و عليكم السلام و رحمة الله و بركاته


اختي الغاليه يمكن انتي تحبين انج تكونين ذات مكانه في المجتمع او شي من هذا القبيل

بس طريقتج الي تتبعيها غلط اذا حبيتي تبينين شخصيتج كوني متميزة في جميع المجالات الي تمرين فيها مثل الدراسه تفوقي فيها صديقاتج قوي علاقتج وياهن و طوري في اسلوبج سواء كان في الحديث او التعامل مع الاخرين



واحيانا ً اجعل هاتفي يرن واتصنع ان اكلم صديقـتي و اضحك . ادردش معها وكأني فعلا ً

الله يهديج انصحج عاد هاي الحركه ما تسوينها عن حد يتصل لج شو بتسوين هاييج الساعه لو كان حد يالس عدالج خخخخخخخخخخخ

و السموحه


تحياتي للجميع

 

هلابك أخوووويه

وأشــــــــــكرك عالطــــــرح الجميل لهذى الموضوعEmaratee



أنا أقول مب اكيد ....... يمكن هالبنيه ناقصنها شي لاقدر الله

والا هو بصراحه طبع مب حلووو

وأحسن شي يسويه الواحد أنَّــه مايمـــدح نفــسه جدَّام النــاس

المفروض هـــو يسكــت والنَّــاس اللي تسمــع عنه أخــباره

وهذي مشاركتي


والسمووووووووحه منكم

 

.. ~.~ بســــمـ الله الرحمــــن الرحيــــمـ ~.~ ..

.. أختي ..
.. وقت الي تبين انج تكونين ذات مكانه .. اذا كنتي تدرسين اجتهدي في الدراسة .. وحتى لو كنتي ما تحبينها لزمي على نفسج .. بس عساس تتخلصين من هاذي المشكلة ..
.. وفي الوقت الي تتفوقين فيه صدقيني راح تكون معاملتج ومعاملة الملكة مثل بعض ..
.. وهذا لأنج متميزة في مجال ..
.. واذا كنتي تشتغلين حاولي انج تكونين متميزة في عملج ..
.. وشخصيتج سويها مثالية ..
.. واذا كان عندج قدوة اقتدي به ..
.. وثبتي نفسج على القرآن لو نسيتي .. بدل ما تخلين نقالج يرن خليه على التذكير على اساس تقرين قرآن ..
.. وهذا هو الشي الوحيد الي راح يخلصج من هذا الشي ..
.. ولا تنسين الصــــلاة ..
.. ومثل ما قلت حاولي انج تكونين مثالية .. والله خذيها من مجرب .. شوفي شلون راح تتغيرين ..
.. وما يحتاج انج تتوهمين او يكون نقالج يرن وبالاساس محد ! .. صدقيني راح تشوفين البنات الي من مكان عاليه أهم الي راح يركضون وراج ..
.. واكثر شي حاولي انج تقوين ايمانج بالله .. وحتى اهلج راح يتفاخرون بج ..
.. والله يوفقج ان شاء الله ..


.. محبتك في الرحمن : ..
.. ~.~ محبــة ريمي ~.~ ..

 

صدق انها مشكلة كبيييييرة
بس لا زم تحاول تحلها خطوة بخطوة
وتعدل من شخصيتها شوي شوي
لانه مررة وحدة ما تقدر
وتدعي الله انه يساعدها
وان شاء الله بتتغير شوي شوي
واسمووحه على القصور

 

السلااام عليكم

اختي في الله
يا ريت لو انج تجلسين مع نفسج وتشوفين شنو الافضل لج
واتمنى تغيري طريقة تعاملج مع الاخرين يعني تكون ما في حكاية مناصب ومدري شنو,,
تتعاملي بطرقة عادية مع الي حواليج
وداومي عالصلاة فهي تريح نفسيتج واقري قرآن بعد

ودايماً فكري بالي يكون في مصلحتج ومصلحة غيرج
وابعدي عنج التفكير الامبالي والتفكير الاناني

تحياتي
][$][خطير ][$][

 

بسم الله الرحمن الرحيم


السلا م عليكم ورحمة الله وبركاته


أشكر كاتب الموضوع :
المشكله لاخت قد يكون عندها مشكله نفسيه في دخلها ويجب رجوع الي الله بتقرب منه والبعد عن وسوسة شيطان .

وردود التي كتبت بخصوص هذه المشكله جزاء الله أصحابها كل خير مناسبه .

وشكرااااا

 

السلام عليكم ورحمة الله وبركاته

تسلم اماراتي على طرح المشكلة ويعطيك العافية خويه على مجهودك الطيب

ختيه واضح من كلامج انج رافضة الواقع الي تعيشينه .. تتمنين مستوى اعلى من مستواج الحالي بدليل انج توهمين عمرج بانج ترمسين اشخاص ذات مستوى ووضع اجتماعي

شوفي ختيه .. في ناس فتحوا عيونهم ع الدنيا وشافو عمرهم على هالمستوى وفي ناس شافوا عمرهم في مستوى اقل .. لكن كل انسان ما عليه غير انه يرضى واذا النفس راضية بما قسم الله لنا صدقيني بتكونين مرتاحة.. لا تحاولين انج تشوفين الاعلى منج شوفي دائماالي اقل منج وقتها بتحسين برضا كبير وراحة كبيرة .. وخلج مؤمنه بان الله سبحانه خلق وفرق والناس على مستوايات واوضاع اجتماعيه مختلفة ..

اما اذا انتي خاطرج تكوني بسمتوى اعلى فهذا الشي بيدج انتي وما يكون بالاسلوب الي تسوينه الحين بانج توهمين عمرج بهذا الشي .. ابذلي جهدج في دراستج اذا كنتي بعدج تدرسين او في شغلج اذا كنتي تدامين .. حاولي انج ترتقين بنفسج ..اثبتي وجودج وشلي من راسج هالتفكير لانج وايد بتتعبين وما بتوصلين لشي ..

لكن ختيه بقولج نصيحة اللي انتي فيه مرض نفسي رايي وراي الاعضاء مع احترامي للجميع قد يساعدج بنسبة صغيرة او يمكن يخليج تراجعين حساباتج وتفكرين في تصرفاتج بعض الشي ..

لكن ختيه انتي محتاجة لطبيب نفسي ..او اخصائي اجتماعي .. طبعا المرض النفسي كاي مرض عادي مب مثل ما يفكر البعض انه يكون جنون بسم الله عليج .. ولكنج محتاج لحد يسمعج .. محتاجة توجيه صحيح ..لا تقولين فضيحة اني اراجع طبيب .. محد بيعرف وخلي السالفة سر بينج وبين اهلج والطبيب وبسس .. وان شاء ما بيطول العلاج لانه عندج ارادة في انج تغيرين من نفسج بدليل انج طرحتي مشكلتج على الاعضاء .. والارادة هي اول خطوة للعلاج والنتيجة ان شاءالله بتكون في مصلحتج ..

والسموحة جان طولت عليج او قلت شي يضايقج بدون قصد

وعسا الله يوفقج ياربي

 

يغلق بأمر صاحبة المشكله ..

شكرا لتفاعلكم .. والله يكون في العون !