السلام عليكم ورحمة الله

بنات شباب هاي القصه انا كا تبتنها واتمنى ان تنال اعجابكم ولا تبخلون عليا بآراءكم اوكيك
لان اول مره في حياتي اكتب قصه

غربة علـــــــــــي
الجزء الاول
وايد اشيا تدور في باله وين هو كان وين صار راح يقابل ناس المفروض كان يشوفهم من واحد وعشرين سنهبس القدر حتم عليه انه يبتعد ....
بطل قصتنا اسمه علي حلو شعره أسود وعيونه رماديه وابيضاني عريض وطويل على امه عمره واحد وعشرين سنه ابوه إماراتي لكن امه فرنسيه توفى ابوه يوم كان عمره 15 سنه وبعدين عاش مع امه في بريطانيا وتوفت امه لما كان عمره 19 طبعا هو وايد تأثر ودخل مستشفى امراض نفسيه وعاش حياه حزينه فقد فيها اغلى اثنين في حياته...هو كان عايش مع يدووووته الفرنسيه الي ما تعرف ولا حرف عربي في يوم تخرجه خبرته يدوته ان عنده اهل وعيال عم في الامارات هذا غير الاملاك من عمارات وبيوت وشركة عقارات كان يديرها ابوه ....وعطته اوراق ثبوتيه تثبت من يكون والمهم عندها املاك حفيدها...علي ماهمه كل هذا همه الوحيد اهله استانس لما عرف انه عنده اهل...بس كان خايف انهم مايعترفون به...

أنا وين ماسافر من احزاني تجد احزان
وأظل أركض مثل ضحكة غريب ودمعة مسافر
تعبت أهرب من الذكرى لها كل البشر عنوان
تجيني بالوجوه أهرب ولا اهرب دامها الناظر
واناديلك وانا بآخر ليالي بآخر الأوطان

وصل علي بيت ابوه الي في بوظبي ونزل بخطوات تسير للمجهول ...بيت ابوه كبير وفخم ومبين من اثاثه والاشيا الغبره انه جديم...ظل علي واقف ساعه بس يدور بعينه عالبيت الي سكن فيه ابوه...طبعا اليده الطماعه كانت معاه..كل واحد فيهم اختار له غرفه وقعد فيها...


في اليوم الثاني نش علي من الصبح ولبس بسرعه جينز ازرق مع قميص ابيض وشغل سيارة ابوه الموجوده في البيت وسار شركة عمه في دبي...طبعا هو فوق المية مره مضيع وكل شوي يسأل لين ما وصل..

عطول سار آخر طابق...
السكرتير: خير كيف اقدر اخدمك
علي: حميد علي محمد موجود
السكرتير:تقصد بو عبدالله ...هيه موجود منو اقوله
علي: قوله علي حسن علي محمد
السكرتير: إن شاء الله طال عمرك

في مكتب بو عبدالله

السكرتير: طال عمرك في واحد اسمه علي حسن علي محمد يبا يشوفك اخليه يدخل..

بو عبدالله متفاجأ: منو ... شو ...
السكرتير: !!!!!!
بو عبد الله: ماحيد اخويه معرس وعنده ولد ....بسرعه خله يدخل
السكرتير: إن شاء الله

طبعا طول الوقت وعلي قاعد على اعصابه...لين ما ياه السكرتير وقاله يدش..


علي مرتبك ونظراته تتفحص ويه بوعبدالله: السلام عليكم
بو عبدالله متفاجأ من الشبه بين علي وابوه المرحوم ولو انه علي وايد احلا عن ابوه لانه ياي صوب امه شوي: حياك يا ولدي خير تامرني بشي...
علي ارتاح نفسيا من استقبال عمه له: يمكن انت متفاجأ ومب متوقع ان يكون عندك ولد اخو ووو......


