][][][ ’، صفحه من حياتي ’, ][][][

شموخ الإنكسار · 15 Aug 2007, 05:28 AM

\
\

السلام عليكم ورحمه الله وبركاتهـ,!
قسم مميز شدني ,!’
متفرد بفكرته ,, اشكر من قام عليه ,’,

===================

كثرا ما نحتاج للبوح
ولكننا نحمل هموم من هم امامنا وما رد فعلهم اتجاه بوحنا
فنتقاعس عن القول والبوح ,!
ولكـــــ ـــــــــــن

هنا ابوح ولن اجد من يعقب .,

هننا ابوح ولا اجد من يصدم ,.

هنا ابوح والكل يعلم ولكن لا يمكنه الرد ,,

هنا ابوح ولا القي بالا لما ابوح به ,.

هنا حريتي ,’!

كـــل ما يكتب هنا هو مجرد
فضفضه وحتسي فاضي !,
يعني لحد يشيل همي ,!
<< محد حوولك اصلاً

\

\

لتعقيباتكمـ,!
الرسائل الخاصهـ موجوده.,!
<< هذي اللي فرحانه لانه محد يقدر يقول حرف ههههههههههههههههه

>> لا شدعوهـ ما نستغني عن ارائهم ,!

\

\

شموخ الإنكسار · 15 Aug 2007, 05:59 AM

][][ نبذه عني ][][

أنا شموخ الإنكسار طالبه بجامعه الملك سعود << مابعد تداوم و صارت طالبه جامعيه ,!
اممم مواليد 17-8- 1989 يعني بالعربي جهزوا الهدايا ههههههه<< تشطر عاد وافهمها << بتتسطر:P

امم احب الرياض موت
بس لو تخف الزحمات والحراره
كان ما طلعت منها
ولو يجيبون بحر اللللللللله
لو يذبحوني ما طلعت
احب الرتم حق الحياه هناك صحيح احيانا احن لمهد طفولتي [الشرقيه]
بس برضو الرياض عشت فيها فتره مو بسيطه كلهم احبهم الصراحه
احب الرسم واحب الكتابه قليله الكلام بس لما اتكلم شيسكتني !؟<< مافيه حلو وسط
صحباتي
حنونه , رف رف ,نوره ,وساره ,ونوف, واخت مصاعيد , واموله
<< كثار عارفه بس اذكروا الله لا يجيهم عنقز يحصدهم .!, واصير وحيدهـ

اليوم رحت مع صحباتي الصباح سيراميك كافيه
كانت فيه رف رف وحنونه واخت مصاعيد وهم من اقرب صحباتي لي فكانت الروووحه كلها ونااسه خااصه انه كلنا ما نمنا واللي نايم نايم نوومه شينه
فمحششات قعدنا كل وحده تقول رايهابالثانيه وهذا رايهم عني
كلام صاحباتي عني !::

اني اكبر من عمري << يا فتاح,
عجووز<<== ياساتر
, كتومه , حساسه,
تعليقاااتي بالصميم والله تصرفاتكم اللي تستدعي التعليق
<<=== طبع العياره من وين ابطله ؟.!نادرا ما اعصب بس لما اعصب اخوف<<== طبعا مو النظره الفولاذيه
,! احب اساعد :$
راعيه دبره<<=== نص ساعه لين فهمت معناها .!,معناها احل المشاكل بسهوله بالعربي سرعه بديهه.!واستشهدوا على هالصفه بموقف راح اقوله بعدين وبس
!,

