شاعـ الشووق ـر - الصفحة 2

شاعـ الشووق ـر · 07 Oct 2007, 10:50 PM

يوم جن الليل ظلمه وبان لي نور الهلال= قمت اطالع فالهلال مركز عيوني عليه
كنت تايه مع افكاري في متاهات الخيال= تيلفوني صاح فجأه ,,والفكر وقف مشيه
يوم انا رديت رحب,,ثم سألني عن الحال= قال وشبك ياحبيبي كن فكرك شي فيه
قلت يالطيب اسمحلي ممكن تجيب السؤال؟= ماعرفتك من حضرتك؟ولا عرفت اللي تيبيه
قال انا عمرك حبيبي,,كيف تنساني؟محال= قول ياعبود وشبك؟ او ودادي ماتبيه
قلت له غلطان وارجع شوف رقم الاتصال= هوب انا عبود هذا,,انا خالد يانبيه
اعتقد راسك موشوش ,,تاه,,او صابه اعطال= ارجع وشوف اتصالك,,وليت تلقى لي تبيه
قالي,,بيشوف خلي,,ذاك عبود السبال= هو عطاني وقال رقميوارجو اتدقي عليه
وقال ماتعرف حبيبي؟؟قلت له اعرف رجال= يعرفون إلا المعاني ولا احد باسمه شبيه
وكان دلعت اسم واحد كن ناديته سبال= كن في قلــبه جهنم تاكله او تشـــتويه
وانا اكثر من اصحابي احمل اهمومٍ ثقال= ودي اذبح اي واحد كان ما ثمَــن حكــيه
قال وش تبغي بغرورك كن ماغيرك رجال؟= قلتـله احذر كلامي قاسي ولا تشـتـــهيه
الرجوله وسط دمي وينضرب فيني امثال= والمعاني والشجاعه والكــرم معـروف بــيه
والاصل بيسد عني مالي بحاجة جدال= قال ودي شرح كامــل اعرف اصـلـك يانبــيه
قلت انا كعبي معزز عشت مابين الرجال= زارع اخلاقـي ابــويه ذاك بو خـــالد اعنـــيه
له معاني مع طيابه راسخه مثل الجبال= وان حكوا عنه فمجالس بالمـــدح يثـــنوا علـــيه
ولي اعمومه لو ابا اوصف خفت ماوفي المقال= كل منهم فالرجــــوله مايجي احد(ن) عليه
ولي اخوال(ن) ف العزيمه بالصراحه هم ابطال= كل منهم قال ابويه ذاك انا بامشــي مشــيه
يقصدوا ذاك الشجاع اللي بنا خير الاجيال= ذاك جدي ابن صالح فالكرم حافـظ علــــيه
شاع صيته كل بقعه من جبال ومن رمال= شل هيبه وفــيه دين وفــوق هــذا هو فقــــيه
وان نطق كلمه ف مجلس صخ له كل الرجال= وان رمس يوزن كلامه وكالذهب سعره حكيه
اعتقد يكفيك هذ وكف من زود الجدال= قال لي والنعم والله كل قــــولك هــمت فــيه
قلت له دور صديقك قبل لايغيب الهلال= مانبـــي عبود يزعل ويستــوي لي مانبـــيه
قال انا حبيتك انته من كلامك والمقال= ودي اشارك ودادك ونبـــتدي حب(ن) نزيه
قلت له ماني مسيَر ولا بيغريني جمال= انا اتخـــــيَر ودادي ولي شراتـــك ما ابـــيه

