== >:: قصه واقعيه حدثت في ابوظبي ::< ==

فخوري · 11 Mar 2005, 02:16 PM

السلام عليكم ورحمه الله وبركتاه

شحالكم؟؟

هممم قريت هذا القصه وعيبتني وااايد وقلت خلني انقلها لمنتداكم وانشالله تعيبكم

مغامرة أريام

اليوم الاول:

أنا عمري 18 سنه،واسمي أريام،ونحن الحين في إجازة الصيف،متخرجه من ثالث ثانوي،فهالسنه اهلي سافروا أو بالأخص أمي وابوي واخوي،ومابقى حد فالبيت غيري أنا واخوي العود،أنا من النوع الي احب اطلع وااايد وأحب اتمشى روحي،فقررت إني أسير بوظبي على فكره أنا من دبي،كلمت ربيعتي عن الموضوع على أساس إن ربيعتي ويا ربيعها يودوني بوظبي(على كيفي)،بالاول رفضت لكن بعدين وبعد ما طلعت روحي وافقت،كلمت أخوي وقلتله بسير عند بنت عمي ببات لان أهلها بعد كانوا مسافرين.
جهزت عمري وسرت وياهم لين ما وصلنا بوظبي،قلتلهم نزلوني وأنا باخذ تاكسي وبسير أدور على فندق ما رضو: ( ،بعدين هم الي وصلوني الفندق،المهم دخلت الفندق ورحت عشان احجز غرفه،شفت واحد مواطن على الاستقبال!سلمت عليه وقلتله لو سمحت ابا غرفه حق شخص واحد سألني حق كم ليله؟رديت وقلتله تقريباً 3ليالي وطلب مني بطاقه او صوره من الجواز،عطيته بطاقتي الصحيه،وحسيت من شكله ومن نظرة عيونه إن فداخله 100سؤال؟!
سألني انتي روحج يايه؟قلتله:هيه!سألني وين أهلج؟ قلتله ما اظن إن الجواب يهمك؟!
المهم وعطاني مفتاح الغرفه رقم الغرفه<220> الطابق السابع،وكان الوقت تقريباً
11ص،سرت الغرفه وفريت أغراضي وريحت شوي،الساعه 11:45ص نزلت تحت وسرت عشان أدور تاكسي،ركبت التاكسي الخاص بالفندق وقلتله يوصلني بوظبي مول.
(ماعندي وقت)!!
وصلت بوظبي مول وحاسبت التاكسي،سرت أحوط واتمشى أتطمش على المحلات وأستهبل عليهم شوي؟؟!(تعرفون ماشي شغله)!!
دخلت محل ملابس ،عيبني بادي لونه اسود واحمر خذته.
وبعدين سرت ادور على مطعم أو كوفيه عشان اتغدا فيه،لان وصلت الساعه 1:30م،
دورت لين ماحصلت كوفيه،دخلت الكوفيه تصدقون عاد يوم دخلت الكوفيه ماكان فيه حد غير أجانب بس اول ما يلست أمة محمد يلسوا(شباب)
المهم دورت على شي ينفع حق الغدا مالقيت غير سندويش دجاج،وطلبت وياه كابشينو(يامي يامي)،دقايق وربيعتي غايه دقتلي تسأل عني وتتطمأن علي والله وفيها الخير فدييييييييت قلبها وطمنتها وريحت بالها،وانقهرت يوم عرفت اني في بوظبي مول محتره ليش اني روحي وهيه مع ربيعها ما تروم تتمشى روحها ولا تقدر تتمشى معاي ههههههه ^_^
يابو الكابشينو وطبعاً شلت الغشوه عشان اقدر اشرب،كنت مطمنه لأن مافي حد في بوظبي يعرفني،لو شفتوا كيف الشباب يخزون لاعة جبدي منهم : <
المهم كلت وخلصت وطلعت من الكوفيه وياليتني ما طلعت ترقيم ومغازل على كيف كيفكم-_^
خذتلي لفه في المول وبعدين طلعت أدور تاكسي لين ما حصلت وقلتله يوصلني الفندق،
وصلت الفندق الساعه 2:35م،شفت الي اول ما دخلت الفندق كلمته عشان احجز كان يالس وين الاستراحه المهم اول مادخلت كان يطالعني طبعاً انا طنشت وسويت عمري ماشفته،دخلت الغرفه وجربت البادي شو طلع رووووووووووعه،بدلت وسرت اسبح خلصت وعلقت ملابسي وبطلت التلفزيون اتطمش على العالم،حطيت على فيلم ويلست اطالع،خلص الفيلم حسيت بالملل من القعده في الغرفه ومن الملل قمت العب فويهي يعني احط ميك اب خفيف.
صارت الساعه 4:30العصر قلت انزل تحت واتمشى،نزلت وشفت كوفيه وانا اموووووووت على شي اسمه كوفي بس اترددت ايلس والا لأ؟لاني كنت شبعانه!قلت بعدين بنزل وبقعد في الكوفي.رديت الغرفه رن تلفون الغرفه استغربت لأن ماعطيت حد رقم الغرفه المهم رديت طلع واحد سلم ورديت السلام قالي شحالج؟قلت بخير الحمدلله سألته منو انت؟قال:معاج سعود مسؤول الفندق.أريام:خير آمر في شي؟
قال:سلامتج بس بغيت اطلب منج شي ومأباج تفهميني غلط؟أريام:تفضل آمر!
قال:لو مافي ازعاج بغيتج تنزلين الكوفي الي تحت؟!أريام:ليش؟قال:حبيت اكلمج بموضوع!أريام:اسفه اخوي ما أقدر ايلس مع واحد غريب لا اعرفه ولا يعرفني!
