اول شي مرحبا بك ملايين اخوي المسك

ونقدر منك ييتك للقسم وانك فتحت قلبك وطلبت المساعدة والنصيحة

وبخصوص رغبتك فالتغيير

تراها اول خطوة فـ درب الصلاح اللي تبا تمشي فيه

ومثل ما تعرف..مشوار الالف ميل..........يبدا بخطوة ^_^

فـ يا اخوي .... اهم شي تحافظ على هالرغبة

وتقرنها بالعمل الصالح ... يعني مش رغبة بدون تطبيق

::
:
:

بخصوص رضا اهلك ..

اخوي هالشي بايدك انت .. يعني انت شوف واسال نفسك قبل ما تسالهم ..

ليش مب راضين عليك ؟؟ .. اكيد اتعرف ان في اشياء ما يحبونها وانت تسويها

واذا ما لقيت اجوبة على هالسؤال .. اسالهم بهداوة وبيلسة تحسسهم انه انت جاد

وفعلا تبا جواب ..

ابدا بالتغيير واكيد بيلاحظونه عليك ..

قضي وياهم وقت تخصصه لهم من جدولك اليومي .. يوم تشوف حد منهم ميهود تم وياه ..

اسال عنهم .. تابع اخبارهم .. حسسهم بحضورك و وجودك قريب منهم ..

جي علاقتكم اكثر بتقوى .. وبيحسون بقربك اكثر ..


:
:

بخصوص رغبتك انه ما ترد لدربك الجديم

اخوي يلستك فالمسيد كل يوم لها دور

يعني ايلس فيه نص ساعة عالاقل .. اقرا قرآن

جو المسيد روحه بيحسسك باحساس غير

روح محاضرات ..اسمع اشرطة دينية

لازم الذكر اولاستغفار .. وكل ما تقدر روح اعتمر

لان العمرة من الاساس ساعدتك واكيد بتساعدك اكثر يوم تكررها

السموحة عالاطالة اخوي

بس لي عودة ان شاءالله

 

بارك الله فيك المسك
نحن مازال نتابع مواضيعك

كل عام وأنت إلى الله أقرب ، ومنه أخوف وبه أعرف ، وإلى دار كرامته أسبق
واسأل الله أن يكتب لك بكل خطوة سعادة ، وأن يجعل كل نظرة عبادة

حياك الله يا المسك...وكم هي البداية الجميلة...لأنك اخترت اسم جميل تبارك الرحمن وثبتك على طاعته....فعلا هنا ستجد إن شاء الله ضالتك...فجميع الاخوان و الأخوات...هم احبتك في الله...

أعترافك الصادق دليل واضح وصريح
بأنك تمتل قلب مؤمناً ..نابض بحب الله جل في علاه


وطريق التوبة يبدأ بخطوة محاسبة النفس....وها انت تحاسب نفسك..أسأل الله ان يعينك على التوبة...فأكثر الاستغفار...واتلى القرآن.....واجعل همك رضا الرحمن...

داوم على ذكر الله
واد فروض الصلاة كامله مع السنن الرواتب
ولاتنسي حظك من قيام الليل
وفستشعر بلذه مابعدها لذه
وتصبح حياتك لها قيمه
حينما يكون الله في قلبك

وتذكره دائماً
إذا أردت أن تعصيه فتذكر عذابه
وتذكر إذا استمعت للأغاني أن رصاصاً مذاب بنار جهنم يصب في أذن السامع لمزامير الشياطين أعاذني الله وإياك منه اللهم آمين

اللهم اعنه على ترك سماع الغناء وابدله بسماع اياتك الكريمه

وبالنسبة اهلك اخي اوصيك بطاعة الوالدين وحاول تتغلب على وساوس الشيطان لأنه دايمًا يحاول يضعف من عزيمة المسلم وكن مع كلام الله ثم اهلك

وفقكم الله

 

نقطة نسيت اقولها لك ياخوي ..


دينا مب دين عسر .... هو دين يسر ..

وما شاد احد الدين الا غلبه

معنى هالشي .. لا تنسى ان لنفسك عليك حقا

انك تكون مطيع لربك وماشي على درب الصلاح

مب معناه طول الوقت مكشر ومعصب وفحالك وما تتعامل ويا حد ..

عيش حياتك .. بس بعيد عن المحرمات

ولا تنسى تحط فبالك ... " ان لنفسك عليك حقا"

 

بس بعدني محتاج نصايح باقي الاعضاء

طماع اانا ههههههههههههههههههههه

 

لوووول

ما عليه ياخوي

بيردون عليك ان شاءالله بس يبالهم وقت شوي لين ايشوفون الموضوع


خير ان شاءالله ^_^

 

وعليكم السلام ورحمة الله وبركاته

مرحبا بك يالمسك

خويه انت داخلك رافض الغلط ورافض اصحاب السوء .. وبما انك مقتنع في داخلك بان هذا الشي غلط هذا بداية طيبة .. والاعتراف بالغلط بداية للطريق الصحيح

خويه

عليك بالصلاة .. لا تودر فرض وحالو تكون صلاتك كلها بالمسيد على قد ما تقدر

خصص لك وقت كل يوم تقرا فيه قد ما الله اييسر لك من القران ودوم ادعي ان الله يبعد عنك رفقاء السوء

وانت بعد قد ما تقدر حاول تبعد عنهم .. واذا عندك وقت فراغ وهذا الي يدفعك لمصاحبتهم

اقتل هالوقت وحاول تشغل كل وقتك وتفكيرك بحيث انه ما يكون عندك دقيقة وحدة تضيعها وياهم

فكر في اهلك قول هم ربوني وعلموني عشان تكون شخصيه ولك مكانتك في المجتمع وترفع راسهم ويفخرون بك ولازم انك تكون قد المسؤلية ..

كم تسوى يوم أهلك يشوفونك تراعي ربك وملتزم بصلاتك ومحافظ على سمعتك وسمعتهم باخلاقك الطيبة واهتمامك بمستقبلك

وصدقني دام انك انت في داخلك تبا تتغير بتتغير بالعزيمة والارادة القوية

وعسى ربي يوفقك ويبعد عنك رفقاء السوء ويثبتك دنيا وآخرة ياربي