مرحبا بج الغلا ..

بغض النظر عن اللي صار

وعن منو الغلطان

امج ثم امج ثم امج

ولا تنسين انتي في بيت اهلج ضيفة

يعني باجر تهدينهم وتسيرين

فـ خلي يلستج بينهم مثل يلسة عابر السبيل..عسب باجر يذكرونج بالخير ...

وطنشي هالسوالف .. لان شرا ما قلت بيي يوم وبتهدينهم ..

اما عن الوالدة .. روحي لها غرفتها ويلسي وياها

واختاري وقت يكون مناسب وتشوفين اعصابها هدت فيه

وحبي راسها واستسمحي منها حتى لو ما غلطتي

ولو ما طاعت ... خليها وردي لها وقت ثاني

وحاولي لين ترضى

 

مشكوووووره اختي شوق البحر وخلاص راضيتها

 

رضى الله من رضى الوالدين ياختيه لو شو ماصار


و بما انج راظيتيها فــ خلاص ما يحتاي نعطيج حل


بس اتمنى انج ما تكررين هالشي و ما ترفعين صوتج على امج مهما كانت الاسباب


الله يطولج بعمرها و يخليها لج

وداعة الله

 

ربي يخليكم لبعض ^_^

 

امل مفقود

السموحه بس الله يقول { وان جاهداك على ان تشرك بي ما ليس لك به علم فلا تطعهما وصاحبهما في الدنيا معروفا} يعني لو تكون اسوأ ام في الدنيا يا امل مايحق لج انج تزعلينها الا فيما اغضب الله وهنا بعد تبين الحكمه وشو يعني صكت الباب بجلس على الباب ليما تسمع من ......... ما تسمع عذري والا الحجه اللي مني .......لا .......تسمع اعتذاري .... واللي تبا مني انا جاهز ........هاي امي تدرين يعني شو تعني.......اترك العالم على شان خاطرها ......صدقيني خليج على بابها لو يومين مايهم لو شهر المهم تسمع ...وتسامح....امي ....وبس.........



بكيت

 

أول شي حبيبتي لا تضيقين خلقج .. تعوذي من ابليس واذكري ربج وان شاء الله مشكلتج محلولة وحلها بإذن الله قريب وسهل ..


آنا اقولج شي .. الحمدلله انه سالفتج / مشكلتج بس جذي مو اكثر .. آنا يا امل مفقود

اعرف بنيه امها جنها شريجتها تطقها وتسبها وتلعنها ومع هاذا تحاول فيها وتدعي الله يهديها و كل ما دعت عليها بجت وبجتني معاها ..

انتي ان شاء الله ما تكونين محتاجه ردي وتكونين حليتي المشكلة قبل لا تقرينه بس لو لأ .. وليلحيم زعلانة ..


آنا لو مكانج بقعد معاها وبقولها .. الدنيا ما تدوم حق احد ومحد يعرف يومه وانتي يمه الله يخليج لي

"مابي اموت وانتي زعلانة مني " سملله عليج بعد عمر طويل " .. قوليلها آنا نفسيتي تعبانه وانا بدونج ولا شي وانتي تسوين فيني اللي تبين واذا يرضيج تذبحيني اذبحيني بس لا تزعلين علي يمه "..


امج قلبها كبير كفايه انها ام وبتحس بالكلمة اللي قلتيها وبتخاف شوي وبتنسى اللي صار ..




طمنينا عليج .. قوليلي شيصير وياج