قال:انا فاهمنج ومن حقج تقولين هالشي بس صدق بغيتج فموضوع!
أريام:لهدرجه الموضوع مهم؟!قال:هو يمكن يكون مب مهم لج بس بالنسبه لي مهم!
أريام:قول على التلفون لأني ماراح انزل ومااقدر ايلس وياك.قال:صدقيني الموضوع الي ابا اكلمج فيه مب الي يدور فبالج واصرارج هذا يزيدني فضول للقعده معاج. أريام:اسمحلي اخوي ما أقدر يعني ما أقدر!قال:برايج على راحتج بس اذا غيرتي رايج اتصلي على الاستقبال واطلبي مسؤول الفندق وبيحولونج علي!قلت:اوكيه.
قال:اسمحيلي على الازعاج وارجوج إنج ماتفهميني غلط!أريام:مسموح اخوي الله وياك.
تميت افكر وااايد شو يبا مني وشو هالموضوع الي شاغلنه ومهم عنده؟بس هو مايعرفني ولا انا اعرفه؟!كنت محتاره انزل اكلمه والا لأ؟فكرت وفكرت لين مارن التلفون مره ثانيه رديت طلع سعود.
سعود:السلام عليكم.
أريام:وعليكم السلام.
سعود:ها فكرتي؟
أريام:فكرت فشو؟(تعرفون بعد البنات كيف يستهبلن)
سعود:مسرع مانسيتي؟
أريام:هيه عن الموضوع الي تباني فيه؟
سعود:هيه والصراحه الفضول ذابحني وما أقدر اصبر ابا ارمسج!!
أريام:صدقني ما أقدر!
سعود:والله إني ما ابا استغل قعدتج روحج واتحرش فيح بس والله بغيتج فموضوع!!
وحاول وياي لين ما وافقت..
أريام:متى تبانا نتلاقى؟
سعود:اي وقت يناسبج..
أريام:عقب 10 دقايق اوكيه؟
سعود:اوكيه اترياج في الكوفي.
أريام:بس انا ما اعرفك؟!
سعود وهو يضحك:كيف ما تعرفيني وانا الي مسلمنج الغرفه؟؟
أريام:ايوا جي السالفه اوكي نتلاقى تحت باي..
انا كنت متلبسه وجاهزه من قبل بس اتريت لين ما استوى 10 دقايق،نزلت تحت وشفته
قاعد في الكوفي سرت صوبه وسلمت وقعدت..
سعود:ها شو تشربين؟(اونه فيلم مصري)
قلت فقلبي شكلها السالفه مطوله؟؟
أريام:كابشينو..
طلب سعود 2كابشينو(قلااااااااااد)
أريام:شو هالموضوع الي مب قادر تصبر عليه؟!
سعود:ليش جي مستعيله؟
أريام:صح اني وافقت اني اقابلك بس هذا مب معناته اني بسولف فغير هالموضوع!!
سعود:اوكي بدش فالموضوع عشان لا تتضايقين!
أريام:تفضل قول..
سعود:اي واحد بيشوف بنت روحها يايه تقعد بفندق اكيييد بيضربه فضوول يبا يعرف شو سالفتها؟!صح والا انا غلطان؟؟
أريام:صح كمل..(اوني عاد جديه)
سعود:انتي قلتيلي انج من دبي..
أريام:هيه انا من دبي ليش فيها شي؟!
سعود:لا بس لوكنتي من بوظبي كنت بقول انج مضاربه ويا هلج ويتي الفندق لأنها واايد استوت!!بس يوم قلتي انج من دبي استغربت!!سألت عمري شو يايبنها بوظبي ومنو يابها؟؟
أريام:ادري شفت بعيونك كل هذا؟؟
سعود وهو يضحك:ماشاالله عليج تعرفين لغة العين؟!
ابتسمت وقلت خلنا في المهم!!
سعود:حبيت اعرف سالفتج وشو يايبنج بوظبي؟؟اذا ممكن؟؟ترى والله اني احاتيج؟!
أريام:ليش ضايقتبك يوم ييت الفندق؟؟
سعود:افا والله انتي نورتي الفندق!!
قلت فخاطري(بديناااااااا)..
أريام:والمطلوب مني؟؟
سعود:سلامتج بس مثل ما قلتلج ابا اعرف السالفه ولا تتهربين؟؟
أريام:وليش تحاتيني ومهتم فيني لهدرجه؟؟
سعود:اولاَ لانج بنت داري بنت دبي!!
أريام:مافهمت شو يعني بنت دارك؟؟
سعود:لان انا اصلاً من دبي بس صارلنا 5 سنين من حولنا بوظبي لأن امي من بوظبي واخوي كان يداوم في بوظبي فقررنا نسكن فبوظبي!!
أريام:صدق والله؟؟
سعود:ليش؟!جذب عليج؟؟
أريام:لا محشوم..
سعود:شكلج ماتبين تقولين سالفتج؟؟
أريام:الصراحه انا يايه اتمشى وأغير جو لأني احب اظهر روحي هذي كل السالفه؟!
سعود:معـــــقــــــوووووله؟!!
أريام:ليش شو توقعت يعني؟؟
سعود:ماشي بس يعني مول ما تعرفين حد في بوظبي؟؟والا يايه عند حد؟
أريام:لأ ما أعرف حد..
سعود:منو يابج؟
أريام:المهم اني وصلت بالسلامه وخلاص..
سعود:اوكي عن تصفعيني!!
أريام:برايك طولت وياك!!
سعود:الله وياج بس حطي بالج على عمرج؟!
سكت وما قلت شي،رديت الغرفه وسرت يلست في البلكونه وكنت اسمع اف ام من التلفون..اتصلت حق ربيعتي غايه..