بوعبدالله يقاطعه:
تفضل ارتاح يا ولدي وكلمني شوي شوي عشان افهم لان الي اعرفه ان اخوي مب معرس ..
علي:ادري يا عمي...انا امي فرنسيه ابويه خذها لما شافها في الشركه الي راح عشان يعقد معاها صفقه وتزوجها بالدس من غير محد يدري...وعاشوا طول عمرهم من غير اي حد من اهل ابويه يدري انه معرس غير ربيعه بووليد في البدايه كنت بسير عنده لكن حبيت ايك بنفسي من غير واسطه لأنك انت عمي وبحسبة المرحوم ابويه وجانك تريد اوراق ثيوتيه تثبت من اكون بيب لك الاوراق..
بو عبدالله يقاطعه:دامك ولد اخويه ما تحتاي واسطه لا اوراق ولا شي يا وليدي بس انا المستغرب منه ليش ابوك ما خبرنه ...عالأقل نعترف بك ونعرفك....لا إله إالا الله

وهني قطع عليهم عبدالله ولد عم علي الي ما يعرفون بعض

عبدالله: الســــــــــــلام عليكم
بو عبدالله وعلي: وعليكم السلام
عبدالله:السموحه منك ابويه ما دريت انه عندك حد من المهندسين
علي:هههه والله حقه
هني عبدالله عباله هذا واحد من المهندسين
بو عبدالله : مسموح ... هذا مهندي ها ولد عمك حسن
عبدالله: اي حسن ؟؟؟
بوعبدالله: ما تعرف عمك المرحوم حسن
عبدالله متفاجأ: صدق...ما يشبها ها وايد احلى.... ابويه عمي اصلا هب معرس عشان يكون عنده عيال..
بو عبدالله:اسمع يابوي ياعلي انت اليوم معزوم عندي عالغدا في البيت الحين انت سر ويا عبدالله عشان يدلك البيت ...وانت يا عبدالله لاتم تسال وايد خذ ولد عمك ودله البيت وتالي افهمك شو السالفه
عبدالله :ان شاء الله طال عمرك
علي:مشكور عمي ما في داعي للكلافه
بو عبدالله: لا كلافه ولاشي ولازم اليوم تتغدى عندي فالبيت عشان افهم منك السالفه اكثر...
علي :إن شاء الله
عبدالله:يالله نسير
علي :يالله

بو عبدالله ريال كبير متزوج من بنت عمه روضه و عنده ولد وثلاث بنات ولده العود اسمه عبدالله عمره 23 سنه متخرج من جامعة الامارات وهو يشتغل مع ابوه في الشركه..فاطمه بنت حلوه عمرها 22 متزوجه جاسم ولد خالتها شيخه وعندها بنت وحده ..حصه عمرها 20 سنه مخطوبه لولد عمتها ناصر وتدرس في جامعة زايد ...ريم آخر العنقود دلوعة ابوها واحلى وحده ودلوعه شايفه عمرها شوي عمرها 18 سنه اول سنه في الكليه..
_______________________________________________

علي رد بيت ابوه مستانس من استقبال عمه له ... اول مادخل قعد يدور يدوته الفرنسيه بس ماحصلها استغرب وخاف وين ممكن تروح هالعيوز ظل يترياها فوق الساعتين ما رام يتحمل مهما يكون هاي يدته طلع في حوش بيتهم وظل واقف يفكر شو يسوي شوي ولا تدش يدوته من الباب (بحكم انه يدته مسيحيه فلا شيله ولا عباه) على طول ربع عندها
علي: أين ذهبتي يا جدتي
اليده: لقد مللت من جلوسي في المنزل فقررت ان اتمشى قليلا في الهواء الطلق فخرجت امشي وامشي الى ان وجدت نفسي في مكان لا اعرف اين وبعدها ظللت اسأل الناس حولي لكن دون جدوى لانهم لايفهمونني
علي:بالطبع هنا يتحدثون بالغتين العربيه والانكليزيه ..ثم ماذا فعلتي
اليده:لا شيء جلست على احد المقاعد الى ان اتاني احد الشبان وسألني ومن حسن حظي انه كان يجيد الفرنسيه بعض الشء ...وبعدها اخبرته اين هو المنزل فجلبني الى هنا..
علي:ارجوك جدتي لاتعيدي مثل هذا التصرف ثانيتا فقد كنت سأجن حين دخلت المنزل ولم اجدك..
اليده:ماذا تريدني ان افعل في هذا المنزل لايوجد شيء وكل شيء متسخ
تلوم علي وحليله كيف يظهر من الصبح ويهد هالعيوز بدون شي ولا بعد المكان خايس
علي: اعذريني يا جدتي فمن فرحت لقائي بأسرتي خرجت ولم انتبه لشيء
اليده: صحيح اخبرني ماا حدث معك
ظل علي يقول شو استوى معاه هو وعمه


