكن سؤال شخصي ...بس ماتزعلين...
مي:تفضل .....
مبارك:اخاف تزعلين مني ولاتفكرين اني اناني ولاشي ...
مي:لا افا ياولد عمي ارمس وقول اللى في خاطرك...
مبارك:في حد في حياتج؟؟
مي:كيف يعني مافهمت عليك...؟
مبارك:يعني كد حبيتي في حياتج او في خاطرج شخص معين...
مي:اممممممم شاقولك ماقدر اكذب عليك واقولك لا بس انا احب بس حبي عذري ...
مبارك:كيف يعني حب من طرف واحد قصدج...
مي:يمكن من طرف واحد بس احب يكون عذري ولايدخله شك او خبث ....
مبارك:اها ....وهو يعرف انج تحبينه ..؟
((جان زين يعرف بحبي له شاقوله هذا بعد)) مبارك لاتفهمني غلط انا قلت حبمي عذري يعني ماظن بقدر في يوم اني اقوله تعال والله انا احبك وانا يوم رمست ماكنت اقصد شخص بحد ذاته لا ياولد عمي لا حبي بيكون حب كتوم ...
مبارك)) والله احبج يابنت عمي )) مي انا انا احب انسانه وخاطري اعرف اللى في قلبها ....والله اني تعبت من كثر مافكر ....بطريقه اصارحها بحبي لها....
مي:انزين قولي انا بساعدك خبرني منو هي وانا بساعدك وبخبرها بطريقتي .....وبيكون سر بيني وبينك
مبارك:والله بتساعديني ....
مي:هي والله كم ولد عم عندي وفالك طيب وانا بخبرها ((اه يامبارك بتذبح حبي قبل لاتشرق شمسه الله يسامحك ياولد عمي ))وهي ماسكه دمعتها ...
مبارك:اللى احبها هي .....وتقطع عليهم مريم .....
مريم:تفضل ياخويه هذا النسكافيه ....
مبارك((اف يعني مايتي الا في حزه يوم كنت بقولها عن حبي لها الله يسامحج يامريوم))
مي:يالله عيل انا اترخص بروح ارقد السموحه...
مبارك ومريم:مسموحه ربي يحفظج...
حدرت مي الغرفه وسكرت الباب وتمت تصيح بصوت واطي ومن كثر ماصاحت رقدت ....وعقبها دخلت مريم ومبارك وكلن رقد ....
الصبح نشت مي وهي تحس بعيونها تعورها من كثر ماصاحت ...نشت وتسبحت وصلت وعقبها طلعت تشو ف منو واعي ..
مي:السلام عليكم ...
الكل:وعليكم السلام...
بو راشد:حي الله بامايه شو ميلسنج من الصبح ...
مي:وهي تيلس عدال ابوها عقب ماسلمت عليهم ...شو تبانيه ارقد مثل عيالك ماطراليه انا يايه اشوف هوشيه وطلياتيه ....احيدهن ميهودات ...وبشوف البوش ....
بوماجد:ههههههه امايه مره نسخه هي امايه تسلم عليج طلياتج بنتغدابهن اليوم....
مي:يالقعتيه على طلياتيه بسرح صوبهن...وابويه ماطراليه تذبحونهن من قل الهوش في عزبكم ...
تمت مي تضحك مع ابوها وعمها ....وعقب سارت صوب امها وحرمه عمها تشوفهن شو يسون ولقتهن يعدلن ومحتشرات على الراعي ....
نشت ميمي وساره ووطافي ويلسن يتريقن ودخل عليهن احمد ومطر....
مطر:اطفي صبيلي حليب وحطيليه ريوق ...
وطفه:من عيوني ....احمد احطلك ريوق ...
احمد:هي حطيلي بس اريد نسكافيه ماريد حليب ....
ساره:هي هذا اللى بيذبحك هالكافي اللى تشربه على الصبح حبيبي مب زين اشرب حليب قبل ...
مطر:اه منو يرمس سحور هنيه منو مطلعنج اليوم .......نشت ساره وراحت غرفتها ...وهي تصيح...مطر:شو فيها ليش زعلت وسارت انا امزح ....
ميمي:مطر لاتقول حق سوسو حبيبتي ساحره مارضي عليها ...
مطر:انا امزح ليش شو فيها هي من البارحه متغيره منو مزعلنها ...
