•!¦[• بقايا مشاعر •]¦!•

دلوعة العين · 19 Apr 2007, 04:43 AM

.. السلام عليكم ورحمة الله وبركاته ..

:
/
:

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

:
:

مشاعر الانسان كثيره ومتغيره ولكن كل انسان يعطي مشاعره للشخص الذي يستحقها..
ورغمـ ذلك يبقى لدينا .. بقايا مشاعر ..

بقايا مشاعرنا قد تكون عجز في ترجمة تلك المشاعر للطرف الاخر
هذا العجز ليس ضعف ولكن احيانا ترى ان المشاعر والاحاسيس قليله على ذلك الشخص ..
وصغيره في حقه ..

حروفي لن تكون سوى حروف مبعثره .. وفيض مشاعر فقط لا غير..

:
/
:

دلوعة العين · 20 Apr 2007, 07:54 PM

السلام عليكم والرحمه ..

مساء الخير ..

:
/
:
هذي حروف من قلبي لقلب سموك ..
:
كـل الشوق لو نثرته فدربك قليل ..
واجمل كلام الكون ما يوفي غلاك..

ياللي الكون دون شوفك مستحيل..
ايه أحبك ولو تامر ع قلبي فداك..
:
/
:
حلو انك تحس انه الناس اللي يحبونك مرتاحين بس الاحلى اذا كنت انته سبب راحتهم ..
..
محبة الناس لك شي صعب بس كل ن يحاول باللي يقدر عليه ..
والرابح الكبير اللي يربح قلب يحبه ويداريه..
:
/
:
امنيتي وغاية مطلبي من الدنيا
خل ن احبه واهيم به هيـــــام..
:
:
القاكم مع بقايا يديده

دلوعة العين · 22 Apr 2007, 05:42 PM

مسا الورد ..

Happy New Week For All

:

اسبوع يديد ..

واشواق يديده واحاسيس يديده ..
اشواق يديده But different

يمكن الانسان يشتاق لشخص وخاطره يشوفه ويريح باله ..
بس في ناس يشتاقون ولو شافوا اللي يحبونهم يتمون مشتاقين لهم
ويمكن يشتاقون لهم بزياده..
:
حلو هالشعور .. تحس عمرك صادق فشعورك ويعطيك معنويات اكثر
لكن اهم شي انه الواحد وهو بعيد يحس عمره قريب
لانه شي اكيد انه القريب من القلب اقرب من القريب للشوف
:
/
:
لك تزايـــد شوقي وحبي
ولك غــلا يزداد تصويته
ولك تولع يـالضنا قلبـــي
حب من الوجدان حسيته
:
[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]
:
/
:
SeE yOu SoOn

دلوعة العين · 23 Apr 2007, 09:43 AM

:
/
:

صبـــاح النور لا اكثـــــر
صباح الورد بانواعـــــه
صباح الشمس لي تظهر
ونــــور الفجر وشعاعـه
صباح السحب لي تمطر
كـــــل لحظة وكل ساعه
صبـاح الجوري لمعطــر
بدهن العــود واتباعـــه
وفوق اكثر مــا تتصور
صباح الخير والطاعــه

:
/
:

Have A nice Day

دلوعة العين · 26 Apr 2007, 01:39 AM

السلام عليكم والرحمه ...

:
/
:

نتضايق ونزعل ونتكدر وهالشي وارد ..

بس كلمه تنسينا كل شي وصوت يحرك كل مشااعرنا ويعيشنا جو ثاني ..

شخص ينسيك حزنك وضيقك وتحصل عمرك تضحك ..

وانته قبل هذا الوقت كنت متضايق ولا لك خاطر تضحك ..

لو همسه منك تكفي وتزيد عشان تبدل هالحزن فرح وتنسيني الدنيا واللي فيها ..

..لا خلاني الرب منكم ولا من غلاكم ..

:
/
:
محلا حديثك معايه يوم تتعاطف
كلمة أحبك من الخاطر تفرحني
:
/
:

