شاعـ الشووق ـر

Emaratee · 26 Sep 2007, 04:45 AM

إحذر الدنيا ترى الدنيا غرور = ميّزوها اهل الفهامه هوب دار
إغدرت ناس(ن) بماضيّ العصور = واصغرتهم عقب ماكانوا كبار

تاريخ التسجيل:

13 Nov 2005

تاريخ الميلاد:

June 25

الدولة:

United Arab Emirates

نبذة مختصرة:

شاعر مفتون باللغة وبالتراث

مفتون برصد التحولات الجمالية في الشعر الاماراتي

له الكثير من التحولات الشعرية التي جعلته واحدا من أميز الشعراء في

(( خلان الشعر ))

ومن خلال ردوده نلتقي بالجرأة البعيدة عن مجاملات الفئة الضالة

ويعتبر المؤسس الرائع الذي يحتضن بين جوانحه فيض المشاعر

.

Emaratee · 26 Sep 2007, 04:49 AM

البس من هدوم الشرف ثوب
لاتستـــوي خايــن وخـــداع

لاتلبسه ثوبــــــك بمقــــلوب
وتظهر على اشكالك انواع

بالمكر لاتسلك لك ادروب
كانك بغيت اتقول لـــوداع

صارح ولاتخفي المكتوب
هذا قدر اعيش باوجـــــاع

خل الكذب عنك على صوب
مادام قلــــبي دوم مطـــــواع

والا هوايه جرح لقلـــوب؟
عندك تشوف القلب ملتاع

فكرك غلط والله ي محبوب
الود مايــــشرى ولا ايــباع

مابك امان ولطف مصحوب
انـــت شــرات الـــنار ولاع

ذوبت قلـــبي يالغـــلا ذوب
فيك الغدر ياصاحبي شاع

ماكنت تفهمني على دوب
الطيب فيني نجم لمـــــاع

الاخلاص عندي شي محسوب
وللمخلص اصبح شخص خضاع

البس من اهدوم الشرف ثوب
لاتستــــوي يازيـــن خـــداع

2001 \ 12 \ 10

خالد سعيد الكعبي
شاااعر الشوووق

شاعـ الشووق ـر · 07 Oct 2007, 10:23 PM

خــذت مالــدنيا تــعاليمٍ كـــــثار

دارت افكاري وشب القلب نــار = يوم شفت الوقت باوضاعه خطير
وابتديت بذكر عَـــلام الاســرار = الالــــه الـعالــــمن بـــما يصـــير
ياعـــــلــيم بالــخفايا والاجــهار = ياسميــــع ويــاعـــلــيم ويابصــير
يامنجي يونس بعمق الابـــــحار = ويابديع الــخلق يالـــرب الــقديــر
يامفرق ليل ارضه مالــنــــــهار = ياإلــهي ياكــريــم ويـــا خبـــــير
أطلبك باسمائك الحسنى الـكـبار = تغفر ذنــوبي وجيـــتك مستجــــير
مايجير انسان مثلك كان جــــار = ومن عـــذابــك ماينــجـــينا أمــير
ياعظيم الــشان ياوالي الــــقرار = أسألك فالخاتـــمه يـــارب خــــير
واغفر إلنا قبل مايفيد اعــتـــذار = يوم روحي تعلـــن المثوى الاخير
خــذت مالــدنيا تــعاليمٍ كـــــثار = واشتقيت بها وانا بــعدي صغـــير
افـتهم يالمســـتمع مني أخــــبار = واعتبر لاتصير في وضعِ خطيـر
اذكر الله فالرخا قـبل الاعســار = خالــقك ينجيــك مالامـر العســـير
والديك احرص عليهم كون بار = ان رضوا ترزق من الخير الكثير
وان بغيت اتشوم لبــعيد الديــار = خل مشيـــتك بتواضع فالمـســير
وان بغيت تصاحب احذر مالاشرار = إلزم اهل الدين والاصل الكبير
والغني لاتصاحبه لو له وقـار = خوف قدرك يطرحه بـــليا ضمير
والهبيل احذر مزاحه كون حا ر= مايفرق بــــين فــــرَاش ومديـــر
وخاف ظلم الناس لايصيبك دما ر= دعوة المظلوم ماعنها ستــــير
والحريم احذر تولّيهن اســرار = سرّك اللي كاتمه يصبح شـــــهير
ولاتشمت عاللذي حاله انهـــار = خوف مثله تصير مصيوب وكسير
وللعلا اسى ولو بعيد الاقـــطار = منزلك يعلا اذا شـــانك صـغــير
ذي وصايا للذي يبغي اقـــــدار = ولي خذبهن صار كالنجم المنــير
والختم صلوا عدد هطل الامطار = عالنبي ياللي انرسل خير البشير

