وعليكم السلام ورحمة الله وبركاته

ختيه الطلاق مب حل

قبل لا تفكرين بالطلاق فكري الف مرة ومرة

خلي الطلاق اخر شي تفكرين فيها

تقدرين انج ترمسين حد من اهلج وحد من اهله ويحاولون يرمسونه بالطيب

يمكن يقدرون يقنعونه وانتي بعد حاولي من صوبج ولا تياسين

هذه المشاكل مب عندج انتي بس خواني 4 معرسين واول خمس سنوات في حياتهم كانوا يعانون من هالمشاكل

اول سنه اهتمام وحياه سعيده ومن عقب اول مولود كل شي يتغير وتبدا المشاكل والضرابات

لاتنسين انه البيبي خذا اهتمامج ومعظم وقتج وقبل كان كل اهتمامج ووقتج له بروحه


حاولي انج تنظمين وقتج بينه وبين البيبي دوري شو الاشياء الي كنتي تسوينها قبل لا ايي البيبي والحين ما قمتي تسوينها سوا اهتمامج به او اهتمامج بشكلج او طلعاتكم ويا بعض .. عطيه من وقتج واهتمامج وحاولي انج تفهمينه انه هالنونو له حق بانه يعطيه من وقته ويحسسه بحنان الاب ..

صدقيني الغالية هذه مجرد فترة وكل حد يمر بها بس حاولي انج تتحملينها ولا تطرين طلاق ولا فراق

فكري بهالياهل

الطفل اذا ما تربي بين امه وابوه ينقصه وايد اشياء لانه بينحرم من حب وحنان واحد منهم

ومهما حاولتي تعوضينه اذا تم وياج ما بتقدرين مهما كانت الام لها شخصية وحاولت انها تكون الاب والام في نفس الوقت بعد بيكون في احساس بالنقص ..

نظرة المجتمع .. وانتي تعرفين كيف نظرة المجتمع للوحدة المطلقة كل خطة وكل تصرف محسوب عليها

حاولي تسترجعينه ولا تفكرين في الطلاق ابدن

وان شاءالله ترجع امورج احسن من قبل وعسا الله يسعدج ياربي

 

وعليكم السلام ورحمه الله

ماشاء الله مياسي قلتي كل اللي فخاطري..

اختي..
بعد اول ثلاث سنوات، تقريبا، يقل الاهتمام بين الازواج يعني مايكون كثر اول السنوات ووجود الاطفال ممكن انه يسبب بفتور العلاقه بين الزوجين نوعا ما في حال تقصير احد الطرفين بحق الاخر..

يعني يمكن انتي تكونين مقصره ف حقه وانتي مش ملاحظه هالشي بسبب انشغالج بالياهل.. وممكن وجود هالياهل بينكم هو المشكله.. بتقولين كيف! بقولج،، ترى فيه رياييل يغارون من عيالهم ويوم انهم خذوا اهتمام زوجاتهم كله.. هيه لاتستغربين فيه رياايييل عادي يغارون من عيالهم شي طبيعي..

اختي خذي وقت ويا نفسج وراجعي حياتج لحظه بـ لحظه اكيد بتلقين سبب بعدم اهتمام زوجج بج وبنته واهم شي انج تشيلين فكره الطلاق،، توكم ماوحالكم تعيشون الحلو والمر زين.. مافي حياه من دون مشاكل واذا تبين الصراحه هالمشاكل احيان برغم نكدها الا انها تسوي جو وممكن تقرب الامور من بعضها اكثر

عطي ريلج بعد وقت ويلسي وياه وحاول تعرفين السبب وان مانفع،، تصرفي بروحج،، اهتمي فيه وقربي منه سوي اللي يريحه وابتعدي عن الشكاوي والصياح والتأنيب وموال "انته ماتهتم فينا" لا عاد تسمعينه اياه،، تصرفي وغيري من اسلوبج للاحسن واكيد اهتمامج فيه بيحرك شي فيه وبيخليه يغير من تصرفاته

كبري عقلج اختي والطلاق لاتفكرين فيه ترى بنتكم بينكم،، لاتظلمونها

الله يوسع عليج ويسعدج

 

مرحبا ختيه شوق البحر


يالله سبحااااااااااااااااان الله اليوم ها الساااالفه نفسها تقريبا كنت اسمعهاااااا واشوووفها بعيني


بس البنت توهااااااااا ما كملت شهرين من عرست هذا هوه الفرق


..........


مرحبا بختيه

الصراحه مياسي ووفااايه ما قصرو وعطوووج نصايح وايد بتفيدج

.....بقول من اللي سمعته اليوم .....


يا ختيه حاولي قد ما تقدرين انج تتقربين من ريلج .... البيبي امره ميسووور (( رقديها واتفيجي حق ريلج ))


يوم بتشوفينه طلع من البيت حاول انج تتصليبه كل شويه ....يعني لا تخلينه يحس انه بروووحه .. اتصليبه لو ما يرد حاولي كذا مره ... وبجيه بيحس انه عنده حرمه تحاتيه ... ويوم بيرمسج اسأليه وين سرت وين ييت شو كلت تباني اسويلك شي ....

