في الشركه.....
مبارك:محمد شورايك نروح صوبهم في دبي والله ملل من دون عيال عمي والبيت مب حلو يوم خواتيه محد وباجر بناخذه اجازه ها شو قلت ....
محمد:والله ماعندي شور اخاف اروح وتتضايق الريم وماتاخذ راحتها في المشتري والحواطه وتم مستحيه...
مبارك:ايها شعليك منها نحن طول عمرنا عايشين مع بعض الحين يعني بتستحي ....يقطع عليهم تيلفون
محمد......
مطر:مرحبا بونجور كيفك محمد حبيب البي...
محمد:ياشين بونجور من ثمك اصطلب لاايك دبي واصلبك ...
مطر:هههههههههههه تقدر انته
محمد:هي اقدر وكلمتي مانزلهاوالله اسويها تراني ...
مطر:انزين شو الراي انا بقولك شي باجر عيد ميلاد سوسو اختك شو رايك نسويلها مفاجئه ونسويلها حفله وكيكه ونهيص ...
محمد:هي عوقك انته الكيك والتهيصص انزين بفكر وبشاور المستشار القانوني وبنرد عليكم ....
مطر:اوكي نترياكم ترانا في امان الله ...
سكر مطر عن محمد وسار صوب احمد وخبره بكل شي وقاله انه بيروح يختار كيكه حق الحفله وبجهز كل شي يالله في امان الله .....انا رايح واشوفكم في ماركاتو سي يو
راح مطر واختار كيكه وطلب منهم يسونها وانه الساعه 9 في الليل بيمر ياخذها ...
واتصل على تيلفون مي ...
مي:هلا مطر امر
مطر:مي مريوم عدالج ؟
مي:هي هنيه لحظه....مريم هذا مطر يباج....
مريم:هلا مطر شو ....جهزت اللى قلت لك عليه وحجزت الاغراض ...
مطر:هي حجزت الكيكه بس اقول تبون زينه ونفافيخ ولا انتي بتاخذين الاغراض...
مريم:لا خبرك نحن مغيم الجو عندنا انته خذ كل شي وجهزه ونحن بنرتب كل شي بس انا الحين بنروح باريس غالري وبناخذ النا حاجات تباني اخذ لك شي من هناك ....
مطر:لا انا بروحي باخذ اللى اباه انا خلصت والحين ساير صوبكم بس برد اتصل بمحمد ومبارك وعقب اذا بغيتي شي خبريني بس الحين هناك مشكله كيف بتبعدون سوسو عن المجلس لين مانجهز كل شي ..
مريم:مب مشكله هذي المشكله بيحلها لنا احمد بنخليه يطلعهى مع وطافي أي مكان لين نخلص وعقب يوم بنكون جاهزين بنتصل به يرجعها البيت ها شو رايك ؟
مطر:هي والله فكره حلوه خلاص عيل ترتوب انا برومس محمد وبشوف ردهم ....
سكر مطر عن مريم ..
مريم:مي كل شي جاهز بس يقول هناك مشكله اللى هي سوسو كيف بنبعدها عن المجلس خبرج مدمنه الاخت على التلفزيون ....
مي:مب مشكله بنرمس احمد وبنشوف رايه....يالله خل نخلص شغلنا ...
خذت مريم مجموعه عطورات من باريس غاليري وطلبت منهم يغلفونها ...ومي خذت لها بيجامات من ماركس ونعول من ميلانو وبدله من زاري ...وكسسوارات وطلبت منهم يغلفونها وحطت الاغراض في بكس مع عطورات مريم ....اما وطافي وميمي خذولها بعض التحف من لايف ستايل حق غرفه سوسو .....اما احمد راح وخذ لها ساعه كرستان ديور الجديده وطلب منهم يغلفونها .....
مطر اتصل بمحمد بس حصل تيلفونه مغلق رد واتصل بمبارك....
مطر:مرحبا ....بالحلو وبالجمال والرقه...
مبارك:هههههههههههه مرحبتين حي به اشحالك الشيخ ها شو وراها هالتراحيب اعترف ....
مطر:والله سلامه راسك بس متصل اتخبر جان بتيون ولالا اتصلت على الحميدي بس مغلق ...
مبارك:هي محمد تيلفونه الله يسلمك طاح ونكسر من دفاشته نازل على الدري بلفيت رشيق الاخ وطاح من ايده ونكسر والحين ساير يشتريله واحد ثاني ...شو بلاك شي ....تباني اقوله شي...
مطر:هي كنت بتخبره بتيون دبي ولالا ؟
مبارك:هي بنيي بس ماقتلي متي بتسون الحفله ...
مطر:اليوم فالليل بس الساعه 12 علشان باجر هو يوم ميلادها ولانه باجر بنرد مانروم نسويها باجر بس المهم نسويها اليوم وتستانس سوسو ....
مبارك:مطرممكن سؤال انته تحب سوسو...؟
مطر:اه يامبارك كلمه احبها ماتكفي ولاتعبر عن مافي القلب اه ياخوي خلها على الله والله من اسمع حد ناوي يخطبها قلبي يتفتفت واحس بالموت ومارتاح الا اذا قالولي انها رافضه ...
مبارك:لي متي تتوقعها ترفض صدقني بيي يوم وبتوافق ....انته لازم تتقدم لها خبر ابويه يخطبها لك لاتطير من ايدك ..((ليت في ايدي يامطر والله لاخطب مي وانته تخطب سوسو بس ماعندي شجاعه حق هالشي اخافها ترفضني ))
مطر:انا ماعندي مانع بس اخاف ترفضني يامبارك اه ياخويه خلها على الله المهم الحين متي بتيون ...
