كملها اخويه

شكلها غاويه

 

سلمت الغااالي

باانتظااااارك

 

مشكورين أخواني على المرور وهذا الجزء الثاني
و كملن البنات سهرتهن لين الساعه 1.50 و هن متحلفات لراشد
أما الشباب فسهروا لين الساعه 2 لانه باجر عندهم رحله
حمدان وهو غاط بنومته سمع صوت فنجلب الصوب الثاني بس هالصوت ما وقف
حمدان : يا الله منوه هالمتفيج داق هالوقت
حمدان : ألوووووووه
بو خليفه : هلا و الله
حمدان : منوه هلاااااااا بويه شوه صار
بوخليفه : لا ما صار شي بس وع أخوك وشلتكم وسيروا طالعوا شغلكم
حمدان :بويه بدري
بوخليفه : أنته ألي بتتحمل المسؤوليه و خلاص دقيت لك و فهمها قد ما تبى
حمدان : إن شاء الله يلاه باي
بو خليفه : عدل رمستك
حمدان : السموحه يبه يالله في أمان الله
بوخليفه : مع السلامه
عقب ما سكر حمدان عن أبوه
حمدان: يا الله شوه في عسكريه نحن خلني أوعي حمد
سار حمدان صوب حمد بيوعيه لقاه ناش من النوم
حمدان : يا الله يا حمد اللواء سهيل يقول يا الله سيروا شوفوا شغلكم
حمد :وهو مب قادر ينش و الدمعه على طرف عينه : حرااااااااام ما يصير هالكلام ما رقدت
حمدان : ليش إن شاء الله يا حضره و لد اللواء
حمد : ما ياني راقد طول الليل يمين يسار ما قدرت
حمدان : يلاه قوووم مافيني على الحشره
حمدان وهو طالع : أقول لاتنسى أدق حق خالد يوعي أخوه وياه
حمد : سر لاه خالد لو تنقع هوريشيما حذاله ما نش دق دق حق منصور
حمدان : خلاص ياالله
حمدان وهو طالع دق حق منصور وخبره ينش هوه وخوه ورد ودق حق فيصل و قاله يوعي أخته ويخليها توعي بنات بو راشد
على الساعه 5 .50 الكل جاهز وتواعدوا أنهم يطلعون من بيت بو منصور
شمه : الله يعينا في ما بتلانا
شمسه وبصوت عالي :يحظ الريم بتشبع رقاااد
روضه : لا و الله هيه قالت بتسير ويانا
شمه يوم شافت أبوها وعمها بو خليفه : أصلا نحن لازم ما نسير روحنا وياكم لانكم محرمين علينا
بو خليفه : هيه مادام جيه السالفه بوعي أم خليفه بخليها تسير وياكن
اليده : لا توعيها ولا عندك خبر أنا بسير وياهم
حمدان : عيل وينها روضه
شمه : على ما أظن سارت توعي الريم
حمدان : حرام عليكن هيه شوه يخصها بعقابنا
شمسه : هيييه
حمدان : شوه عندج مانع
شمسه : لا بنت العم
خالد : يا الله خلا
بو راشد : يحافظ على خالد النشيط
الريم : السلام عليكم
الكل : و عليكم السلام
بوخليفه : أمي الريم شوه موعنج هالوقت ليش ما رقدتي
روضه ميته من القهر : عيل ليش ما تقولي أنا
الريم : يا الغيوره عم يحب بنت أخوه شوه رز بويهج , و الله يا عمي حسيت أني أغبش وياهم شي خطير
راشد : الحمد لله ما سرتوا عني
بو راشد : أفا راشد شوه موعنك هالوقت شي فيك
راشد : لا بويه بس أبي أسير وياهم
بو راشد يبي يقهر البنات : شوه تباهم سير أرقد وعين خير ألي يسمع هم شوه راح يسوون