شموخ الإنكسار · 17 Aug 2007, 02:41 PM

,

قصيدهـ بروعه حامد زيد

مــــ تحت لي تحتـ ـــن

لو تعرف الخطايا كيف كنت محروم

كان سود الليالي يوم طحت سمحت

لو هموم المفارق مثل كل الهموم

ماتشوفون عيني بالدموع سبحت

ولو تحن المشاكل عقب حب الخشوم

كان حبيت خشم المشكله واستحت

بين صدة عزيز وكبرياء مهزوم

عين شحت على وعينٍ استسمحت

بس مالله خلقني من بكاي معصوم

وادري انه المحاجر لو تفيض افضحت

والله اني على جرحي صبور وكتوم

لكن ان الدموع ان روحت روحت

اعذلتني ظروفي وانهكتني عزوم

والوجيه احزنت لي والقلوب افرحت

اشهد ان الليالي ماتعرف السلوم

قلب جافي لقاه ووجه صافي بحت

راهنتني تبلل بالدموع الكموم

ويشهد الله عليها راهنت واربحت

احرمت نور عيني من غلا ريم قوم

بذرةٍ وارتوتني واثمرت واطرحت

جادلٍ دوم ماهي مثلها كل يوم

استضاحت غموض وبالغموض اوضحت

دورت بين قلبي والهدب درب نوم

وامرحت وين مدري المهم امرحت

تنحت اسمي بقلبٍ جيت فيه معزوم

واسمها بين جلدي والعظام انحت

مثل جفني لعيني بالنعاس محكوم

كل مانمت نامت كل ماصحى صحت

ماتعارض كلامي غير عند اللزوم

بس لا قمت اسولف واندمجت سرحت

دايم ازعل عليها بس قلبي رحوم

وهي تموت بعذابي من تحت لي تحت

مثل وجه العلاقه في ثياب الخصوم

ان تطيبت طابت وان جرحت اجرحت

خصها الله بوصفٍ من خيال معدوم

لا اذان اسمعتبه ولاعيون المحت

كن ربي خلقها من بياض الغيوم

ومن كفوف السحابه بالورد القحت

عن سواها فرقها بالقمر والنجوم

وكل عذرى تباها بالجمال انزحت

بالحلا هي كوم وباقي الناس كوم

كفتٍ عادلوها بالبشر وارجحت

حسبي الله على اللي مابغاها تدوم

من بعد كيف كانت شوف كيف اصبحت

لاتحقق وصال ولا فراق محتوم

خطةٍ قربتني للفشل وانجحت

لعنة العشق تبقى مثل ضرب السهوم

لو محى الوقت جرحه صورته ما انمحت

كيف ابنسى وانا اللي من جفاف لسموم

ماحشمت العيون ولا الدموع فلحت

كانها بالحميا كل ربعي قروم

لو يلدون لاصعاب الظروف صلحت

اجزم ان كنت ياقلبي شجاع وجزوم

لد لعيون بنتٍ لا التفت الفحت

ماتهين البخيل الا يدين الخدوم

دام كف الخطايا بالجفا لوحت

نطح الباس باس ونطح اللوم لوم

وان تهدت تهد وصيح ان صيحت

ياتعيش بمعزه ياتموت محشوم

ودك ان الليالي لافعلت امدحت

عمر ضعف الاراده مايسر الرخوم

ضربت السيف لوبيدين الشجاع ذبحت

وسلامتكمـ.,!

برايفت::
لكل من كنت سبب في انه يحسها بزود.,!
اعتذر من صادق قلبي اعتذر.!,
احبكــــــــــــــــــــــــــــم غصب عني ما بيدي حيلهـ,’!
.

شموخ الإنكسار · 17 Aug 2007, 03:24 PM

اليوم 17 اوووقست,.!

يوم ميلادي

.:. happy birthday to Me .:.

صرت كبيره صرت 18 سنه
صرت اديلت كبيره لو اني بنت اجانب كان راغوني برى البيت
الحمد لله ربي ستر
شعور لا يووصف صراحه .,!

مدري ليه بس اوول مرة احس انه يوم ميلادي مهم لهالدرجهـ!؟
يمكن لانه بان لي غلاي بعيون اللي احبهم ويحبوني
مدري صراحه !؟
بس هالسنه غير ما حسيت انه رقم زاد بخانت الاحاد حقت عمري وبس
حسيته اثبات لمرور سنه كانت مليانه احداث حلوه واحداث شينه
اثبات لتجارب فاشله وناجحه اثبات لوجووود 365 يوم شفت فيهم احداث لا تووصف العام اللي فات كاااااااااان اكشن بكل ما تعني الكلمه عمري عشته في سنه.!

بدت التبرريكاات هالمره بدري غير العادهـ!.,
من قبل اسبوع
اتووقع وانهالت بعض الهدايا من قبل يومين .,!
والللي سوى لي حفله بالنت
واللي ارسل لي كرت هديه
يعني مااااشاء الله الناس مشتطه يا حبيلهم فديتهم وااحد واااحد
واخووي الصغير
اليوم مسوي لي يا دهينه لا تنكتين ,! لو اطلب لبن العصفور جاابه
يااخي ودك كل يوم يوم ميلادك
بس حلاتـ الشي ندره وجودهـ,!