مبارك:عقب الدوام بنسير صوبكم باجر خذناه اجازه وان شاء الله على المغرب بنكون عندكم تباني ايب لك شي من هنيه ولااخذ لك هديه حق الحب من هنيه ....
مطر:لا تسلم سرت باريس وخذت لها ساعه وعطورات ومكياج وخذت الها قلب ينفتح ويطلع منه قلب اصغر منه وماخليت شي ماخذته لها وطلبت منهم يغلفونه والحين بروح صوب احمد والبنات في ماركاتو وعقب بمر باخذ الهديه بس اذا ممكن انك تيب سيارتي لاني ماروم ايب الهديه في سياره احمد ولااقولك مر وبتلقي الهديه باسمي وخذها انا دفعت عنها بس انته خذها وانا خبرتهم بكل شي ....
مبارك:ان شاء الله ماطلبت يالعاشق الولهان يالله اترخص هذوه محمد وصل وان شاء الله المغرب نحن عندكم ....
محمد:انته من تغازل من اصبحت اتصل انتظار عنبوك كنسلت مابيوزك اختي اخاف عليها منك ...هههه
مبارك:بتبطي ماغازلت هذا مطر يتخبرني عنك واذا بني ولالا وقتله انه بنكون هناك المغرب ....
محمد:اها هي ادريبك بتبطي ماغازلت تدري ليش لانك طالع عليه
مبارك:عاش الواثق من نفسه ........يالله جدامي تراني بسير بسياره مطر هو رمسني وقالي ايبها له لانه اغراضهم مابتظم سياره احمد ....يالله اشوفك على خير هي وبعد بمر اخذ هديه لسوسو ..
محمد:هي ذكرتني الله يذكرك بالشهاده بعد بمر اشوف لها شي حلو هذي الحب فديتها .....
مبارك:هي هي الحب عيل مي شو وميمي ....
محمد:مي حبها انته وميمي يحبها ابويهاااا
مبارك:شو هالرمسه اكيد بحبها بنت عمي وشرات اختي ....
محمد:شرات اختك ولا اعترف هههههههههههه
يضربه مبارك على جتفه ....ليتها تحبني مثل حبي الها والله بصلي ركعتين شكر لله ....
محمد:عيل من الحين اقولك صلا لانها تحبك...
مبارك:وانته شدراك ارمس ...
محمد:سر انته ماتشوف حالها من تكون انته موجود والله عيونها تفضحها ....
مبارك:اه ليت اللى تقوله صدق يالله ربك كريم يالله في امان الله ....
في دبي وبعد مارجعو من السوق...
ميمي:اف والله تعبت بس خلاص مابروح معاكم مكان ماروم اتحرك
وطفه:هي والله صدقج احس ريولي ماتشلني من التعب ..
سوسو وهي داشه وتحط العصير على الطاوله عنبوكن من كثر مامشيتني هذي رياضه عن العيازه اونه ماروم تعبت اخ ياريولي عنبوكن عيايز ....وين مي ومريم واحمد ومطر سويت الهم عصير ...
ميمي:يم يم اريد هالكاس حلو مزين الله حقي صح...
سوسو وهي تضربها على ايدها...منو قال لا هذا حق مطر هو مايشرب العصير الا اذا زينت له العصير
وطفوه:عاش الحب عيني عينك ...وينك يامطر تسمع الحب من سوسو
سوسو:جب ياويلج اذا رمستي اخاف حد يسمعج وانفضح والله بزوالج
في بيت ابو راشد...
بوراشد وام راشد يالسين ودخلوا عليهم عيالهم...
ام راشد:يالله مرحبا ملاين فديتكم ياعيالي والله البيت مايسوى وانتو محد والله انه مظلم حتي ميمي لها وحشه مسوده العين فديتها ...
مي:ها امايه والله اشتقنالكم انتي وابويه فديته يعلني ماخلا منكم ياربي ...
بوراشد:والله لو مب راشد وموزه وخالد وسعيد ...جان طفرنا نيلس روحنا في البيت خلاص هذي اخر مره اخليكم تروحون كلكم تراه البيت مايرزي بدونكم ...
ساره:هي اكيد انا تراني اخر العنقود دلوعتكم
محمد:نعم نعم لابويه انا الغلا انتي خلاص طاح كرتج حبيبتي ....
ساره:لا منو قال ابويه شوف حمااااااااااد...
احمد:الله يعينه اللى بياخذج بتاكلين قلبه مسكين والله
ام راشد:بسكم عا يالله سيرو بدلو ونزلو العشي جاهز وانتي سوسو سيري حجرتي ويبيلي دوايه ...
ساره:ان شاء الله امايه ....
سارت ساره غرفه امها ويابت الها الدوي واستاذنت عقب وسارت غرفتها ...
دخلت وتفاجئت باحلي باقه ورد ومعاها صندوق فتحته ولقت طقم عباره عن قلاده وحلق وخاتم هديه من ابوها وامها واستانست ....نزلت على الدري تركض وحضنت امها وشكرتها وحبت راس ابوها وشكرتهم وطلبت الهم الصحه والعافيه وطوله العمر .....
يوم الاربعاء البنات مجتمعين في بيت عمهم علشان بتيهم الحنايه بتحنيهم حق الخطوبه ....
وطافي:متي بتيي والله تعبانه ...
مريم:مب منج من السهر اللي تسهرينه ...عنبوج من تخلصين من التلفزيون تنتقلين حق النت ...وين مابتتعبين ...
وطفه:شاسوي مللللل يوم ماحصل شي في التلفزيون اروح ارمس ربعيه في النت وادش المنتدي وارد عليهم واحط مواضيع جداد ...
ميمي:هي صدقها والله الحياه ملللل ماشي اكشن مثل روحه دبي اه ليتني طولنا ...