حمد : يا الله رشود شوه الراي أتبادل أنا و أنته أنته سير و أنا برقد
بو راشد و هو ماسك حمد من عنقه : منوه هذا ألي أسمه رشووود
خالد : و لدك ما غيره
بو راشد : أيه أنته وياه ألي أسمعه يقول له رشود ما يلوم ألا عمره
حمدان : طاع أنتوا عيل أنا أمس في كارفور يزقرني حمدانوه شوه هالتفرقه
راشد : لاني راشد غير عنكم كلكم
خالد: قول و الله أنته بس
روضه : مداح نفسه يباله رفسه
فيصل : أوووف روضوه تعرف أمثله
بو خليفه : هاه الساعه 11 نحن بني نبي كل شي زاهب , حمدان لاتنسى الذبايح يخلصن ذبح قبل ما ني
حمدان : إن شاء الله
و ساروا الشباب في سيارتين الأول فيها حمد و خالد و راشد وفيصل
أما في سياره حمدان كانت اليده و الريم و شمه و شمسه و روضه
وصلوا في العزبه وبدوا يقسمون الشغل
حمد :أنا و خالد علينا الحضيره بس لا غير
شمه : خلاص نحن البنات علينا صوب الضو و الخيمه
فيصل : خلاص عيل أنا منصور علينا نرتب المدخل و نعزل الذبايح
حمدان : شوووووووووه و أنا يعني با خذ البيت و العريش و لا بذبح بعد
الريم : و الله يا ولد العم ما تتكلم أنته سد الذبايح وخل البيت و العريش علي
حمدان : لا الريم أنتي مالج شغل هذا ألي خلاني أسمع شور يهال
الريم : خلاص أنا حلفت
حمدان : يا ربي خلاص و الله لساعدج
الريم : بس في العريش لاغير
حمد : لا ثم لا الريم قررنا و خلاص
خالد : ألحين لو حيرنا هالبنات جان حلفن علين
منصور : كلهن بيوافقن إلا
كل الشباب : روضه
روضه : شوووووووووه
اليده توه يايه صوبهم : خلونا نسوي قهوه وجاهي بالضو هنيه لين ما يخلصون العمال
خالد : ليش يدوه منوه قالهم ينظفون
اليده : وابويه عليكم أنا قلتلهم من أمس بس هم بقالهم شوي في البيت و بيخلصون
حمد : تعيش غبيشه حرا إلى الأبد
حمدان : تعيش تعيش تعيش
راشد : شباب أنا علقت علم دولتنا الغالي شوه الراي نسير نغني السلام الوطني
فيصل : يالله من زمان ماغنيته
حمد : حرس العلم إلى الأمام سر
ووقفوا الشباب و البنات قدام العلم و الكل بصوت واحد غنى السلام
روضه : أول مره أحس بغشعريره تظربني
شمه : لانج مب دوم تقولينه في الطابور
فيصل : يالله يارب تخلي دولتنا بعز دوم
حمدان : يالله يارب ترحم بونا زايد ودخله الينه
الكل : آآآآآآآآآمين
الريم و الدمع في عيونها : إن شاء الله البركه في عياله
و بعد ما غنوا ودعوا ساروا صوب يدتهم يسولفون وياها
اليد : سوا جاهي بالضو
الريم : انا بسويه يدوه
و سار الريم تسوي جاهي بس ما عرفت تشغل الضو
........: خلي عنج أنا بشغل الضو عنج
الريم وهيه شاهقه : هلا حمدان
حمدان : أيه عما تموتين علينا أنتي
الريم : لااااا
حمدان وهو يشغل الضو كان يقول شعر طبعا أهداء للريم :
طحـت بهواهـا دون كـل المزاييـن وطاحت على عيني ملازيـم جفنـي!!