وطفه:والله محد مزعلنها بس رمستك هذي من تشوفها تقولها ساحره وساحره هي مب ياهل الحين هي حرمه وباجر لو حد جاء وخطبها تراها بتعرس ....
مطر:نصدم من رمسه اخته ونش عن الريوق وطلع برع ....
احمد:وطفه ليش تقولين لمطر جيه حرام عليج...
وطافي:والله ماتسمعه من يشوف سويره يقولها جيه مسكينه هي شو سوت له علشان يعاملها جيه ...طلع احمد ولحق ولد عمه اللى ركب سيارته وسار صوب العراقيب ....سكر تيلفونه وفره ...
مي:اوهووووووووو يالله زين لكم عشر دقايق ولابنروح عنكن ...
الكل:اف انزين يالله ......
مي:شو اف بعد يالله اترياكم تحت مجهزه الفطور لكم ....
نزلت مي وخبرت احمد انهم دقايق وبينزلون ....
نزلو البنات وكل وحده عيونها غصب تفتح من كثر ماهم في خاطرهم الرقاد.....
احمد ومطر:خيبه عبرتن الرقاد كله شوفن كيف ميفنات عنبوه والله تفلخن خيبه ..ههههههههههههههه
ساره:اف بدات الغلاسه اسكتوا احسن ارد وارقد واخليكم تروحون بدوني .....
مطر:خيبه عاد نحن ميتين عليج لا بويه ردي الا بتخففين علينا من الحمل والاكل وبنوفر نفر واحد خخخخخخخخخخ
احمد:لا مايصير اذا ماسرتي ماشي بنكنسل الروحه اصلن انتي فاكهة الرحله انتي الاساس يالغلا كله .....
ميمي:عاشو الغلا كله بس حق سوسو وانا ووطافي شو خداماتكم ...
مطر:لا افا يابنت راشد انتي النور كله وماتسوا الروحه من دونج ومن دون وطااااااااافي ......
مي:ليش انا ومريم اصلن اساس الروحه لو مب نحن مابتروحون ...
مريم:هي صدقت بنت عمي هي فديتها وان شاء الله تصير حرم اخويه المصون....
مي:وهي تطالع مريم بنظره ((انتي ماتعرفين تسكتين )) ...
احمد ومطر:الله وناسه لو يصير صدق ربج كريم ....
الكل:امين ان شاء الله .......
مي:اف يالله خلصو ا جدامني طريق لين دبي ....احمد تراني خبرت ابويه يرمس الحارس يفتح البيت ويجهزه ويشغل التكيف ويرتب البيت لانه بنبات هناك وابويه خبره ....
احمد:هي زين سويتي لاني اتصل به مايرد على التلفون .....
مطر:يالله زين متي بنتحرك لازم الدببه الطيبون يتريقون بنطلب لكم شي في الطريق ....ومي ماقصرت هي والريم مسوين لنا دله نسكافيه وشاهي......وبنمر وبناخذ الكم سندويجات بسكم يالله ....
الكل:يالله توكلنا على الله كل شي جاهز ...
ركبوا في سياره احمد...مطر جدام ومي ورا احمد ومريم وري مطر وساره في النص واخر شي وطفه وميمي....
ساره:تنط وتتعبث في المسجل مره تقصر ومره تقصر ومرع تغير الشريط ...
مطر/اف انتي منو ميلسنج هنيه عنبوج كم شريط بدلتي الحين راسي دار من كثر ماتغيرين وكم تكفخين جتفي راح والله احس انه نشعتي جتفي وصار لي خلع في الجتف ....احمد مر الدختر بسوي اشعه والله متاكد انه صار لي خلع من سبه ظرب اختك ...
الكل:ههههههههه الله يعينك يامطر....
ساره:اف انا لو دريت ماييت معاكم وخليت محمد ايبنيه ولا هالحاله ....
احمد:منو قالج انه محمد بيي اصلن هو مابيي لانه يبغي مريم تاخذ راحتها ....
مي:يعني محمد مابيي والله بشتاق له .....((يعني مبارك مابي اف والله ملل ))
ميمي:هي يعني عمي مابي ولامبارك مابي اها يعني الرحله ناقصه بس مب مشكله المره القادمه بيون معانا....
وكملوا الطريج ضحك وسوالف ....
