اخوي المسك

اذكر علمتنا المدرسة دعاء..اذا قلته يصطلح حالك .. وحتى لو متزاعل ويا حد بيفيدك ..

:
:
"اللهم لا اله الا انت ..سبحانك اني كنت من الظالمين "

:
:

وعن زعل ربيعك

عطه فرصة .. يوم يومين لين يهدى شوي

وبعدين رد كلمه فالموضوع

اذا زعلان منك جي ما بيكلمك احينه لان بعده مضايج وحاط فـ خاطره

عطه فرصة يهدا ويراجع نفسه .. بعدين تقدر تكلمه

والسموحة ^_^

 

وعليكم السلام ورحمة الله وبركاته

مرحبا بك خويه


ورأيي من راي شوق

اصبر عليه شوي مب يوم واالا يومين لا ... عطه وقته لانك كثر ما تحاول تعتذر هو بيزيد عصبيه ولا بيرضى

اتريا لي ما يهدى .. واذا اللي بينكم صداقة قوية .. بيتقبل اعتذارك وبيسامحك

الواحد يوم ضايج ما يتقبل اي اعتذار ولا يكون عنده اي استعداد لسماع اي شي ويباله وقت لي ما يهدى ويرتب افكاره اقولها لك عن تجربة صادفتني اكثر من مرة ..

ولاتنسى تدعي في سجودك وقت الصلاة .. وان شاءالله خير



 

وعليكم السلام ورحمة الله وبركاته

و الله مرينا بهذا الموقف الشيطاني نسال الله العافية منه و ان يهدينا جميعا

نحن حاسين بما تحسه ..نصيحتي لك بما أنه صديقك وعزيز عليك أولا قول له في ماذا أنت قد غلطت عليه

وتفاهم معه بالموضوع وأطلب منها أن يسامحك لان الاصدقاء ليس بينهم زعل فكل واحد يسامح الثاني

التمس لاخيك سبعين عذرا وعذره أنت ايضا اذا غلطت بحقك أعطيه هديه قال الرسول تهادوا تحابوا

وغير هذا قال رسول الله صلى عليه و سلم"تعرض الأعمال في كل اثنين و خميس,فيغفر الله لكل امرىء لا يشرك بالله شيئآ ,إلا امرىءا كان بينه و بين اخيه شحناء"رواه مسلم...


أو اكتب له رساله بسيطه تدل على حبك له ايضا تقول له بان المتحابين في الله أن الله يوم القيامه يناديهم

ويقول أين المحابين في جلالي لاظلهم في ظل لا ظل الاظله واذا اردت أن تكتب شي آخر أكتب هذا الكلام

الجميل الذي بصراحه اعجبني وان شاء الله يتاثر به وهوإذاقصرت في وصلك وجاك في يوم جفى مني

أبيك تخفف عني اللوم وإذا أخطيت سامحني وتذكر إن مصيري يوم كفن أبيض يغطيني وقبر صغير

يحويني ودمعه أبيها من عيونك تودعني وتبكيني وتدعيلي

أيضا أخوي ذكره باننا كلنا بنفارق الحياة يوم من الايام وانك ما تبغي تودع الدنيا وحد زعلان منك والله يوفقك

وهذا الذي قد قدرته من المساعده لك واتمنى انكم ترجعوا مثل اول وعاد طمنا وبشرنا اذا رضى عليك

الله يوفقكم ويهدي سركم

 

السلام عليكم

اخوي انت خلوه شوي كم من يوم .. وبعدها كلمه اذا ما رد عليك طرش له مسج تذكره عن صداقتكم وكيف عشتوا احلى ايامكم وكيف كنت معاه ع الحلوه والمره اذا ما استجاب لهذي الاشياء اتركه الانك انت سويت اللي عليك و انت خلطت عليه و اعتذرت له انت يعني سويت كل اللي عليك والباقي عليه هو .. لا تقعد تعتذر وايد خلك عزيز النفس

وان شاء الله بترجعون والله اتمنالك من كل قلبي


اختك في الله

عاليه

 

السلام عليكم ورحمة الله وبركاته


اول شي ذكره انه لا يجوز للمسلم هجر اخيه المسلم اكثر من ثلاث ايام

و خبره ان المسامح كريم

و ان الزعل ما يفيده بشي

و انه اذا سامح الله بيرضى عليه

و ياخويه لا تزعل عمرك

تراها الا ردة فعل لا اكثر

اصبر عليه بس هوب اكثر عن ثلاث ايام

و السموحه منك

 

اخويه المسلك تسلم ع المشاركه
والدعوة الطيبه منك لحل مشكلتك
وانا من رايي تكلمه من الناحية الدينيه
يعني تقوله حرام المسلم يزعل من اخوه المسلم ومايكلمه اكثر من 3 ايام
ماتنقبل صلاته حتى ..
وبعدين قوله مافي انسان فهالدنيا معصوووم من الغلط
كل انسان يغلط ويتلعم من الغلط
ولو اخطائنا ماكنا تعلمنا الصح ..
صح ولا لا ..
وبعدين حاول وياه بالكلمة الطيبه والاسلوب الطيب
وانشاءالله تتصالحون وترد علاقتكم مثل قبل واحسن بعد
خويتك ياويل حالي

 

مشكورين كلكم على النصايح هذا دليل حرصكم على
تسلمون والله انا بعدني احاوه معاه بس هو مب راضي يرمسني يعني هو بياخذ الذنب

 

أخوي المسك ..

.. مثل ما قالن لك خواتي اللي ردن قبلي .. حاول .. ولا تيأس ..
وذكره بكل شي حلو كان في صداقتكم ..

أوو في حل ثاني .. وهوو انك تدور انسان قريب وايد لربيعك .. يعني انسان له تأثير بحياته ..
خل فاعلين الخير يتوسطون امبينكم .. طبعا هاذا عقب كم يووووم يوم يهدى .. حتى لو كمل اسبوع ما عليه اصبر بعدك ..

ثالث شي اخوووووويه بنصحك نصيحه .. قوووووم فليل واطلب الرحمه من ربك .. صل ركعتين وامسك القرآن وادع ربك انه الامور تصطلح امبينكم .. تراه ماشي احسن عن طلب الهدايه من ربك ^ــ^
صح نحن نقدر نقترح عليك .. بس ما يمشي امورك غير اللي كاتبنها .. سبحانه ..

والله يوووفقك انشالله ..

يالله هاذي فرصه انه الكل يدعوا لربيعك ولك بالهدايه ..

والسموحه منك