الريم ميته من المستحى عقب ما قال لها حمدان هالبيت
حمدان : تخجل عذوق الذوق في منبت التيـن وتسكن بروح اللـي حلاهـا سرقنـي
الريم : حمدان لو أيي خالد و لا منصور ويسويلي سالفه الرفج تسكت
حمدان : حشا سويتيهم ارهابيين ما تقول الا منصوروه و خلود
الريم:لو سمحت اسمائهم منصور وخالد هب منصوروه وخلود
حمدان:حشى ما قلنا شيئ ليش تعصبين؟؟؟ ^_*
الريم:منوه قال عصبت
روضه وهي داخله محتشره:استغفر الله انتوا بعدكم ما خطبتوا وتيلسون بروحكم هاي عزبه غبيشه مش ملتقى عشاق
حمدان: ذلفي منيه لا ايج شي ما شفتيه
روضه(بصوت عالي): منصووووووووووووور خلوووووووووووووووووود لحقوااااااااا
حمدان (ركض وسكر حلجها): فديت روضه رفجه تسكتين
روضه:الحين اسكت
الريم:ايه نحن ما سوينا شيئ غلط بس مش منج مني انا اللي يايه وياكم
حمدان(يريد يقهر بروضه):الريم الغاليه لو تبين سنكرس بتلقينه فثلاجه السياره
روضه:الله سنكرس هجووووووووووم لسياره حمدانووه ...... وركضت روضه لسياره
حمدان:شرايج فيني
شمه توها داخله:يالله لو يشوفك عمي
حمدان:لاحول انتن منوه مسلطنكن عليه اليوم؟؟؟
شمة:ما اعرف يمكن عمي وصانا ببنته
حمدان:بسم الله باكلها انا احسن ليه اسير عند الشبيبه
روضه (يايه ركض من السياره):لحقواااااااا كنز سنكرس في سياره حمدان بن سهيل
شمة:قولي والله.....يلا باي
حمدان:والله ين رحتن سيارتيه يا ويلكن
روضه:بكيفك هو ...شموه يلا
++حمدان تم يركض وراهن وفهالحظه كان حمد وخالد ورا السياره ويطالعون الموقف وهم ميتيين ضحك على اشكالهن++
خالد: هههههه الظاهر يدوه فجت عن قعدانها
حمد:شوف ولا ايي شيئ عند ميدان سويحان
خالد:شوف شموه انته اون امي تباني اخذها وهيه فهالدفاشه
حمد:ولا انا في البيت طايحيبي بشموس يبوني اخذها
خالد:الله يعينا
حمد:اللي يسمعك تقول بتاخذها
خالد:أنا خالد أخذ شموووووه بنت سيف؟؟؟!!!
حمد:وأنا الشيخ حمد أخذ هالخريش شموس بنت سيف؟؟؟!!!
خالد:الحمد لله ابويه متفهم ويمكن يسمعني ولا انته من يقولك ابوك شيئ غصبن من ويهك ليتنفذ
حمد:الا بسالفه العرس
خالد:بنشوف وانا ولد عمك
حمد:خلود هب تضرب خيانه فيني
خالد:يعني؟
حمد:يعني يا خالد يا حبيبي ليش اذا ابوي فرض علي اخذ شموس انت تاخذ شموه وبنسوي عرس جماعي انا وانته وبنطلقهن مع بعض وبنعرس مره ثانيه مع بعض وبنيب عيال مع بعض ...............
خالد (قطع رمسته):حوووووووووووه انته وين تبى لو بتبطي انا ما باخذ بنت عمي لا والاخ مخطط من قبل
حمد:لا تلومني والله بس شسوي اذا انجبرت
خالد:شوه بنت انته
حمد:اكثر من جذيه تعرف اذا جبروني بقولهم خالد يبى شمه ويصيحها من هو صغير
خالد:ايييييييه فكنا من هالسالفه
++وعند الساعه 8:30 الكل تجمع عند يدتهم يسولفون وكله ضحك وسوالف وحمد وخالد يطنزوون على منصور وحمدان وفيصل والجو ما خلا من سوالف روضه ومناقرتها ويا اليده ++
خالد:حمدان يدووه وفرت كل شيئ والعزبه ورتبوها المهنده ما بقى الا الذبح وانته تعرف عمي ما ياكل من ذبح الهنود ..
حمدان:يعني
خالد:أولا لا تسرق كلمتيه ثانيا:ابوك ما ياكل من ذبح الهنود ونحن هنيه كلنا ما نعرف نذبح الا انته
اليده:وشعنه ما تتعلمون تذبحون
فيصل:انا طالب علم مش راعي هالسوالف
روضه:طاعوا هذا اونه راعي دراسه من هالزلمات اللي تارسين المدارس
راشد:هليلك اونه من هالزلمات
فيصل:جب انته وياها
