الين الحينه يومي حلو ..

الحمدلله اطمنت عليهم وكانوا كلهم بخير ..

كنت احاتي ابوها ... هو اكثر واحد تميت احاتيه ..

لدرجة اني تميت الين الساعه 9 الصبح واعيه وافكر ..

بس الحمدلله كل شي كان تمام ..

دوم يقولولي مشكلتج وايد تحاتين وتخافين على غيرج ..

هذي انا ماشوفها مشكله ! دام اني احب الي جدامي ليش ما اخاف عليه؟؟

الحمدلله على كل حال

أفكر أسير الحينه عند غناتي ميمي بنت اختيه ربي يحفظها لنا ..

هاي الإنسانه نظر عيني .. وايد احبها ...

غيرت وايد اشياء في حياتي .. على الأقل خلتني انشغل عن أشياء كانت تضايجني قبل ...

فديتج ياميمي .. عقب شويه بشوفج ^_^

وبشوف ريولج الصغنونـه



ربي لايحرمني منج .. ولا من شوفتج الي تسوى هالدنيا بكبرها ..

لي عودة بإذنه تعالى

كتب في

5\7\2007
الساعه: 06:50 مساءاً



 

ياحليلج والله كسرتي خاطري يوم شفتج ويانا ^.^

بعدج هاييج الإنسانه الشكاكه ؟؟ أظني حتى في عمرج بتشكين !

لا وفوق كل هذا ماتحبين إلا نفسج؟؟وتتحرين عمرج انتي العاقله الفاهمه الكبيره ...

والله تخليني اضحك عليج لأنج تكسرين خاطري .. وتتحريني مابعرفج؟؟

صدقه فلان يوم قال عنج هاييج السوالف وانا ماصدقته !!

وكنت ادااافع عنج و ازعل إذا قال شي عنج ! لكن للأسف ظهرتي ماتستاهلين ...

يلا شو بنقول غير انه انتي البيئه الي عايشه فيها غير عن البيئه الي انا عشت فيها ..

وبتظل غير

الله يهديج يــــــــــا ؟؟؟؟ فلانه ^_^

خويتج،،
el3nood ^^



 

ركود المنتدى .. ذكرني بمنتدى آخر !!!

ليش احس انه ماشي تفاعل @@

والا عشان الناس سافرت ؟؟ وكل واحد مشغول بالسفر ؟

كل ما ادخل قسم اشوفه مثل ماهو ^.^

ولا موضوع يديد ...

اممممممممممم

امس طلعت .. من الملل ،،

سرت اتحوط لالا ما اتحوط .. أول شي سرت اقضي كمن شغله عندي

وعقب سرنا واتعشينا برع ... وبعدين سرنا نتحوط شويه

لوول ما انكر اني كنت شيطونه شويه فالسواقه ..

لكن آخر شي انهزبت .. خخخخخخخ

اختي هزبتني قالتلي إذا سقتي مره ثانيه جي مابظهر وياج

قالتلي يوم بتكونين طالعه بروحج سوقي ع كيفج << مستغنيه عني



يوعانه ،، ومتعايزه اسويلي ريوق .. help Me

lol

يلا نتلاقى ع خيـر ///

كتب في

8\7\2007
الساعه: 07:19 صباحاً



 

من يقول انك تحب ؟؟ من يقول انك وفيت ؟؟

كل هذا كان لعب !! ياما خذت ولا عطيت !!!

كافي ماجا منك كافي .. بان لي ما كان خافي

كنت اظن للحب وافي .. وأثر حبك خســاره !!

.*.*.*.*.*.*.*.

كم تناسينا خطاك .. مايهمك وش يصير

بعت قلبي الي عطاك .. صدق ماعندك ضمير !

غلطتي أرخصت نفسي .. يوم أضويتك بشمسي

بكره ماهو مثل امسي .. قلبي وتغير مساره !!

.*.*.*.*.*.*.*.

كان قلبي في ايديك .. ضامنه لا مايخون

لا ولا بـ حلمك أجيك .. هذا في حكم الجنون

أذكرّك ياللي انته ناسي .. واوقف بوجهك يا قاسي

شموخ عزي واحساسي .. يسوى كوني ومدااااره .



 

اليوم معزومه ..

وورا باجر عندنا حفله ..

احس راسي بينفجر ...

هذي المره المليون الي انعزم فيها من نفس الشخص وما أروح

بس هالمره قررت اروح لأنه فشله الصراحه لول ..

كل مره اتعذر بس هالمره انهزبت شويه

انا دوم انهزب ما ايي إلا بالعين الحمرا

ويوم الخميس شكلي بكون busy من الخااااااااطر

احس اني ماجهزت شي ..

الله يعين ويطلع كل شي اوكي .. ويطوف هاليوم على خير ونستانس..

اول امس مسويه shopping online

ماخليت شي ماخذته لوول ناويه على الخساير من الحينه

بس بعد شاريه حق خواتي وحق ربيعتي .. يعني مب بس حقي

بحاول اسير ارتاح شويه لأنه بعد ثلاث ساعات ورايه سيره الصالون

\
\
\

وللحديث بقيه

كتب في

10\7\2007
الساعه: 06:09 صباحاً



 

أول مادخلت المنتدى انصدمت ...

الله يرحمها ويغمد روحها الجنه .. والله يصبرك يا اخويه ظل القمر ..

حاسه فيك والله ...

صعب انه الانسان يفقد شخص عزيز عليه .. خاصة لو كان ابوه والا كانت امه

عظم الله أجرك .. وعسى ربي مايحرمك من غالي ولا ايي شرات هاليوم في حياتك ....

ولا يتكرر مع الي تحبهم بإذنه تعالى

.*.*.*.*.*.

اتذكرت ابويه الله يرحمه ...

احس انه حلم للحينه ..

اشتقت لحضنه .. لإبتسامته .. يوم يلاعبني شرات اليهال ...

يشتريلي الي اباه .. يدلعنـي ..

اكون في حضنه شرات الياهل الي عمرها 5 سنين في حضن ابوها

الله لا يحرمكم من عزيز .. قولوا آمين

والله يرحم امواتنا المسلمين جميـع..

الله يرحمك يابويه ويغمد روحك الجنه ويرزقك الفردوس الأعلى ...

اختكم
el3nood