أريام:السلام عليكم..
غايه:وعليكم السلام والرحمه شحالج؟
أريام:بخير ونعمه!ها وينج رديتي دبي؟
غايه:هيه من ساعه ونصف تقريباً..شو تسوين؟
أريام:ماشي يالسه اسمع اف ام من الملل..
غايه:مسرع ما مليتي تستاهلين حد قالج تسيرين بوظبي والله انج خبله؟!
أريام:قصدي من الوناسه مب عارفه شو اسوي..
غايه:ههههه ويا ويهج
أريام:مب جني عطيتج ويه؟!
غايه:اوكي ياالخايسه يالله بااااااي..
أريام:هاها اوكي فديتج يالله باااي..
من الملل قمت اتصل حق كل ربيعاتي،وحده تلفونها مغلق والثانيه مشغول والثالثه عندها خط قلت خلني اطرش مسجات احسن وما خليت حد ما طرشتله مسج: )
بطلت التلفزيون ادور شي حلو اشوفه حصلت فيلم اجنبي يلست اطالع لين ما خلص وكانت الساعه تقريباً 9م،قلت بسير تحت عشان اتعشى..تلبست ونزلت شفت سعود بعده يالس قلت عنبوه ما يخلص دوامه من الصبح لين الحين؟!!المهم بغيت ايلس في المطعم بس حسيت ان شكلي بيكون غلط وان يالسه روحي في المطعم..قلت برد الغرفه وبطلبلي..سرت الغرفه وخذت المينيو حصلت بيتزا وطلبت عقب ربع ساعه يابو البيتزا وتعشيت وخلصت(بالعافيه علي)..وصلت الساعه 10وربع طبعاً انا كنت تعبانه لأني ناشه الصبح من وقت قلت ما دام ماشي شغله ارقد احسن (اصبح على خير)..
اليوم الثاني:
نشيت الساعه 8 الصبح قمت وغسلت ويهي وتنشطت وجيكت على التلفون الي اتصلت فيهم امس يوم رقدت ردو اتصلو
بطلت التلفزيون وسرت اتلبس واتعدل ماشي شغله من صباح الله خير(كيفي)..المهم قلت بنزل تحت عشان اتريق..نزلت وسرت الكوفي ومنو شفت؟؟شفت سعود يالس هذا شكله ماعنده بيت وبايت في الفندق؟؟!!طلبتلي ريوق..شافني سعود وابتسملي ماعطيته سالفه(حليييله)،سرت خذتلي جريده(اوني)وتميت يالسه في الكوفي لين ما صارت الساعه 9ونص..كان في محل في الفندق مال هدايا وخرابيط دخلته عيبني دبدوب حلو بس ما خذته^_-...
سرت الغرفه يلست شوي طرشت مسج حق غايه اسأل عن اخبارها ما ردت اكيييييد راقده!!رن تلفون الغرفه رديت طلع سعود ومنو غيره يتصل؟!
سعود:السلام عليكم شحالج؟
أريام:وعليكم السلام الحمدلله بخير انت شحالك؟
سعود:دامج بخير انا بخير!اسمحيلي على الازعاج بس حبيت اسلم واطمن عليج؟!
أريام:تطمن انا بخير..
سعود:مب ناقصنج شي والا محتايه شي؟؟
أريام:لأ مشكور ماتقصر..
سعود:ابا اقولج شي؟
أريام:قول شو في؟
سعود:بغيت اعرفج على اختي؟!
أريام:تعرفني على اختك!ليييش؟؟
سعود:ماشي بس قلت مادام انتي روحج اكييد تبين حد يسليج؟؟(على كيفه)
أريام:مالا داعي لكل هذا أنا مرتاحه جي!!
سعود:بالعكس له داعي ما يستوي بنت روحها تكون في مكان ما تعرف حد فيه يعني بتحسين بالغربه؟!
أريام:يعني غصب تبا تعرفني عليها؟؟
سعود:هيه غصب وبخليها تتصل فيج عقب شوي اوكي؟؟
أريام:اوكي..(يتحرا عمره مسؤول عني)!!
تميت افكر ليش سعود مهتم فيني ويبا يعرفني على اخته؟؟عقب 10 دقايق رن تلفون الغرفه قلت اكيد هاي اخت سعود!!رديت طلعت وحده سلمت وقالت شحالج؟قلت:بخير منو معاي؟قالت:انا لطيفه اخت سعود..
أريام:مرحبابج والله وانا أريام..
تمينا نسولف شوي وعقب قالت:
لطيفه:انا عازمتنج على الغدا؟؟
أريام:مالا داعي تكلفين على عمرج؟!
لطيفه:انتي الحين صرتي ضيفتي وواجب علي اني اعزمج عندي فالبيت شو قلتي؟
أريام:اسمحيلي والله ما اقدر وبعدين استحي اي بيتكم شو بيقولون اهلج عني؟؟
لطيفه:بلاهم هلي بيرحبوبج يالله عاد لا ترديني؟!
أريام:صدقيني ماتهونين علي اردج بس مره ثانيه ان شاالله؟؟
لطيفه:اذا كنتي مستحيه اتين بيتنا بعزمج في المطعم ها شو قلتي؟
أريام:لا تحرجيني اكثر عن جي ما اقدر!
لطيفه:مب عكيفج دقايق بتصل حق سعود وبخبره وبرد عليج اوكي؟
أريام:اوكي بااي..
دقايق وردت اتصلت..
لطيفه:هلا..اخوي وافق بس بشرط واخافج انتي ما توافقين؟؟
أريام:قولي شو هالشرط؟
!
اذا عيبتكم القصه قولوا عشان اكملها