شاعـ الشووق ـر · 07 Oct 2007, 10:26 PM

وصفة طبية

ترحيب لـك فـل ورياحيـن=يوصـل لعنـدك ماتعـداك
من استراليا برسـل الحيـن=اكبر طبيب الحين ينصـاك
وان مانفع شوف الحكي الزين=واسمع كلامي كانه ارضـاك
خذلك من (اليعـده) حزمتيـن=و(الحبه السودا) ع يمنـاك
(وحلول) اشرب قـد كوبيـن=و(العسل) به ياصاحبي شفاك
و(حلبه) تراها للبطـن زيـن=و(زعتر) ترا للعوق فتـاك
وان كان فيك صداع,,حلًيـن=عندك اتخيـر وينـه ادواك
بنصحك(للبـيـدار) بيعـيـن=قلَه أبا يـا خـان (تنبـاك)
وخله تحت ضرسك ليوميـن=وخذلك لغسل الضرس مسواك
وان مانفـع هالحـل بيبيـن=حلي الاخير وعنـدي ادراك
شد الحـزام ويـاك عانيـن=بنسير لـمطوع انـا ويـاك
او شيبة(ن) هو مالفهيميـن=خبير مب فالشغـل شكـاك
عنده (مياسم) فوق عشريـن=يختار لـك لقيـاس لـدواك
يوسمك تحت الضلـع ثنتيـن=بتقـوم كنـه شـي مايـاك
هذي حلولـي ياعسـا تبيـن=لك والنهايه همنـا شفـاك

شاعـ الشووق ـر · 07 Oct 2007, 10:29 PM

مجاراة لقصيدة الخيل

فزت احروفي والامثالي =وداورت حولي شياطيني
وابتديت آيــــرَ مــــوالي= بالطرب واحلى التلاحيني
غترتي فرَيــت وعقـــالي= مالهوى وايول كــل حيني
يوم جـــو الشعر يصفالي= ألــف بيت يروح ويجيني
قمت واقف واسرد أقوالي= مايلست ولاغضت عيني
يوم شفت الخيل فالحـــالي= هيضت شعري وعناويني
شاعره إلها الطرب مــالي= ميل غصنن فالبــساتــيني
ذكَــرتـني بحــلو لــقـــبالي= قلت وينه وصرت انا ويني؟
مبعد(ن) عنــي ولايســالي= والصبر ضيع بـراهيـــني
صاحبي صبري ترا طالي= وين لاتســـأل ولاتْبــيــني
هايم وهمّي مـن اهـــوالي=مستـــهمّ بهــول مافــيــني
ســاهر وســامر لمرسالي= أســـأل سهـــيل ويسليــني
مالفى الوافي فـــلا فـــالي= وفــالي اتــفائــل ويلفيـني
خفت خاب وخيب آمـــالي= خوف من خــلي يخليــني
خاطري خال الغلا خالي= خاب من خل(ن) مخاويني
ان طرى بالطيب يطرالي= ماطريته بطاري(ن) شيني
حال بــين الحب ماحــالي= منـحرم مالحب حـــوليني
زارني زولــه ولازالــي= مانزل منزله من عيـــني

شاعـ الشووق ـر · 07 Oct 2007, 10:31 PM

علمتني كيف اسهر الليل واتريا وانا اسهر=عشقت باسبابك ظلام الليل لاجاني
علمتني يوم انتظر كيف لك اصبر= كله لجل عينك ولالي طلب ثاني
علمتني بالنت وانه فيه ماسنجر= وادمنت به يلين ماراحت اعياني
ماكنت احبه ولاني فيه متبصر=والحين مدمن به ونار الشووق تصلاني
كل يوم نسهر يلين الصبح مايظهر= ماغيرك ويايه ونجم سهيل سهراني
ساعة لقاك افرح ولوني كنت متكدر= منك عليم الله ترحل اعظم احزاني
علمتني بأني انا شاعر ولو أنثر= وخبرتني كيف الشعر يسجد لقيفاني
أشعر ومن يسمع يقول اللــه ويكبر= ويقول ليته بس لو فالشعر يطراني
ماغيرك اقصدله,,ولو أبغي..! فلا أقدر=اصلا ترا من دونك الاشعار تنساني
واليوم ليلي ليت ماجاني,, ولا اذكر= منه يغير الهم ياليته فلا جاني
خليتني باسباب معدومه ولاتذكر= وظلمتني بغيرتك,,ذا كله على شاني
اوقات اسلوبك ترا يالغالي يحير= اقول مادري يعزني,,؟ او كان يهواني؟؟
ماكنت متوقع تجي في يوم متغير= والا تحاكمني وتاخذ زلة إلساني
على العموم انا انتظر للصبح مايظهر= واليوم انا بدونك ونجم سهيل سهراني

شاعـ الشووق ـر · 07 Oct 2007, 10:34 PM

يامحبـي واصلـن حـدي=ماقويـت الجـزر والمـدا
غيرتـك بتهدنـي هــدي=والمحبـه صعـب تنـهـدا
خف دامه ذا الزمن ضـدي=لاتصير ويـاه لـي ضـدا
شوفني مالوقـت منهـدي=لاتزيـد المنكسـر شــدا
يامحبـي بلبسـه لـحـدي=قبل موتـي بلبـس اللحـدا
ماتغيـر قدركـم عـنـدي=ولا ابـدل دونكـم حــدا
حافظ(ن) لك يالغضي عهدي=ولي شراتي صاين العهـدا
خف دامه ذا الزمن ضـدي=لاتصير ويـاه لـي ضـدا

