السلاام عليكم ورحمة الله وبركااته...
أختي..أنا مب إني خبيرة فهالأشيء بس بقولج إلي أنا أشوووفه...

صحيح إن الواحد حر بإنه يحب أي شخص بس لازم قبل يحب بعقله قبل قلبه عسب ما يوديه فمتاهات بعدين..مب عيب إنها حبت سوري أو من أي جنسية ثانية خاصة إذا كانت متوفرة فيه الشروط إلي قال عنها الرسول الكريم عليه الصلاة والسلام من دين ومال وغيرها....

بس في مجتمع كمجتمعنا يرفض إنه البنت ترتبط بأجنبي وخاصة إذا كان من جنسية عربية بحكم العادات والتقاليد والمفروض كانت تحسب حساب رفض أهلها قبل لا تتعلق فيه وتطلع الخسرانة الوحيدة..

أنا أشوووف إنها تحاول تقنع اهلها إذا كان رفضهم من ناحية الجنسية بس وإذا كانت صدق تحس إنه بيسعدها..وتوسط حد تكون له كلمة بين أهلها ومعروف بحسن أخلاقه ورايه الصحيح..

هذا هو رايي وعاد سمحيـــــلي...

 

السلام عليكم..

عطر الكلام .. موضوع صعب والله ..

يعني تقريباً ما له حل.. لان اكيد اهل البنت ما بيرضون ب اي حد يخطب البنت
لازم اول شي و اهم شي (عند الاهل) انه يكون من اهل البلاد و انه ولد ناس معروفين ب حسن اخلاقهم
و دينهم و الخ... يعني مثل ما تعرفون لازم الريال تكون فيه الشروط المطلوبه ...

والله يعينها الي سلمت قلبها ل واحد اهلها ما يرضون فيه ..

والسموحه..

 

مرحبا بج اختي

قبل ما ابدا ردي

اباج تعرفين ان غرضي منه هو مصلحتها في المقام الاول والاخير

ومابا وحدة فيكم تزعل ..


اختي ..

ما بناقش الماضي واقول كيف تعرف واحد وتحب والمدة هاي بطولها !!!

لا وسوري الجنسية؟!

هالكلام ما بيغير شي الحين

لا فرق بين عربي واعجمي هي نعم ..

بس الغلا شي معروف ومتاصل في مجتمعنا ان هالزيجات منكرة ومرفوضة رفض قاطع!!!!

والحالات النادرة اللي نشوفها معظمها حالات حياتها صعبة " بعد الزواج"

فكيف فكرت ربيعتج جي؟؟

اختي انصح ربيعتج هاي تنصاع لكلام اهلها ورايهم

لانهم ما يبون غير مصلحتها

بتقول انا اعرف مصلحتي

لا ما تعرف مصلحتها وين ..

فكرت يوم تتزوج وافد هي كـ " مواطنة" شو بيصير فيها؟؟

مستقبل عيالها؟؟

مستقبلها نفسه؟؟؟

فكرت بـ هالاشيا؟

الزواج مش مجرد حب ورومنسية وغزل ليل ونهار

الزواج مسؤوليات وحياة ومهام مشتركة بين الزوج والزوجة .. تتخللها المشاكل والصعوبات ايا كانت ..

ما بالج لو كانت اول صعوبة هي كون الزوج وافد؟!؟!؟!

لا تحطون الغلط عالابو .. لان حب بنته ورضى بمصلحتها سويتوه ما يعجبه العجب!!!!!!!!!!

باجر يوم هي تكون فـ مكانه .. و تسوي بنتها اللي هي تسويه .. بتحس بموقف ابوها الحين

والسموحة منج اختي

 

هلا و الله عالجميع

أشكر كل من مرت و حطت رايها فهالموضوع

و أنا راح اراويها ردومكم أن شاء اللله



تحياتي لكم

 

السلام عليكم

انا راي من راي شوق

الاب ما عليه اي لوم وتصرفه جدا طبيعي واي اب مكانه بيسوي نفس الشي وبيرفض هالزواج

وياليت اختنا تقعد ويا نفسها وتفكر في عواقب هذا الزواج وشو بتكون حياتها

ويوم تفكر ياليت ما تفكر بقلبها ويكون تفكيرها عقلاني شوي وتفكر بكل الامور الي ممكن تتعرض لها

عشان ما اي يوم وتندم وقتها ما بيفيدها الندم بشي

وعسى ربي يهديها ويوفقها

 

الصراحة مشكلة غريبه
الظاهر انه هالبنيه مكبوت عليها...وماشافت غير هذا الريال جدامها..عسب جيه حبته
ومثل مايقولون القلب وما يهوى..وبعطيج وجهة نظري احس انه هب حلوه تاخذ سوري(السموحه)
وانا اقول من الافضل انها تشل هالفكرة من بالها لانها ماتركب العقل ابد ابد..

 

والله شي طيب خليها تاخذه وكل ثلاث اسنين تسير تيدد اقامته

خخخخخخخخخخخخخخخخخخخخخخخخخخخخخخخخخخخخ

والله انا مافيني اقول شي يزعل بس اصلن مايحتاي حل وش الحل برايج تاخذلها سوري

انا ابي راييج وخلاف اطلبي راينا ... وبعدين شو تقولين ابوها مايعجبه العجب والله بالعكس

اعتبره فضيحة....وكلن يعتبره فضيحة...واصلن مستحيل سوري او اي اجنبي يتقدم لي بنت اصل

وعرب لان الرد معروف ويمكن توصل لقص رقبه ............