مي:ساره الوووووه سوسو وين وصلتي خيبه الحقن عليها وصلت المريخ ...
الكل:هههههههههههههههههههه
ساره:ها شو فيج عنبوه طبله اذنيه نطرت ...ها علمج شو ياج تصرخين ...
مي:شو وين وصلتي لاتسرحين وايد بتتعبين اسالي حرمة اخوج ....
ساره:اول شي انا ماكنت سرحانه انا كنت افكر في النتايج لانها بتطلع باجر واحاتيها بعدين ابتعدي حرمه اخويه لازم بتسرح تفكر في بعلها العزيز ...انا في منو بسرح ياحسره ....
ميمي:اسرحي في فارس الاحلام اللى بيج على حمار اقصد حصان ابيض ...الكل تم يضحك اما ساره ضربت ميمي على كتفها وقالت المعرس مخليته لج يالدبه ...
تموا يسولفون لين ياتهم الحنايه وحنتهم وقرروا البنات انهم بياتون مع بعض في بيت عمهم ....
اما عند الشباب فتموا يغلسون على محمد...
مطر:اقول بوجسوم من الحين اقولك مش بوزك ماشي لاتشوفها ولاترمسها في التلفون عيب عندنا ...وهو يغمز حق مبارك...
عمهم :هي انا مع عيالي في شورهم ...
مبارك:هي صدقه مطر ماشي تحلم تشوفها ولاترمسها لين يوم العرس ...
محمد:نعم نعم مب بكيفكم انا بملج باجر ولو اريد باخذها بثيابها وعباتها سمعتوا ....ولاشو الراي يابويه وعمي ...
ابوه :هي سو اللى تباه بس برضي عمك وبشوره ..
العم:واصله ياولديه بثيابها اللى عليها ....
احمد:هههههههه هي والله لو انا باجر فكرت اخطب وطافي ماحد بيقول لي جيه والله لاعلي منك ولاعلي من كلامكم ....ولا ترا يامطر لاسويبك مثل ماتسويلي لو ييت تخطب سوسو ولا انته يامبارك يوم تخطب مي ....
مبارك:الله يسمع منك بس في هالحاله انا برمس عمي ولاني برد عليكم ولابهتم برمستكم ....استاذن عمهم وابوهم بيروحون يرتاحون وكملوا الشباب السهره
مطر:وهو يغير الموضوع سمعتوا اخر خبر ..
الكل:لا ماسمعني شو صار...ارمس لاتروعني...
مطر:وهو يضحك باجر النتايج ...ولو تشوفون البنات مرتزات علي النت ...كل مادشيت شفت وطوف ان لاين ..وكل ماشافتني تقول ها مافتح الموقع عندك تتحراه بيفتح عندي وهي لا ....
احمد:حليلج يابنت عمي الله يعينا على سوسو وميمي .....
مبارك:اصبر بنشوف الوضع عندهم خخخخخخ جنيبهم مبحلقين في الكمبيوتر اصبر ...خذ مبارك الاب توب وشبك النت ودخل المسنجر وشاف وطافي ان لاين...
مبارك:حط لها بو عيون ....انتي ماتطلعين من النت كله اون لاين شعندج ليكون تدورين حل لمشكله الشرق الاوسط...
وطافي :حطت له بو وجه يصيح والله تعبت اتريا النتايج بموت من مساعه احاول ادخل ومايعطيني اف والله تعبت ....
ساره ترمس وطفوه هاتي انا بكلمه ...
ساره:هلا غلا ومرحبا اشوف المسنجر منور وحطت له بوغمزه ...
مبارك:خيبه وطفوه اشفيج استخفيتي مساعه تصيحين والحين نقلبتي ...
ساره:خخخخخخخخخ انا سوسو مب اطفه انا ساحره الليل خخخخخخخ على قوله مطر ...اقول اشحالك مبارك ....
مبارك:اها بخير بنت عمي ها شو الجو عندكم اكيد كئيب صح...
ساره:افا من قال لابويه نحن نرزف ونيول وحطت له اغنيه عيضه ياعاذلين الهوي ...
مطر:خيبه تخيب العدو استخفت بنت العم والسبب النتايج الله يعني عليها لين تطلع النتايج ...كملوا يسولفون مع ساره ووطافي وقطع عليهم تيلفون احمد...
احمد: مرحبا والله احلف في ذمتك ماصدق تسلم الغالي في حفظ الله ...
احمد وهو يرمس مبارك اقول عطني شوي برمس البنات ...
احمد:اقوووووووووول سوسو انتي ووطافي كم بتعطوني عندي لكم خبر شو بتعطوني يالله ...
ساره:احمااااااااااد ارمس شو عندك لتقول الموقع فتح لانه ماراح يفتح الا الصبح ارمس احماد ولاتحرق قلبي .احمد:شو بتعطيني يالله ارمسي ....
وطافي احمد انا وطفه دخيلك ارمس والله قلبي طاح في بطني حرام والله بصيح ...
احمد:انزين بس وين ميمي ....هاااااااااا
وطفه ميمي راقده اصبر بنششها ...راحت وطفه توعي ميمي وسحبتها لين الكمبيوتر..وردت تكتب له هذي ميمي هنيه ارمس احمد فديتج جان لنا خاطر عندك ....
احمد:اوكي بس قون قلوبكن اوكي ....
البنات من صوب محتشرات والشباب من صوب ...
مطر:احمد لاترفع ضغطي ارمس شو صار وشو اللى عرفته ....
احمد:اوكي اصبرو لحظه ....ماينفع جيه الحين الساعه كم .....
محمد:اف ارمس لا تنظرب ترى المحنايه جاهزه
احمد اوكي ....
