انا يلي ثملت ولا شربت من الخمر كاسه $$ سكرت من العيون اللي ثليله مدعجه نعسى
@@@@

ألا يا ويل من رمش ٍ يظلل در والماسه $$ وألا يا ويل من نور ٍ على بزغاتها الشمسى
@@@@

على جو ٍ رذاذه نف طاب الكيف نوماسه $$ يرف الخافق ويعزف بلحن ٍ يبهج النفسى
@@@@

خفيف الدم منطوقه يشافي نفس حساسه $$ عذيب ٍ شرح ترحيبه نجيّ الاصل والمرسى
@@@@

عليه الذوق يتذوّق بذوق المسك في كاسه $$ وعليه الطيب يتطيّب بطيب الطيب والحسى
@@@@

من اخيار العرب تنقاد له من شوفته ناسه $$ بحسن ٍ ماخلق ربي على ميزاته الجنسى
@@@@

به من الوصف مقياسه ولكن صعب مقياسه $$ اذا يت عينيه بعينه يصاب النطق بالخرسى
@@@@

تجول افكار في بالي واجمّع حبر واطراسه $$ واخط الحبر فطراسه وفاظ الحبر ع الطرسى
@@@@

عليه من المها تلع المعنق مانزل راسه $$ ومن بدر الليالي لف نور البدر وارتسّى
@@@@

ومن سيف اليماني لي من حروبه علا باسه $$ خذ السيف الذي بين الهلاليّات منغرسى
@@@@

ومن ليل الدجى الحالك ظلام الليل بغلاسه $$ خذ الليل الذي لف المتون الناعم اللمسى
@@@@

ومن ورد الحدايق خصه الجوري من اغراسه $$ خذ ورود الحدايق في خدوده واصبحت مكسى
@@@@

وعود البان يتمايل اذا شرتاه نسناسه $$ خذ من البان طولاته وميلاته بلا حسى
@@@@

يكفي من ملاقاته فوادي معلن افلاسه $$ خذ افوادي ولا اترحم من اللي معلن الفلسى