في بيت ام ناصر اخت بو عبد الله

دخل بو عبد الله البيت وزقر اخته
أم ناصر: بلاك زيغتني شو مستوي
بو عبدالله: بسألج انت في يوم يا حسن وقالج انه معرس
ام ناصر تفاجأت: ....
بو عبدالله:بلاج ... اسألج ردي عليا
ام ناصر: الله يرحمك يا خويه....وانت كيف عرفت
بو عبدالله عصب شوي: يعني انت تدرين وساكته ...ش عنه ما خبرتوني مب انا الكبير
ام ناصر: صل عالنبي ياخوي انا وعدت المرحوم اني ما خبر حد ...وانت ا كيف عرفت بالسالفه..
بو عبدالله: ترا حسن عنده ولد واليوم ياني المكتب
ام ناصر: شوووووووو ما خبرني ان عنده ولد وهو اصلا قالي انه ناوي يطلقها
بو عبدالله:ترا الولد عنده اوراق ثبوتيه تثبت من يكون
ام ناصر: معقوله
بوعبدالله: انت خبريني متى هو خبرج وشو قالج
ام ناصر : اذكر لما يبت ناصر ياني حسن المستشفى قلت له امسك ناصر شوي بسير بسبح ...وسرت لما ظهرت شفت حسن ماسك ناصر ويطالعه ويصيح...استغربت!
ام ناصر: حسن شو بلاك
حسن: اقدر افتح قلبي لج
ام ناصر: افا يا خوي قول الي عندك ...
هني رد حسن ناصر لسريره ويا قعد مجابلني وتالي حط راسه على ريلي
حسن: آآآآآآه ...
ام ناصر : بلاك يا حسن قولي شو فقلبك قولي يا خوي
حسن ودموعه عا خده: انا متزوج من وحده فرنسيه من ثلاث سنوات تقريبا
ام نا صر متفاجأه من الي تسمعه من اخوها : شو ....صدق.. لكن كيف؟؟؟
حسن رفع راسه : سرت ابا اعقد صفقه ويا شركه فرنسيه وهي كانت المندوبه صدق حبيتها حبيت إليزابيث بكل الي فيها من خفت دم وطيبه وحلاه ظليت لمدة شهر بس اكلمها ومرات اسير فرنسا واشوفها وحبينا بعض وبعد 5 شهور سرت وخطبتها من اهلها.... طبعا هلها ما صدقوا لما عرفوا شو عندي من املاك واني راح اسكن بنتهم في فيلا هناك...
ام ناصر: ليش ما شاورتنا يا خوي ليش؟؟
حسن: انت تدرين ان بوعبدالله يبا يوزني بنت عمي عاشه وانا ما واطنها بعيشة الله كيف راح اعيش معاها وان خبرتكم راح يعرف عمي وما فينا عالمشاكل..
ام ناصر :صدقت يمكن عمي و عياله يقطعونا ... انت لاتخبر حد
حسن : افكر اني اطلقها حرااام ما بغي اظلمها معاي خل تعيش حياتها
ام ناصر: هي وينها الحين
حسن: في فرنسا ...تدرين انها تفكر تصير مسلمه...حرام بعد كل هذا اتخلى عنها حرام... ليتني اموت ولا اجرحهااا
ام ناصر: بسم الله عليك من هالطاري... ياخوي كلا له عادات وتقاليد...والله بيعوضك إن شاء الله..
ام ناصر: كان حسن وايد متأثر ... وكان باين عليه انه صدق يحبها ومتعلق بها حيل وبعدها ماجت ياب لي طاريها إلا مره لما كان عمر ناصر 12 سنه حزتها سألته إذا طلقها ولا لا قال لي تفتكرين في حد يروم يجتل روحه وهو يحبها ....