حاولي قد ما تقدرين انج تحسسينه انج وياااااه مب بعيده عنه .... يعني اهتمي بالثنينه البنوته وريلج اكثر طبعاااااا

اللي يشوووف مصايب غيره تهووون عليه مصيبته


هونيهااااا وتهوووووون

بس لا تيبين طاري الطلالالالاق وانشالله الله بيسر امووورج وبترد المياه لمجاريهاااا


وانشالله يا رب تردوون مثل ما كنتو واحسن ...

والسموحه منكم


راعية معاني

 

::

السلام عليكم والرحمه ..

الصبر مفتاح الفرج ..

قوي قلبج وخلي الرحمن فصدرج .. ولا تفكرين مجرد التفكير بالطلاق ..

ياما ناس مشاكلهم كانت اشد واعظم من مشكلتج ..بس صبرو.. سنه سنتين خمس عشر ..

وحطي فبالج انه ابتلاء واختبار من رب العالمين .. يعني انتي ماجورة ع كل لحظه ودقيقه اتعيشينها في حزن ..

حاولي اتحسسينه انج موجوده .. وانج اتحبينه واتعزينه .. نظمي وقتج وخلي له معظم هالوقت ..

وحتى اذا هو ما عطاج الا القليل القليل من وقته .. احمدي ربج ولا تخلينه يحس انج شي ثجيل عليج

ولا تنسين اهم شي .. انج تدعين له ..

والله يفرج عنج ..

والسموحه

 

هونيها وتهون

الصبر مفتاح الفرج

كلمات رائعه تعطي دافعا ً للأمل

لي عوده

 

اختي الكريمة

الحياة الزوجية تفاهم ورابط قوي جداً لا ينبغي ان ندعه يتأثر بهذه المشكلة

إياك ثم إياك التفكير بالطلاق
وما عليك سوى الدعاء والصلاة والصبر
وكوني عوناً لزوجك في هذه الايام لانه بحاجة ماسة اليك
كوني له الصدر الحنون ولا تشعريه بتاتاً بالفشل
وإن طلبت الطلاق لا سمح الله فماذا ستقولين لاهلك
وبماذا تعليلين طلب الطلاق هذا
اصبري ثم اصبري ثم اصبري
ومع الايام ان شاء الله سيتم الدخول
وستبقين كبيرة في نظر زوجك وخاصة ان عرفتي كيف
تعاملينه في هذه الفترة
اختي الكريمة
اسمعي من اخيك واصبري
وادعو الله عز وجل ان يفرج عليكما في القريب ويرزقكما بالذرية
الصالحة وان يديم عليك وعلى زوجك السعادة والحياة
الاسرية الهانئة
واطلب من كل اعضاء المنتدى وكل من يقرأ الموضوع الدعاء لكما
راجياُ منك ان تقومين بإعلامنا بما يحصل مستقبلاً حتى تعم الفائدةللجميع وخاصة بمن يمر بهذه المشكلة لانها عديدة جداً
ولي عودة لمتابعه الموضوع

 

السلام عليكم ورحمة الله وبركاته
قبل كل شي بغيت أقولج إختي إن هالمشكله وايد منتشرة في مجتمعنا
والطلاق بالنسبه لها مش حل صريح او شي يمكن إنج إنت تعتمدين عليه
يمكن إنتي تحسين بالراحع من قرارج واللي أظن إنج بعدين يمكن تتندمين عليه
بس هالشي بيأثر على إنسانه بريئه مبينكم
إذا كان هو إنسان مب زين . ما يعاملج أوكي
هذي المشكله أكيد وراها سبب
الواحد من الشباب يصير مهمل إذا إذا تعامل بنفس الإسلوب
نحن الحريم كله نحط السبب ورا الرياييل لان هذ ي فطره فينا ما بنقول السبب مننا نحن
إختي إنتي يمكن بعد إنجابج الطفله الاولي بينكم إنتي شو إبتعدتي عنه هو
صح ...... بنقول البيبي يباله تربيه ومتابعه أوكي بس
حتى الريال بطبيعته طفل والله صدقيني إذا ما لقى الاهتمام هو بعد ما بيهتم
أنا نصيحتي لج ما بتكون عكس نصيحة إخواني الاعضاء
إن أبعض الحلال عند الله الطلاق
وانتو بينكم بنيه
إنتي حاولي تجددين العلاقه بينج وبينه مره ثانيه وتردين له شرات قبل
يعني إهتمام أكثر......... وبعدين شوفي النتيجه

والسموحه منج إختي بس تذكري أن بينكم بنيه
أكيد تبا تقول كلمة أبوي

 

السلام عليكم..

اختي..اصبري ..اصبري..
(ان الله مع الصابري)
ولا تفكرين في الطلاق..
لانه الطلاق ياما فرق اسر..
البنت الصغيره شو ذنبها ..تتلته بينكم..

وحاولي انتي تبدين بالكلام وياه .. تتقربين منه..اترمسينه وهو هادي.. يعني في الوقت المناسب..

الله يهون عليج يا ختيه..والله يهدي ريلج..