++روضه تذكرت اللي سواه راشد فيهن امس وكان حذالها كوب شاهي حار....قامت وجبته عليه++
روضه (تستهبل):سوري رشووووووووود
راشد:عنلاااتج يالخايسه انا اراويج
++مسك نعاله وتم يركض وراها يبا يفلعها وهيهي لفت راسها و بالغلط ظربت اليده++
راشد:اوه سوري عيوزي
اليده (ماسكه راسها):عاز حيلك يالهيز
خالد:هههههههههههههههه طاعوا يدوه اكييد تبى روميو الحين (يقصد يده)
حمد:شوفوا جولييت انتوا كيف معصبه
روضه : طاعوا أنتوا الحولي
راشد: جب يالله محد غيرج حولي
شمه : خالد أقول وين بتروح اليوم
حمد:شوه لو بعدج حرمته تتخبرينه وين بيروح
شمه(وهيه مستحيه من رمسه حمد ودها تزدغه من حلجه): لا كنت اريد اعرف اذا يقدر يودينا المعرض اليوم لان الدريوليه كلهم محد
حمد:انزين هو ما طلب تقرير منج
شمه: تاااااااااافه
خالد(ميت ضحك):خلاص بسكم وبعدين يا انسه شمه انا هب دريول ابوج اوديج انتي وهالبني معايه
شمه(معبه صدق): والله لك الفخر انك تكون دريول ابويه وانيه اركب سيارتك القرمبع
خالد(حرق): ايه منوه تتحرين عمرج انتي
اليده:وابويه عليكم انتوا دواكم حد ايوزكم واتمون تتناقرون ليل نهار
شمه:تخسي انا اخذه
خالد:يا بوج انا اللي ميت فيج
حمد:هههههههههه اتخيل عاد معرسيين يا خوفي باجر يطيحون ضحايا من الضرابه اللي بتستوي اليوم
خالد(وهو ميت من الضيجه): هب منك مني انا اللي ما عرفت قدري عندك (وطلع وخذ سياره منصور وراح)
حمد:أنا شوه سويت كله منكن...حمدان عطني سويجك
\حمدان:شوه انتم في العزبه بلا سياره
راشد:حلوه هاي
حمد:انا هب يالس اتمصخر معاكم .........(
++ومط السويج وطلع يدور أخوه اللي ما يابته امه وهو كان ظاهر فأول ما مسك الشارع الرئيسي اندعم بشاحنه كانت ماره قدامه ...والتموا العرب ويت الشرطه ونفس اللحظه كانوا ماريين اهله رايحيين العزبه وما انتبهوا للسياره++
بو خليفه:لاحوول شباب هالايام يجتلون عمارهم
أم خليفه (حاسه بنغزه فصدرها بس ما ودها تبين) : الله يصبر اهله عليه
اليازي:محد ضربهم على ايدينهم وقالهم سرعوا
....................
++يوم وصلوا العزبه لقوا كل شيئ مرتب ومجهز وكان حمدان ومنصور يتعبلون بالذبايح وحمدان كان ناسي مبايله في العريش والشرطه تتصل وماحد يرد ولقوا رقم مكتوب عليه ""بوية"" واتصلوا بهالرقم++
الشرطي:السلام عليكم
سهيل:وعليكم السلام
الشرطي:معانا والد حمدان سهيل
سهيل:هيه نعم ..خير اخوي
الشرطي:من ساعه مستوي حادث لولدك حمدان
سهيل:الله يهديك بالخير حمدان هذوه حذالي
الشرطي:بس السياره بأسم حمدان بن سهيل
سهيل:اصبر شوي
سهيل:حمدان انت من عاطي سيارتك؟؟
حمدان::ما شي حمد شلها
سهيل:شووووووووووه
فيصل:خير عمي شوه صاير
سهيل (يرمس الشرطي): ولدي حمد الحين وين
الشرطي:هوه في المستشفى
سهيل:أي مستشفى؟؟ وشوه حاله
الشرطي : هوه في توام احيده في العمليات
++سهيل مند التلفون وخبر الكل وركض هوه وحرمته واولاده واخوه سيف (بو راشد) المستشفى ......وصلوا المستشفى وقدام غرفه العمليات++
سهيل:بس يا أم خليفه من الصايح ذكري الله هو ما بلاه شيئ شيئ انشاء الله
الكل:انشاء الله
++ظهر الدكتو من غرفه العمليات وسأل عن بو حمد ++
سهيل:أنا ابوه
الدكتور:هو نازف وايد ونحتاي متبرع للدم
حمدان: انا نفس فصيله دمه
الدكتور:خلاص خلنا نسوي تحاليل وناخذ الدم اذا تطابق
حمدان:غايته
++في العزبه ...روضه من الصدمه تتصل بخالد بس ما يشله ..ولمحت تلفون ابو منصور وشلته ودقت منه++
