السلامـ عليكمـ ورحمة الله وبركاته

:

كتبت الكمـ قصايد الشاعر محمد بن حماد الكعبي فاللقاء الاول من أوراق شعريه ..


لكن السمووحه قبل كل شي لانه في بعض الكلمات ما قدرت اميزها
لانه الصوت مب واضح وايد وخليت مكانها فراغ ....
عشان جي السموحه من شاعرنا قبل الجميع ..
واللي يعرف الناقص يخبرني عشان اعدلهن

:



للحسن صوره
:
للحسن صوره صاغها خالقك فيك ... كملك ربك واكتملت بجمالك
نادتني عيونك وأنا كيف ما أييك ... لا والله الا اييك واطلب وصالك
وتقول أنا أخليك !والله ما اخليك ... اطلب نظر عيني وانا اقول يالك
لو بعتني شاريك شاريك شاريك ... شاريك شاريك وحياتي فدالك
وبروح عنك الحين ما ودي ألهيك ... خايف وجودي لا يضيق مجالك
لكن على اقرب فرصه مصمم اجيك ... ما عاد فيني للصبر والتمالك
وابا اتصلك ودي اني احاكيك ... شفني من اللهفه شفوق ن هالك
ودي و ودي ودي اني الاقيك .... انشغالي فيك طاقة انشغالك
وودي وودي ودي ودي اسقيك .... واشربك واروى من منابع زلالك
من حيث ممشى خطوتي مع خطاويك ... ما دام قلبي بالغرام انتحالك
كني تحت امرك امبرمج تماتيك ... ما اسمع سواك ولا اناظر سوالك
واحلى الصبايا لو يصفن حواليك .... ما شفت فيهن لي يعوض بدالك
هذيك مع هذي وهذي وهذيك .... عن شوفهن اقنع بشوفة خيالك
ياللي لك اوصافن فعيني تحليك.... في شفهن حياتي ابيعها لك
جمرك ولوحاول يغطي لاهاليك .... اذا ابتسمت اتشوف فيهن تهالك
والورد يا تغذيه يا الورد يغذيك .... شفته على الوجنه عبدك وصفالك
والود ودي ما تغطيه بايديك .... اغار من يدك ولو هي حلالك
لبيك من راسك لموطاك لبيك .... آمر وكلي طاعة ن فامتثالك
خذني معك مثل أي حاجه تسليك .... وادرجني بلستت قوايمك اعمالك
وعلى اسلوب الود الله محييك .... لي قلب لو ما شالتك الارض شالك
:


يا كبر ظلمك
:
يا كبر ظلمك وجرحي منك يا كبره ... الله يسامحك ما ضنيت تظلمني
لا تعتذر ما بقى لصوت العذر نبره ... خلك فحالك وخل الجرح يالمني
اخطيت لكن كسبت من الخطا عبره ... كثر الصراحه خطا والوقت علمني
لا هي من قلت التصريف والخبره .... ما غير طبع التسامح فيك ساهمني
انا على الطيب كفي طايل ن شبره ... واسلوب الاجواد مع الاجواد يحكمني
وطبعي احب النقاوه واكره الغبره .... اخاف لا مات كل من عبد يشتمني
يا صاحبي لا تحط السلك بالابره .... الوم نفسي قبل انك تلومني
تدري بقلبي وغيرك ما ترببره.... وراك دوم اتهام السو تاهمني
يالله يا كبرها في صدري العبره ... لا الوقت يرحم ولا انته بعد ترحمني
والصبر حد ونفذ من خافقي صبره... مغنم الشك بي والا تغانمني
كتبت لك لين جف من القلم حبره .............................

:


يا عازف القيثار
:
يا عازف القيثار سمعني الحان ... دن دن عليك الله بحلو التلاحين
فيني طرب والراس والكيف نشوان ... ودي ولو اكتب من الشعر بيتين
عقب الركود وعقب تشويش الاذهان ... اليوم زانت لي طروب القيافين
وطاب القصيد وزان به و الشعر زان ... على القدا على القدا يالله اتعين
عن كل قول ن فيه ذنب ن وعصيان ... انا غويتك يا اله المسلمين
عايش ولا دورت رحمه من انسان ... الا انت اسالك عطف رحمتك الحين
متغاني وجيبي من الكاد عمران .... وعندي الخير يفوق عشرة ملايين
لكن ملاييني مداخير سبقان ... عزوة شرف واصحاب طوله كريمين
اهل الجمايل والفخر و اهل الاحسان ... النادرين اللي مثلهم قليلين
افعالهم القابها روح شجعان ... واشوف بارآهم براسة حكيمين
واحوابهم عزمي على جور الابهان... جراب لعن كاني لعينين
ما هن ملايين بقلوس ونيطان ... قناعتي كنزي وكل الملايين
الحمدلله موطني خير الاوطان ... بالسمعه الغفره وبالعلم والدين
دار ن غلاها يسكن بكل وجدان ... وابها نماري فوق كل البلاديين
انا وكل من فالامارات سكان ... للوطن واللي من بعيد لافين
في خير وتدبير ونجاح مصان .... على الكرامه في كنفها منعمين
في ظل حكام ن على الروس تيجان .... ساداتنا من طيب ولا لهم اندين
ولا انكن الهم سوى كل عرفان .... وعرفان فرقابنا يشبه الدين
اذا كتبنا فيهم الشعر يزدان .... ويلوق في حضرتهم المدح ويزين
والشعر تحفة راس بابداع فنان ... كل ن وله ذوقه ونظره وتكوين
لا يقدر الشاعر بشعر ن وقيفان ... يقدر مبرهن كلامه براهين
حدن سمعته قلت ما غيره فلان ... واذا تبعته بسالفه بعينك يشين
مستصغر العالم وبالطيش عميان ... اهو يلعن قوله وقوله عنه وين
ناقص يركب له من الكبر جنحان ... مطاول ن راسه بروس السلاطين
حدن ثقيل اوزان وبالزمن شان .... وعمر الكرامه ما تسرب مع الطين
يعز نفسه بالشرف وين ما كان ..... ويعز من كانوا شراته وفيين
والبعد واضح بين الاثنين شتان .... بعد السما والارض مابين الاثنين
والشعر توضيفه كما السيف سنان .... اذا تقص يساره ويقطع يمين
اذا تمشيه بعيارن وميزان .... ترجح وزونه في قبول الفهيمين
لا تقولها مرة عبث غلطة لسان ... غلطة الشاطر تنحسب بالف والفين
اعلن واقول علوم الا بخلان ... يا رب تقديني على لبس الخير بالزين
وماحد بكوسه تقديه حقران.... ولا اتحمل شوف عين بطرف عين
وان قلت انا ضميان ماني بضميان ... الا على مورد وصال المحبيين
برسل لي اشواقي اللي فالقلب طوفان ... وعلى رغم البعاد غاليين غاليين
لي لهم فالجاش مدهل وبنيان ... وودادهم يجري بدم الشرايين
تشكهم نكراني هموم واحزان .... وتعشقني الافراح عشقة مجانين





جيت في بالي
:
جيت في بالي وقلت اكلمك ... قلت ابا اسأل عنك دامك ما تسال
اخذ علومك وقلت اعلمك.... كان حرم الشوف ما حرم السؤال
انا ما جيتك عشان أظلمك ... انته ظالم صح ما فيها جدال
ما سألت فيوم قلت يسلمك .... وانا اقول يسلمك في كل حال
ليت لي ألم خفوقي ألمك ... انت مالضيجات في عز ودلال
انت مدام الظروف تولمك ... ليش تتعذر لي بضيق المجال
ودي اعرف وش نهاية سلمك ... قبل شمس الود تنحي ل لزوال
الوصل حلمي وحلمي أحلمك ....وش حلاة الود من دون الوصال !




وين يا راحي
:
وين يا راحي من اتعابي ... يا هنا روحي ومحبوبي
بعدك همومي تخلابي.... وخافقي من الحره يذوبي
ان غضيت النوم ما طابي... وان صحيت الناس حسوبي
صوبك اشواقي تنحابي ... وبوصلك لو طالت دروبي
ما حدن غيرك خذ اعجابي... في حياتي انت مطلوبي
اترك شكوكي وقرابي... لو عذلوني عنك ما توبي
ذابحني ردفك النابي.... ان قفيت وتمشي بدوبي
وان قبلت اضيع حسابي.... كن نور الصبح يى صوبي
في شفاتك ورد عنابي... سكرتي منهن ومشروبي
يا عذابي بلبل عذابي.... عشقتي لو كثرت ذنوبي




آه من وقت ن طواني
:
آه من وقت ن طواني وانطويت ... غصب عني حطني في زاويه
ابغي اسلوبه ولكن ما قويت ... قدني مشرف لبطن الهاويه
ما قتلني الوقت لكن لو حيت ... نشوتي ماتت وروحي ذاويه
منقهر والقهر كانك ما دريت ... يعتبر ................. الكاويه
من جحود الصاحب اللي له وفيت... ومن حيله مش له قلت لاويه
ومن عيون الحقد والكره المميت ... ومن نجاحات الفروض الطاويه
ومن حماقات الكبر من غير صيت .... ومن غوايات الدعايه الغاويه
ومن الاسم والبهرجه الما تشيت ... ومن سخافات المخوخ الغاويه
ومن خريط ن عفته وعنه قفيت ... تارك الاصوات خلفي داويه
لاني ان عزمت ع الدرب مشيت ... ما تروعني الذياب العاويه
اقدر انسفهم نساف الدانميت .... لكن الفطره فعقلي راويه
ان رخوا شديت وان شدوا رخيت .... بيننا مثل شعرة نعاويه
لين ما اخلص واسوي كومبليت ....واعرف بعض النفوس وش ناويه
لو كتبت من الشعر ميتين بيت ... علة افكاري ما هي بالداويه
ما يقاويني الى مني عييت ... غير شوفه والويوه الغاويه
مهرة ولاجلها يعكس وروميت .... يعلني فدوة وجنها الغاويه



:

و صح لسانك شاعرنا المتميز دائما في عيون الجميع ..