مجروح الزمن · 13 Mar 2005, 12:58 AM

شو هالشرط ؟

كملي

فخوري · 13 Mar 2005, 05:52 PM

أوووووووة زين لادزين بكمل :)

وانشالله تعيبج بس لاتعصبين

فخوري · 13 Mar 2005, 05:56 PM

لطيفه:ان سعود يكون معانا تدرين بعد ما يرضون يخلوني روحي؟؟
أريام:مع اخوج؟؟!!من صدقج؟؟
لطيفه:شفتي قلت انج ما بتوافقين تعالي بيتنا احسن ؟؟
أريام:شو رايج انا اعزمج عندي في الفندق وترا اخوج يالس هنيه بنكون جدام عينه؟!

لطيفه:الحين انا الي ابا اعزمج والا انتي الي بتعزميني؟؟
أريام:عاااادي نفس الشي!!
لطيفه:لا فديتج مب نفس الشي!خلينا نسير المطعم واعتبري اخوي شرات اخوج وانتهت السالفه؟؟
أريام:لا والله حلفي انتي بس؟!استحي!
لطيفه:حد يستحي من سعووود؟؟
أريام:ليش مب ريال؟؟
لطيفه:عن الهذربه الزايده يالله وافقي..
أريام:ما ادري بفكر وبرد عليج اوووه عطيني رقمج عشان ارد عليج!!
لطيفه:اوكي بس ردي بسرعه يالله بااي..
تميت افكر قلت فشله البنت عازمتني مب حلوه اردها،قررت اني اسير المطعم وياهم..
اتصلت فيها..
أريام:مرحبا لطيفه خلاص انا قبلت العزيمه..
لطيفه:هيه جي اباج..متى تبينا نسير؟؟
أريام:كيفكم اي وقت يريحج؟؟
لطيفه:الساعه 2وربع زين؟
أريام:هيه
لطيفه:يعني اتفقنا؟؟
أريام:اتفقنا..بااي
تميت افكر كيف بيلس ويا اخوها استحي بس مثل ما قالت لطيفه بعتبره شرات اخوي
نزلت تحت وشفت سعود يالس كانت وياه وحده الظاهر انها اخته.صد سعود وشافني وقامت لطيفه ويت سلمت علي وهيه قاعده ترمس ياعبالي ليش ما يكون سعود يقص علي وتطلع لطيفه مب اخته؟؟فقلت للطيفه:
أريام:بطلب منج شي ولا تاخذينها بحساسيه؟!
لطيفه:آمري شو في؟؟
أريام:انتي صدق اخت سعود اسمحيلي بس من حقي اني اتأكد؟؟
لطيفه:افا عليج اكييييد من حقج
وطلعت لطيفه بطاقه وراوتني وسعود بعد طلع بطاقه ظلمتهم طلعو اخوان(اوني مباحث)
سرنا صوب السياره،سعود عنده لكزس فورويل وعليه رقم دبي وهني اتأكدت انهم من دبي..المهم قالت لطيفه:اي مطعم تحبين انسيرله؟
أريام:كيفكم اي مكان تبونه؟؟
سعود:لا انتي ولا هي بتقررون اي مطعم بنسيرله أنا بقرر؟!
لطيفه:انزين قول اي مطعم ياصاحب القرارات؟؟
سعود:اتريو لين مانوصل؟؟
لطيفه:ياالله بنشوف ذوقك؟!
وصلنا المطعم طلع مطعم لبناني،قالت لطيفه لسعود:ليش يبتنا هالمطعم بالذات؟؟
سعود:عشان يالطوف فيه غرف..
لطيفه:آها عشان جي..
دخلنا المطعم ويلسنا في غرفه وانا يلست عند لطيفه وسعود كان مقابلنا!!
سعود:ها شو تبون تتغدون؟؟لا تستحون طلبو الي خاطركم فيه؟؟
لطيفه:وليش استحي بطلب الي اباه؟!
سعود:حد رمسج انتي ياالملقوفه انا ارمس أريام!!
لطيفه:اوكي يا سعود جي تفشلني جدام البنت؟!
أريام:الظاهر اني سويت مشاكل بينكم؟؟
سعود:اي مشاكل الله يهداج نحن متعودين على هالشي صح لطوف؟؟
لطيفه:هيه صح..
وطلبنا غدا،قالت لطيفه:تصدقين اني ارتحتلج؟؟
أريام:صدق والله حتى انا!!
لطيفه:وخاصه يوم بغيتي تتأكدين اني اخت سعود..
أريام:هذا من طيبج..
سعود:لا تسون لنا فيلم مصري هني!!
لطيفه وهي تتمصخر:يا خفة دمك؟؟
ضحكت عليهم وعلى سوالفهم..
لطيفه:جي زين خليت البنت تضحك علينا؟؟
سعود:يعني بتفهميني الحين ان اخوانها ما يسوبها جي؟؟
أريام:الصراحه اكثر عن جي؟؟
سعود:شفتي يعني مب بس انا الي العوز اختي..كم اخو عندج؟؟
أريام:عندي 2
سعود:اصغر عنج والا اكبر؟؟
أريام:كلهم اكبر عني..
سعود:الله يخليهم ..
لطيفه:وكم اخت عندج؟؟
أريام:اختين وحده اكبر عني والثانيه اصغر..
لطيفه:يعني انتو 3بنات وولدين صح؟؟
أريام:شطوره صح!!
سعود:اكييييييد مللناج من الاسئله لا تلومينا ترانا ملاقيف؟!!
لطيفه:انت الملقوف بس مب انا..
أريام:عااااادي اسألو وقولو الي فخاطركم!!
المهم تغدينا وخلصنا وطلعنا من المطعم الساعه 3ونص..ركبنا السياره وشكرتهم على العزيمه..