شاعـ الشووق ـر · 07 Oct 2007, 10:36 PM

"[/color]

لبتني احروفي بسمع(ن) وطاعه = والحرف يشريني وانا ما أبيعه
الشعر يعلن في قدومي انخضاعه= وكل فارس(ن) خيله يجيه ويطيعه
لبست من ثوب الرضا والقناعه=ودرب(ن) مشيته ملتزم بالشريعه
افخر بقومي ولابتي والجماعه= والعز سيفي والكرم له ربيعه
أحكم بعقلي,,وان حكمت! اببراعه=وانطق بقلبي وكل خافي أذيعه
ماهمّني من سام قوله وباعه= ولا انظر لقول اهل القلوب الشنيعه
راسي رفعته وسامي(ن) فارتفاعه= ماقلتها إلا وحصوني منيعه
الانسان يفخر بالأصل والشجاعه=ويفخر بفعله لى تميّز بديعه
والشهم يرفع هامته باندفاعه=ويبني لأسمه هيبه ولا يظيعه
الأسم مايرفع للانسان باعه=الانسان يرفع اسم شخصه بصنيعه
(كليب) اسمه زان من يوم ذاعه=كل العرب له باحترام(ن) تطيعه
الاسم يسمو بصاحبه وانطباعه= ويدني اذا خطوات سيره وضيعه
الرجل ما يمشي فدرب الوضاعه= دايم الى العليا دروبه سريعه
من يتبع الأخيار عنده مناعه= ودايم فخور(ن) بالصفات الرفيعه
ومن يتبع الدانين مازان ساعه= ولا له مكانه فالحياه الوسيعه
مايوم شفنا الشبل خاوى الضباعه= والذيب ماهو للحصيني ربيعه
هذا قصيدي واطلب الله الشفاعه=والذهب ماهو كالحجر في نصيعه

"
"
"
"

السلام عليكم ورحمة الله وبركاته

هذا رد على قصيدتي(( الذهب ماهو كالحجر في نصيعه)) من الشاعر سعيد سالم الكعبي ((أبوي))

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

وهذا هو الرد

"
"
"

ياطير مهل لي ولو ربع ساعه =بكتب على جناحك قوافي بديعه
بماء التبر يملي عليهن يراعه =بالمفردات النابيات الرفيعه
واشتقت لأنغام الشعر واستماعه= من شاعرٍ نفسي تعده ربيعه
يكبر فعيني كل يومٍ وساعه= محروز من ظيم الليالي الشنيعه
ومن يرتدي ثوب الكرم والقناعه= يمشي على أمر القضا والشريعه
ومن عاش سامي به صفات الشجاعه= لاشك يذكر والخلايق تذيعه
طاريه ما بين العرب والجماعه= مثل (الشرف) نشريه لاما نبيعه
وطاعة ولي الامر ع الناس طاعه= من بعد طاعة ربنا لي نطيعه
وانت يخالد فيك نبغ البراعه= وحلو السجايا في صفاتك طبيعه
والانسان ما يتبع علوم الاشاعه= يبني قصور عالياتٍ منيعه
بالعلم تبني لي محال استطاعه= بنيانه وتكسب مشاريع ريعه
خلك عن الأنذال عندك مناعه= وعن دربهم إبعد بما تستطيعه
قوي العزم في النايبات ودفاعه= وقوات جيشك خلها في الطليعه
واتبع خيار القوم واهل الشجاعه= وهذي النصيحه يا عساها مطيعه

بعض المعاني:

ماء التبر : ماء الذهب

اليراعه : الاقلام

النايبات : المصائب

الطليعه : مقدمة الجيش

وسلامتك

واشكر بوخالد على رده الأكثر من رائع

والله يحفظه ويديمه ذخر وفخر

أخوكم:

خالد سعيد سالم الكعبي

شاعر الشووق

شاعـ الشووق ـر · 07 Oct 2007, 10:46 PM

الغرام أهوا الغرام ولو حرام = مب حرام الا حرام أغرم عليك
انحرمت ولو حرمت احلى المنام = المنام ولو بنام احلم اجيك
اعشقك عشق(ن) عشا عيني وهام = كل شوقي لـشوف عينك واهتويك
همت بك واهيم بك فوق الهيام = مايهيم الا اللذي همه يبيك
عاشق(ن) شوقه شوى قلبه وشام = شام لـ احلام اشتياقه وجا إليك
برق غرٌق يوم يبرق فالغمام = سحب حبك حل واسقى يامليك
يوم يمضي يوم دونك ألف عام = هم عم,,وغم خلاني هليك
مستصيب مصوبني بالسهام= عارفني وعانينٌي من عينيك
ضامي(ن) ظليت لو يظوي الظلام = انتظر عفت الصبر دوم احتريك
استشف كلي شغف وانته وشام = فالصدر واكبر خبر قلبي ف يديك
ايه احبك ايه احبك لو حرام = مب حرام الا حرام ابقى هليك