مرحـــبا عزيزتي دمعة فرح ..

شخبارج ؟؟

امممم ما أقدر أحكم من البداية .. لأن القصه توها ف أولها .. والجزء قصير بعد ..

ما سبق وقريت لج من قبل .. ممكن تحطين اللنك ما عليج أمر ..

امممم ما حبيت ضعف سعاد .. شو الي يمنعها تكون قوية .. تدرس طب .. ومتفوقه ف دراستها .. بالعكس هالشيء لازم يخليها توثق ف نفسها أكثر وأكثر ..

والحلووو إنج ما بديتي بتعريف الشخصيات .. بالعكس نتعرف على الشخصيات من خلال الأحداث يكون أحلى ..

بانتظارج عزيزتي .. لا تبطين .. ويا ريت لو تطولين الأجزاء شوووي ..

بالتوفيق عزيزتي ..

 

بدايه مووووووووووووفقه دمعه فرح ......ونتريا الجزء الثاني ^_^

 

باانتظاااار الجزء الثااااني

 

بسرعة كبيرة .. تبدأ سعاد بتجهيز نفسها كالعادة .. فقط تلبس العباءة دون أن تجهد نفسها بتغيير ملابس النوم ..

دمعوه هالشخصية ماذكرتج فحد

في انتظار الجزء الثاني

 

فروحه

بدايتج حلوه ومشوقه

وعن التوقعات.. بعدني ماعندي فكره عن خالد عسب اتوقع



في انتظار البقيه

 

][ الجزء الثاني ][
أخذت حقيبتها .. ليوقفها خالد ..
- أخبرج سعاد .. نعالج حلوو .. قوليلي من وين شارتنها .. ودي اخذ مثله لجدتي ..
تبتسم سعاد .. وترحل عنه .. وصوت ضحكاتهم لحن يسري في أذنها .. تركب السيارة .. لتخرج تنهيدة طويلة .. وترى السماء الصافية .. تنزل النافذة ببطء .. نسمات الهواء تداعب شعرها الهارب من تحت غطائها ..
- بابو روح البحر ..
- بس ماما فوزية قول تعال بسرعه ..
- ما راح نتأخر شوي بس ..
- ان شا لله ماما سعاد ..
لا تعرف لما تريد الذهاب الى البحر .. لكنها تعلم ان البحر .. هو الوحيد الذي لا يضحك على شكلها .. او حتى
أحزانها .. هو الوحيد الذي لا يحقد عليها لأنها دائما" الأولى ..هو الوحيد الذي لا يرحل ويبتعد اذا كانت بحاجة اليه ..
- ماما سعاااااااااااد ..
- شو في .. خرعتني .. !!
- ماما انا يكلم انت من ساعه .. في يوصل بحر ..
- اوكي .. انت انطرني في السيارة .. شوي وراجعة ..
- زين ماما .. بس مافي يتأخر عشان ماما فوزية ما يسوي حج انا هواش ..
نزلت سعاد من السيارة .. وبدأت بالركض لترتمي في حضن تراب الشاطئ .. لتبكي كالطفل .. لتحاول ان تنثر بعض همومها على التراب .. مرت دقائق ثقيلة وهي تحاول أن ترحل عن البحر .. وقفت بصعوبة .. بدأت بمسح دموعها .. لم تنتبه بوجود أعين دامعة تناظرها .. وتتساءل ما بها .. !!
ركبت السيارة .. آثار دموعها تفضح حزنها .. يراها بابو من مرآة السيارة .. يشفق عليها .. يريد أن يسألها ما الذي بها .. يصمت .. خوفا" من أن يجرحها ..
- ماما سعاد .. ما يبي يسير مكان ثاني .. ؟
- لا شكرا" بابو .. روح البيت ..
يمشي ببطء .. ينتظر أن تبوح بما يجول في خاطرها .. فهو يعلمها جيدا" .. رغم عدم وجود أي رابط يربطهما .. فهو سائق العائلة .. وهي الآنسة .. لكنها كما يقال .. خبز يديه .. فسنوات عمله معها .. تتعدى الـ 20 سنة .. ويعلم جيدا" أنها بالنهاية .. ستبوح .. وما هي دقائق حتى سمع صووت تنهيدة تشق القلب من ألمها ..
- بابو .. أدري ما راح تفهم وش راح أخربط .. بس مالي بالنهاية غيرك يسمع بصمت .. أنا يا بابو .. مليت من نظرات الناس .. وش فيهم علي .. انا كيفي .. انا ما ابي شي من هالدنيا .. كفاية شهادتي .. وربي ما ابي شي .. بس مين اللي يفهم .. يووووووووووه .. اسرع يا بابو .. ابي اروح انام ..
- ان شا الله ماما سعاد ..

لم يسمع كلامها .. بل أبطأ أكثر .. متمنيا" اختفاء آثار دموعها .. حتى لا تراها الأم .. وصلا على أذان العصر .. فتحت باب السيارة بتثاقل وتعب .. مشت بخطووات ثقيلة دخلت الباب لترى أمها تنتظرها

- مالذي سيجري بين سعاد وأمهـا . .!؟

انتظروا الجزء الثالثـ ..

 

وعليكم السلام روحمة الله وبركاته ..^^

القصة حلوووووة ^_^


تسلميييين

نتريا البقية ...