سعود:وين تبون تسيرون الحين؟؟
لطيفه:اي مكان تختاره اريام؟!!
أريام:مالا داعي نسير مكان انا برد الفندق..
سعود:معقوله تين بوظبي وما نحوطج لا ما يصير؟؟!!
لطيفه:سير بوظبي مول..
سعود:شو رايج اريام نسير؟؟
أريام:لا ابا ارد الفندق ما ابا اتعبكم وياي..
لطيفه:تعبج راحه فديتج..
أريام:خلاص كيفكم..
سرنا بوظبي مول وتمشينا دخلت لطيفه محل وخذتلها قميص وانا ماكنت حاطه فبالي شي عشان اخذه..ودخل سعود محل غتر وهالسوالف طبعاً نحن ما دخلنا وياه سرنا وقفنا برع نترياه ،خلص سعود وطلع سألته لطيفه:شو شريت؟
سعود:غتره..
لطيفه:ياحبك للغترانت ما تشبع؟؟
أريام:شوي شوي على اخوج شو بيستوي لو خذله غتره؟؟
لطيفه:ماتنلامين دامج ماشفتي كبته شو مليانه غتر!!
سعود:من شر حاسدٍ اذا حسد!!انتي ليش حسوده؟؟
لطيفه:الحين انا صرت حسوده؟؟َ!!
أريام:بس فضحتونا امشو وانتو ساكتين..
سعود:والله وطلعلج لسان؟!
لطيفه:سعود عيب عليك حد يقول جي؟؟
أريام:عادي مقبوله منه مب قلتيلي اعتبره شرات اخوي لازم اتحمله شرات مااتحمل اخواني!!
سعود:الي يسمعج يقول اني من الصبح حاط عليج عشان تتحمليني!!
لطيفه:قبل شوي انا وسعود نضارب الحين انتي وسعود!!
أريام:بس خلاص ما برمس...
وقفت عند محل ذهب ورفعت الغشوه عشان اشوف الذهب والالماس المعروضين طالعني سعود وقالي وهو محرج:نزلي الغشوه بسرعه:<
حتى اخته استغربت ليش سعود حرج؟!وانا نزلت الغشوه على طول مافيه بعد يصفعني...
لطيفه:شو فيك محرج؟؟
سعود:ماشي على ما اظن انكم خلصتو خلونا نظهر؟!!
لطيفه:ان شاالله على امرك!!
ظهرنا من المول وركبنا الموتر،قالت لطيفه:تعالي معاي البيت؟؟
أريام:اسمحيلي لطيفه مااقدر ابا اسير الفندق اريح!!
لطيفه:شو قصدج يعني فبيتنا ما بترتاحين؟؟
أريام:أفا عليج صدقيني ماكان هذا قصدي بس خليها مره ثانيه؟؟
لطيفه:انتي متى بتردين دبي؟؟
أريام:احتمال باجر!!
لطيفه:لييييش؟؟بعدنا ما يلسنا وياج ولا شبعنا منج؟؟
أريام:ان شاالله المره الثانيه..
لطيفه:كله من سعود ما عرفني عليج الا اليوم...
سعود كان ساكت وماتكلم..وصلنا الفندق ونزلت سلمت على لطيفه وشكرتها على الطلعه..دخلت الفندق وسرت الغرفه وصلت الفندق تقريباً الساعه 5العصر،بدلت ملابسي وبطلت التلفزيون شوي ورن تلفوني طلعت غايه رديت عليها..
أريام:تو الناس ما بغيتي تردين؟؟
غايه:حرااام عليج شو تو الناس انا راقده الساعه 6ونص الصبح وتوني واعيه!!
أريام:وحد جبرج تقعدين لين هالوقت؟؟
غايه:شو اسوي غصبن عني..
أريام:المهم وينج انتي الحين؟؟
غايه:في البيت ليش تبين تردين؟؟
أريام:بيت منو؟بيتكم؟؟
غايه:لأ بيت ريلي!!
أريام:يا حسره ومتى صار ريلج؟!
غايه:هاهاااي متى بتردين؟؟
أريام:ما ادري يمكن اقعد بعد يوم او ما ادري ما ادري؟؟
غايه:شو؟؟اشوف عيبتج السالفه؟؟
أريام:كيفي مالج شغل اذا قررت ارد دبي بخبرج وعندي سوالف ابا اقولها لج بس مب الحين يوم برد دبي؟؟
غايه:انتي دوم جي تخليني اتحمس وياويهج انزين انا بسير اتلبس عشان اطلع وحطي بالج على عمرج اوكي؟؟
أريام:افا عليج أريام عن 7رياييل..
غايه:مبين يالا باااي..
بندت عنها ويلست افرفر بهالقنوات حطيت على رسوم ويلست اطالع عقب ربع ساعه وصلني مسج من لطيفه وكان مكتوب فيه(اسمحيلي على الي طلع من اخوي مادري ليش عصب وامسحيها فويهي)..
رديت وطرشتلها(لا عادي انا الي غلطت لأن يمكن سعود مايحب حد يكون وياه وجدام الناس يرفع الغشوه وانا الي بعتذرله)..ردت لطيفه وطرشت(يجوز!!لأن سعود واايد مشدد علينا المهم لا تاخذين فخاطرج اوكي؟)..
طرشتلها مسج(انا ماالوم سعود ومب شاله فاطري..)..فكرت اسير اعتذرله بس انا مب من طبعي اسير اعتذر لحد وانا مب متأكده ان الغلط مني قلت مادام الريال ما قصر معاي فخلني اسير واعتذر..