وطفه:مطر .........
مطر:اوه منو يزقرني وطفه انا قلت انتي محد عنبوه من ركبنى ماسمعني صوتج ...ليكون راقده ...
وطافي:لا مش راقده بس ماعندي شي اقوله ...وهي منحرجه ...
مطر:هي والله ماعطتج بنت عمج من السانها اللي يغسل له جدر ...
ساره:اف انته شو فيك على والله حرام عليك خلاص رجعوني انا مابيلس مع واحد مثل هذا في مكان واحد ....
الكل:اف بدينا خلاص اسكتوا
احمد:امري بنت العم شو بغيتي وهو يطالعها ويقول في باله ........(( واخجل أذا جات عيني صدفه في عينك واصير مربوك وحاير في امري من فرحي ابغي اطير....))...
وطفه ها لا خلاص بس كنت اريد تحطون هالشريط ... وتعطيه لساره ...
احمد:ماطلبتي يابنت العم ...فالج طيب ...
وطفه:فالك مايخيب ....((يالله فديتك ماغلاك ....))
...وصوا دبي وسارو سيده بيت العايله ونزلو اغراضهم ورتاحوا وعقب طلعوا سارو الوافي علشان يشوفون الفساتين ويختارون منها اللى تناسبهم ...
مريم:مطر تعال بسير اسحب فلوس ...تعال معايه ...
مطر:يالله احمد انا بروح مع مريم وبنرجع ...
راحت وحطت البطاقه ويوم جيكت لحساب لقت انه منزلين في حسابها عشره الاف تسالت قالت يمكن بالغلط محوله لها وخبرت مطر....
مريم:مطر ماعرف فيه فلوس في حسابي ماعرف منو محولها لي ...
مطر:هي نسيت اخبر هذا محمد حاطنهن في حسابج وقال اخبرج بس نسيت علشان تتجهزين حق الملجه ....
مريم:بس انا عندي فلوس ومب محتاجه ابويه ماعطني ليش يعبل على نفسه ...
مطر:والله قتله بس هو ماطاع قال انتي في ذمته ولازم يصرف عليج وانتي بتصيرين حرمته ....
مريم:يعله يسلم ياربي ويخليه لي ويخليني له ...
مطر:عقبالنا يارب .........
مريم:اذا بتم جيه بتخليها تكرهك تراها وبيتحول الحب اللى في قلبها لك الى حقد....
مطر:هااااا من قال انا امزح معاها والله احبها يامريم ولو ماحبها ماغايضتها ....
مريم:ماعليه بس اذا حبيبك عسل لاتلحسه كله يعني لاتم جيه غير اسلوبك حسسها بالاهتمام شوي ...اسمع بكره عيد ميلاد سوسو شو رايك نسويلها مفاجئه حفله وبنتفق مع عيال عمي وبناجل الروحه لين بعد بكره ها شو الراي ...بنتفق مع الكل وبنخبر مبارك ومحمد ايون بعد ...
مطر:هي انتي الا في خاطرج انه محمد يكون موجود ....اوكي انا بخبر احمد وبنجهز كل شي وانتوا عليكم الباقي ....
مريم:خير ان شاء الله يالله نسير صوبهم ...
رجعوا مريم ومطر صوب البقيه ودخلو محد الفساتين ومالقوا شي يعجبهم وطلهوا وراحو صوب الستي سنتر ولقت لها فستان وردي ممزوج بدرجات الالوان وفيه لمعه بسيطه من اللون العشبي وعجبها ....وخذته ولقت لها معاه جوتي نفس تدرج الالوان وخذت لها بعض الاكسسوارات من نوران وطلعت ....اما .. ساره والبقيه ...مالقوا شي يعجبهم فقررو يروحون مركز المنال على وتمو يتحوطون لين لقولهم فساتين ...
مي اختارت اللون الازرق وميمي اللون العيناوي ولانها من عشاق العين خذته ....اما ساره ووطفه فطقموا مع مميمي وصارو الثلاثي المرح وكل وحده خذت لها نعال واكسسوارات وطلعوا وطاف الوقت واذا عليهم الظهر وهم بعدهم ماخلصوا من اشغالهم فقررو يرجعون البيت ويصلون ويتغدون ويريحون والعصر بيرجعون يخلصون اشغالهم ..........