اقول وطافي تعالي انتي وسوسو وميمي المجلس محد هنيه غيرنا انا ومبارك ومطر ومحمد اترياكم ...
وطفه ....اوكي بنبدل بننزل ...
نزلن البنات تحت ونزلت معاهم مي لانها ماطاعت ينزلن في هالوقت من غير حد كبير معاهم ...قالت لهم يتريونها بدلت ونزلت معاهم ...
راحوا صوب الجلس وتلاقوا مع مطر اللى استعيلهم استغربوا ليش هالعيله....
عقب ماجتمعوا....
احمد:احم احم الحين بقولكم الخبر المهم اول شي النتايج طلعت ووصلتني بس للاسف وتم يطالع البنات بنظره بينت لهم انهم اكيد ياراسبين ياالمجموع مب زين وفجأه تغيرت ملامحه لاحلي ابتسامه ...ههههههههه امزح اصبوا بخبركم ...
اول شي الاخت ساره.....94%
وعقبها وطفه 93% واخيرا ميمي يابت 95,5 % مبروووووووووووك ....
ساره وهي خلاص يلست على الارض وصاحت ماصدق احلف احمداني لاتلعب على اعصابي دخيلك ....
تقرب احمد منها ولوي عليها والله مامزح والله صدق توه ربيعي مرمسني مطلع النتايج لي والله فديتج والله ورفعتي روسنا يابنت سعيد..... بس الدحيحه ميمي ماشاء الله عليها تاكل الكتب اكال ويلتفت على بنت اخوه ويبارك لها وعقب حق بنت عمه وبنظره كلها حب قالها مبروك يادكتوره وطفه ....الكل بارك لهم وبالباجر الكل عرف بنتايج وفرح لهم ...
اليوم هو اليوم المحدد اللي بتصير فيه مريم زوجه لمحمد بشكل رسمي على الساعه 11 الظهر ياها مطر ..
مطر:ها مريم متي تبيني اوديج الصالون...
مريم:لا خلاص راعيه الصالون بتي هنيه وبتعدلنا ...
مطر :هي وشو النفسيه ها مرتاحه ...ههههه
مريم:اسكت والله قلبي يرقع وحالتي لله ...
مطر:خخخخخخخخ والله انتي حفله شو مروعج محمد وولد عمج وتعرفينه شحقه هالروع كله ...
مريم:بعد شاسوي والله ...تمت تسولف مع مطر ...
في بيت بو راشد....
ساره :اف واخيرا ارتحت والله فرحانه ولامصدقه نفسي ...
ام راشد:ان شاء الله دوم يارب تكونين فرحانه ومستانسه فديتج ها عيل ميمي وين راحت ...مادريبها بشرت ابوها ولاعدها ...
ساره:والله ياامايه ميمي ربعت بيتهم تقول بتبشرهم وبترجع ....
في بنت راشد.....
ميمي:اماااااااااااااااااااااااااايه ابووووووووووووووووويه وينكم
موزه:اسم الله عليج بنتي شي بلاج شو صاير .......
ميمي :ماماااااااااااه وين ابويه .......
موزه:تعالي نحن هنيه في الصاله فوق ...
ميمي:وهي تربع على الدري .....امايه باركوووووووولي نجحت ورفعت راسكم ويبت 95,5% ها شو رايكم...
موزه:صدقج ولاتمزحين علينا .....
ميمي:وهي تلوي على امها والله ياامايه اني ماجذب وين ابويه ...
راشد:ها بنت راشد مبرووووووووووووك ها واخيرا فديت بنتي والله طالعه على ابوج ورفعتي راسي ...
ميمي:ها بويه شفت بنتك يالله قرقش وين الهديه ...
راشد:امري انتي بس عيوني لج ...
ميمي :لالا عيونك خلهن لك تشوف فيها الحلوين وهي تاشر على امها ...
موزه:يالقويه منو الحلوات ها اعترفي....
ميمي:انتي اماااااااااه انتي منو غيرج حلوه ها ماماه اريد حفله لاصارت ولااستوت ....
راشد:ان شاء الله وفالج طيب محد عندي اغلي منج ياالغلا كله ....
ميمي:انزين ياحلوين انا اترخص بسر صوب عيوزيه ابشرها امايه شو بتين تتعدلين عندنا ولا بتروحين الصالون ...
موزه:لا مافيه بي صوبكن يوم بتيي راعيه الصالون سون لي تيلفون ....
ميمي:ان شاء الله يالله مع السلامه وانته بوسنيده لاتنسي الهديه ...امووووواح
طلعت ساره من فلاتهم اللى هي في نفس الحوش مع بيت عمهم وجدهم ....
دخلت ميمي وتلاقت مع ابوها بو راشد اللى حبها وبارك لها على النجاح ووعدها باحلي هديه هي وساره
ميمي:امايه ....وينج
ام راشد:هنيه فديتج مبروووووك بابنت راشد فديت قلبج والله يعلني اشوفج متخرجه ومعرسه انتي وعماتج يارب ......
ميمي:ان شاء الله وتشوفين عمي احمد معرس وماخذ احلي بنت في الدنيا ...
احمد:آمييييييييييييييين .....
ميمي:ان شاء الله وتاخذ اللى في بالي ....
احمد :وبنظره خبث منو هي هاذي اللى امها داعيه لها اعترفي .....
مي:وهي تدش عليهم مرحبااااا اوه الغلا هنيه ابويه مبروك نجاح الحلوات بناتك.....
بوراشد:الله يبارك فيج وعقالج يارب واشوووفج عروس فديتج ....
الكل:امين
مي:ان شاء الله تشوف احمد معرس ياربي وتفرح به وتشوف عياله وعيال محمد....