قمت واتلبست عشان انزل تحت،نزلت وكنت ادور سعود وماحصلته استغربت لأن دوم اشوفه يالس!قلت يمكن في مكتبه سألت واحد عنه قال مب موجود طلع من فتره!!رجعت الغرفه مادري ليش كنت حاسه ان سعود صدق شال فخاطره من هالشي الي استوا..قلت معقووله يغار علي؟!لالا ما ظنتي ليش منو انا عشان يغار علي؟؟
صارت الساعه 7ونص قلت انزل الكوفي عشان اريح بالي..نزلت ويلست في الكوفي،دقايق ويو شباب يلسو على الطاوله الي مقابلتني ويلسو عاد يطالعوني(ماالومهم حد قالي ايلس في الكوفي)..وانا طبعاً مابرتاح بقعدتي غيرت مكاني وعطيتهم ظهري مع انهم كانو قريبين مني وسمعت واحد فيهم يقول:فديييييت الي يستحي..قلت اكيييد هالكلام حقي وانا الصراحه ما تعيبني هالحركات فحاولت اني اخلص الكابشينو بسرعه عشان اروح،يوم قمت قام واحد من الشباب وسوا عمره يرمس فالتلفون عشان جي سار بعيد عنهم بس هالحركات ماطوف على اريام!!وانا امشي ياصوبي ورقمني،مشيت بسرعه وشفت سعود صار صوبه قلت الحين بتكبر السالفه وانا مافيني على المشاكل!!
دخلت الغرفه وحصلت على الطاوله باقة ورد!استغربت منو هالمتفيج يطرشلي ورود اكيييييييد غلطانين فالغرفه!!
لقيت بطاقه محطوطه على الباقه شليتها وقريتها(أريام اسمحيلي على الي طلع مني اليوم صدقيني انا نفسي مااعرف ليش سويت جي واباج تقبلين هالباقه كإعتذار مني..سعود)..ارتاح بالي اووووه نسيت مادري شو سوا سعود مع هذاك؟!لازم ارمسه عشان اشكره واسأله عن الريال؟!بس انا مااعرف رقمه!!بطلب الرقم من لطيفه لالا شو بتقول لطيفه عني ماابا استحي!!بس لازم اتصلبه..طرشت مسج حق لطيفه وطلبت منها الرقم وكتبت عشان اعتذرله..والمسكينه ما قصرت على طول طرشت رقمه..اترددت اتصل والا لأ؟تجرأت واتصلت بس مارد علي؟!
اكيد بيشوف الرقم وبيرد يتصل..وعقب نص ساعه اتصل سعود قلبي كان يدق رديت عليه..
سعود:السلام عليكم..
أريام:وعليكم السلام والرحمه..
سعود:منو متصل على هالرقم؟؟
أريام:انا اتصلت..
سعود:نعم اختي بغيتي شي؟؟
أريام:ماعرفتني؟؟
سعود:لا ماعرفتج منو؟؟
(حبيت ارفع ظغطه شوي)..
أريام:مابقولك منو انا اباك انت تتذكر؟؟
سعود:بتقولين شو تبغين والا ابند؟؟
أريام:انا أريام..
سعود:أريام؟!اسمحيلي ما عرفتج؟!
أريام:لا عادي وسوري ترا كنت متعمده استهبل عليك!!
سعود:دامها منج مسموحه..
أريام:شحالك؟؟
سعود:بخير وسهاله انتي شحالج؟؟
أريام:والله تمام..
سعود:هذا رقمج؟؟
أريام:لأ رقم واحد شفته في الممر وقلتله عطني تلفونك شوي؟؟
سعود:من صدقج والا تمزحين؟؟
أريام:ما دريبك اكييد بيكون رقمي!!
سعود:اتحسبت بعد!!
أريام:خذت رقمك من لطيفه وارجو ان هالشي مايضايقك؟!
سعود:ومنو قالج ان ما يضايقني؟بذبح لطوف لأنها عطج الرقم..
أريام:صدق تضايقت والله اسفه..
سعود:هاهاهاااي بس انتي الي تسوينها فيني؟؟رديتها لج!!
أريام:وحده بوحده..وشكراً على الباقه الحلوه كان المفروض انا الي اعتذرلك عن الي سويته؟!
سعود:بالعكس انا الي تجاوزت حدودي شوي!!
أريام:لا تجاوزت حدودك ولا شي انا ما الومك..
سعود:ليش؟
أريام:لان اكيد ماتحب حد من اهلك او اي حد يكون معاك يسوي الي انا سويته لان مهما كان هالشخص الي معاك يكون على سمعتك ومسؤليتك وانا ماالومك على هالشي ياترى تفسيري في محله؟!
سعود:ماشاالله عليج فاهمتني؟؟
أريام:اسمحلي على الي طلع مني اليوم واسمحلي بعد لأني خليتك تعصب!!
سعود:أفا عليج ولايهمج مسموحه..
أريام:يعني راضي علي؟؟
سعود:طبعاً راضي وعشان جي بعزمج على كوفي..
أريام:بس الحين مب وقت كوفي!الحين وقت العشا؟؟
سعود:ليش الساعه كم الحين؟؟اوه 9:15ماحسيت بالوقت انزين ولا تزعلين بعزمج على العشا؟؟
أريام:لاوالله؟؟اليوم عازمني على الغدا والحين على العشا اسمحلي ما اقدر..

