احم احم
اول شــي ..
بنعرفكم علـــى دروب العــنا

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

الاسـم
طبعـاً دروب العنا
واذا تبون ادلعووني زقروني ( دويــرب )
< الله يذكرهم بالخيــر يلي كانوو يزقروني بهالنك نيم

تـاريخ الميلاد
17/1/1990

العمـر
17 سنه ..


السنـه الدراسيه
أول سنه جامعه
< بعده المشوااااااار جدامي طويــــــــــــــــــل


نبـــذه عن دروب العنا

طبـعاً انا الحينه اول سنة لي فالجامعه .. وتعبـــت حيـــل فيها .. بس الحمدلله على كل حال .. يعني صح انها تعب بس الواحد يستانس فيها لووول .. وكانت نسبتيه فالثانويه العامه 88%
استوالي فعالم النت تقريباً خمــس سنوات ..
تعرفت فيها على أشخاااص مستحيـــــــل انساااهم ..

بــدايتي فعالم النت
بدايتي فعالم النت وخصوصـا المنتديات كانت :: فألم الإمارات ::
كنت ادخل هالمنتدى لانه فيه قصص حلوه ..
وكنت اقرى بس اول صفحة من كل قصه اتحراها خلصت خخخ
ماكنت اعرف انه شي صفحاات توصل للآلاف الصفحات خخخ ..
بس الحينه استويت خبيـــــره فالمنتديات < يعني لا تضحكون علي لووول ..

وأول قصة قريتها
وللأيام قرار آخــــــــــر ..
عذاااااااب هالقصه .. اسميني صحت صيااح
وهي للكاتبه أحبك انت

وقصـة أحبك لو بغيــت أنساك ماقدر
بصراحه من اروع القصص يلي قريتها .. قريتها فوق الثلاث مرات

قصــة فارسه ماتهاب خيول الغـدر
بعـد هالقصه حلووه .. بس فيها مواقف يمكن تكون مبالغه فيها وصعب تتصدق بالنسبه لعاداتنا وتقاليدنا

وقصـة انتفض قلبي بغزال منصوري
حلوه هالقصه ^_*

قصــة طحت طيحة في هواكم
هالقصة الوحيده يلي كنت اتابعها من اول جزء واسميني لعوزت كاتب القصة اللي هو السولعي الله يذكره بالخيــر

قصـة حملت جثمان ابتساامتي
وااااااااايد تصيح الا تقطع القلــب ..


واخيــــــــــرا قصـة صفحـــــــــة ألم
هاي القصة البارحه مخلصتنها
وبصراحه القصة فظيييييييييعه اسميني صحت صيااح وضحكت ضحك < حلفي انتي خخخ
وكاتبها Emaraaaty
وخاطريه اعرف اذا هو نفسه إماراتي اللي عندنا

ووووو
بس

هذي كل القصص يلي اتذكرها ..

اكتفي بهالقدر اليوم ..
وباجر بكمل ان شا الله


بســير اكمل تقرير العربي

أشـــوفكم على خيــر ..



 

احم احم
يقولكم دويرب يوم كانت فألم الامارات كانت شاله قسم الالعاب كله فوق راسها كنت 24 ساعه متواجده فهالقسم ..
كانت فيها شله من الاعضاء يشاركون .. بصراحه مالقيــــــت شراتهم
كنا نسولف ونضحك ونلعب ونستانس ومانحس بالوقت مووووول
تميت فهالمنتدى حول الثلاث الي اربع سنين اشارك فيه لين ييتكم هني
المهم شكلي طولت وااايد فسالفة الم الامارات



من الأشيا يلي أحبها

أكثـر شي أحبه اكـــــــــيد النت ..
وأحب الأفلااااام الهنديه ..
وأعشق الأغاني الهنديه ولو اني مافهم شو يقولون خخخ
أمووووووت فشي اسمه موووكا فرابتشينوووو
أحب الهياااته
أحب السواااالف والضحك ..
أحب استهبل
أحب التصمـــيم
أحب الدفاااشه

أحب أكثـر الاوقااات أيلسها اروحي وبهدووووووء فظيــــــــــع ..

وشي اشيا كثيـره أحبها ومع الوقت بتعرفونها ان شا الله



 

صفات مب حلوه فدروب العنا

متهـــوره ..
بسرعه احكم على أي شي ..
بسرعه اتنرفز ..
عقد ماحب السوالف والضحك إلا اني اميل للكآبه على قولتهم
اللي فقلبي على لساني
صريحه فكل المواقف < يوم اعصب على شخص واكون شاله فخاطريه منه عادي بدون ماحس اجرحه
مـزاجيه < بس مب دوم هع
كل شي فخاطريه يكون مرسوم وواضح عتقاااسيم ويهي
ماروم اكتم أي شي فخاطريه ..





