هاذي وصية عاشق أسمه خالد .... أنكتب له أنه يموت ويفارق حبيبته ... قبل لايموت كتب ذي القصيده لخويه علشان يحط باله على حبيبته ... ويحبها ... وقال فيها ..:



وصاتي لك من بعدي .. تموت فيها على شاني



ابيها تعيش وتحيا بك .. واظل بالذاكره مفقود



وصاتي لك تنسيها .. ملامح وجهي وتنساني



وتعزفها قصيده حب .. على عكس اللي عزفته بعود



وصاتي لك تبعدها .. عن اشعاري وقيفاني



تراها مغرمه بالحيلل .. ويشهد لي عدد الردود



وصاتي لك تسايرها .. ترى فيها من احزاني



طلبتك لا يضيق بالك .. طلبتك والطلب مردود



وصاتي لك تناديها .. حياتي .. عمري.. ازماني



انا عودتها دايم .. ادلعها وانا موجود



وصاتي لك تعاملها .. بطيبه قلب واحساني



تراها تذرف الدمعه .. ودمعتها بليا حدود



وصاتي لك تحفظها .. سور وايات قراني



وتخبرها عن الميت .. رحل لايمكنه بيعود



وصاتي لك ترسمها .. على قبري واكفاني



ابيها لوحه تبقى .. على طول الزمن محدود



وصاتي لك تمازحها .. وتشوف الضحكه باسناني



سعيتك يا ضحك هالكون .. طلبتك لا تصير جلمود



وصاتي لك تقهويها .. من دلالي وفنجاني



تراها تعشق السمرا .. ويكفيها دخون العود



وصاتي لك تركبها .. على خيلي وعلى حصاني



وربي فارسه من قلب .. شهاده ماهي لشهود



وصاتي لك تسفرها .. بلاد الشام ولبناني



ترى يحلالها تقطف ورده .. ورده من بلد الورود



وصاتي لك ترقصها .. على الحان رحباني



ترى فيها عرق خاله .. وفيها من جنون السود



وصاتي لك تحببها .. فأبو نوره بعد هاني



وتنسيها ندم غلطه .. انا فيها ترى المقصود



وصاتي لك تكرها .. في تاريخي وعنواني



أبيها تلعن اللحظه .. وتلعن كل فرح موعود



وصاتي لك تكلمها .. عن المجني وعن الجاني



وتخليني انا الظالم .. وانا من حرّق الاخدود



وصاتي لك تشبهني .. بدم احمر قاني



وانا هالقاتل السفاح .. مجرم من عصر نمرود



وصاتي لك تحلفها .. تتوب تحبني ثاني



ترى يكفيها ما عانت .. ويكفي حيلها مهدود



وصاتي لك تنسيها .. وصيه قالها لساني



أنا اخبرك رجل موقف .. وإنت قدها وقدود



صديقي مالقيت غيرك .. يعرف وشلون تنساني



أمـــــــــانـــــــــــــه .. ضــمــها بــقــلــبك تــرى خــــــــالـــــــــد .. رحــــــــل مـــا يــــعـــــــــود



هذي هي الدنيا الطيب مايدوم



لكن هل في حب لهذي الدرجه

فعلا؟؟

وسلامتكم يالغالين