G!RL · 03 Apr 2005, 08:11 AM

plzzzzzzzzzzzzzzz kamleha

G!RL

G!RL · 11 Apr 2005, 12:48 AM

shoo e'7tyah mob nawyah etkmleen elqe9ah

G!RL

N a j M a · 13 Apr 2005, 06:55 PM

فخوري انا ناطرة الجزء الثالث ,, عساج بس ما نسيتينا :)

ظل القمر · 18 Apr 2005, 10:43 PM

انا بكملها لكم

==============================

سعود:انا ما عزمتج على الغدا اختي الي عزمتج!!وبعدين شو اسمحلي بعد بتنزلين غصبن عنج رضيتي والا مارضيتي؟؟
أريام:يعني السالفه صارت عناد؟؟
سعود:هيه عنااااااد!!
أريام:فشله!!
سعود:شو فشله؟؟يللا نزلي انااترياج في المطعم الي تحت..
أريام:انزين ترياني عقب 10 دقايق بنزل!!
سعود:اوكي ولا تتأخرين بااااي؟؟
أريام:بااااااااي..
يلست افكر ياترى هذا الي انا اسويه صح والا غلط؟؟كيف رضيت ايلس وياه مره ثانيه وليش انا هالكثر مرتاحتله؟؟انا بنزل وامري لله..
نزلت تحت وسرت المطعم شفته يالس سرت عنده وسلمت عليه ويلست..
أريام:شحالك؟
سعود:بخير دامج بخير..
أريام:تأخرت عليك؟؟
سعود:هيه وااااايد؟؟
أريام:صدق والله؟؟
سعود:ههههه اتمصخر وياج..
أريام:اتحريت بعد؟؟
سعود:شو تبين تتعشين؟؟
أريام:ماادري؟
سعود:شو رايج اطلبلج على كيفي؟؟
أريام:يمكن الي تطلبه مايعيبني؟؟
سعود:بتاكلينه عشان تجامليني وبتستحين تقولين شي..
أريام:يلا اختار وبنشوف ذوقك في الاكل!!بس ماابا شي دسم..
طلب سعود معكرونه وشي ثاني ماادري شو اسمه صعب
سعود:شو رايج طلبتلج معكرونه؟؟
أريام:تصدق اني احب المعكرونه..
سعود:شفتي شقايل عرفت الي تحبينه؟؟
أريام:بغيت اسألك سؤال ؟!
سعود:آمري..
أريام:شو سويت مع الريال الي كلمته بعد ما انا سر ت؟؟
(يوم سألته هالسؤال شكله اضايق)
سعود:وانتي يهمج تعرفين؟؟
قلت فقلبي مافيه يعصب علي مره ثانيه
أريام:لا بس حبيت اعرف!!
سعود:غيري السالفه..
أريام:كيفك مابجبرك..
سعود:ممكن اسألج انا سؤال؟؟
أريام:طبعاً ممكن تسأل ومب سؤال واحد اسئله؟؟
(حسيت عمري متساهله وياه فقلت خلني اكون شديده شوي..)
سعود:بس اباج تجاوبيني بصراحه..؟!
أريام:قول شغلت بالي؟؟(الله يستر)
سعود:انتي في حد فحياتج؟؟
سكت وتميت سرحانه..
سعود:بلاج سكتي ماجاوبتيني؟؟هيه والا لأ؟؟
أريام:اسمحلي سعود مابجاوبك لو تبا تسأل سؤال ثاني اسأل؟
سعود:لا مالا داعي..دام اول سؤال ما جاوبتيني عليه؟؟
أريام:اعذرني..
يابو العشا،يلست العب بالأكل اكل شوي وعقب دقيقتين ارد مره ثانيه اكل،يعني كنت افكر..وسعود كان يطالعني وقال:
شو فيج تغيرتي مره وحده قبل شوي كنتي مستانسه وتضحكين كل هذا عشان سألتج هالسؤال؟؟
أريام:مافيني شي بس قاعده افكر فربيعتي؟؟
سعود:شو بلاها ربيعتج؟؟
أريام:ماشي بس مااتصلت فيني؟( قلت جي عشان اغير السالفه)
سعود:انزين انتي اتصلي؟؟
أريام:بتصل،الا ماقلتلي انا شو الي خلاك تهتم فيني كل هالإهتمام بصراحه؟؟
سعود:ماادري قلت انتي بنت ويايه روحج من دبي فقلت من الواجب اني اراعيج..
أريام:آهاا..اكييييييييد؟؟
سعود:طبعاً اكييد..