الكل:امين......
مي:شوفوا تري الحفله هديتي لج ياميمي وساره هديه من عندي وان شاء الله عقب عرس محمد بنسويها خبركم مايمدي الحين علشان جيه بنسويها عقب عرس محمد بسبوعين شورايكم ....
ميمي وساره :هي موافقين وناسه وبنعزم ربعني كلهم ...
مي:ان شاء الله ...ها ام راشد شي تبين نساعدج فيه ولالا ....
ام راشد:لا فديتج كل شي جاهز فديتج ماتقصرن لا بس اريدج تجيكين على شنط المعاريس جاهزه ومرتبه واريدج تندبين الدريول علشان ايب النا الستاند مال الورد وبس انا بروح اشوف البشاكير وبشوف شو مسوين ....وانتي ياساره وميمي سيرن شوفن المجالس مرتبه ولالا وودن المدخن هناك ....
دخلت عليهم موزه .
وموزه:السلام عليكم ....
الكل:عليكم السلام قاموا يوايهون وموزه ...
موزه:مبروك نجاح البنات عميه وعمتيه
بوراشد وام راشد:الله يبارك فيكم ومبروك عليج نجاح ميمي....
موزه:الله يبارك فيكم ياربي ....ها عموه تبين أي مساعده فديتج تراني حاضره...
ام راشد:فديتج يام سعيد والله ماتقصرين كفايه وقفتج معانا ....فديتج مخليتج ذخر يعلني ماذوق حزنج لانتي ولاراشد فديته ...
راشد:اوه جني اسمع حد يطريني ...يالله فديتج ياامايه ...مبروك نجاح ساره ...ها بنت الشيبه غلبتج بنت راشد في النسبه ...
ساره:عادي مافيه فرق كبير هذي دحيحه تاكل الكتب اكل ......
ميمي:وهي تضرب ساره قولي ماشاء الله والله بتنظربين يالله قولي ...
ساره:اسم الله ماشاء الله ...عن تاكليني ...
الكل:هههههههه
راشد:ها ابويه شو اصبحت اليوم ...
بوراشد:بخير يابويه فديتج الحمد لله ها ماخبرتني شو سويت في المناقصه ....
راشد:هي صح مابشرتك تراها رست علينا الحمد لله ...
بوراشد:الله يعطيك العافيه يابويه ويوفقك ويسعدك...
الكل:آآآآآآآمين ...تمو يسولفون والكل سار عقب في شغله ...
المغرب يات راعيه الصالون وعدلتهم واخر وحده كانت مريم اللى طلعت ملكه جمال عقب صلاه العشاء ...ياهم الملاج وملجوا وخذ مطر ومبارك الكتاب وسارو صوب مريم اللى من الزيغه ماعرفت كيف توقع ...
مطر:ها بنت الشيبه تعالي وقعي ..
مريم:ممممطر وووقع عني والله ماروم ...
مبارك:خخخخخخخخخ هي تخيل مطر انك توقع وتصير حرم محمد ...هههههههه والله تخيل تعابير وجه محمد ...
قطعت عليهم مي اللى دخلت بالغلط ...مي وهي تعدل غشوتها اوه السموحه ....
مبارك مات من شافها لانه مجابل الباب ...((يالله محلاج يابنت عمي كامله والكامل الله )) لاادي مسموحه يابنت العم والفال لج بس تعالي مريوم متروعه مب طايعه توقع ...
مي:شو مريوم وين الشجاعه وين راحت ولااللسان ماله عظم شو هالروع يالله وقعي سمي بالله ووقعي ..
مطر:ارجوج رمسيها اونه تقولي تعال وقع عني ...
مي:هههههههه مايووز انتي وقعي ...
مريم:ان زين يالله بسم الله ...وقعت مريم وباركولها اخوانها وعقب لوت عليها مي وبارك لها وخبرتها انه عمتها تقول خلها تحول لانه الحريم تحت ويتريونها ....
تدخل عليهم ساره وميمي...اوه اوه محلاج روعه بس مب احلي من محمد .....
وطافي:نعم لاوالله اختي احلي منه ....
ساره بسكم سوالف عموه تقولكم بسكم ونزلن الحريم بيروحن يالله ...
مريم:منو بينزلني ....
الكل:نحن بنزلج وموزه تحت عند الدري تترياج بتمشي معاج عند الحريم ....
مريم:اوف يالله معايه بس مب ايلس وتروحن عني لا تمت معايه ...
.....نزلت مريم وتلقت لها لها موزه اللي كانت لابسه جلابيه حمرا من اليشمك ....ومشت معاها لين وصلتها حق الكرسي ويلستها وقاموا البنات بربشتهن ورقصن وحشره لين ماتصل مطر على تيلفون مي وخبرها انهم بيدشون علشان محمد يلبس مريم العقد ...
عقب ماخبروهم دخل محمد وعمه وابوه ومبارك ومطر وسلوا على مريم وطلعوا وتم محمد اللى لبس مريم العقد وعقب سار معاها المجلس الداخلي ...
محمد:مااااااااصدق اخ ياقلبي واخيرا يامريم صرتي ملكي انا بروحي ...مبروك يالريم الدماني مبروك عليج انا ...
مريم:وهي منحرجه الله يبارك فيك ومبروك عليك ..
محمد:اه ياقلبي كم بيتحمل اشوف ارفعي راسج خلني اتامل الجمال هذا لي انا ماصدق ...
قطع عليه كلامه مبارك اللي دخل عليهم ...
مبارك:ها بوجسوم بسك اظن يالله ...
محمد:اف انا بتخبرك شو حد دازنك على تخرب علي ليلتي يالله اظهر شوي برمس حرمتي ...