بو عبدالله: يعني صدق عنده ولد ... آخ لو كنا بس متفهمينه شوي دومنا نواجعه ونعامله على اساس انه صغير آخ ياخوي سامحني
أم ناصر والدموع على ويهها: الله يرحمك يا خويه الله يرحمك...
بو عبدالله : تراني عزمت ولده عندي عالغدا اليوم تعالي شوفيه
ام ناصر: يشبه المرحوم
بوعبدالله: تبين الصج على انه حسن حلو ولده وايد احلى عنه ...
ام ناصر: خلاص انا اليوم بعد الغدا عا طول بي عندكم ..
بو عبدالله : صار


علي:اووووووووووووه نسيت ان اخبرك شيأ يا جدتي
اليده: ماذا يا بني ؟؟
علي: لقد عزمني عمي على الغداء في منزله وقبلت
اليده: وماذا في ذلك اذهب
علي: ولكن كيف اذهب وتبقين وحيدة هنا تعالي معي
اليده:لا...... كنت تفعل ذلك في فرنسا
علي:هنا الامر مختلف كل شيء جديد عليك وانت غير متعوده على ذلك
اليده: اذهب لا عليك انا استطيع ان اتدبر نفسي جدتك قويه
علي:إذا سوف اطلب لك الغداء من المطعم




بيت بو عبدالله

تدش ريم البيت وتفر لاب توبها عالأرض...
ريم: السلام عليكم
حصه+ عبدالله:وعليكم السلااااااااام
حصه: مابغيتي ...يالله بوحميد خبرنا شو السالفه
ريم:؟؟؟
عبدالله(عرف كل السالفه من علي): انتي بلاج اليوم.. تريي شوي تعالي ريمووه ورتاحي
ريم: بلاكم شو مستوي..
عبدالله: أحم أحم استوا عندكم ولد عم اسمه علي
ريم + حصه: شووووووووووووووووووووو
عبدالله : بسم الله شوي شوي عليا كلتوني
حصه : ماعندنا عم عشان يستوي عندنا ولد عم
عبدالله: عمكن كان معرس قبل لا يتوفى الله يرحمه
حصه: كيف ومتى
عبدالله : من واحد وعشرين سنه
حصه : خيبه وانت شدراك
عبدالله : شفته اليوم في مكتب ابويه ياي يقابله ويعرفه على نفسه
حصه : يمكن جذاب
عبدالله: الريال عنده اوراق ثبوتيه تثبت من يكون
حصه: لين الحين ما استوعبت ...انزين منو امه
عبدالله: ياكثر اسألتج..امه وحده فرنسيه والولد طول عمره عايش في فرنسا
حصه: يعني ما يعرف عربي
عبدالله : شو ما يعرف الريال يرمس احسن عنج...وعلى فكره هو بي اليوم وبيتغدا عندنا..ابوي عزمه
وقام عبدالله وسار
حصه : ريمووووووووه شفتي صج الريايييل ما منهم امان
ريم:................
حصه تضرب ريم عالخفيف عويهها
ريم: شو بلاج اسمعج ...
حصه: انت الي بلاج
ريم: ما بلاني.....من وين ظهر هذا جنه فيلم هندي
حصه: صدقج
ريم : اكيد عموتي بتي اليوم عشان تشوف ولد اخوها
حصه: صـــــــــــــــــــــــج
ريم: عموتي هب ولدها نويصر....وتقوم تركض
حصه: نويصر يا السباله أصغر عيالج هو... تعالي يالجبانه


