اختي الامر كله بيدج انتي.. انتي الظاهر عليج شاله فـ خاطرج على ابوج بسبب ابتعاده عنكم ولفتره طويله مثل ماقلتي..
شوفي يبقى الابو ابو لو سوى عمايل الدنيا كلها وواجب علينا احترام والدينا وعدم معصيتهم الا فاللي يغضب ربنا طبعاً..
اختي لو انج تحبين ربج لازم بتحبين والديج لانه رضى ربنا من رضى الوالدين وابوج كل اللي سواه ابتعاده عنكم واكيد عنده اسبابه واكيد بعد ابتعد عشانكم انتو وعشان يدور مصلحتكم..
ليش ماتشوفين حال غيرج وتحمدين ربج على النعمه اللي انتي فيها عندج اب وام يراعونج ف هالدنيا ويامنون لج اللي ماتقدرين انتي تامنينه لنفسج..واقل شي انتي مش مثل غيرج اللي ابوها يضربها والا يستخدمها ف امور ربج ناهي عنها لمصلحته الدنيويه،،
تحبين ربج؟! تبين الجنه؟! عندج وبيدج مفتاحها.. تعوذي من ابليس وحاولي تقربين من ابوج على قد ماتقدرين وحسسيه انج تحبيه لو انج ماتحسين بهالشي يمكن مع الايام يطيب خاطرج.. والله المستعان

 

.. ~.~ بســــمـ الله الرحمــــن الرحيــــمـ ~.~ ..

.. أختي العزيزه :: :: ..

.. أختي الشي هذا بيدج ..
.. قعدي مع نفسج شوي ..
.. وفكري بالسبب الي ابوج تركج عشانه ..
.. مو هو شغل ؟؟ ..
.. وليش يشتغل ؟ ..
.. هذا كله بس عشانكم ..
.. يعني ابتعد والسبب ماهو كره لكم ..
.. ابتعد لمصلحتكم ..
.. وقبل ما تفكرين بهذا ..
.. هو ابوج صح ؟؟ ..
.. يعني عرفي ان في الوقت الي يزيد حبج له ..
.. في الوقت الي يزيد ثوابج عند الله ..
.. ودايما تقربي منه ..
.. حاولي انج تقعدين معاه وقت اطول ..
.. حاولي انج تتكلمين معاه وقت اطول ..
.. حاولي ان الي بقلبج تقولين له ..
.. وعرفي انه يحبج ..
.. وهذا مو واحد عادي ..
.. هذا رضاه من رضا ربج الي خلقج و انعم عليج بنعمه الوالدين ..
.. أختي .. قبل ما تقولين انج ما تحسين بطعم الابوه .. قعدي شوي مع نفسج ..
.. فكري .. وعرفي السبب .. وحاولي وحتى لو ما قدرتي بالمرة الأولى او الثانية ..
.. وحاسه فيج اختي وادري ان هذا احساس يعني مو بيدج ..
.. ولكن ان كان هذا مو لأبوج ..
.. على الاقل لربــج ..
.. والله يوفقج ..


.. محبتك في الرحمن : ..
.. ~.~ محبــة ريمي ~.~ ..

 

السلام عليكم

وفوي ومحبة ريمي ما قصرن وما عندي شي اقوله اكثر

غير اني اريد اقولج دام انه قريب منج حاولي انج تتقربين منه انتي بعد .. وانسي الفترة الي بعدها عنكم .. ترا حنان الاب مستحيل حد يقدر يعوضج عنه .. ودوم البنت تكون لها معزة خاصة عند ابوها .. تقربي منه بتحسين بحنان وحب مابتحصلينه عند اي شخص ثاني .. الله يخليه لج يارب

والسموحة

 

كلام وفايا ومحبه ريمي صح

واوافقهن فـ الراي

دام ابوج قريب منج

حاولي انتي تقربين منه

حاولي تطلعين وياه وايد

حالولي تيلسين وياه اكثر واكثر

وانشاء الله خير

تحياتي

 

سبحان الله يا مياسي

نفس العقل والافكار ..خخخخخخخخخخخخخ

(( دام انه قريب منج حاولي انج تتقربين منه انتي بعد )) مياسي


](( دام ابوج قريب منج

حاولي انتي تقربين منه )) همس الهبايب

واتقد انه هوه هاذا الحل

يعني خوزي الكره اللي فقلبج لـ ابوج

تحياتي

 

الكلام اللي انقال كله صح وتمام ومافيه شي وبصراحة هذي مشكلة وايدين غيرج أختي اللي الظروف تحكم عليهم يفارقون اهلهم واكيد ابوج مافارقكم بكيفه كان يدور على مصلحتكم ويوفر الكم حياة كريمة والدليل انه مانساكم ورد عندكم .......... حاولي تتقربين منه وتفهمينه وحسي بحبه وحنانه ترى والله حنان الابو مايتعوض الا اذا فقدتيه بعدها بتندمين ندم عمرج ..تعوذي من الشيطان وحاولي تتقربين من أبوج وحاولي تحصليله عذر في غيابه ترى كل يوم يضيع مايتعوض الله وياج واتمنالج الهداية يارب
السموحة منج
أختج غرووب

 

السلام عليكم ورحمة الله وبركاته

رضا الله من رضا الوالدين

حد يكره ابوه ؟؟؟!!!

اختي هذا ابوج
يعني لو سوالج شي بعد لازم تكونين وياه كبنت باره بوالدها

الصحابه رضي الله عنهم اول ما اسلموا كانوا اهلهم زعلانين عليهم ومتبرين منهم
لكن الحق سبحانه وتعالى قال :
{ ووصينا الإنسان بوالديه حملته أمه وهنا على وهن وفصاله في عامين أن اشكر لي ولوالديك إلي المصير وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا }

يعني شوفي
اذا طلبوا مني اكفر لازم ارفض واصاحبهم بالمعروف
فما بالج اذا كان مسافر بس وهو يحاول يعود لج الحين

يعني المفروض تفرحين بان والدج رجعلج وهذي نعمه من ربج



ويعني لازم نحسن لوالدينا

لو انج ماسويتي بوالدج شي

لازم تكونين باره بوالدج وماتحسسينه بأي شي

وتحبينه بس لانه والدج

ولو ماحسيتي بطعم الابوه

يعني انظري للموضوع من منظار اسلامي

وان شاء الله يكون وصل رأيي

 

السلام عليكم ورحمه الله وبركاته

اختي

دام ابوج في الوقت الحالي موحود معاااج حاولي تتقربين منه وتحبينه .... لان حبه ومعاملته ونصائحه وايد بتفيدج لا تبتعدين عنه كوني قريبه منه .........

اختي انا ابويه توفى (( رحمه الله عليه )) يوم كنت يمكن 10 سنين يعني بعدني كنت صغير والحين انا ريال عمري 20 سنه وبعدني احتايه في دنياي ولو كان موجود بتكون حياتي غير ..... والله ياختي ان الابو مايتعوض بأي شخص كوني قريبه ....

والسموحه منج

حلو المزوحي