مبارك يالله دقايق وبرجع لك ....
محمد:مريم ...عندج تيلفون ...
مريم:لا بس ابويه بيطلع لي واحد..
محمد:لا انا طلعت لج وبتلقينه في الكي في غرفتج افتحيه تراني بتصل بج اليوم اوكيكي
مريم:ان شاء الله
قام محمد بيطلع وحب مريم على راسها وقالها انه يحمد الله انه رزقه بوحده مثلها ومثل طيبتها وجمالها...
....اتفقوا انه العرس يكون في بدايه تسعه يعني عقب شهرين ....علشان تقدر موزه حرم راشد تحضره لانه موعد ولادتها نص تسعه ...
بدو البنات يجهزون وراحوا دبي وقرر مطر واحمد يودونهم ....
مي مع احمد ومطر معاه ميمي وساره ووطافي ومريم ....
مي:احمد الحين محمد خلصنا موضوعه انتي متي ناوي ترمس عمي في وطافي والله لوتشوف الحريم كيف يطالعونها يوم الخطوبه بياكلنها بعيونهم وكل وحده تتخبر عنها وبنت منو واي صف واذا مخطوبه ولالا ...
احمد:مادري يامي والله بس ان شاء الله من يعرس محمد برمس ابويه ...
مي:وهي بنظره خبث مادريت يوم ام حميد سالت امايه عن وطافي شو قالت لها ...
احمد باهتمام شو قالت لها امايه ....
مي:الله يسلمك امي بينت لها انها مخطوبه لانها تدري انه ام حميد تريد تخطب وطافي حق ولدها حميد...
احمد:يخسي هذا اللى قاصر وطافي تاخذ حميد هالمغازلجي واللعاب والله بموت لوخذاها....
بس يااحمد وطافي اذا حد تقدم لها من اهلنا مابتقدر ترفض انته ليش ماترمس امايه ....
احمد:ان شاء الله برمسها وبخليها ترمس حرمه عمي بس ماتضيع وطافي مني...
مي:خلاص هد انته ...سكتوا وشغل احمد الاف ام وطلعت اغنيه ....ذكري
((علمني الحب وكيف احب وكيف تكون اهاتي من القلب للقلب يوم حبيته صحيح ترك قلبي جريح ))...من سمعها احمد حس انه مخنوق وقف السياره ونزل منها وفتح عقم كندورته وتم يالس على طرف الرصيف
وحس انه الدمعه نزلت غصبن عنه يوم تخيل انه وطافي يمكن تكون في يوم من الايام لاحد غيره ...نزلت مي وهي متخرعه من شكل احمد وعيونه الحمر ودموعه اللى يحاول يخفيها....
مي:لاتخبيها يااحمد واوعدك يااخويه الغالي والله يشهد على كلامي ان شاء الله وطافي من نصيبك انته ومحد بياخذها غيرك والحين قم يالله ....مر عدالهم مطر ويوم انته انها سياره احمد تروع عليهم قال اكيد فيهم شي ...
وقف عدالهم وتخبر احمد اللى قاله انه ماشي بس كان موفق علشان يصب ماي في السياره ...
حس مطر انه الموضوع غير جيه بس قال لازم يطوفها واكيد احمد بيخره بكل شي ....عقب مشوا الشباب ..
في سياره مطر...
ساره:اف شو هالشريط اللوعه غيره بليز شو ماتعرف تحط شريط عدل عنبوك شو ها من التراث بالروغه هذا مب حق دبي هذا حق العزبه ولاالقنص ..
مطر:والله صدق ...
ساره:ياربي اقول غيره لاتلوع بجبدي...حط لنا راشد الماجد ولاعيضه ...ولا اقولك حط لنا جواد العلي فنان ...
مطر:وع شو قلتي جواد انا مادانيه شو تبين احطه بعد ماطرالي والله وان شفت له شريط في سيارتي بكسره تراني ماحبه ...
وطافي بصوت واطي ...اف بدت الحرب العالميه ...
ميمي:اقوول مطر اذا بتقومون الحرب الله يخليكم نزلوني انا واطفه عند احمد ابرك لنا تراي مريم راقده وانته وسوسو متفيجين حق الحرب ....
ساره:والله شو دخلني كله انا اللى اونه اقوم الحرب هذا مطر اونه مايداني جواد العلي اف منه ...
مطرقلتلج ماشي ...
ساره خلاص ....اف ...هاك هالشريط حطه والله منوعات مسويته حق السياره فديتك لاتعصب على اللى فيه ...
مطر هي تتفديني اكيد فيه الشريط حد من السبلان اللى مادانيهم ......
سوسو:لا والله انته اسمعه عقب علق عليه ...
حط مطر الشريط....بدت اغنيه عيضه مالك عذر ....وخلاه ....وطول الطريج وهو يطفر بساره وعقب التفت حق مريم ...
مطر:هي انتي عنبوج عبرتي الرقاد كله ..
مريم:حرام عليك والله تعبانه مارقدت عدل ...
مطر:مب منج من المرضاعه اللى ترضعينها طول الليل من كثر هذربانج في التلفون مه حمود ولد عمي
ساره:شو حمود اصغر عيالك ...
مريم:هي صدقها سوسو شو حمود هذا اسمه محمد بن سعيد...
مطر:عاشو مدافعين عنده هي الله يعيني على الحرب اللي بتقوم بينكم ....
وتمو جيه لين وصلو بيتهم اللى في دبي ونزلوا الاغراض وعقب سارو الخياط وراحت ميمي ومريم وطلبوامنه يصمم لهم مجموعه فساتين من بيناها فستان العرس بس طلبته مايكون عاري وطلبت انه ايدهاتكون ثلث كم ....وخلوهوقالو له انهم بيرجعون له لاجر علشان يشوفون التصميم .....