الساعه 2 ونص الظهر بيت بو عبدالله تدخل البيت سيارة مرسيدس جديمه طبعا الكل عرف عن سالفة علي وان هو الي ياي

عبدالله: حياك ياولد عمي اقرب
علي يبتسم له : الله يحيك...
وبعدها يدش علي الميلس ويسلم على عمه...عمه تذكر اخو وحز بنفسه كيف كان يعامله بجفاف وقرر انه يعوض على ولد اخوه

بو عبدالله: ليش ما قعدت في دبي يا ولدي تعب عليك ساير راد
علي: شو اسوي يا عمي ترا يدتي معاي
بو عبدالله: هي وينها الحين جان يبتها معاك
علي: ما طاعت...وبعدين حتى لو يت تراها ما تعرف ولا حرف بالعربي
عبدالله:انت كيف تعلمت عيل
علي: من ابويه ....صح انه وايد كان يسافر بس كان يعوضني عن كل دقيقه ابتعد فيها عني.....
وظلواا ساكتين شوي
علي: والحين ما عندي حد يعوضني عنه حتى امي راحت...
بو عبدالله: ترحم عليهم يا ولدي
عبدالله ما حب يشوف ولد عمه جذي طلع من الميلس وقالهم يحطون الغدااا

بعد الغدا زقر بو عبدالله زوجته وبناته وعرفهم على علي وقعدو كلهم في الميلس وعلي يخبرهم عن سوالفه في فرنسا وكيف عرف ان عنده عم وخبرهم بو عبدالله ان اخته بتي تزورهم بعد الغدا..


عالساعه 4 وصلت ام ناصر
ام ناصر بعد ما سلمت ظلت تطالع علي فترة (ام ناصر وايد تشبه حسن) علي مارام يمسك عمره جدم صوبها وباس راسها ام ناصر ودموعها سيل عاخدها لمت علي في حضنها وظلت تصيح من خاطرها صدق تولهت على اخوها..

بو عبدالله: هدو يا جماعه ما يصير جي
ام عبدالله : بس يا ام ناصر لا تسوين بعمرج جذي صلي عالنبي
ام عبدالله سحبت علي صوبها عشان يهدي شوي وام ناصر تهدا

وهني يدخل العاشق ناصر ...شو مستوي وين ولد خالي فديته متوله عليه من زمان ما شفته...
هني تم الكل يضحك على خبال ناصر لان اصلا محد يعرف علي من قبل.. وسار ناصر ووايه علي وبعدها التفت صوب حصه وشاف ويهها
ناصر: منو مسوي بمرتي جيييي...منو مصيحنها
عبدالله : اصطلب عاد ....بعدها ما صارت حرمتك يمكن اغير رايي
ناصر: بطيح في جبدكم بعدين
عبدالله: منو يقول ولد عمها موجود وولد العم اقرب
ناصر فول ولف صوب علي الي ما يخصه في شي شافه يكلم خاله وامه وبعدين لف صوب عبدالله و قال له: مردوده يا ولد الخال وظهر
عبدالله حس ان ناصر عصب وحصه نفس الشي على طول سارت حجرتها واتصلت فيه




