الجزء الاول
كان ياما كان في قديم الزمان اسطوره تقول ان هناك كرتون بلاستيك
في جزيرة غامضة وسريه يحتوي على كنز لايقدر بثمن , كنز اذا ملكته ملكت العالم كله .
انتشرت هذه الاسطوره في جميع انحاء العالم الى ان وصلت الى مدينه " المجانين "
تعتبر هذه المدينه الاولى في العالم التي تظم عدد هائل من المجانين لكن طيبين مره 
اكتوبر 1689 ميلادي
ابو فروه : هاااااااااااااااااي ياشبااااااااب اقصد يامجاااااااااانين .
سعد : مجانين وانت وش ؟
ابو فروه : انا مجنون لكن عاقل .
روك : خلصنا وش عندك ؟
ابو فروه : اوه صح .... سمعتو الاسطوره ؟
روك + سعد : اي وحده حقت ؟ لا يكون حقت الصعيدي والحية ؟
ابو فروه : أي صعيدي ؟ لا لا يا عمي ويييييييين ؟
سعد : اجل ؟
ابو فروه : اسطوره خمس عشر رجل ماتو من اجل كرتون بلاستيك ..
روك : الله عشان كرتون بلاستيك ؟؟ طيب خذ هذا كرتون نايلون .. يمدحونه
روح دورلك على 15 هندي , شفت كيف حليت الاسطوره .
ابو فروه : لاياعمي اسطوره قويه قويه .
سعد : قويه قويه ؟؟
ابو فروه : والله قويه ..
روك : افا تبي فزعه ؟
ابو فروه : لالا سطرتهم لوحدي ... لحظه ووووش دخل هذه ؟
ابو فروه : اسمعوني انا رحت الى غرفتي ..
سعد : عفوا ... جحر مو غرفه ... تسميها غرفه ؟
ابو فروه : اقول خلني اكمل ... رحت لغرفتي وقمت اطقطق على اللي هذا يسمونه
ادخل وانت ..
روك + سعد : ها ؟؟؟؟
ابوفروه : ايه ايه ادخل وانت ... لالالا وش اسمه ياربي ؟؟؟
سعد : اهاااااااااا انتر ..
روك : انتر ميلان خسروا امس قدام روما
سعد : لالا ياعمي خلني اقول اسمه " انترنت " << انترنت في 1689 ؟؟
ابوفروه : ايه هذا ..... طيب دخلت وفجاه جتني ورقه تقول تبي تربح سيارة الشبح
انا قلت ايه ... قالت الصفحه : باحلامك .
وبعدها طلعت لي هذه الاسطوره
روك : طيب وش تقول هذه الاسطوره ؟؟
ابوفروه : تقول : " اولا راح تكون مجنون لو تصدق هذه الاسطوره " الحين هذه المقدمه فقط ... طيب خلني اكمل السطر الثاني " في هناك كرتون بلاستيك يحتوي على كنز لو ملكته ملكت العالم .. اتبع هذا الوصف ( ملاحظه مهمه : اذا فهمت الوصف تعال قابلني)
سعد : طيب الحين وش الوصف ؟
ابوفروه : والله ياخوك الوصف مظلله عليها لنبات تقول كوبس وهذيك ..
سعد : هاااااااااااي انت وصف الكنز .
ابوفروة : يقول الوصف ياخوك " اذهب الى الطريق اللي فوق الجبل واول اشاره مرور مكسره ومنفجره خذ يمين وبعدها تجد محل اتركه لا انصحك فيه .."
روك : ليه اتركه ؟ يمكن يكون فيه الكنز ؟
ابو فروه : مممممممممممممم طيب خلني اكمل الوصف ..
سعد : اعتقد يازملائي امحق زملاء المهم ان هذا المحل فيه اشباح ..
روك : اثباح !!
سعد : اشباااااااااااح مو اثباح .
ابو فروه : وش ؟؟ اشباح هذه ؟
سعد : اثباح اقصد اشباح هم مخلوقات غريبه يحطون شرشف ابيض ويقولن بوووووبووووو
ابوفروه : شرشف ؟؟ ليه ؟ راح يبردون بسرعه خلهم يحطون بطانيه احسن ... والله اانا عندي بطانيه من جدي الاول تصدق
سعد : قصدك شبكة العنكبوت
ابوفروه : لاتمدح ما اسمح لك .
روك : طيب خلاص عطونا الزبده
ابوفروه : زبده !! ياعمي هذه تجيب السكر والضغط انصحك بالجبن نعم
سعد : ياحووول يقصد خلاصه الموضوع
ابوفروه : اها الخلاصة .... طيب الجبنه اننا نبي نروح للكنز اللي في الكرتون ... وش قلتو ؟
سعد : طيب انا موافق بس بشرط .. ان لي الكرتون .....مافي كلام الكرتون لي
روك : وانا ابي احفر .
ابوفروه : خلاص تم .... ان ياسعد لك الكرتون البلاستيك وانت يا روك تحفر وانا لي الكنز موافقين ..
سعد + روك : موافقين
ساكو : لحظه لحظه لحظه هاهاهاها
ابوفروه : ياويلي جاكم محشش الموز
سعد : تصدقون اني كرهت الموز والسبه هو
روك : لايجماعه لاتظلموه خلوه يتكلم
ساكو : وين تبون تروحون ؟ ها اعترفو اكيد رايحين للكنز .. والله لا اعلم كل اهل المدينه ..
ابوفروه : لا تكفى طلبتك .. ارجوك مانبي مضايقات ومعجبات ومابيهم يلحقون بالشارع حتي يصوروني .. ارجوك
سعد : ياعمي وش ارجوك ويصورك انت اذا لحقتك الفاره تعال قلي ... قال معجبات .. المهم ....
سعد : وش قلت انت يامحشش الموز ؟؟ هاا
ساكو : ه ه ي ه سن ت ها ؟؟
سعد : تعالو خلونا نربطه ونعذبه ...
عندي طريقة لتعذيب حلوه مره ..
روك : بالله عطنا لنشوف .
ابوفروه : لحظه نبي جريمة كامله مو يجينا هذا ابو نظارة كونان ويحلها هو وعمه هذا طاح موري
سعد : لالا ماعليك .. اسمعو نرسل له رساله بالغراب الزاجل نقول فيها ... مبروك لقد ربحت نص موزه تعال الى مدينه " نص مجانين " والتي تبعد عنا مسيره 100 سنه ضوئيه
وش قلتو ؟
ابوفروه + روك : موافقين
سعد : طيب ياساكو تعال حبيبي :
ساكو : نعم شو مافي رايح معاكم يعني رايح .
سعد : ايه ايه راح تروح لكن انا اليوم جلست بالحديقة وجاني غراب يقول : تدل بيت هذا ساكو؟ ... قلت ايه وصفة له بيتك ... وراح واعتقد ان معه جائزه لك .
ساكو : صدق والله ... لحظه ! غراب يتكلم ؟
سعد : ايه يتكلم يتكلم .. روح الحق
ساكو : طيب بااااااااي
ابوفروه : اقول ياسعد .. صدق الغراب يتكلم ؟
سعد : والله مادري بس هذا كان حلم ؟ وهو صدقه ...
To Be Continued
30 Jan 2006, 10:41 PM