شاعـ الشووق ـر · 07 Oct 2007, 10:57 PM


	قلت ياقلبي كفاني ساهر وعفت المنام العشق والله كواني احترق..والله حرام ليش ياقلبي على الآهات صابر لعنبوك ,,تكون خاسر..؟ دومك فدربك معاسر يا فؤادي ماكفاني..؟؟! ليش ياقلبي أناني كف ياقلبي ودوّر لك طريق قال ليش تكون شاعر ؟ غصب بتحب بجنون والشعر شوق ومشاعر والمشاعر تعني حب وانت من قال لك تحب ذا طريقك,,موت أو حب بجنون قلت وش ابغي بحوارك,, انت كاذب قال حاسب قلت كااااذب قال حاااسب قلت لو ماكنت كاذب ماعصيت وانا جسمك لي يضمك وانت كنه مايهمك قال: اقوول,, قلت: قول قال اتوب وارجع بذيك الدروب ولا احب واستوي مثل الحطب ومن حبيبك لو اشوفه مابذوب قلت لا لا قال الا قلت لا لا قال الا قلت لا, ماهو بكيفك انت ملكي,,احكمك آنا بكيفي قال لا لا هوب كيفك انته بكيفي تحب والهوى مني يهب يعني انت اللي بكيفي قلت ياهي من مصيبه...!! قال اسمعني وطيع انت عاقل مب رضيع خلني ارجع واتوب الهوى دربه شنيع قلت لا لا قال الا قلت لا لا قال الا قلت والله ماتتوب خلك بهمك وذوب ولاتغيرها الدروب قلتلك مانته بكيفك ذا وليفي هب وليفك خلني اسهر معاه دامني اعشق ثراه وانته اتحمل ولاتفكر تتوب قال انا محتار منك ليش تبكي ليش تشكي مره اتقولي اتوب ومر تطلب ما اتوب وش مرادك؟؟ قلت له نبغي انتفاهم قال فااهم قلت لا مانته بفاهم قال فااهم قلت اسمع,, قال ش اسمع؟ قلت له قولي تراه الحين حازم وانا في معناي جازم برسلك عند الحبيب واسأل افواده وقله: فالمحبه تحب مثله..؟ قال لي ادري بجوابه واعرفه حتى خطابه قلت له شيقول عني..؟ قال يعني,,,, قلت وش هو,, قال يعني,, قلت وش هوو ؟؟؟؟؟؟؟؟؟؟ قال لو قلت الاجابه,, وش يكون؟ قلت باخلي الظنون ولو يصير ولو يكون بنهي امري واستريح قال انا اللي بستريح قلت قول صابني منك فضول قال هو مثلك يحبك هو مناه يكون قربك يعشقك لا مارخصبك وانته في عقله تجول قلت والله؟ قال والله قلت احلف قال والله قلت يعني ارتحت منك قال انا اللي ارتحت منك هالكني زود حزنك وصرت مالحزن امخبول قلت يعني باتتوب ..؟ قال اووووووه ,,انت وش ياللي تريد؟؟ قلت له اضحك معاك لي اريد ابقى سعيد واهتني بحب(ن) فريد ما ابي غيره حبيبي وانت قلتلك ماتتووووب

شاعـ الشووق ـر · 07 Oct 2007, 11:00 PM

ياويل من هو مالهجر ناح وشكـــــا= ولا حس به من هو بهجره مشتكي
طاح وبكى مالمشتكا وقام اتّـــــــكا= على الهجر والهم اصبح متّـــــــكي
وياويل من همّه فصدره مشــــربكا= بالهجر غزله والغدر متشربـــــكي
يلعي وينعي فالظلام الحالــــــــــكا= ولاحد نفع لو هو سمع منه حكي
سهم(ن) فصدري وسط قلبي سالكا= سهم الهوى في داخلي متسلكــــي
اشكي خليلٍ ف الحشا متملــــــكا= ساد وتجبر فالخفا متملـــــــــكي
فاز وجفا يوم اكتفى وصد بذكى= وانا اللذي لدرس العشق لوّل ذكي
اصبحت في ناره محاصر هالـــكا= ومعروف من طاح فجهنم هالكي
عبره لمن درب الهوى متسلّـــكا = واللي سلم تسلم عيونه مالبكي

شاعـ الشووق ـر · 07 Oct 2007, 11:02 PM

يالكوس ياللي من بغيت اتهبّي = حاسب على عود ن أخــــاف اتهــــــــبه
لين واخافه تكسره لمهبّي =واحذر تكون فكــــــسر عــــــــوده الســــــبّه
يالكوس ان هبيت صوب امحبي =خلك لطيف ان كان دربــــــك دربـــــــه
اخاف خده ينجرح ويصبي =كان انجــــرح يصـــــــعب عليــــــــنا طـــــبّه
واما العيون الناعسه لي تسبي=من لحظـها حـــــتى النــــهر بتشـــــبّه
تحت اللحظ فيها النظر متخبّي=محروس عن شر(ن) وكــوس يهــــــبه
وكان ادمعت تكسر شموخ الصعبي=وتخضع لها رووس الرجال الصعبه
يالكوس بلغ له سلامي وحبي=ياللي هويــــته وهـــــايم(ن) في حــــــبه
قله ترا حــــبه انا لاعـــــبّّي=وصابر دهــــــــــر مادامــــــني مولعـــــبه
اصبحت له فالشعر كالمتنبي =بيـــت(ن) لقلـــــبي وبيت ساير قلـــــــبه
قله ترفق دام ربه ربي =مســــلم وكــــــل مسلم يحـــــــــــاتي ربــــــه
ياليت لو جرح الهوى له طبي =ويشفي جريح ن من بعــــاد امحـــــبه
يازين قلبي كالجمر مشتبي =روف بغريمــــــك يالــــــغلا وارفقــــــبه
مثل الرحى بُعدك وتطحن حَبي =ومثلي طحنته ياغـــــــناتي حَـــــــــبه
ارحم ترفق بي مادامي كعبي =لي قوم حتى الدم يهــنوا بشـــربـــــــه
ان مت وآنا اشكي واطلب قربي =غيرك يموت وباتكــــــون الســــبه
وبتشب في قومك تراها حربي =واخاف تفنوا بكل ميته صــــعـــــــبه
لاتستوي مثل البسوس فدربي =تعال والكـــعبي بيخــــــــمد حربــــــه