عقبها سارو المنال وخذو منه قمصان النوم وقمصان وتنانير ونعل وعقب سارو ماركاتو يبن يكملن مشتري ...
مطر:عنبوكن بسكن فترت روسنا خلصن تراني مابيبكن باجر ...
مريم:فديتك مطر شنسوي منو تبى يودينا حليله احمد تعبان وتم عند البنات اللى ماطاعن اين فيانا بيرقدن وهو من الصبح واعي ومارقد وانته فديتك تراك راقد .الظهر ....
مطر:اف الله يعيني ...عليكن خلصن يالله ...
مي:هي باجر يوم بنتزهب لعرسك منو بيودينا اكيد انته ولاتبانا نسرح مع الدريول ونظوي اخر الليل معاها ..
مطر:حي لين عرسي خير ...اصلن انا بسوي حلفله شاي وبس وفستان عروسي وسامانها بيبه لها طلبيه من لبنان عيل مثلكن تتشرن الا من دبي وبوظبي ...
مريم:خيبه يالخقه بنت منو هذي اللى بتسويلها ها كله ...
مطر:بنت ناس حلوين فديتها ياربي ...
مريم:يعلها تفدا ثر ساره ...والله انك بتسعد جان ضويتها بنت عمك وحشيم اخير عن هالماصخات اللى ترمسونهن في التلفون ...
مطر:تعال بقولج منو قالج انا ماداني اللى ترمس في التلفون بتبطي مارمستها يعلها اللقعه والصقعه ويعلها تفدا ثرها حبيبتي يالله يعل يسقي يوم بتصكون علينا في حجره وحده ((يقصد ساره بنت عمه ))
مي:اخ تعبت خلا ص مريوم بنكمل باجر فديتج احس ريولي ماتشلني ....
مريم:خلاص يالله ماباقي شي بنخلص ...قولي زين انه عمتيه وامايه تعبلن بالجلابيات وموزه حليلها بالمغربي ماباقي غير الشيل والفساتين ومكياج واشياء بسيطه ....
مي:هي والله الباقي باجر ووراه وبنخلص علشان ترتاحين وتجابلين نفسج شوي ...
مطر:يالله سرينا احمد اتصل يتخبر عنا ...
مي:اوبس نسيت تيلفوني في البيت اكيد دق عليهه فديته ...
قطع رمستهم تيلفون مريم...
مريم:الوووووووووه
محمد:يالله حي الله الغلا ...
مريم:وهي منحرجه الله يحيك حبيبي اشحالك الغالي ..
محمد:يسرج الحال وين لاتيلفون ولامسج ولاشي ...
مريم:والله السموحه عيوني بس تدري في السوق بس والله انك في بالي قلت بخلص وبدق لك فديتك
محمد:هي شو خلصوتو ولاعدكم ...شو سويتي اليوم..
مريم:ماشي سرن مع مطر صوب المصمم وقال باجر بيجهز الموديل ورحني نقضي الاشغال اللي باقيه ...
محمد:هي الله يعطيكم العافيه خلاص غناتي بتصل بج عقب يالله فديتج مع السلامه
مريم:الله يحفظك ...
مي:عاشو العشاق الله الله على الحب تحملي على اخويه تراه مايتحمل .....
مريم:هههههههههه الله يسامحج قوليله هو مب تقولين لي ....
مطر:انزين يالله تبن تمرن مكان ولانروح البيت ...
مي:لا روح البيت مايندري بالبنات شو سون عشي ماحد الطباخ رايح صوب ربعه وباجر بيي ....
في البيت احمد يالس في الحوش يشوف الزراعه ويتمشي .....وشافته وطفه من الدريشة المطبخ ..
ساره:وطافي شو فيج توايجين على منو ...
وطافي :ماشي بس احمد شكله وايد تعبان ماعرف شو فيه ...
ساره :يمكن مارقد عدل تعالي خذي الشاي ووديه له خليني اخلص العشا ...تقطع كلامهم ميمي داشه تتثاوب .
ميمي:اه وين العرب ....انا يوعانه وراسي يعورني واريد جاي ....
ساره:حو خلي الكوب هذا لاحمداني ....شوفي الدله هناك وصبيلج كوب وعقب تعالي سوي السلطه من انا بروح اتسبح وعقب عشر دقايق طفي النار عن الجدر ...
ساره:الله شو ها ريحته حلوه شو طابخه ...
وطافي :طابخين مجبوس لحم شو سوي السلطه بودي الكوب صوب احمد وبرجع لج ...
ساره:اوكي تيت...
راحت وطفه صوب احمد خاري ...
وطفه :تفضل الشاي ...حمد ارمسك ...الووووووووه
احمد:ها هلا ايه مشكوره بنت العم ..عيل وين ساره مايابته لي ولاميمي معبلينج ومتعبينج ....
وطفه:افا عليك لاتعب ولاشي ....تامرني بشي ثاني ولااراوح...
احمد:لا تسلمين بس يلسي عندي شوي بنسولف ..
وطفه:اخاف اضيق عليك بالرمسه وانته تريد ترتاح...
احمد:اه لا فديتج انتي ماتضيقين على ولاشي ...الا امممممم لاخلاص ...وطفه:ليش شكلك تعبان انته مارقدت عدل ولامضايق من شي ....
احمد:ها لا ناشي بس شوي فكر في الشغل ...ماتصل عليكم مطر ولامي ولامريم.....
وطفه:هي تصلوا يتخبرون عن اذا نبغي شي ولاشياته بس قلتلهم كل شي موجود وهم في الطريج ...
