شكلكم ماعيبتكم القصة ...

يالله بتريا لين يومين اذا ماجفت ردود منكم مابكملها..

 

كمليها الشيخه

عيبتني

بسرعه لو تكرمتي علينا

 

ان شاااااء الله من عيوني دامني لقيت حد يرد عليها وعيبته..

وان شاااء الله اليوم فليل ولا باجر بنزلها..وتسلم عالي الشان على مرورك الحلو..

 

والله القـــــــــــــــــــــــــــــصة رووووووووووووووووووووووووووووووووووعه رووووووووووووووووووووووووووووووووووووووعه فديتج كمليها باااااااا ارعرف شو بيستوي



بسررعه كملي <<<<<<< الاخت متحرقصه ....




ماشاءالله عليج ابدعتي فذمتيه ونترياااااااااااااااااااااااااااااااج في الجزء الثاني لاطولين علينا

 

لا والله غاويه القصه عيبتني

اتريا التكمله

 

أنا بعد اتريا ..

عاد عمري الحزين لا تتأخرين علينا ..

تيك كير سيس ..

 

الشيخه

وين التكمله بسرعه لاعت جبدي و انا اتريا

 

هذا الجزء اليديد وان شاء الله يعيبكم

في بيت ام علي

يلسن البنات في الصالة و ام علي سارت ترقد..
خلود كانت يالسة وسرحانة ومريم تخربط عليها شو سون في نادي الفتيات وهي ولا عالبال لين حطت مريم إيدها على جتف خلود بحب..
مريم:شي مزعلنج خلود..؟؟
خلود وتوها تنتبه على سرحانها:..ها..لالا شو بيزعلني بالعكس ..(وهي تبتسم من ورا خاطر)..ماتجوفين بسمتي شاقة الحلج..
مريم وهي تطالعها بنص عين:هاااااا خلود منو شاغل بالج الحلو..؟؟
ارمسي ارمسي مابخبر حتى..(هي تعلي صوتها عشان عليا تسمع)..عليوووووووه مابخبرها..
عليا نقزت من مكانها ويت عدال مريم لأنها ماتروم تفوت شي إلا تبا تعرفه:شو شو مستوي؟؟ترمسون عن منو؟؟اكيد تحشن فيني؟؟يالله يالله بسرعة ارمسن؟؟مابعصب بس قولن عن شو ترمسن؟؟(وكانت ترمس بسرعه الي خلا خلود ومريم يبطلن عيونهن وهن مب فاهمات شي بالمرة عقب ضحكن)
خلود:إييييييييييه لغتنا عربية تحدثي بصورة جيدة..
ابتسمت عليا:هههه ان شاء الله بنت رفووع..
خلود وهي تمثل العصبية:اخبرج مالج خص بماماتي فاهمة وتراها اختج العودة تزقرينها رفيعة انزييييييين..
عليا بضيج:الي يقول مسوتلج شي زين عشان تدافعين عنها جي..
تساندت خلود وسكرت عينها بحزن:تبقى امي لو تقطعني قطعه قطعه وتعقني حق القطاو بدافع عنها..
مريم:انزين قوليلي شو ناوية تسوين..؟؟
يت خلود بترمس بس عليا رمست قبل وبصوت عالي وهي منفعله: شو شو بتسوي بعد بتظل عندنا ها بيتها وملزومة تيلس عندنا..عيل تبينها تيلس حق الجلب خالد ويلعوزها ويبهدلها ويظيع مستقبلها..
نزلت دمعه من خلود وابتسمت : فديتج ياعليو بس ماروم اطول عندكم نسيتي انه امج طليقة يدي يعني ماتقربلي بشي وهي مب ملزومة فيني..
مريم:افا افا يا خلود نزعل منج..تحيدين ياخلود يوم امج تطلقت ويلستي عند يدتج ام ابوج..وين يلست..؟؟ تراها يلست في بيتنا وامي اكرمتها وماقصرت بها جنه هي بنتها مب نحن وحتى لدرجة تاخذ شورها اذا في شي يخصنا ولين عرست واستقرت..
عليا:عاد الي يقول بادلت امي بالاحسان..رفعت خشمها على الكل لا عادت تي عندنا ولا تسلم علينا الا من عيد لين عيد..
تنهدت خلود بضيج:خلاص كفاية تعبت والله تعبت..ااااااااااه ياريتج امي عشبة تكونين عايشة الحين جان ماجفت الي جفته..(غطت ويها بيدينها وتمت تصيح ومريم يت ولوت عليها وتحاول تهديها)