دلوعة العين · 03 May 2007, 07:15 PM

السلام عليكم ورحمة الله وبركاته

:
/
::
/
:
ابا ارحل بك مــــع احلامي وصوت الغيث هتـــافي
ابا اخفيك بوسط روحي ابا ابعد عن عيون اعداك
لـــــزوم اظروفنا تحكم نعيش بعالـــــــم ن خــــــافي
انـــــا مــــا همني غيــرك ولاحــــد يـالغلا يســــواك
أناني .. لــو بغيت اتقول.. نعم في حبــــك انشافي
وغـــــلات عيونك وقلبك وروحك مستحيـــل انساك
انـــــا مـــا اعيش من دونــك ولــو عانيت الاتلافي
اسيرك كـــان مــا تدري .. اسيرك والـــذي ســـواك
حــلات الاســر بيدينك .. ورمش عيونــك لحــــافي
:
/
::
/
:
خلنا نبعد عن الواقع الذي نحن فيه ونرحل لعالمنا الخاص
عالم لا يعيش فيه سوى انا وانت ..
عالم مغلف بغلاف الحب ..
وتشرق فيه شمس الشوق ..
واذا غابت شمسنا .. جاء القمر لكي ينور لنا درب الغرام

عالمنا نحن ملوك فيه ونحن الذي نأمر وننهي وكل شيء
يسير تحت سيطرتنا ولا نختلف فيه على شيء..

:
/
:

دلوعة العين · 05 May 2007, 11:56 PM

السلام عليكم والرحمه ..

:
/
:

اليوم بدخلكم الجو الدراسي شووي ..

ايام اول كانت دلوعة العين شاطره ومشاغبه فنفس الوقت

ايام المدرسه كانت تعب بس من ناحية الدراسه سهله وايد
واذا قلت لكم عن المدرسات ما بخلص لين باجر .. كانت هوايتي اطفر ابهن ويودونا الاداره

والحمدلله سنة 2005 تخرجت من المدرسه وبنسبه اعتبرها حلوه (90.8) ودخلت الجامعه على اساس ادرس Chemistry
بس لين ما خلصت متطلبات الجامعه غيرت رايي وغيرت تخصصي والحمدلله اني غيرته لاني لين الحين مقتنعه فتخصصي اللي هو
Petroleum & Water Geology

مع انه الكل كان يباني اتخصص IT بس يمكن مب مكتوب لي ادرسه لاني حاولت احول كليتي بس واايد تلعوزت وعقب فقدت الامل وقلت يمكن هالشي فصالحي ..

اول سنه من الجامعه كانت حلوه وعدت ع خير صح اانها تجربه يديده وتغير كبير فحياتنا بس تأقلمنا وعشنا الجو ..

ثاني سنه واللي هي هالسنه اعتبرها تعب بكل معنى الكلمه لانه بدا الجد وبدا التعب والكراف وبدا التخبيص فالامتحانات والمعدل في هبوط مستمر
بس يلا هانت ما بقى عليها الا شهر تقريبا وبنفتك من هالكورس ومن السنه كلها ان شااء الله ..

:
/
:

بالتوفيق للجميع ان شاء الله
وشدوا حيلكم

دلوعة العين · 06 May 2007, 05:53 PM

مسا الحب ..

:
/
:

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

:
/
:

الا انت لا تبعــد .. خــــلك قريـــب
واقرب من انفاسي يـــا بعد حالـي
تعــــال .. واطفي نيرانك واللهيـب
من نار شوقك شوف اللي جرالي
كني على الدنيا انسان ن غــريب
بين نــاسي واحــــس اني لحــالي
اهيـــــم فدنيتك وارجــــع واغيـب
وفكـــــري تشـتت والعقــل زالــي

:
/
:

همسه : ما يخصني فالشعر بس مجرد كلمات وظهرتها من قلبي على هالصفحه ..

دلوعة العين · 08 May 2007, 01:20 AM

السلام عليكم ورحمة الله وبركاته

:
/
:

شوفــه .. يزيل الهم وينسيك الدنيا اللي انته فيها ويعيشك عالم ثاني ..
نظراته .. مثل السهام تصيبك فصميم القلب وتعطي القلب جرعات حب وغرام ..
بسمته .. مثل الدوا اللي يشفي العوق , تجبرك تبادله الابتسامه ومن كل قلبك ..
صوته .. مثل الماي يروي ضماك وينعشك من اول ويديد ويرد الروح فيك ويحيها..
حبـــه .. شي خيالي ودنيا كبيره كل يوم تكتشفها زياده ..
شوقه .. كبير ومسأله لا تنتهي لو التقت العين بالعين ..
:
هذا شي من لا شي .. هذا قليل من بحرك الخافي الغامض ..

:
/
:

كل الكلام ما يوصفك ولا يوصف غلاك..
كل الحروف تستحي اذا عرفت انه اللي بتنكتب له هو (انـــ ـــت)..

:
/
:

كبير انته وغلاك اكبر
عظيم انته وحبك اعظم
طيب انته وقلبك اطيب
حنون انته وصدرك احن
عطوف انته وكلامك اعطف
عالي انته وقدرك اعلى

:
/
: