السلام عليكم ورحمة الله وبركاته..
يسعدلــي صباحكـم / مساكـم
شحــالكــم عســآكم بخــيــر ..؟!
يديدي فعالم التصوير بعد انقطاع فتره .. 
//
الأمسية الشعرية الكبرى ..
برعاية ., الشيخ حمدان بن محمد بن راشد آل مكتوم ..
*الشعراء :
๑ الشيخ أحمد بن محمد بن راشد آل مكتوم
๑ الشيخ ناصر بن حمد بن عيسى آل خليفة

تحية يا بلاد الخير واهل العز واهل الجود
تحية من صميم القلب والاشعار نهديها
بريح المسك والجوري وريحان ودهن العود
قصايد في معانيها تحليني ..واحليها
تحية من يحب وحبّه الطاغي بدون حدود
بأشواقه يصبّحها..بأشواقة يمسّيها
صباح العز يا ديره تقفاها القلوب السود
صباحٍ كل ما يصبح قرن إسمه بطاريها
صباح العز يا ديرة جدودي والمقام العود
وراية ظلّها (المكتوم) من يقدر يوطّيها
تمايل غصن قلبي كل ماهبَت عليه النود
أحس الحب فيها ثم .. يتوزع حواليها
كأن ابراجها عنقود يتنافس مع عنقود
من اجمل لا..من اطول لا ..من يداعب شواطيها
(دبي) الفاتنة وْرث الجدود ولافح البارود
يا كم طارش تمنى شوفها وتقبيل يديها
تسابق دورة الايام لا صعب ولا محدود
مع ركب الحضارة عمّ حاضرها وماضيها
ولا قبله ولا بعده ولا غيره أبد موجود
(مـحـمـد) واحمد الله عزهـا وارسى مبانيها
هو الفارس هو الشاعر هو الشامخ هو المحسود
هو اللي لا بغى حاج يمشيها ..يمشيها
عطاه الله عزم وجزم وافكار وهدف مصيود
وشخصية يالين الحين مانعرف خوافيها
๑ الشيخ أحمد بن محمد آل مكتوم..
بلغ الطيار يقلع من مطاره
والعذر مرفوض لا قال اعتذاره
دام حنّا اهل الأوامر لا ومـرنا
حسب اوامرنا نحدد له مساره
ما خلقنا الا لتصدير الاوامر
والاوامر كلّها رهن الاشاره
لين ناصل لديار اللي نبيها
منوة اللي مولع بحب الصقاره
يوم جيناها والاشواق تحدانا
للطيور للهداد وللإثاره
اجتمعنا بين عجل وبين ريض
وكل واحد من يمينه لا يساره
يلتفت ويقوم يا بعد المعشّى
ويطبخ راسه سعاطير ونعاره
ما حلا وقت الهدد في الروض الاخضر
لا اكتسى عشبه وبيّن لك خضاره
مانشوف الاّ حرارٍ في سماها
ماخذيناها سلف وإلاّ اعاره
فعلها فعل العجايب في زمنّا
كنَها تقدح مثل قدح الشراره
لا تعلَت حوَلت بالخرب كنها
تنتخينا نلحق الغاره بالغاره
๑ الشيخ ناصر بن حمد آل خليفة
//
همسه : غيرك بقلبي ما سكن شخص ثاني ولا رام قلبي في غيابك يخونك