عالساعه 11 الفليل رد علي بيت ابوه كان يحمل بقلبه مجموعت مشاعر من حزن وفرح وشوق لابوه وامه...رد راسه عالسرير ودمعة عينه ....ظل يفكر شو راح يسوي كل هالايام راح يقدر يتأقلم مع عيال عمه ولا لا ...كان صدق ضايج من المشاعر الغريبه الي يحس بها ....الي شتت افكاره مبايله كان يرن كا ن عبدالله متصل..
علي: هلا والله
عبدالله:انت وينك انا مب قايلك اول ما توصل دق لي ليش عاطنك رقمي زينه ولايعني لازم تخسرني
علي:ههههههه يالبخل ..اسمح لي نسيت
عبدالله: الي ماخذ بالك
علي: ياليت في حد ماخذ بالي ولا اظل وحيد
عبدالله:اي اي اي انا وين سرت ترا انت من الحين اعتبر نفسك اخويه .. ماشي مني مناك بدوني...ولا بالعصا
علي: الله يخليك يا بو حميد ....بس تدري انا ما ابغي اثجل عليكم
عبدالله: لا وانت الصاج نحن بنثجل عليك لاني الصراحه عازم نفسي عندك باجر
علي: صج... حياك الله في اي وقت جان تبا تي الحين حياك
عبدالله : تسلم بوحسن يالله اجلب ويهك
علي: يالله مع السلامه وتصبح على خير
عبدالله: مع السلامه وانت من هل الخيييييير
ارتاح علي من اتصال عبدالله له وقام صل ركعتين وقرا قرآن ورقد ...
__________________________________________________ __________

اليوم الثاني الساعه 9 ونص الصبح في الكلية

ريم طول الوقت متفاجأه من ولد عمها اليديد و كيف قابلته وكيف كان يبتسم ويسولف عن فرنسا و كيف صاح لما لوت عليه عمتها...كان مبين عليه الحزن

ساره ربيعة ريم في الكلية: بوووووووووووووو
ريم : بسم الله بلاج
ساره : مادري عنج كله سرحانه
ريم: والله انا اليوم هب متفيجه لاي شي ما دري ليش داومت
ساره: ليش ..بلاج
ريم : تدرين انه طلع عندي ولد عم
ساره: يعني انخطبتي
ريم: لا يالهبله عمي المرحوم كان معرس قبل لا يتوفى وعنده ولد عمره 21 عايش في فرنسا..
ساره: صج
ريم:هيه
ساره: قصة غريبه
ريم: وانا هذا الي محيرني والمشكله وايد عاطينه ويه معترفين به
ساره: اكيد عنده اوراق تثبت هويته
ريم: هيه عنده...بس بعد ليش ظهر في حياتنا فجأه والمشكله عنده ورث يسده لمية سنه ويزيد بعد
ساره: ريموووه عن الفلسفه الزايده ... ترا ولد عمج هذا،واكيد كان عنده ظرف وبعده عنكم
ريم: لا ولد عمهم...انا لازم اتأكد من اوراقه بنفسي...ليش الدنيا فوضى...وبعدين انا اخاف ياخذ مكاني..ابوي وايد عاطنه ويه
ساره:قولي جذي .....
ريم:اف احسها مصيبه طاحت عراسي
ساره:انت مكبره الموضوع..لو انا بدالج بستانس
ريم:لو هو ما يا وظل في فرنسا احسن....إن شاء الله ما يتأقلم ويرد وأفتك منه
ساره:مب زين تدعين عالريال و لله يهديج


بعد شهر تقريبا علي وعبدالله صارو وايد مع بعض ...مرات عبدالله يسير بوظبي ومرات علي ينزل دبي..علي شرا فيلا صغيره عند بيت عمه و قاعد يأثثها معه يدته الفرنسيه.
وشر اله سياره و مسك كل حلال ابوه وصار يدير شركة العقارات مالت ابوه...

الساعه 2 الظهر علي وعبدالله قاعدين يتغدون في بيت قوم علي

عبدالله: وينها العيوز
علي: تغدت وقالت لي غداكم في الفرن
عبدالله: ماعرف ليش يدتك تكرهني
علي: لا هي ماتكرهك ... بس يدتي عصبيه شوي
عبدالله: هي وينها الحين راقده
علي: لا قاعده في الصاله الي فوق
عبدالله: خلاص عيل بسير لها(ونش من عالطاوله وسار لها)
علي: تعال يا ولد الحلال ما راح تفهم لك (وقام يلحقه)

