لا حولا ولا قوةَ الا بالله ...

ما الذي جرى بهذهِ الدنيا ... ايوصل الجُرم الى هذا الحد ..
والله ان القلب يعتصرُ الما ... والعين تدمع دما ... ايعقل ان نترك فلذات اكبادنا بيد من لايرحمهم ..
... اخي بوليس .. لقد نقلت لنا تحذير شديد ..وكاني بك تقول لنا حافظو على اولادكم..
فجزاك الله خير الجزاء ..
وعهدي بك مميز دائما..
فانت تعرف كيف تختار مواضيعك.. التي تشكر عليها..
لك كل الود
اخوك الرقيب ............
انهم احباب الله............

 

بصراحه الا يام الخدمات يخوفن
مرررة حصلت قصة طفله كانت كاتبين عنها في جريدة الرياض
تخيل انه طفله اذا ولدينها خرجو من البيت تغرز الدبوس
دخل راسها والطفله تبكي المشكله ان امه ما انتبهت ان بنتها فيها
شي الا يوم شافت الدم يخرج من راسها
لما اخذوها المستشفى وحصلو دبابيس داخل راس
الطفله الي عمرها تقريبا 8شهور

نقلت الطفله مدينةالملك عبد العزيز الطبيه
والحمدالله نجحت عمليتها
بفضل ربي

المشكله تعرف ايش هي انه الخدامه لما حققو معها اعترفة بس
ايش سوى فيها رحلوها لديرتها
شفت القهر
والله لو انا مكان اهلها اذبحها

وفي قصص اقرها في الجريده عن الخدامات
كثيره والله بس معقوله الثقه الزياده بالخدم
المفروض يكون في توعيه

اخوي بوليس اشكرك على موضوعك المتالق
الي يدل على تالقك الدائم في المنتدى

 

حسبي الله ونعم الوكيل

هذه مستحيل يكون عندها مشاعر واحاسيس

معقولة على كثر الي قاعدة تسويه في النونو ولا حن قلبها

والي قهرني اكثر الحجاب الي ع راسها

يعني مسلمة :(

انزين وين الرحمة ؟

استغفرك اللهم واتوب اليك

والله المشهد يحرق القلب والواحد ما يعرف شو يقول

يعني نحن انييب الضرر حق عيالنا بيدينا

المشكلة صرنا ما نقدر نستغنى عن الخدم سواء كانت حرمة البيت تشتغل او يالسة في البيت

اذا قلنا شو الي يخليها تتصرف جي

هل معاملة اهل البيت لها اذا كانت معالمتهم لها سيئة

ينعكس هذا على سلوكها ويا الاطفال في البيت والانتقام منهم

انزين بنقول مرات تكون المعاملة سبب

لكن مرات كثيرة البشاكير يحصلن افضل معاملة ومع ذلك ما نسلم منهن

بس شو ذنب هالطفل الي لا حول له ولا قوة .. ولا يقدر انه يدافع عن نفسه

والله المفروض ع اللي نحن قاعدين نشوفه من هالبشاكير والمصايب اللي الي تي من وراهن

والاهم تعذيبهن لعيالنا المفروض اذا كان لابد من وجود هالبشكاير يكون لشغل البيت وبس

ما يخصهن في اليهال ولا ناتمنهن على عيالنا باي حال من الاحوال

عشان ما انرد ونقول ياليت وياليت

تسلم بوليس على الموضوع

واسمح لي ع الاطاله

بس احترق قلبي من الي شفته :(

 

حسبي الله ونعم الوكيل انا لله وانا اليه راجعون

هاذي مو ادميه ابد اعوذ بالله
مااقول الا الله يكون في عون ام الطفل وحرقه قلبها عليه
والله يعين كل ام عندها وظيفه تترك اطفالها عند الخادمه غصب عنها..

 

الصراحه الصراحه والله لو اشوفها جدامي عادي ارتكب فيها جريمه

بستوي العن منها بعد اللي شفته

والله اضغط على play وخايفه من اللي بشوفه

ما اتخيل يستوي جيه في عيالنا معقوله

صوت الياهل وهو يصيح لين الحين في اذني

مشكور اخويه وان شالله الكل يتنبه على عياله

 

لا حول ولا قوة الا بالله


الله يكفينا شر هـ الخدامات

والله يانه تقطع قلبيه ع الياهل



الله يخسها ش خدمت به



مشكور يا بوليس

لا هنت يا الغالي