ختيه شوق البحر
تسلميييين ع المشاركه الطيبه والمشكله الموجوده فعلا فمجتمعنا..
وتبين الصراحه انا من كم يوم يالسه ويا ربيعاتي فالجامعه
وكنا نرمس ع هالسالفه ..
ووحده من ربيعاتنا كانت ترمس انها بتملج الاسبوع الياي..
فاستانسنا وباركنالها وجيه ونحن نباركلها
قالت لها ربيعتيه كيف بتعرسين وبتخلين الجامعه
يعني اتوقعين انج عقب ماتعرسين بتقدرين انج توفقين بين ريلج والدراسه
والكل يدري انه الدراسه يباله وقت ..
فردت هيه ليش لا ..
طبعا كل البنات الي يعرسن نفس الرمسه ..
مثل وحده بعد ماشاءالله عليها شاااطره والله عاطنها زينة العقل
وهي هندسه ..درست وعقب سنه عرست ..
وبعدها تكمل ويانا ..
وعندها ولد الحينه ووقفت عن الجامعه لنه صعب عليها انه
تسير الجامعه واتخلي الياهل اروحه فالبيت ..
وقالت والله ريلي يباني اظهر من الجامعه اسير بوظبي لنه دوامه هناك
وانا قلت ذكرته اني شارطه عليه بكمل دراستيه بس ماطاع
قال والله انا اولى من الدراسه وانشاءالله مابقصر فييييج ..
((مابقصر فيج ))
تبون الصراحه استويت مالوم البنات الي مايبن يعرسن الا عقب مايتخرجن من الجامعه
لنه لو شرطت وسوت ماسوت ماشي الكل بيقولها ريلج اهم واولى
والبنيه ماينفعها شي الاشهادتها ..

شوق البحر
لو انا مكانها بييب بويه وهليه كلهم وبحضره جدامهم
وبحاول احل المشكله ..
والسموووحه ختيه شوق البحر طولت عليج ..

 

مرحبا بج ملايين اختي

مشكورة وايد على ردج وتفاعلج السريع ويا الموضوع ..

ومثل ما قلتي. .

هي مشكلة منتشرة وايد بين البنات

عالاقل ..هني فالعين ...

وايد من صديقاتي تزوجن فالمرحلة الاعدادية او الثنوية .. وحتى الثنوية للحين ما خذنها

وان خذنها..يكتفن بها وييلسن فالبيت .. لانه ما عندهن وقت يدرسن فالجامعة!!

اقتراحج هو تدخل الاهل ..

اشكرج اختي.....وننتظر البقية ^_^

 

سبحان الله هاي المشكله انا حاليا امر ابهااااااااااااااااااااا

لانه خاطريه اني اكمل دراستيه بس ما عقتد شي نصيب


المهم يا ختيه سمعي شور ريلج لانه جيه ولا جيه بتردين وبتيلسين في البيت


بس عشاااان ما تستوي المشاكل واتزيد

يعني قوليله بوقف ها الكورس وبتفرغ لك انته والبيت واللي تباه انا بسويلك اياه بس اهم شي رضاك


وعقب ها الكورس ردي كلميه بالهداااوه ولا تخلينه يعصب وسويله شويه مسكه باليس وبجيه بيخليج تردين تدرسين

اهم شي طيعي ريلج


انا لاحظت ها الميزه في الرياااييل عاندي وبيعاند زياده وزياده

يبيه بالساهل ورمسيه بالعدااااال بيسويلج اللي تبينه


هاي هيه نصيحتي يا ختيه


والله يوفقج


وتسلمين يا ختيه شووووق

 

يسلمو اختي شوق على طرحج اهذي المشكله اللى ايعاني منها بنات واايد
احم
وانا تقريبا نص اربيعاتي اتزوجن في الاعداديه وفي الثانويه واللحين ايكملن بس يعني بيكملن الثانويه وبيقعدن في البيت
نرجع حق المشكله
اول شي لو كنت انا في مكان هذي البنت اول شي بسويه اني بتفاهم مع ريلي خخخ بالهداوه وبحاول اني افهمه بهدوء وباخذه بالسياسه يعني بقص عليه هههههههههه لا اسولف احم
المهم
ولو ما طاع يقتنع بحاول اني ارمس امه عشان تقنعه او حد من اهله يعني مثلا ابوه او اخته المهم ولو بعده ما اقتنع
بطنش السالفه وبسكت خخخخخخ شو بسوي بعد
لا يعني بحاول معاه وما بياس لين ما الين راسه ويوافق اني اكمل دراستي
وبس
احم ولي عوده ان شاء الله
اختكم شيطونه

 

.

والله نصيحتيهـ لها انها تسمع شور ريلهـا ..

وترد ترمسه خلاف .. لنه ما ينفع هو يعاند وهيه تعـاند ..

معروفهـ طبيعة الرياييل .. ومب حلوه ادخل اهلها في السالفه حتى لو كانت بس عشـان الدراسه ..

توقـف عشانه .. وعقب ترد تكمل خلاف .. اكيد بيخليها تكمـل عقب ..

.

لو انا مكانها اكيد بسمع رمسـته .. =)

 

السلام عليكم ورحمة الله وبركاته
وانتي كـ فتاة مكان هالبنت شو بتسوين؟؟
من محتوى الكلام قالت ((وتغيرت معاملته لي وصارت وايد سيئة ))
أوكي هذا كان أسلوبه ويااج عشان تودرين الجامعه
خلاص أرضي بالواقع بس لاتسيئين معاملته ولكن بيني عدم رضااج عن قراره
وانه غير كلامه من دون حق بيحس وبيراجع عمره وأن شاء الله بيخليج تكملين..
شكراا لج أختي
وشكراا لج شووق.