عبدالله على طول عالطابق الثاني شاف يدة علي قاعده تقرا جريده
عبدالله: منسوار
اليده مبققه عينها من وين ظهر هذا:.........
عبدالله: والله ما عرف شو اقول لج لانج ماتفهميني بس بسألج انت ليش تكرهيني
(ويسير يقعد مجابلنها عالطاوله الصغيره ويسوي حركات جنه مسكين) لو ان صج مضيج عليج قولي لي عشان ما تعب روحي و آي عند علوو ..المشكله هو الي يقول لي تعال ... ولا انا عاااادي...انزين عبري بويهج ادريبج ما تفهمين شو اقول!!!
اليده:!!!!!!!!!!!!!!!
علي ناقع من الضحك على ولد عمه : هههههههههههههههااااااااااااااي
عبدالله:ههههههههههه
اليده: ماذا هناك؟؟
علي:هههه لا شيء لا شيء
اليده: لا شيء وانت تستخف بي
علي: لا ياجدتي
اليده: إذا لما كل هذا الضحك
علي:بصراحه عبدالله يحس بأنه ضيف ثقيل وانك تكرهين وجوده معي لذا قرر ان يسألك لما تكرهينه والمضحك في الموضوع انه لا يجيد الفرنسيه وعلى علم بانك لا تجيدين العربيه رغم ذلك اتى ليحدثك
اليده: اتعلم ابن عمك ذكي فأنا بالفعل اكرهه لانه يحاول ابعادك عني ووالده سبب حزن ابنتي وحزن والدك
علي: لا تقولي ذلك يا جدتي..
اليده:متى سوف ترا الحقيقه امام عينيك (وتنش تسير غرفتها) فهم يريدون املاكك

عبدالله حس بان يدة علي تكرها ...علي قعد عالكرسي وحط ايده عا راسه كيف يقدر يقنع يدته انه يحب عمه وعياله وان ما يخصهم في الي صار

عبدالله: آسف يا خوي اسمح لي
علي: ............
عبدالله: علوو بلاك
علي: تعال بنظهر وبخبرك شو استوى في السياره



في بيت بو عبدالله ناصر كان قاعد في الصاله روحه محد عنده

حصه: السلام عليكم
ناصر : وعليكم السلام .... حشى اخيرا ...شو جنه البيت مهجور مافي بشر
حصه:ههههههه...لا في
ناصر: الصراحه انا ما شوف بشر
حصه: وانا
ناصر: لا انت ملاك
حصه احمرت : .............
ناصر:فديت هالويه.....انزين ممكن تقولين لي وين البشري عبود
حصه:هههه حلوه هاي...مادري به جنه عند علي
ناصر: اوووو هذا دومه خايس عنده ولا بعد ما يخبر يوم يسير
حصه: اتصل به
ناصر: اتصلت ما يرد عليا .... شوفي إذا شفتيه قولي له لاتنسى ان عندك ولد عمه اسمه ناصر...
حصه: لا تكبر الموضوع ناصر
ناصر: خلاص بروح انا يالله فوداعة الله
حصه: مع السلامه
ناصر صدق كان يغار من ولد عمه لانه كون علاقه سريعه مع علي هو يدري ام ولد عمه حبوب ويدش القلب بس ما كان يحب ان يكون عنده ربيع ما يعرفه عدل...ولا ولد خاله..
__________________________________________________ ____________

في بو ظبي عالكورنيش

علي: وهاي السالفه
عبدالله: معقوله يدتك لهالدرجه حاقده
علي: آآآآآآآآه ما عرف شو اسوي عشان اقنعها
عبدالله: يبها بيتنا
علي: ما راح تفهم عليكم
عبدالله : والله مادري ياخوي بس يمكن لما تنتقل جريب منا تتغير
علي: هذا اذا انتقلت معاي
عبدالله: ليش
علي:تفكر انها ترد فرنسا
عبدالله:والله يدتك غريبه تأثث البيت وعقبها تسافر
علي: شفت عاد...انزين يالله خلا انسير بيتكم والله تولهت على عمي
عبدالله: اندوك انته...ولا جنه البارحه شايفنه
علي: والله عمي وكيفي
عبدالله: حقك...دام يعاملك بهالأسلوب الحلو حقك بس تدري انا خايف
علي: من شو
عبدالله: لا تسويلك ريموووه انقلاب تراها وايد تغار
علي:هههههه سير قول حقها انها صارت موديل جديم
عبدالله:ههههههههه