امممم مدري شقول بس اغرب هديه جتني اليوم الصراحه
ما قدرت استوعبها.,!
الا وهي ان وحدهـ جتني تو وعطتني لنك
قلت اكيد كاارد <<=== حفظت لنكات الاغاني
وتسلمين .,,شكرا.,, ماله داعي الكلافهـ وباركت لها لانننا مولودات بننفس اليوم بينننا سنه بالضبط.,
فجااااااااااااااااااااااااءه
احزروا ايش؟! صارت؟!
مخترقه لي مووووووووووووقع
خبله هالبنت قسم بالله !.
بس كاااااااااااااانت تحفه هالهديه
ضحكت ضحك مو طبيعي

حركه ظريفه دم دم بس بلاش تعيدينها تكفين .!
[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]
ويالله لا زال اليوم في اوله ونستنى بقيه الهدايا واجي اقوولكم ايش اغربهم !؟
بس للان ماا شفت اغرب من هذي
اخااف يقعدون يدعون علي لا بارك الله فيك ولا فيها
تحتفلون على حسابنا
بس صرااااااااحهــ فله
ياللهـ.!,
بربـ،،ـ

شموخ الإنكسار · 18 Aug 2007, 08:14 AM

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

صباح الورد.,!
بروعتك ابتدى يومي ,!
بلقياك ينجلي همي .,!
نعم انت ومن غيرك؟,!
كتوم خدوم طيب حساس قريب صامت يعلم ولا يقول.,!
ساقكـ القدر الي كبشرى ساره,!
كنت فصلا وفيصلا في حياتي .,!
ابتدأنا مشوار لا يعلم منتهاه.,!
درب ملئ بالصعوبات ولكني اعلم وانت تعلم .,!اننا من عشاق المستحيل.,!
اعتذر عما فعلت وكم اتمنى لو ان الزمان يعود.,!
اعتذر من كل قلبي عن كل جرح تسببت به ؟!.

أنت فقط من غير ديدني في هذه الحياه .,!

انت من ملات نفود ي.,!

انت [ اغلىشي] لاني [ما اذكر متى] ؟!
كنت استطيع ان اعيش من دونك منذ عرفتك
[ تنتظر] ولا زلت
[ فتشطر عاد وافهمها ]وريحني
وان كان عزاي لك انك مجرد
[انسان اكثر]

وبسـ,.

ملاحظهـ::
اي تشابه بين هذا النص وقصص تعيشونها هو من محض الصدفه
والعبارات تلك ليست سوىتحفه من خيال المؤلف هذا النص محمي من جمعيه الحقوق الفكريه واي سرقه قد تخولك للمسأله القانونيه
وشكرا.!

شموخ الإنكسار · 03 Sep 2007, 12:12 PM

‘

عُـــدنـــــــــــــا

.

شموخ الإنكسار · 12 Sep 2007, 03:49 PM

طلبــــتك .. – .. أصالــه نصري

طلبتك] لا[ تحاكيني..
عن] احبابك [ولا] ذكراك ..[
ولا ودي تعلمني عن] الماضي[ ولا أدري ..
انا ما همني] الماضي[ ولا ايامه قبل] ملقاك ..[
انا عندي ] بدايتنا ..[ بداية] عمرك[ و]عمري ..[
اخيرا جيت يا وجه...قضى ]عمري[ وانا استناك ..
وجيت بصورة] فاقت[ خيالي وحلمي العذري..
حبيبي خلنا نبدا] حكايتنا[ انا وياك ..
قبل ما الوقت] يسرقنا[ ولحظات الهوا تسري
.. انا ابغى حبنا ] راقي [ يودينا بعيد هناك
لدنيا ما بهـا فرقى.. ولا كذبة ولاغدر
.. اذا عالوصل ..
انا ] اعاهد[ وربي ما بيوم اجفاك ..
لا] اخجل[ بالعطا غيري .. و]اجازي[ صبرك وصبري ..

انا][ طمعان][ بوصالك .. وشاري] بدنيتي[ دنياك
..وحب بالحب في دنيا ].. تبيع[ احساسي او] تشري [
.. اذا] شاري[ سنين العمر..يا عمري الهوا يفداك ..
واذا انك] بعت[ لا تنطق ..اباعرف عندها قدري ..

مدري شصالفه الاقواس مقلووبه!؟
وهـ بس تعبيت سلكوا لي هالمره

شموخ الإنكسار · 13 Sep 2007, 04:04 PM

السلام عليكم ورحمة الله وبركاته..

مباركـ عليكم الشهر .,, وكل عامـ وانتم لله اقربـ,.,
وان شاء الله ينعاد عليكم بالصحه والعافيه والسعادهـ.,!
ويرزقنا فيه البر والخير والتقوى.. ويرزقنا باخرهـ المغفره والعتق من النيران..

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

شموخ الإنكسار · 14 Sep 2007, 07:58 PM

اليوم ثاني ايام رمضان
اليوم يوم ميلاد اختي
صارت كبيره وعمرها 11 سنه
يا سرع الدنيا والله.,!
كنها البارح يومها تدخل الروضه
انا مفكره اسوي لها سبرايز بس شكلها سحبت علي سحبه جااامده الله يصلحها
اوهـ بس متى ترجع فديتها مره متحمسه
اليوم,,, قبل الفطووور
زلا اقول ولا شي
بس شكرا,, مرة شكرا ,,,اول مرة احس اني شي,,