خلصت عشاي ويلست وياه شوي وقلتله:
أريام:مشكور على العزيمه واسمحلي الحين بسير الغرفه؟؟
سعود:ماتبين حلا؟؟
أريام:لأ(كنت شويه جديه) اسمحلي انا سايره مع السلامه..
وقمت على طول وسرت الغرفه من غير ما اعطيه فرصه يتكلم..
وانا قاعده في الغرفه كنت افكر لييييييييش سعود سألني هالسؤال؟!وليش مهتم فيني هالكثر؟
معقوووووله يكون سعود يستغلني بتصرفاته عشان ارتاحله؟!!باجر بيبين كل شي..
كانت الساعه 10ونص بدلت ويلست العب بالتلفون وصلني مسج،شفته طلع سعود الي مطرشنه والمسج كان(نوم العوافي وتصبحين على خير)طنشت وانسدحت على السرير وتميت افكر ارد دبي والا لأ؟؟ليش ارد دبي دام اني مرتاحه هني؟!باجر يصير خير ورقدت..
اليوم الثالث:
نشيت الساعه 8ونص قمت وتنشطت وعقب 10دقايق تلبست عشان انزل تحت واتريق،نزلت وسرت المطعم كانو مسوين بوفيه،خذتلي اكل وسرت ايلس وماشفت سعود..المهم تريقت وخلصت سرت اتمشى في الفندق(الصراحه وانا اتمشى كنت ادور سعود)..بس ماشفته!!
رجعت الغرفه قلت بطرش لسعود مسج بس غيرت رايي قلت مالاداعي اطرش عشان لا يتحسبني مهتمه فيه..وعقب دقايق وصلني مسج من سعود(صباح الخير*صباح النور)..
وانا اقرا المسج ابتسمت بس بعد طنشت^_-
طرشت مسج حق لطيفه وعلى فكره لطيفه اكبر مني بسنتين..وخفت اتصلبها تكون راقده!!
وقعدت اسمع اف ام من التلفون وصلت الساعه 10بغيت اطلع بس قلت تو الناس عقب بطلع..رن تلفوني وكان سعود الي يتصل ترددت ارد والا لأ؟؟رديت عليه..
سعود:السلام عليكم..
أريام:وعليكم السلام والرحمه..
سعود:شحالج؟؟
أريام:بخير وسهاله انت شحالك؟؟
سعود:بخير ونعمه..شو راقده؟؟
أريام:اي راقده!انا واعيه من الساعه 8ونص..
سعود:ليش عندج دوام تنشين هالوقت؟؟
أريام:احسن من السهر واضيع وقتي على الفاضي..
سعود:حبيت اسلم عليج واطمن؟؟
أريام:مشكور على هالإهتمام..
سعود:انا ماسويت غير الواجب..
أريام:شحال لطيفه؟؟
سعود:الحمدلله بخير..
أريام:لطيفه راقده؟؟
سعود:لأ يالسه في الصاله..
أريام:تعرف اني حبيت اختك؟؟
سعود:والله؟!وشو حبيتي فيها؟
أريام:كل شي ماشاالله عليها حبوبه..
سعود:وما حبيتي حد ثاني؟؟
أريام(ويهي احمر):منو يعني؟؟
سعود:اقول يعني مافي حد غيرها حبوب؟؟
أريام(غيرت السالفه):انت عندك دوام اليوم؟؟
سعود:لأ..
أريام:آهاا..عيل ليش واعي من الصبح؟؟
سعود:يعني انتي بس النشيطه انا بعد نشيط؟؟
أريام:هههه ياالغيور!!
سعود:ما بتطلعين؟؟
أريام:ماادري يمكن بعدين؟!
سعود:ويامنو؟؟
أريام:تستهبل حضرتك!ويامنو يعني روحي..
سعود:واذا قلتلج مافي طلعه روحج؟؟
أريام:شو؟؟وليييييش؟؟
سعود:كيفي مااباج تتطلعين روحج..اذا تبين تسيرين مكان خبريني باخذ اختي وبمر عليج!!
أريام:لا خلاص مالاداعي غيرت رايي ماابا اظهر!!
سعود:احسن!!
أريام(وانا معصبه):تامرني يشي؟؟
سعود:سلامتج..
أريام:عيل برايك بااااي..
هلي ناقص سعود يتحكم فيني شو يتحرا عمره اخوي والا حبيبي؟؟عناداً فيه بطلع ومابرد الا نص الليل وبنشوف انا والا هو؟؟