عليج السلام ورحمه الله وبركاته الغاليه ،،



سلامتها وما تشوف شر ان شاء الله ،،

بالنسبه لزياده افراز الغدة الدرقيه hyperthyroidism يعود غالبا الى حاله مرضيه اسمها Graves disease

بس بسألج الغاليه هل لاحظت تضخم في الغده الدرقيه او لا؟؟
في بعض الحالات يمكن ملاحظة التضخم وحالات اخرى لا ،،

وهذا الشي يحصل من خلال الجهاز المناعي ،، يعني أجسام مضاده فالجسم ،،
ويمكن يكون سبب اخر من الاسباب بس هذا السبب الشائع واكيد الدكاترة شخصوا السبب الرئيسي لها

المهم الغاليه هي يمكن تتعب نفسيتها من هالشي ،، ومثل ما قلتي تفقد وزن مع انها تاكل وبعد واعراض ثانيه تحس فيها بعد مثل اضطرابات معويه ،، ارهاق وتعب ،، تغيرات في الدوريه الشهريه بحيث انها يمكن تغيب او يمكن تكون خفيفه جدا ،، واعراض ثانيه ،،




بالنسبه للعلاج الغاليه في طرق حديثه مثل استخدام اليود المشع ويفيد جدا بس في ناس عقب هذا العلاج يمكن يعانون من قله افراز هرمون الغده الدرقيه ويضطرون لأخذ حبوب thyroid hormone لتعويض النقص

في مرضى يعانون من زياده نبضات في القلب واعراض في القلب فيضطرون ياخذون ادويه يسمونها ب B-blokers
لتخفيف عرض النبضات الزايده او غيره لكن لايعتبر علاج


وفي حبوب اللي اتوقع انه عطوها لربيعتج اللي هيه عباره عن anti-thyroid تستخدم غالبا في حاله زياده الهرمون لمنع افرازه ،، بس في حال ايقاف الدواء ترجع الحاله من اول ويديد ،،


هذا بالنسبه للعلاج عن طريق ادويه او اشعاعات



احيانا يسوون عمليه جراحيه لازاله جزء بسيط من الغده في هذا الحال اقل عدد من الخلايا بيفرزون الهرمون








هذه بعض الحلول وحاولت اعطيج ملخص ،،

انصحها باستخدام اليود المشع بس طبعا بعد ما تسأل عنها عدل وتستفسر عدل وخلها تستخير بين هالشي وبين العمليه الجراحيه

وفي حال اختارت اي شي من الحلين خلها تختار مكان اوكيه ودكاترة مختصين لانه مب اي حد بيقدر يسوي هالاشيا الاغلبيه يسافرون ويسوونها برع




الله يشفيها ويعافيها يارب


اي استفسار اخر انا حاضرة وان شاء الله اكون فدتج بشي لو بسيط

 

هي عطوها NeoMercazole 5

وحبوب ورديه صغيره حق نبضات القلب بس ماعرف اسمها

وهي عندها تضخم يعني اللي بيحط باله بيحس

والدكتور قال لها بعمرج وايد تصير وان شاء الله بتخف وبتوقفين العلاج

بس هي ماحست انها خفت ابد

وهي خايفه يزيد الموضوع ولاتنسين سالفة البهاق بعد تراها من الغده

ومشكوره الغاليه وماقصرتي

 

غرنوجة الغربيه : افتريت فالمواقع الين لقيت هالعلاج في موقع طبيب دوت كوم... ان شاء الله يفيدها

أثبت الطب البديل قدرته على علاج البهاق وإليكم عددآ من خيارات العلاج البديلة:

- يفيد شرب مغلي ملعقة صغيرة من حبة البركة يوميآ في زيادة جهاز المناعة ومقاومة المرض.
- المس بزيت البرجاموت ثم التعرض لأشعة الشمس.
- خلط بعض النوشادر بعسل النحل خلطآ جيدآ ويدهن مكان الإصابة به.
- يمزج عصير البصل مع قليل من الخل ويدهن بالمزيد خمس مرات يوميآ ولمدة 3 شهور.
- يغلى بعض فصوص الثوم المفروم جيدآ مع قليل من النشادر ويبترك ليبرد ثم يدهن بالمزيج مكلن الإصابة بالبهاق.
- تمزج ملعقة صغيرة من ماء الورد مع كوب من الماء ويؤخذ خلال النهار.
- تغلى بعض أوراق الغار في الماء ويطلى به موضع الإصابة.
- تسحق وتمزج أزهار النرجس ببعض الخل ويطلى بها البهاق.
- يفيد دهن البان ايضآ في إزالة البهاق والكلف والنمش ايضآ.
- يمكن علاج البهاق الأسود بعصير الجرجير حيث يطلى موضع الإصابة بعصيره.
- وللبهاق الأسود والأبيض يمكن إستخدام بذور الخطمي ( الختمية) حيث تسحق البذور جيدآ وتمزج بالخل ويطلى البهاق، ثم يعرض المريض جسمه لاشعة الشمس.

