عليكم السلام ورحمة الله وبركاته

ضحكة تويتي


صح لسانج ملايين

كلمات جميلة كبداية...ومضمونها رائع


لكن,,

عندج خلل بسيط في الوزن وبعض الأبيات موزونة بشكل جيد

يعني هذه بشارة خير بأنج بعد محاولات ليست بكثيرة وقراءة للشعر ستكونين من المميزين



استسمحج أني أعدل لج القصيدة وابين لج الخلل وين

--------------------------------------------------



فز قلبي فزت أركونـــــــــــــه
من هوى خلي الــــــــغالـــــي

كلمة هوى هي اللي خلت الوزن..ولو بدلتيها مثلا بكلمة ( محبة) بيكون البيت كامل موزون 100 %




مادروبي العربان محزونــــــه (( كلمة العربان هنيه خلت الوزن,,ولو غيرتيها بكلمة (الناس) بيكون البيت كله موزون ))
لجل شوفه بس ويصفالـــــــي



ياعرب مصطابه ، مجنونـــــه
من خليلٍ راح بخبالــــــــــــــي



وينه الغالي ومكنـــــــــــــــونه
الهدب مني حت والدمع سيالي((هنيه الشطر يبغيله تغيير لانه مكسور كله ولو قلتي ((الدمع مالعين همالي)) بيكون موزون...لكني ماركّزت على المعنى وقوة ترابط الشطرين ركزت فقط على الوزن,,يعني اذا تبغين تغيرين المعنى هذا يرجعلج))



لو كل هالعالم يعذلونـــــــــــــه ( هذا الشطر أيضا فيه خلل بسيط في الوزن .. ولو كتبتي (والخلايق لو يعذلونه) بيكون موزون

ماأتوب عن طرواه لو طرالــي(( وهذا الشطر اختل فيه الوزن لأن كلمة طرالي مستحيل تركب لأن وزنها غير لو أنه قافيته نفس الشي,, يعني ممكن تكتبين (( مابيرحل يوم عن بالي)) بيكون أفضل)


سامح قليبي ولا تخونــــــــــــه
لنه غير قلبك مايحلالـــــــــــــي

عشق من غيرك بينهونــــــــــه
وإلتزم لحدود يالغالــــــــــــــــي

ولك بكتب الأبيات موزونــــــــه ( هنيه الخلل بسيط جدا,,لو كتبتي (( لك كتبت أبيات موزونه)) بيكون الوزن 100%
ويعل ربي يشفق بحالــــــــــــي

ويترك لي م الظيجـــات طشونه
وياخذ الباقي بزوالــــــــــــــــي

((هذا البيت كله مختل الوزن فيه وحاولت اغيره لكن المعنى مابيكون حلو اذا غيرته بنفس المعنى.. لكن اذا كتبتي بمعنى غير بيكون أفضل مثل ( ويترك الضيجات مدفونه == مبعده ولا توصل اقبالي)

وهذا مجرد رأي

واتمنى اني أكون سويت شي مفيد وتتقبلين النقد


* ملاحظه: أي شطر أو بيت ما عدلته يعني موزون ومايحتاي تغيير


تمنياتي لج بالتوفيق


شاعر الشووق

 

صح الله لسانج يا ختيه

...........

واستاااذ يا شاعر الشوق

ويعطيكم العافيه

 

تسلم يمينج يا ضحكة تويتي ..

وماقصر شاعر الشوق في الرد الطيب

يعطيكم العافيه



 

صح الله لسانج ختي


معاني جميلة ، لولا خلل بسيط فالوزن

وماشاء الله عليه شاعر الشوق ما قصرر

نصووور

 

بسم الله الرحمن الرحيم
مرحبابج اختي
حلوه القصيده ولا عليها قصوور
بالتوفيق
صح لسانج يالشاعره

 

صح الســـانــج ..

كــلمـــات روعـــه , و احســــاس جمـــيل ..


لا خــلا و لا عــدم ..

^_^

 

روعة وروعة اكثر انت ياشاعر الشوق بس من منطوقك تحتوى الاشخاص اخوك الملك1

 

وااااااااااااااااااااو شاعر الشوق ماخلانه انقول شي

خخخخخخخخخخ

صح لسانكـ