 

اليوم ما ستوى شي يديد
غيــر اني ميــــــــــــــــــــــــــــــــــــته من التعب
البارحه ماقدرت ارقد
طول الليل ونا أون =(
اذوووني رايحه فخرايط امها ..< احس بمعلايه ادق فيها من البارحه هععععععععع هااااااااااااااع
لا صدق وااااااايد تعورني ..
واليوم داومت ع الساعه وحده
وتوني من شوي راده البيــت ..
وباجر علي كويز ماث صعـــــــــــــــــــــب
ومش فاهمه عدل
الله يســــتر
دعواااااااتكم ..

 

2-ديسمبر-2007

هاليــــــــوم كان خياااالي ..
كل الامارات تحتفل ..
وكلٍ يحتفل بطريقته ..

وغيـــر المسيـــرات والحفلات والأمسيااات

يعني وناسه * وناسه
وهذي مواضيعي بمناسبة عيــد الاتحاااد

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]


بــــــ ــــس للاســ ــــف
شي سوااالف استوت تكـــدر الخاطر
يعني الواحد حلووو يستااانس .. بس شووو
البعض يمصخهاااااااااااااااااااااااااااا يمصخهاااااااااااااااا
يعني السوالف اللي سمعناها عن سوااايا بعض الشباب والبنات

والله عيـــــــــــــب
ومب بس عيـــــــــــــــب
تراه حرااااااااااام

والله الواحد يخااااف .. يعني من كثر المصاخه اللي استوت فالمسيره .. خافووو بعض الناس انه تنخسف فيـــهم الأرض

ولا حلاتهم شبابنا ..
كل واحد مستأجرله وحده ويتخقق بها
تتحرونا مانعرفكم
الله يهديـــــــــــــهم بصراحه ..


يعني شوفوني انا استااانس حليلي واخترررررررررش بس بيني وبين اهليه مب لازم العالم كلها تشوفني < الله والنصيحه خخخخ

 

اليوم دامت < حلفي انتي خخخ ..

وع الاساس عندنا برزنتيشن عربي ..
والحمدلله الله ستر عليــــنا واجلها ليوم السبت

ولا الحبيبة سارت عند سير العربي تتشكاله عن حالتها خخخ
اقوله سيــر دخيييييييلك واللي يرحم والديك انا انسانه اخااااااف .. ماقدر اشرح ..
بس عندي حــل
تم يطالعني قالي وان شاء الله اقدر اساعدج ..
انا شقيــــت الحلج
قلتله لا لا ان شاء الله بتتعاون وياي ..
قلتله شرايك استاااذ اشرح ونا يالسه فمكاني والله لقوووووووول كل شي فخاطريه وبشرح احلى شرح
خزنـــي بعين وتم يضضضضضحك علي ..
ونا دورلي تم يخبر ربيعه ويضحكون علي ..
ونا خلاااااااااص ويهي احترق

شليت عمري وظهرت من الاوفسااات ..

وسرت للمبنى اليديد واشتريتلي موكااااااا يبرد على فواااااااااااادي
وعقبها رديت للبيت

وووووووو
بس

هذا كل يلي عندي اليوم
اللي فخاطريه واااااايد .. بس مافيــــه اقوووله ..
لاني بمصخها خخخخ
يالله اشوووفكم على خيـــــــر ...



 

المـــــود 0/10

اليوم الضيــــــقه ملازمتني مادري ليش

الله يســتر بس ..


وحاولت اني اصمم بس للاسف

يالله ماعليــه

الله كريــم ..



أعاتب نفسي على كثر تقصيري وأنا ادري أنه الناس تعاتبني
يمكن كثر الاشغال خذت عقلي وتفكيري بس قلبي ما نسى من هم
اقــــــــــــرب اصحابي

 

مــــحد مرتااح فهالدنيا ..
ومحد فينا عايش بلا هموم ..
وكلن يقول زوود الهم عندي ..

بس لو شفنا مصااايب وهموم غيرنا هانت علينا همومنا ..
اليوم الكل متضاايق ..

أبا اساعد .. أبا اهون عليــهم ..
بـ ـــــــــــ ـــ ــــــــــــــــس ..

.................................................. ....!!

الحمدلله على كــل حااال ..


وترى ماشي فهالدنيا ما ينصاااح عليــه ..
كل شي لو بنفكر فيه .. بنلقى اكثــره ضيق وهم ونكد وشقى ..

بس العـــــاقل .. و اللي يبى يريح عمــره ..
لو بتييـــــه اكبر مصيبه ..
بيستقبلها بأحلى ابتساامه ..
وبقول الحمــــــــــــــــــــدلله ..

وياحظه الشخص .. بعيـــش مرتااح وسعيد طول حياااته
< فديـــت يلي كان يقولي هالرمسه



بس طبعاً انا مش من هالنوع
وان شاء الله نقدر نتغلب على كل مشااكلنا وهمومنا ونعيش احلى عيشه


يالله أبا اشووووف الكــــــــــــــــل مستااااااااااانس وشاااااااااااااااااق الحلج
< بدى خبااالها لووووووووول



اشوفكم على خيــر