خلان يشاكي مشرفين قسم الشعر

برتبة معالي · 27 Apr 2008, 06:03 PM

اليوم كتبتلكم قصيده بس ان شاء الله شعارنا الكبار مايزعلون
سوالف..........

[وش صار يا خلان وش صار= اسبوع مر ولاحد اييلوف
وين الجماعه وين الاخيار=اهل المعاني وطيب موصوف=
اختص منهم ناس شعار = عنا ابعدو لو اخفو الشوف
بو غنيم اول ألكم اذكار=ومن دونكم خلان مكسوف
تبرز وتاخذ علم واخبار = جف القلم وتناقص الشوف
وللشوق ايضا شاعر اخيار = بغيابهم القلب به خوف
وين الكتايب وين الاشعار= جزل المعاني وخط معروف
وشلون يابو سعيد وش صار =خلان له الحق بالشوف
والخيل كنه غادر الدار = والشعر عقبه صابه اعزوف
قسم الشعر دخان وغبار = وخلان يبكي الليل بحسوف
هذا قسمنا طالب الثار= وظل القمر اقوله رووف
واطلب عذركم ف عدالاشعار= ابيات مرة وخاطفه اخطوف

السموحه محمد الكعبي

Emaratee · 28 Apr 2008, 01:02 AM

يا مرحبا اعداد لمطار = واعداد هم ٍ بات مرضوف
واعداد ما شبيت من نار = نار ٍ حميمة تحرق اليوف
بوجسيم ياك الخط مدرار = على ثنية بنت معروف
يلي افندوها بين لبكار = مرت عليهن لحظة وقوف
لكن قصيدك اهيج افكار = وهذا ردي ياك واتشوف
الشعر يا بو جسيم ابحار = ولا بد موجة قاسي وعوف
يا صاحبي الوقت دوار = ولاحد فاضي لصف لحروف
نبغي اشعرانا الناس لكبار = يالي شعرهم يأرث الخوف

شاعـ الشووق ـر · 29 Apr 2008, 11:47 PM

داخل خفوقي ولّـعت نار=واقسم عليه شعري آطوف
واقف على الاقسام محتار=أرقب وعيني بعبره اتشوف
مثل الذي في عينه اغبار=واقف وسط عيّه وعاصوف
من زود ما به حاله انهار= يوقف ولا يقدر عـ لوقوف
لكن جيت اجلال واكبار=وللي سألنا واجب انلوف
بوصله لو في وسط الأخطار=لو حال دونه جمر وسيوف
اللي شراني بقصد واختار= العمر له بالكاش مصروف
وصلك لنا بو جسيم مقدار=وبالطيب ياذا الشهم محفوف
وان غبت عنكم,,حكم الأقدار=والوقت له ميلات وصروف
والشعر دون اضروف ماصار=ايسير عالموقف والوصوف
كالطايره من دون طيّار=ماتعتلي في الجو وتطوف
وسلام لك يانسل الأخيار= بأعداد من عالكعبه ايطوف

ظل القمر · 30 Apr 2008, 05:17 PM

السلام عليكم ورحمة الله وبركاته

صح لسانكم .. والله لاهانكم ..

ماريد اقطع هذي المحاورة الرائعه واتمنى انها تستمر

ولكن لازم نمر ونشكركم على هذي الدرر

غزر النعيم · 30 Apr 2008, 10:09 PM

السلام عليكم ورحمة الله وبركاته.,

سلآآآمي عليكم .,

تحـــيه خآآصه لكـــم .,

مافيكم حيله .,

صح الله لسانكم .,

ولآهآآآن منطووقكم .,

استمروا ووووالله يوفقكم .,

•₪••فخر الشحوحـ••₪• · 23 Jun 2008, 01:01 AM

صح لسانكـ وربي لاهانكـ

يسلمووووووووو؟...............؟

الخيل · 07 Nov 2008, 11:34 AM

محمد

صح الله لسانك على هالنظم الطيب
والعتب الصادق
فعلا القسم محتاي لشيوخه ومسؤوليه

تمنياتي لك بالتوفيق وهمتكم معانا

الخيل

بذورالعطاء · 07 Nov 2008, 11:57 AM

برتبة معالي

\
/

القسم ينور بكم ....وبجميع الشعراء

يعطيك ربي الف عافية على الابيات

صح السانك شاعرنا

القصيدة تكتمل بإكتمال الوصول إلى مايريده الشاعر

قصيده رائعه تخلو من الحشو وتتميز بعذوبة الكلمات

ثق أنك لست وحدك مادام الإبداع يلازمك

تقبل مروري

أختك بذورالعطاء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أعشـآب عآلج بهـآ النبي ~صلى " الله " عليه وسلـم~ إنقآص الوزن + البشرهـ + الشعر }-----	شاعرة ظبيانية	عيادة خلان الطبية	20	19 Apr 2008 03:28 AM
Soon خلان	ظل القمر	[مركز خدمات الاعضاء]	53	11 Oct 2007 08:02 PM
.+. إلا صلاتــــــــي.+.	شاعرة ظبيانية	المنتديات الاسلامية	45	19 Dec 2005 08:00 PM
:: + في ظيافتنا ( منو تتوقعون هالمرة ؟؟) + ::	شوق البحر	مجلس الحوار و النقاشات العامة	25	24 May 2005 03:10 PM

الذين يشاهدون محتوى الموضوع الآن : 1 ( الأعضاء 0 والزوار 1)

(View-All) الاعضاء الذين شاهدوا الموضوع : 7
أحمد خليفه بن مترف, الخيل, العيار, النورس, بذورالعطاء, بكيت, عيناويــة للأبد