شاعـ الشووق ـر - الصفحة 3

شاعـ الشووق ـر · 07 Oct 2007, 11:24 PM

من شفت ذاك اللي انتباهي شدّه =غـيّر موازين الثقل وارســــــاها
ريم/ن مشى كن الـقمر في خــده =والليل غطّى هامته واكســـاهــا
وكانه رمى بعينه,وش اللي يصدّه =موت/ن على اللي واقف ف/مرماها
غير الشفايف لي كستـــــهن ورده =ود النحل يبني العسل من مــأهـــأ
امخصر/ن يدّه تلاقـــــــي يـــــــدّه =كنه وصوفه اتخـيّر ونـــقّـاهــــــــا
القـــلب فــــزّ بشوفــــته ولا ردّه =غير الضلوع اللي الصدر يحواها
لولا ضلوعي, شفت قلبي عنده =حسبي على دروب الهوى مقساها
من يوم شفته دنيــتي مـــسودّه =ماغير نوره بايــن فــ/ ظلـــماهــــــا
وطير الغرام اللي عليّه هــــــدّه =حوّل على المهجه وصاد اقــــصاها

شاعـ الشووق ـر · 07 Oct 2007, 11:28 PM

أشجعك ياللي قصدت تكون متــــعـــــادي=ما انته بقــدي,,,ولكــــــنـّي بصـــفـق لك
تبغي تعاندني وتــــدري بقـسوة اعنادي=ويا ويـــلك الله إذا قصــدي أعــــــاند لك
لا تلعب بجمر/ن تحـــيده دوم وقــّـــادي=لا يحرقك ظـّوه,,وسير بعــيد أضمن لك
إن كان قصــــدك تعذبـــني بالبــــــعادي=والله نجوم السما يالخــــبله اقـــرب لك
بعدك شرات النسـيم الــبـارد الـــــهادي=ياكبر حظــــي على بــعــدك ويا جهــلك
لكن جهلت أنـّك بعد إنـســـان يحـّــادي=انسيت قلب/ن بحبه كان صــــافـ/ن لك
صانك على كثر الجروح وكثر الاجهادي=حطـّك على عرشه,,وفرّط به صغر عقلك
واليوم حتى فـ بعادي جـيـت متـــهادي=تزرع فـ أرضي جروح احروفك بفـعلك
ياااشيــن قلبك تبدل بغض واحــقــادي=من راح عنك,,هبيل إن كان يرجعـــلك
إن كان قصدك تذل اللي له اتعادي,,؟=لا انته ولا غيرك ولا واحد بعد مثلك
وإن كان ناوي حرب,,لأجلك جاهز اعتادي=إبــشربكل أوقات,,لين المــــوت جاهــز لك
بحرق فوادك مثل ما انته تحرق فوادي =بشريك وآبيعك,,,وبعــشــقـــك وآمـــلـّك
بزرع غرامك فـ أرضي نرجس وكــادي=وببدّله بـ زقّــوم في أرضك وبــزرع لك
ببـنيك عــزّ ومكـــانه وشأن وامجــادي=وبهدمك ذل ومهانه وبتـتـــركك تهــلك
ما ردّني عنك يا غير الناس الايوادي=ياللي أقدّرهم وهـم من دمـّك وأصـــلك
أبعد وانا ماني لــشرّ النفس منــقادي=والحقد مــاله بعد في داخـــلي مســلك
دامك في وادي,!! تراني عـنـّك فـ وادي =وان جيت قاصد,,! بـ كبــّر ثم بذبح لك
ماهي بعزيمة ضيف ياني بخير قصـّــادي=( دفعة بلا ) ,,منـّك ومن وطية بعد رجلك

