هذي من احب القصائد إلى قلبي ..

لني حظيت بشرف مجاراه عدد كبير من الشعراء

الدكتور ،، يلجاء إليه الإنسان بعد إنقطاع كل سبل

الشفاء فيذهب إليه اي انه لا يوجد بديل ..

ولكن إذا الدكتور فشل في التشخيص ولا يعرف ماهي العله

كل الذي يعرفه ان نبظات القلب تجري وقلبه غير ثابت

ولكن الحقيقه التي لا يعلمها الدكتور بأنه

( سعود مبتلي و لاحد غيره شاقني )


زاهي ولو ما يلبس التور


بي علة تصلاني اشهور = ماضن اني امسي بخير

يا ونتي ونات مسحور = مدفون حرزه فـ قاعت البير

شافه وهز الراس دكتور = ولزم عليهم لازم ايطير

لنه علاج القلب مخطور = دقات قلبه دون تفسير

ماضن ينفع دختر النور = والوضع عنده اصبح اخطير

قصدي جدى للمان ايزور = عندهم خبره ملعن الصير

هو مادرى بـ سعيد مكسور = ياويل من قلبه غدى اكسير

بسباب غــر ٍ حلو امور = ضلوع صدري له نواطير

يلي فـ حشايه شيد اقصور = له في سويدا القلب تعمير

سبحان ربي خالق الحور = من الحسن آية تصوير

زاهي ولو ما يلبس التور = ينبه محلي له المخاوير

لي ما درى بالحال معثور = يقول هذا عايش امير

يا اشعرانا ابغي الشور = اصفق ايديه م التقصير

بي علة تصلاني اشهور = ماضن اني امسي بخير

 

ههههههههه

قالوا الريال كفر ،، اعوذ بالله من غضب الله ..

الحمد لله على نعمة الإسلام ..

حلفت لاصلي و لاصوم = بسجد لربي و ماليه بد

يعني ،، ما عندي وقت للصلاه و الصوم

كل وقتي بكون ساجد لانه مالي غير جذا

مالي لابد و لا عذر دامك نويت عني البعد ..





حلفت لاصلي و لاصوم


حلفت لاصلي و لاصوم = بسجد لربي و ماليه بد

دامك نويت البعد ملزوم = ماعاد باقي فدنيتي حد

آنس فقلبي شيء مكتوم =والحين بظهر خافي السد

اهوى واعشق بنت .....=وخل العرب تسمع وتشهد

ماني بقايل خلني مظلوم=موتي ولا العربان تنقد

مرحوم حب ٍ كان مرحوم = حب ٍ وهبته لصافي الخد

واليوم عني عزم ايشوم = قفى وارث نار توقد

نار ٍ تغذي القلب بسموم= من زود فرقا الخل المود

احيد ليله بت محموم = وانته ملي العين ترقد

دكتور اقوله قال معلوم = عوق المحبه منه تيهد

الحب ماهو حكاية رسوم= ولاهي قوافي شعر تنعد

ارجوا وصالك وانته اتروم = حتى مع الذعذاع تنشد

لك السعاده دايم اتدوم = ويعل عمرك عد ما اتعد

وببقى انا من الحب محروم = عليل حالي ولاليه حد

حلفت لاصلي و لاصوم = بسجد لربي و ماليه بد



 

ولاهو قليبي دونهـم لاق ؟؟!!

ღ


هذي المشكله انه ما يصبر بلاهم

يالله يا سعود دومك راعي مشاكل ،،؛


إن كان خلك للهوى راق

آنس حراره إتسبب إرهاق
في خاطري تأثيرها خـوف

دامه جفانا طايل السـاق
عقبه حياتي صارت اتعوف

مزات ريجة طـب تريـاق
اهداب عينه مغزل الصوف

وعنق ٍ تفند بيـن لعنـاق
وخصر ٍ تميز فوق لردوف

حتى الحقب لمضمره تـاق
وكل ٍ تمنى لمس لكفـوف

ما حيدني زليـت بوثـاق
ولا حيدني سببت مكلوف

ولاهو قليبي دونهـم لاق
ابلا عيوني واعدم الشوف

إن كان خلك للهوى راق
ابشر بدنيا ما بها عـوف

وكانه تغلى وصار خقـاق
ماضنتي تجزيـه معـروف

إلكم حروفي دوم تنسـاق
عساه يفهم قاري لحروف

 

حبك سطاني تحت ضلعين ღ متمركز ٍ في لب لفواد


هيه والله ،، ماحد جاسى شراتي وإتلوع في هواه

وإتسقى لـ حسراتي في شف من يهواه ..

المشكله ،، الحب يوم يكون من طرف واحد

والطرف الثاني ولا على باله ،، ،، ،،





ღ
ღ
ღ





بين المراره و الشراين = وادنى تحت معلاق لكباد
جرح ٍ جرحته يالمضينين = ما فاد فيه اعلاج ما فاد
تقسى عليه ليش يا زين = ليش الهجر وليش لبعاد
يــا ونتي و نات مسكين = يلي عليه الحزن يزداد
وناة شيبه فـــــالثمانين = يشوف عمره ينقص اعداد
حبك سطاني تحت ضلعين = متمركز ٍ في لب لفواد
حبك ملكني كفت ليدين = عـما تباني كيفك انقاد
عذبتني يا عل متهين = عذبتني ياصاح بأسهاد
يوم البرايا الكل غافين = يحرم على اعيوني ارقاد
بأسبابكم عفت المداوين = والماي منكم عفت والزاد
الله يعلم قدركم وين = يفرح خفوقي واصل الساد
هب ها كذا يا ( فـا )تكفين = خفي عليه بعدكم زاد
صحيح ليله بس عامين = وعلى بعادك هوب معتاد
ارجوك ارحم حاليه احزين = تقصف فوادي قصف بغداد
بين المراره و الشراين = وادنى تحت معلاق لكباد
جرح ٍ جرحته يالمضينين = ما فاد فيه اعلاج ما فاد

 

ღ

فكاهيه نوعا ً ما للتغيير ،،

وصدقوني معناها عند الشاعر كبير ،،

ღ


ياليت كنت اليـوم بشكـار
اقشب انضف في حوي البيت


و إلا دريول قـوم سـردار
ييلس جنابك خلفي السيت


اليح المرايـا شويـه إيسـار
وإلا اشغل فالوسـط ليـت


كله عشانك نـور الأنـوار
ودي اشوفك لكن ابطيـت


هذي المحبه اصروف واقـدرا
والله ابلاني فيـك وابليـت


ابلاني حبك سبـب اضـرار
من زود حبك ضني اعميت



ادمنت حبك مدمـن آبـار
هروين كوكا من تعاطيـت


انت بضنينك كنـت جبـار
وانا عشانك كلـه سويـت


دريول خادم احمـل اقشـار
واللي بغيته روحي اعطيـت



هب ها كذا الحـب يختـار
واشوف عمري منك مليـت


مليت حبك تكفـي اعـذار
وانا بغرامي لك وخصيـت


ارجوك افهم مامضـا سـار
هذي البدايه وانتـه انهيـت


إما ترد لي الصاحـب البـار
وإلا وريد الحـب قصيـت


شاور فوادك دنيـا اشـوار
الماي يدني وعالـي الزيـت


ببقى انا من الحـب محتـار
عليل حالي وانتـه ابطيـت