خالد:هلا بويه
روضه:الحق يا خالد
خالد:روضه فكينا من صدعتج
روضه:خالد والله ما اجذب عليك حمد سوا حادث والكل عنده في المستشفى
خالد:شوووووووه
روضه :اللي سمعته
++خالد سكر عنها وما عرف المستشفى فراح لمستشفى الجيمي++
خالد:اخوي فيه ريال اسمه حمد مسوي حادث من قبل شوي وين القاه؟؟
الريال:من هالصوب
++فنفس الوقت كان فيه حادث في مستشفى الجيمي واللي مسوي الحادث اسمه حميد بس مسجل بحمد........ خالد تم يستنى برع غرفه العمليات ومنصدم انه ما لقا حد بس ما نشغل في السالفه لان كل تفكيره بحمد ++
الدكتور :الحمد لله اخوي حمد ما فيه شيئ وتقدر طالعه بعد ماينقل للغرفه .. وياليت تبلغ اهله
خالد:الله يبشرك بالخير ...وانشاء الله يرقونك من دكتور لأكبر جراح في العين ولا الامارات كلها شوه الامارات قول أسيا كلها
الدكتور:هههههههههههههه انشاء الله عاد لا تكون دعواتك عكس
خالد:لا انا من ادعى سبحن الله ايي صح
++في مستشفى توام تبرع حمدان لاخوه حمد واصلا حمد ما كانت اصابته بالغه بعكس الهندي اللي دعماه ..بعد ساعتين توفى الهندي من الحادث ونقلوا حمد لغرفه خاصه ++
أم خليفه (ودموعها في عينها):الحمد لله على السلامه ما تشوف شر ليته فيني ولا فيك
حمدان: حشى هالكثر غالي وانا توني متبرع بكيستين دم حتى عصير كابري سن ما فكرتي تشترينه لي
حمد:شوه وين انا شوه السالفه ووين خالد ؟؟
++سهيل فهم ولد عن اللي حصل++
حمدان:ايه اسمع تراني بشل سيارتك رهينه لين ما تشتريلي سياره
راشد:ليش هوه فحرب
حمد : انزين انزين لقيتوا خالد
روضه:أنا خبرته باللي استوا بس هوه ما يا
++حمد حز فخاطره ان الكل متجكع الا خالد اللي لازم يكون اول الموجودين++

...............................................
++في مستشفى الجيمي++
++حميد كان منسد وما مبين راسه وكان جسمه تقريبا نفس حمد++
خالد:السموحه الغالي والله لو ادري بالي بيصير جان عرست قبلك
حمد......... مايرد
خالد:اعرف انك حاز فخاطرك لان محد يا من الاهل بس انا روضه قالتلي انهم يوا
حمد...........مارد
خالد: حمد عاد هب تسوي فيني جذيه والله لفر عمري من هالدريشه
حمد...............مارد
خالد:عنلات شموه اللي فرقتنا
حميد(التفت صوبه):بعد غير روضه وشموه منوه في العايله الكريمه
خالد (منصدم):انت هب حمد!!!!!!!!
حميد (يتمصخر ): هيه هو بس زيد ياء بعد الميم
خالد:السموحه والله هب قصدي على بالي ولد عمي
حميد:تصدق فرحتني زيارتك لو انها بالغلط
خالد:ليش لا يكون ما خبرت الاهل؟؟
حميد:ليش هم يهتمون
++خالد وده يعرف شوه سالفه الريال وبعد وده يعرف عن سالفه حمد ولد عمه وشوه استواله خالد فهم الريال شوه مستوي وانه غلط بينه وبين ولد عمه ++
حميد:خلاص عيل روح لود عمك والله يعافيه
خالد:مشكور
++خالد طلع بسرعه وهو راكب السياره تذكر انه ما خذ رقم حميد ونزل ياخذه وهو يمشي بسرعه كان باب حجرة حميد مفتوح وفيه ريال الظاهر انه بو حميد لانه حميد قاله :واخيرا تذكرت ولدك
بو حميد:وانا متى نسيتك
خالد يعرف هالصوت بس يمكن اعرفه لا اكييد لا بس نفس الصوت اووووووه خل اخذ الرقم وظهر بلا هالتفاهه++
خالد:السموحه حميد ما خذت رقمك
حميد:هلا هذا الوالد
++اول ما لف خالد على الريال ظهر عمه بو خليفه (سهيل)++
خالد:عمي انت انت.......... انت ...... بو حميد
سهيل :انت شوه تسوي هنيه؟؟
خالد:عمي انا اللي لازم اسأل هب انت
سهيل:هيه نعم انا بو حميد