شاعـ الشووق ـر · 07 Oct 2007, 11:08 PM

درب العشق معروف واللي يحبون =زانت به الأيام واحيانا اتشين
يامصعب الانسان لا طاح مطعــون =من خنجر(ن) بايدين اغلى المحبين
ويا مصعب الدمعات من حضن لعيون =وبالخص من عين الرجال القويين
ويامصعب العاقل اذا صار مجنون =الاول حكيم وصار ضمن المجانين
ويا حسرة اللي صان حبه عن ايهون =ويدمره المحبوب في لحظة العين
اقول انا وغيري بعدهم يقولون=الحب ماله شرع والا قوانين
ملعون ياقلب(ن) تشقيت ملعون=ماتعتبر؟ وش لك عـ تبع المقفّين؟
كم قلت لك ياقلب امشي بقانون=حاسب, ترى تتعب,,وتشقى ,,وبتهين
ماطعتني,,وكان الذي قلت بيكون=باعك يلي تشريه..وينك؟ وهو وين؟
باعك وقت شدّه وانا كنت مغبون=ماشي فـ يدي والظهر فيه كسرين
كسر اكسره وقتي وانا حيل محزون=والكسر الآخر من محبّي وانا ذهين
ياونتي ونه تردد بها الكون=حتى بكى منها الحجر والشياطين
ونّة زعيم(ن) حاكم وصار مسجون=سجّان الاول صار ضمن المساجين
واليوم بعد العز باعدام مديون =حتى اشمتوا فيه الردى والمعادين

شاعـ الشووق ـر · 07 Oct 2007, 11:11 PM

هذه مجاراه لقصيدة الشاعر بكيت

وارجو ان تنال على رضاكم ورضى الشاعر

"
"
"
"

حي القصيد اللي لقــــــــاريه يحـــــــــــلا=ويهيّض اللي يشتكي ضــــــــيق بــــــالا
رســــــــم المهندس فيه مليون شـــكـــلا=متــــفـــــنن بالقاف بــــــادع امـــــــــثالا
من يوم شفت الجـــيل رديت عــــــــجلا=ما قلت افـــــــكر بــــــــين أيـــــوه ولالا
نعرف دروب الحب ماهـــــوب ســــهلا=ياصاحبي والحــــــب دربــــه خــــــبالا
لو في يدينا ,,مالمــــحبه بنـــــــــخـــلا=وش فالعشق ياغير هــــــم ن ننــــــالا
صبرت لين القـلب عــــــــيّا ومــــــــلاّ=لاصوت بـــــيريحه ولا جا بوصــــــالا
لو مات فجأة من همـــــومه بيــــــخلا=ويرتاح من هم ن شرى الطـــود شالا
لكني اشكي موت جــاني ع مـــــــهلا=اشهور ذابحني وليــــــالي طـــــــوالا
والوقت مع خـــلي ع ظلــــــمي تولّى=ان جيت يمنى,,عـــــناد جوني شمالا
يــوم ان مــورد حبهم صار محـــــلى=بنموت من زود العــطش لا محــــالا
الحب ماهو يختصر بـــــين جـــــملا=الحب قـــــول وفــــــعل يتـــــبع دلالا
والله يعين اللي ابــتلى فيه وابـــلـى=من قبل مايصيبه بحـــــــبه هــــبالا
وسلام للي من غلا الناس أغــــــلا=لو راح يبقى كالنـــــــجم ويتـــــلالا

شاعـ الشووق ـر · 07 Oct 2007, 11:14 PM

ياغلا مغليك ياشوقه وهيـــــــــــامه=ياغناة الروح ياسـبّة هيـــــــــــامي
لك يطير القلب يالغالي حمـــــــامه=لونها للحب يوحي والســــــــلامي
ويل قلب ن فيك متزايد غــــــرامه=من قبل لقياك ماذاق الغــــــــرامي
لك غلا ناصب وسط قلبي خيامه=وغيركم ما له مساحه للخـــيامي
انت نور الشوق يالغالي وظلامه=قربكم كالنور وبعادك ظـــــــلامي
وانت للضميان في عيني غــــمامه=شوفتك تروي محب ن منك ضامي
انشدك بالله لاتــــــزيد المـــــــلامه=من شكى لفراق حاشا مايـــــلامي
الجفن مالبعد ماذاقه مــــنامــــــه=من كثر الاشواق مجفني منامي
يالغلا ماتخاف من يوم القيامه؟=اشتكيك لخالقك رب الانـــــامي؟
زورني قبل العمر ينوي مشامه=وتندثر تحت الثرى منك عظامي

