::
::
::

ودعتكم يا ليت ما كان
يوم الوداع القلب ممحون

تسألني وش الذي كان
لمفارق أحبابه وش يكون

::
::
::


السموحه أخواني وخواتي لـ أسباب خاصه

دانة العين بتغيب عنكم لـ فتره ربي العالم فيها

 

السلام عليكم ورحمة الله وبركاته

رجعت من بعد غيبه وبحاول ما اغيب عنكم مره ثانيه

واشكر كل من سأل عني

قصيده وايد تعيبني ومن كثر ما أحبها سويت حقها لحن واستوت شله

إن شاء الله تعيبكم وابدعت الشاعره ومضه

يا بوي جوي بعدكم ما صفالي
الصمت يذبحني ولا اقدر على البوح

ويا بوي لو تدري بفعل الليالي
ما كنت تتركني ولا عني تروح

حظي تعثر يوم أنا عنه سالي
والصبر ما ينفع ولا منه مربوح

ولي صار ربعي كلهم لي ظلالي
ما همني لوني غريقه بلا لوح

وما دامهم جنبي فأنا ما أبالي
لكن فؤادي للأسف صار مجروح

كنت أحسب إنهم مثل نجم يلالي
ورد يسلي خاطري وعطره يفوح

وكنت امدح إخواني وعمي وخالي
واللي يغلط في حقنا قلت مسموح

وشلت الهموم اللي بثقل الجبالي
وقلبي مكان للمحبين مفتوح

ولوني حزينه ولو يزيد انشغالي
ما اشكي لغير اللي له السد مبيوح

وإن صار يظلمني صديق وغالي
وشفت الوفا منهم غدا اليوم مطروح

بسمح عساهم في نعيم وظلالي
ويعل الهنا في دربهم دايم يلوح

من صغر سني والوفا من خصالي
والا الغدر في شرعنا صار مذبوح

ما اخون ما اغدر لا ولا به مجالي
وهذي طباعي دمت حي ولي روح

ويا بوي حبك فالحشا ما يزالي
ولو شاحوا احبابك أنا عنك ما شوح

وادري بحالك وانت تدري بحالي
يكفي نعيش بتمرتين مع دوح

شهم كريم لي نصوك الرجالي
بيضت وجهك يا ولد كل ممدوح

والله ثم والله رب الجلالي
إنه غرامك للبشر صار مفضوح

وبشرب هماجك وانته اشرب زلالي
واهنى بعمرك واترك الهم والنوح