هلا وغلا .......

هاذي قصة عيبتني وحبيت انقلها لكم وقولولي شو رايكم فيها ؟؟ ^_^


نزل أحدهم على بدوي ضيفاً يريد الزواج من ابنته فقال له البدوي :

أنا عندي لك يا ضيفنا العزيز أسئلة إذا عرفتها زوجتك البنت.. أنت مستعد..؟!

الضيف: تفضل ..

البدوي: شو الشيء اللي يضرك إذا أرتفع وإذا أنخفض ؟
الضيف: هذا الله يجيرني وإياك والعروس ... مرض السكر والضغط .
البدوي : ههههه ... هذا سعر البترول وأنا عمك!

طـيـب : .. من هو اللي يصلي النافلة ويترك الفرض ؟
الضيف : المجنون
البدوي : صدقت ... هاذي الموظفة اللي تخدم الناس
وتضيع زوجها وأولادها وبيتها ، انزين ...


شو الدولة اللي فيها رئيسين ؟
الضيف: ما فيه يا عمي حتى الملعب وهو ملعب
ما فيه إلا حكم واحد وعنده مساعدين
البدوي: شفت إنك ما أنت داري بشي ...
هذي بيوت اللي ينادون بمساواة المرأة بالرجل.


البدوي: طيب ... شو الوردة اللي ما تستخدمها إلا إذا ذبلت ؟

الضيف: أصلاً إذا ذبلت .. ما عاد يصير لها قيمة..!!
البدوي: صحيح ... هذول بنات هالأيام..!!

البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!

طيب : ... من هم الأبرياء اللي يجوز قتلهم ؟

الضيف : ما فيه .
البدوي : هاذول ... المسلمين ،ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين..

إيـيـيـيـه ... الظاهر يا ضيـفـنا العـزيـز إن ما لك نصيب
في البنت لأن ما عـنـدك فـقـه بالواقع
وبعـدين البنت باقي تـدرس وعمرها لا زال 35 سنة
وباقي توها صغـيـرة عـلـى الـزواج!

ياحليله راحت عليه العروس ...

تثقفوا يا شباب خخخخخخخخخخ