شاعـ الشووق ـر · 07 Oct 2007, 11:29 PM


	السلام عليكم ورحمة الله هالقصيدة رد على قصيدة الشاعر إماراتي " " " " " رحت ابعجل قاصد الموتور --------------------ومن لعيله قمت اخشع القير شديت لك والتاير ايدور,, ------------------------ويله,,على ذيك الدواوير وانا على التأخير معذور ----------------------وكل السبب ذيك المسامير تاير الموتر صار مطرور -----------------------وسبب ليه ياخوي تأخير بوصلك لو عـ رنج مكسور -----------------------حتى ولو مبعد بك السير بنشوف كانك صرت مسعور ------------------------او ياك جن وفيك تزوير بنسير لـ مطوع جدا صور ---------------------ونزوى بعد لو تبغي انسير بنزورهم ياخوي بالدور --------------------وبنشوف وش بعدين بيصير وان ما نفع خذ مني الشور -------------------------آضن بك ضربات تدمير مالحب بك ليعه ومقهور ----------------------ولا ينفعك قول/ن وتصبير والحب منه راسك ايدور ----------------وتصبح شرى اللي شارب البير إن ذقت كاسه صرت مأسور -------------------------ويخدّرك ياخوي تخدير وإن كان خلك دوم مغرور ----------------------يرمي سهامه وعنّك ايذير عندي الدوا له,,وامر ميسور ------------------------أمره بسيط ولايبا اكثير خلّه يغار,,وذاك مذكور ---------------------عند العرب موجود تفسير والطب كانك تبغي اتزور ----------------------ويّـــاك بنسافر أغـــــادير ماهو لزوم تصير هامور ---------------الامور معـــــهم دايـــــم بخــــير تلقى الذي بالدين مستور ------------------والا الذي يلبــــس تنانـــــير اختار لك والامر مقدور -----------------وبنرد من ذيك المشــــاويـــر بتشوف خلّك ياك مذعور --------------------وغيران من ذيك الغنادير ويخدمك لين تكون مسرور ------------------وامرك يطيعه بدون تقصير هذا الدوا,,وخل دختر النور --------------------والحرز ينفد داخل البــير

شاعـ الشووق ـر · 07 Oct 2007, 11:33 PM

هذه القصيدة مجاراه للشاعر اماراتي

ياهلا بالشاعر وفنه =لي حروفه تهيّض الخافي
الشعر كنه منقّنه=نقوة المخلوط مالصافي
بوحميد الحب بالنّه=ويشتكي من طبع الاولافي
والعشق عند العرب سنه=ولي ابتلابه هوب متشافي
صاحبي لو كنت هاونّه=الهوى ياخوي تــــلافي
حدّ لو دايم مدارنّه=مايقـــدّر مــــنّـك ويــافي
لو تسوي خير,,ناسنّه=مابيذكر غـــير الاكلافي
كان تبغي تكتشف ظنه=خذ كلامي بحذر واتقافي
ان هدم لك شي باننّه=حط له دوشق مع إلحافي
كان يبغي,,اقترب منه=وان شكى,؟ شرواه ينعافي
من يحبك ما اشتكى بحنّه=دام حبك ياه بانــصافي
لو معاك الجمر واطنّه=ما اشتكى ولا صار خوّافي
ذاك معه اتعيش في جنه=ولا بترضف هم واحسافي
والعمر كانك محاتنّه=الحذر من بعض الاصنافي
ذاك ياللي المكر خافنّه=كالمـــنـافق ياك مــــولافي
الطمع والحقد عامنّه=داني وفي ثوب الاشرافي
ان عنالك,,دق لك رنّه=يحسبك شـــغّال صـــرّافي
وان قطعته,,الغير عاننه=كل يوم وله حضن دافي
كم بتسمع مالعرب عنه=مبتليبه وحـــالهم هـــافي
لا أهل لا دين والنّه=دوم وسط السوق خطّافي
مالصبغ لي مرّ عاشنّه=لو ورا مخفي بيــــنشافي
وان مشى بتسمع الونه=كالطبل ريله عالارصافي
الكعب شبرن معلنّه=ومن يشوفه,,قال يااكافي
قال طوله لي محلنه=مادرى وش لي تحت خافي
الحذر واجب ترا منّه=دوم عنــه خـــلك مـــجــافي
والا انا لي خل هاونه=من اشوفه صرت متـــــعافي
العمر والروح مهدنّه= مانسيته صاحي وغــــافي
عـ (الثريا) لو محاكنه=مابحاتي خـــسر واســــرافي
في وسط قلبي مخلنّه=حــــاكم وقاضي وســـــيّافي

شاعـ الشووق ـر · 07 Oct 2007, 11:35 PM

انتظرت اتصالك واتصالك بطا=لو تعرف اشتياقي يالغلا مابطيت
انتظرتك شرى اللي عالحرايق وطا=وانت سالي وعني حضرتك مادريت
غير وصلك وقربك ماتمنى عطى=وغير ودك حبيبي في العمر مابغيت
وانت تدري بحبك وسط قلبي سطا=ياغلايه وغيرك فالعمر ماهويت
مسكنك في فؤادي ولك ضلوعي غطا=وكان ماعاد يكفي لك فالعيون بيت
لك قدر عـ الثريا دون سرج امتطا=والخلايق تحاول تخطو اللي خطيت
اعتليت بمكانك والبقايا وطى=وانت ياللي فـ عيني للمعالي سميت
أدري أني فـ/ حبك طحت متورطا=لان بعدك عذابي,,غير ماقد شكيت
لو ودادك خطايه,,ليت كلي خطا=ولو دموعي تجيبك,,كل ساعه بكيت
منك أرقب وصالك,,واتصالك بطا= لو عرفت اشتياقي ما أضنك بطيت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(View-All) الاعضاء الذين شاهدوا الموضوع : 0
There are no names to display.