وبعدها كل واحد خذ سيارته ونزلو دبي.....


بيت بو عبدالله

علي+ عبدالله:السلام عليكم
بوعبدالله:وعليكم السلام...اقرب ياولدي
علي يبوس راس عمه: شحالك عمي شخبارك
بو عبدالله: بخير دامك بخير
عبدالله: علووو راح دورك دوري الحين
الكل:ههههههههه
ريم: ماشي دور الدور كله لي( وسارت تيلس حذال ابوها)
عبدالله: عيل بعض الناس يقولون انج صرتي موديل جديم
ريم: نعم نعم
عبدالله :ها علووو شو رايك
ريم: انا ما آي من بعيد واخرب علاقة الناس بين بعض
حصه : عبدالله ترا ناصر صدق شال بخاطره عليك ويقولك لاتنسى انك ولد عموته
ريم: مب من عبدالله من الي شاغلينه
علي انحرج: اسمح لي ياخوي جان شغلتك عن ناصر ترا والله مب بالقصد
عبدالله: انت شو تقول اصلا انت مالك شغل انا كل يوم انزل بوظبي اخبره هو ما يطيع ينزل معاي واليوم ما خبرته لاني اساسا ناسي مبايلي في البيت
ريم بمكر: بعد المفروض علي يسوي له ترا على قولته انه ولد خاله
علي متنرفز من اسلوبها ونظراتها: انا اسوي له من فتره لفتره
بوعبدالله: صل عالنبي يا ولدي وانت يا ريم حاسبي عا رمستج ...
عبدالله: لازم بتقول جذي وزياده دامك عاطنها ويهه
ريم: والله كلمة الحق ما ينزعل منها... شكلكم ما صدقتو عندكم ولد عم ولا ويفرق بين الاهل بعد.....ويدخل في الي ماله فيه...
علي ما رام يستحملها زياده:اسمحوو لي ما كان ودي كل هذا يصير.. وجني غلطت لما اعتبرت نفسي واحد منكم ....ونش وظهر
بو عبدالله:عبود سر الحق ولد عمك طالعه... ريمووووووووه ....شو هالرمسه قومي بسرعه حجرتج صدق اني وايد عاطنج ويهه...ماحيدج حاقده

في الحوش.....

عبدالله: علي علي تريا بلاك تاخذ على ياهل
علي : إذا صج اني مثجل عليكم قولو لي
عبدالله: شو هالرمسه ياخوي...
علي:عبدالله انا طول عمري عايش مابين اثنين ما عرف اصف ويا منو دايما روحي وما عندي ربع ....ولا اخو ..و صدق وايد مستانس ان يكون عندي اهل...بس إذا هم مايبوني في حياتهم حقهم
علي يقاطعه: ما في داعي لهالرمسه انت اخوي و ربيعي وما عليك من ريموه تراها غيرانه منك لانها دايما العزيزه الغاليه عند ابوي
علي:.............
عبدالله: علووووووو تعال بوديك بعرفك على ربعي....
علي يتنهد: يالله (ويسيرون صوب سيارة ابو علي)
عبدالله: ايييييي تعال تسمي هاي سياره ابوي هني الشباب عايشين عالخقه تبا تودينا في هالطراد
علي:ههههههههههههههههههه من زين سيارتك
عبدالله : لا بسير بسيارة ابوي بلاك
علي: انزين يالله





ها شوووووووووووووو الراي