خالد :عمي شوه القصه
سهيل :بقولك القصه بس على شرط ما تيب طاري للعيال وعلى فكره ام خليفه تدري بالقصه كلها
خالد:عمي شوقتنيه
حميد:يعني انت تكون ولد عمي
خالد(يتمصخر):شوه لا يكون مستر حميد هب عايبنك
حميد(يبى يرفع ضغطه) :الحين انا حميد بن سهيل ال......... يكون ولد عمي جذيه لالالالال السالفه فيها أن
خالد:ايه عمي سكت ولدك لا اراويه ............اوه نسيت حمد شخباره
حميد : أي حمد؟؟
سهيل:حمد اخوك سوا حادث بس الحمد لله يت سليمه
خالد:يعني
سهيل:يعني هو الحين في حجره خاصه وتبرع له حمدان بدمه
خالد:اشو
حميد:تستاهل سلامته بويه
سهيل:الله يسلمك
خالد :عمي
سهيل:خير
خالد:تصدق انت ما تعبت عمرك تدور اسماء حق عيالك
سهيل:كيف يعني
خالد:بس خذت اسم حمد واشتقيت منه 3 اسماء : حمدان وحمد وحميد بس با قي خليفه لو تغير اسمه لمحمد
حميد:ههههههههههه والله انك
خالد:الحين منوه اكبر حمد ولا حميد؟؟
سهيل:الصدق ولا ولد عمه
خالد:اكيد الصدق
سهيل:بصراحه الفرق ساعتين بين حمد وحميد
خالد +حميد:شوووووووووه؟؟
خالد:يعني حميد كبرنا انا وحمد
سهيل:لاوراسب نفسكم
خالد:هليلك ....زحميدوه كفك
حميد:خلها حق باجر
الكل:ههههههههههه
خالد:عمي ما خبرتنيه السالفه؟؟
سهيل:انا تزوجت ام حميد بعد ما يا حمدان فذيج الايام كنت على خلاف مع ام خليفه وانتهى هالخلاف بأني أتزوج أم حميد ومحد يدري غير اخواني وام خليفه وامك الله يرحمها
خالد: الله يرحمها..........عثره حمدان نحس من هوه صغير
سهيل:وبعدين حملن هنتيناتهن مع بعض وبالصدفه ربن في نفس اليوم وما اعرف شوه اللي صار وطلبت ام حميد الطلاق وبالفعل طلقتها وبعد 5 شهور ياني خبر زواجها من واحد ثاني يعني كانت مخططه كل شيء وانا عصبت ورحت اشل حميد بس يدته ما رضت بحجه انه بيتربى عندها بس كانت نيتها اني اصرف عليه وعليها لان محد عندها غير بنتها وبنتها ما صارت تزورها وخلت الولد عندها كانت يده حميد قاسيه عليه وكنت ازوره بين فتره والثانيه بس يدته كانت ما تخليني اشوفه بحجه انه راقد او عند امه او عند ربعه الين ما كبر حميد وبعدين خلتني اشوفه
خالد:لا حوول
سهيل:وماشيئ هاي قصه حميد
حميد:اقول خالد ما تنفع مسلسل كويتي
خالد:والله تصدق بيكون رهييييب بس لازم فيه مخدرات
حميد:ليشش؟؟؟؟؟؟؟؟
خالد:لان كل مسلسل كويتي لازم يبون طاري المخدرات
حميد:تصدق ما لاحظت
سهيل :انا بسير الحين عندي شغل
خالد:خلاص انا بعد بروح عند حمد فديته وبرد عليك
حميد:قص علي وخذها شرده
خالد:لا والله ان قدها رمستيه حتى بعرفك بحمد
حميد:شووووووووووه؟؟؟؟؟؟؟؟؟
خالد:اكييد ما بقوله انك اخوه
حميد:انزين يلا فارق
خالد:لا وتطردني بعد
حميد :اطردك انت ويهالشكل عنبوه ما عندك نعال
++خالد انتبه انه ما كان لابس نعال++
خالد:ههههههههههههههه تصدق توني احس بعمري
حميد:يلا فارق يا الطلاب حتى طلاب مسيدنا ارقى عنك يلبس بشوتي
خالد:الحين انا طلاب عطني ربيه بشتريلي بيبسي من تحت
حميد:والله
خالد:عيل العب عليك انا
حميد:فارق فكنا
خالد:ماعليه
حميد:اقول خلود الواحد يوم يزور واحد في المستشفى يخطف على باتشي ولا نتالي ويبلها سله حلاوه
خالد:يعني
حميد :يعني انته يوم بتزورني مره ثانيه لا تي خالي
خالد:اكييد ما بيي خالي بيب معاي حمد
حميد:تراوينا خفه دمك الحين يعني
خالد:يلا تشاو


هاه شوه الراي
بأذن الله على العصر ولا بعد يومي بالكثير بنزل الجزء الياي