شاعـ الشووق ـر · 07 Oct 2007, 11:17 PM

هاض الشعر لك هاضي ,,,, لك فاضي = يالمفتند ف/البيض
يابو جبين(ن) لاضي,,,,ومًاضي= كالبــارق الومًيــــض
منك شكيت امراضي,,,,بي ماضي = حكمك منه مريض
م/الهجر قلبي ناضي,,,,بي قاضي= يلهب لهيب القيــض
ليت الهوى له قاضي,,,,ويقاضي= ومن حكمه نستعيض
غيرك فـ لاني راضي,,,,واعتاضي = عنًك ما ارضى عويض
لو بنعطى الاراضي,,,,مب راضي= غيرك ماحد يعيض

شاعـ الشووق ـر · 07 Oct 2007, 11:20 PM

خذت من طيب الحروف اللي تميز بالمعــــاني=يوم ناديت القصايد بالسرع جن يقصــــــــدني
كل حرف ن ماعرفته من ذهب أو زعفـــراني=المهم اني اخذته والاصل مـعــــروف مــــــني
كل ما اكتب قصيدي قبل ما افكر لـــفــــانــــي=ومن حروفه يطاوعنّه؟ كان مابيطاوعـــــني؟
إن بحر فالشعر قولي يفخرن فيه المـــــواني=يرقبن مني قدومي ودّهـــــن يستـــقبــــلــــنّي
هيه ياللي مالفهامه خالي ودومـــك تعـــــاني=الحـــذر ثــم الحــذر ثم الحــذر ثــم الــــتــأني
احذر ايغرك زمانك كان هو سابق زمــــانــي=ويــح فكرك كان قصده بالهجر مستصــغرني
ماني بجاهل ولاني شيبة ن اشكي الــهواني=إفتهم مالقول كــانك ضـــايع وما فـــاهمـــني
خذت مالشواب هيبه,وحكمه,,وقدر ن وشاني=وخذت من طبع الطفل تقدير ياللي مقــــدّرني
ما اذكر اني بك خطيت,وادري لساني حصاني=لكن آنا مروّضنّه وانت تـــدري وعـــارفــــــنّي
صدق من قال الزمن ياصاحبي مـــابه أمــــاني=وكنت أشوف انك زمان,,وفيك الايام اخدعنّي
ياحسافه ياحسافه,والزمــن ياخـــــوي فانــــي=دام هذا الوقـت فاني ذاك ياللـــي مصـــــبّرنّي
اعطي الانسان حقـــه والعــــقل لب البــــياني=والعقل ياللي يميّز شيبة ن وصغــــير ســـنّي
موقفك وقّظ خفوقي,ودار لي موظوع ثاني=يوم قلت انك زمان وهو زمــاني خادعـــنّي
دارت الذكرى فبالي يوم وقتي اليوم شاني=واخطرت عالبال ريم ن حسنها لي آسرنّي
حسنها ماشفت مثله فاق عن كل الحساني=ونطقها لى من حكت به ذاك ياللي مجنني
ان حكت غار القصيد وصار كن مابه اوزاني=كل حرف ن من شفاها لى طلع كـــنه يغــــنّي
وان مشت من مشيها بيغار حتى الخـيزراني=ومن يشوف الخــيزرانه قال مافيــها تثــــني
والشفاه ان تشرب الما شفت حتى الكوب لاني=يمكن انه يذوب فيها,,وقـــال ليـــته شاربـــنّي
كيف لو قلبن عشقها ؟ لو حجر صابه ليــاني=والله اني مبــــــتلي والحـــب مـنها صايبـــني
وفجأه فقلبي قصور اتهدمت مـنها ومــــباني=وياحسافه هي شراتك خاب فيها اليوم ظني
هانت العشره عليها والهـجر حزنه كـــــواني=والجــروح اللي دمـــــنّي منها ما غـــــادرنّي
ابتعدت ولي شراتي مارضى بذل وهـــــواني=والذي ما صان قدري هان لو هو عاجبـــني
قلت هالموضوع قاصد لاجل تفهم مالمعاني=والشبه باين فعيـــــني بيــــنكم ومكـــــدّرني
من يروح يروح والله ولاله فقلبي مكــــاني=ومن رجع ماعاد غالي ذاك منه هوب مني
ياحسافه ياحسافه وادري ان الوقت فــاني=دامه الا الوقت فاني ذاك ياللي مصـــبرني