احمد:وطفه ممكن اسالج سؤال بس ماتتضايقين ولاتزعلين من رمستي ...
وطفه:افا عليك يااحمد ماعاش من يزعل منك اسال واذا قدرت بجاوبك
احمد:وطفه اذا تقدم لج واحد من عيال خالج ولاعيال خالج ولاواحد من عيال ام حميد بتوافقين .؟؟
وطفه:شوف اذا كان زين وفيه المواصفات اللى اريدها يمكن احطه في مجال التفكير بس ليش هالسؤال ؟
احمد:بس اسال واريد اعرف رايج....بتوافقين ولالا ...
وطفه:احمد انته تريدني اوافق ولالا...جاوبني اذا انته في مكان اخويه مطر وتعرف الريال اللي متقدم لي شو بيكون رايك ممكن اعرف ..
احمد:ماعرف ياوطفه لاني مانحطيت في هالموقف من قبل ....
وطفه:شوف احمد انا قايله لك من قبل انا اريد شخص فيه مواصفات ماراح القاها الا في شخص والله لو بلف الكون كله ماراح احصل واحد شراته والحين جاوبني تريدني اوافق ولالا...وهي تطالع احمد اللى نزل راسه ويحاول يخفي حزنه اللى يبين في عيونه ...
احمد:لا ياوطفه ماريدج توافقين عليهم دخيلج ...
وطفه:ومنو قالك اني بوافق بس ممكن اعرف شو السالفه بالضبط ...
خبر احمد وطفه كل اللى صار من رمسه ام حميد لن رد امه وكل شي ...
وطفه:وهذا اللى محزنك صح ولا لا ارمسك احمد...هذا هو اللى محزنك ومخلي نظره عيونك حزن والم ...؟
احمد:هي ياوطفه والله بموت لو حد خذاج مني والله بمووووووووت تعرفين شو بموت انتي القلب اللى ينبض في جسمي اذا خذاج حد غيري بموت والله ...
وقفت وطفه وقبل لاتروح قالت ...احمد ...
احمد:عيونه وقلبه ...لبيه
وطفه:والله لو اتم طول عمري في بيت ابويه مااااخذ حد غيرك ياحمد انته ولد عمي وانته الروح والقلب ...وخلته وراحت البيت تركض ....
احمد ماصدق اللى قالته له وطفه واخيرا اعترفت له بالحب اه فديتها ياربي من ارجع ويخلص عرس محمد بخبر امايه تخطبها ولا ليش الحين اتصل بها ارمسها....ويقطع تفكيره دخله مي ومريم ومطر ...
مطر:اف والله تعبت خلاص باجر انته ودهن وانا برقد لين المغرب واللى بيوعيني بشوته تسلل سمعتوا ..
احمد:خيبه شو ياك وين اللى داق الصدر واونه انا بوديكن وماباخلي بكن مكان عنبوك اليوم بس تعبت انزين مايبنه نفعك انا بوديهن باجر ...
مريم:اصلن تقريبا خلنا باجر بنروح عجمان بناخذ الباقي من هناك وبنكمل كل شي ....
مي:احمد فديتك شحالك...
احمد:اه ياميمي والله فرحان اخ واخيرا اعترفت بالحب اه ...
مي:احلف والله ...فديتك ياربي ...
ميمي:وهي طالع لهم في الحوش الووووووووووه انتوا يالله داخل ترانا يواعه نريد نتعشي ...
الكل:يالله ....
دخلو داخل وسارت مي ومريم يبدلن ويصلن ومطر سار يتسبح ويصلي وعقب اجتمعوا على العشي ...
مطر:الله مجبوس لجم منو طابخ فنانه الريحه ...
وطفه:هذي ساره طابخه المجبوس وميمي سوت السلطه وانا الشوربه ...
مريم:ماشاء الله عليج يابنت عمي لج نفس حلوه في الطباخ الله يابخت اللى بياخذج ....
مي:وهي تطالع مطر هي والله يابخته بتعيشه في نعيم كامله فديتها والكامل الله في كل شي فنانه من طباخ وتعديل وجمال ...
ميمي:عموه باخذ عندج كورس طباخ قبل لاتعرسين فديتج ....
مطر:شو كورس طباخ لا اسفين ماشي ساره ماتعلم حد بس حقي اقصد بس حق ريلها ...
ساره/وهي منحرجه منهم بسكم سوالف يالله منو يباني ازيد له عيش ...
احمد:زيدي حق بنت عمج شوفيها عصاقل ....
وطفه:لا لا بس ماروم اكل اكثر عن جيه بس والله تعبت ..الكل تموا سوالف وضحك واول ليله ترتاح فيها ساره وتحس بحب مطر اللى بدي يشوف الشمس ....وينور بنورها ....
عقب العشا اجتمعوا في الصاله وتموا سوالف ومي ومريم اكتبوا الباقي لهم من السامان اللى بيشترونه من عجمان وقالوا يبون بو هيل عشان يكملون تشري الشيل والعبي ...
شغلت ساره التلفزيون وتمت تتفرفر في القنوات لين ماوصلت قناه الاغاني وكانوا حاطين ...دبي الحربيه هب النسيم النادي فنادي نس نس نسايم نود دونه بعوف الزادي ....وقام احمد ايول ويبس جدام خواته وبنات عمه وكمل عليه مطر اللى تم ايول بطربوشته ويبس جدام ساره بنت عمه وتموا على هالحال سوالف ويوله لين الساعه وحده في الليل عقبها الكل تفرق لانه باجر وراهم سرحه صوب عجمان ويكملون اشغالهم لانه اخر يوم الهم في دبي وعقبها بيمشون صوب دار الزين ,,,,يالله ان شاء الله تعجبكم هالجزئيه ...