......: هي هذول الي يايه عندهم ومودرتني..؟؟
رفعت خلود راسها ويوم جافت امها نزلت راسها:ليش ياية..؟؟
قربت رفيعة:ياية اردج بيتج..تراني والله مارجعت البيت من قريت المسج خلصت شغلي بسرعه ومريت اشتريت اغراض وييت اهنه.. يالله خلود لبسي عباتج وتعالي وياي..
خلود وهي تمسك ايد مريم وتشد عليها وبعدها منزلة راسها ماتبا تجوف ويه امها وترضخ لها:مب ياية رجعي حق ريلج احسن لج..
رفيعه وقفت مكانها بصدمة:ليش ياخلود..؟؟ انا شو سويت لج..؟؟ قولي سويت شي..؟؟ سويــــــــــــــــــــت شي..؟؟
خلود وهي بعدها على شكلها: للأسف لأ بس ريلج هو الي سوا وانا مب راجعه لمكان فيه خالد..
رفيعة وهي تيلس على ركبها مجابلة ويه خلود..وخلود الي مارامت تتطالع بعيونها فلفت عنها عشان ماتضعف : خالد يحبج ياخلود..
خلود:امي دخيلج لاتكملين لاتكملين.. خالد ريلج مايحب الا نفسه حتى انتي مايحبج..جوفي شو مسوي فيج..سيري جوفي شكلج بالمنظرة..من تظهرين مكان بدون علمه شو يسوي فيج..تحيدين يوم انا كنت مريضة ومن الربشة نسيتي تخبرينه مب ظربج ظرب وعقج بالمستشفى تتعالجين من دون لا يسأل عنج ولا حتى يخليني اجوفج..امي ريلج ها مب مرباي معقد نفسيا وياي يفج عقدته فيج انتي وفيني انا..
رفيعه نزلت راسها وهي تحاول تجذب كلام خلود بس هي تعرف انه هذا صح لكن هي ماتجوفه صح هي تحب خالد والي يسويه فيها تنعمي عنه:بتين وياي ولا شو..؟؟
عليا ومريم ما تجرأن يرمسن بس عليا ماتحملت:اخبرج انتي ماتسمعينها شو تقول..خلاص مابتي وياج فهميها عاد..قلنا غبيه ويا ريلج بس تركي عنج هالغباء وخليه لوقت ثاني..
وقفت رفيعة وهي تمط خلود: بتين وياي فاهمة ..؟؟
خلود رفعت راسها وحطت عينها بعين امها عقب ماوقفتها: مب ياية وياج..؟؟
رفيعة زعجت عليها:بتييييييييييييين وياااااااي تفهمين...؟؟
علي يوم سمع الزعيج طلع ويوم جاف رفيعة فهم السالفة وخوز خلود عن رفيعة واطالع رفيعه بعينها والنار تشب من نظراته: خلود هذا بيتها وانا الوصي عليها ومحد يروم يقولي لأ تفهمين..وخلود بتم عندنا وريلج هذا سيري له خل ينفعج احسن لج..
رفيعه:مب سايرة إلا وخلود وياي..
خلود يلست على الأرض وحطت ايدها على ويها وتصيح وهي منهارة:كفايه كفايه دخيلكم بس خلاااااااااااااااااص..حرام عليكم والله تعبت..امي ماباج ماباج لا إنتي ولا بيتج ولا ريلج..دخيلج خليني بعيده عنج مرتاحة..انتي مب مفتكرة فيني ليش احينه تبيني ايي وياج ليش..؟؟ انا ماباج قسم بالله مااااااباااااااااااااااااااج سيري.. سيري دخيلج والديج الي فالقبر رحميني وروحي عني..
علي عوره قلبه على خلود ومسك إيد رفيعة وطلعها برع الصاله:ماتجوفين شو سويتي ببنتج..خلاص سيري بيتج وتعالي يوم البنت بترتاح..
نزلت رفيعه راسها باستسلام:مب مشكلة..لكن حذاري تسوون في بنتي شي وتغسلون مخها وتخربونها علي..فاهم..
وطلعت..علي تنرفز من رمستها وكان وده يعطيها كف بس مسك اعصابه..:انا ناقصنج..انا ماخلص من سالفة حنان تطلعين انتي ويا مشاكلج..انتي من سكنتي عندنا والمشاكل تتحذف علينا..
دخل علي الصالة ولقا خلود على حالها تصيح ومريم وعليا يحاولن يهدنها..يا صوبها ويلس لمستواها وجاف مريم بنظرة فهمتها ومسكت عليا وطلعن من الصالة..
علي:بس ياخلود هدي عمرج مايسوى الي تسوينه بعمرج..
خلود:هاي امي يا علي اميييييييي ماتعرف شو يعني امي.. ليش سويت فيها جي..حرام والله حراااام..
تنرفز علي: انتي ماسويتي شي امج الغلطانه وبعدج تدافعين عنها..
الي سويتيه شويه عليها..تستاهل ظرب امج هاي..
خلود زاد صياحها وعلي ماتحمل وقربها لصدره وظمها بكل قوته عشان تفرغ الي بخاطرها وتمت تصيح وتصيح على صدر خالها وهو بعده على مسكته ماتحرك..اخر شي حسها هدت وجسمها بدا ينزل عرف انها نامت على صدره..ابتسم..مسكها من ريولها وظهرها وشلها وطلع من الصالة ومريم مجابلتنه واشرتله بمعنى بلاها فوظح لها انها رقدت..سارت مريم وبطلت لهم حجرة خلود الي هي اصلا حجرة الضيوف..لأن خلود ماتداني ترقد في حجرة حد..حطها على السرير ولحفها وباسها على راسها وقف عند الباب عدال مريم وتنهد ونزل راسه..بند الليت وطلع وسار يرقد ومريم مارمست وياه بشي تدريبه مظايج وبينفجر بويهها وهي روحها سارت ترقد..

في بيت بو حمدان..

حمد:حمدان..
حمدان وهو ياكل كاكاوه المفضل وتارس به حلجه حتى مب رايم يرمس..: نعم..
حمد: بلاها حنان..حد مضايجنها..؟؟
حمدا