المصدر :
[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

 

ادري الغاليه ترى قالولها السبب في خلل الهرمون احيانا تستوي علامات ثانيه في الجلد بعد في حال اعتدل الوضع ان شاء الله انه بيروح بس جربت تراجع عند كذا دكتور ،،


ان شاء الله بتخف بس خلها تراجع بعد مرة وشرى ما قلت لج خلها تستفسر عن اليود المشع في حال اذا مرت فترة طويله على علاجها بالدواء وما قدرت تكمله في حاله مرضيه شفتها وحده كانت تعاني من الزياده في الهرمون وتعالجت باليود المشع بس المكان اللي تعالجت فيه ماكان اوكيه وسببلها نقص في الهرمون ولازم تاخذ حبوب الهرمون للابد عسبت جيه خلها تستفسر عدل عن هالموضوع او حتى عن العمليه الجراحيه

ويعتمد على مدى زياده الهرمون يمكن ما يكون يفرز بزياده كبيره عنها والتحاليل تبين هالشي ان شاء الله انه كل شي بيكون اوكيه


وشرى ما قلتلج الدواء NeoMercazole 5 يعتبر مضاد لهرمون الغده الدرقيه anti-thyroid

وترى النفسيه تلعب دور خلها تكون ريلاكس وتتوكل على الله وان شاء الله انها بتخف ،، لازم اللي حواليها يساعدونها وايد ويخففون عنها

الله يشفيها ويعافيها طمنيني عليها :)

 

مشكوره اختي الغاليه عـ المعلومات

يعني من كلامج ان العلاج اللي تستخدمه ماله نتيجه سريعه

انزين ممكن اذا حد يعرف دكتور خبير في الغدد الصماء في الامارات

يعطيني عنوان المستشفى اللي فيها

وربي يعطيج العافيه

 

يعتمد الغاليه على نسبة الافراز وهذي الاشيا تظهر فالتحاليل

وأهم نقطه فالعلاج انه المريض يحط فباله هذا علاجي وانا مقتنعه بالدوا الللي اخذه

وان شاء الله بستفسرلج وبرد عليج خبر اذا عرفت

السموحه منج الغاليه والله يعافيها يارب

 

ربي يشفيها

 

مرحبا الغالية الله يشفي ربيعتج
ويعافيها
اختي علاج الغدة المواضبه على العلاج
بانتظااام وعدم ترك الدواء ولو ليوم

لان الغدة الدرقية هي اساس الجسم
اذا صابها خلل ضعف الجسم
لذلك لاتترك الدواء ...وتاخذه بانتظام

اما البهااااق ...
علاجه عند الدكاتره ....
وياريت كنت دكتورة جااان فدتها

اهم مافي الامر انها تسمع كلام الدكتور
وتعالج من جهة واااحده
ماتتعالج من عدة اماكن ولعدة ادوية

وفي الاخير الشافي هو الله ....وحده
تدعوا الله ....ان يعافيها

وانا اسال الله ان يشفيها ويسر امورها
ويسعدها .....ويخفف من مرضها

اللهم آآآآآآآآآآآآآآآآآآآآآآآآآمين

اختج
بذورالعطاء

 

السلام وعليكم


رد علمي ماعندي :)

بس رد أكيد موجود أن شاء الله بمصر لها دكتور وشاطر لو تبون عنوانه أنا حاضر ولد أختي حاشه هالبهاق وودوه مصر وتعالج منه وخف بفضل من الله لو تبون عنوانه بسعى ووفره لكم


عامتا ربي يشفيها أن شاء الله وترى علاجه أن شاء الله متوفر


تقبلي مروري