اقدم لكم اليوم مشكلة واحد من شبابنا .. وانا متاكدة ان مش بس هو اللي مكمن يكون مر بهالموقف .. وايد منا كان في يوم من الايام في نفس هالحالة .. اتمنى نوصل لحل مقنع مع بعض .. ونفيد اخونا ...
اتفضلوا
::
::
السلام عليكم
انا شاب ،طالب مرحلة ثانوية ، متفوق جدا ، وهذي هي مشكلتي،
بتستغربون ، ناس وايد تتمنى تكون متفوقة وترضي اهلها ، بس تفوقي انا مجرد نقمة علي ،
والسبب .. انه خلى الوالد يحط آمال علي، ويدفعني لدراسة الطب ، أو اختياره كـ مجال ادخله بعد الثانوية ،
وبصراحة ، انا احب مجال التجارة اكثر ، بس الوالد والوالدة الله يسامحهم بغوني ادخل يا الطب يا الهندسة ، هب هني سالفتنا لانه خلاص انحسم الموضوع وقرروا ادرس طب ، وسفرني الوالد بلد اجنبي اللي انا فيه حاليا عشان اكمل ثانوية فيه وادخل جامعة معروفة هني ، احس بوحدة تجتلني ، هب قادر اكلم حد او اتواصل ويا حد غير الوالد طبعا ، كان وياي ربع فالبلاد بس ما قدرت استمر وياهم بسبب بعد المسافة ، وحاولت اكون صداقات هني بس فشلت ، والاغلبية انا بالنسبة لهم وافد ، و فوق هذا وافد عربي ، وتعرفون حساسية الغرب من هالموضوع ، حتى العرب اللي هني هب قادر اكون صداقات وياهم ، وان وجدت هالصداقات ، تراها سطحية جدا، واخر شي اباكم تعرفون اني ما كتبت اللي كتبته الا عقب ما حسيت اني خلاص، هب قادر استحمل هالانعزال اللي انا فيه ......
شو اسوي؟؟؟
15 Mar 2006, 11:07 PM
++ اسير الوحدة ++
