السلام عليكم ورحمة الله..
جميل أن يكون الإنسان طموحا متفائل..ويعشق التحدي.. ويصبر ويصل..
قبل سنه تقريبا..
قال متفائلاً:
يا حلات الروح لما تفرش بساط الحياه....ترعش الفكر المعنى في غياهب مدمعك
راجع لداري وبيتي وقلبي راجع لها هواه....راجع لدارك حبيبي بقلب ياما أدمعك
فقالوا له:
شفت زارع كان يغرس لكن بليا مياه....وسط صحرا يوم خلص قال وش ثمري معك
جا شرات المنتحر يطلب م الخالق رضاه....ما حد إن تفهم عزيزي جاك بيده قطعك.
والآن وبعد سنه..تحقق ما أراد..
فالعيار يقول:
حط خط وشد ومد بيت ينــــــطح ألف بيـــــت
كيل وشيل وهد حيل و ارقب اللي مقبلات
عد و رد وشوف رد بــعد ما أقــول انتــــــهيت
ضم وجر وجزم وكسر وافتح اللي مجــــزلات
هي طلاسم شعر لكن إنقرت قمـــــت وأجــــيت
حضّروني من سحر الأشعار وجيت ب فاعلات
لو إرتفع رتم العـــــياره إعــــرف إني إرتكيت
أنقش الشــــعر المقفى وأنفث بصدره الحــــياة
للـ " رويس " اللي يظن إنه على قمة حفيت
ويش حفيت اللي وطوه الناس وأكثرهم حفاة
قصـــدي يعني التــــكبر صغّرك مهما عليت
وقصدي صبرك والتفاؤل أنقذك م المــهلكات
إسأل ثمــار الزراعه في بــيد ليوا وإلا ظيت
وإسأل السمحه علام إرمال أرضج منبتات
الــــعزوم اللي تراودني إذا مـــاني لهيت
والهـــمم اللي تفجرني وأبا أرقى المنزلات
والتواضـــع جــــدموه على أصول الإتكيت
والخلق السمح مبدأ والتزم ذيك الصـــــفات
وانهي دربك لو مشيته..ليش توقف لو مشيت.؟
الحثــــــاله يا كثرهم بين جــــــنبات المشات
شاعر ن ما همني أن يكون الشعر صيت
من وزنت البيت واخذ بيد ياللي هم بدات
يا كثرهم من عدوني لكن إني ما اعتديت
ويا كثر أهل السهام من على جبل الرماة
صدر بيتي فيه قلب وحب لا مني انتشيت
وعجــــزه غلّفته بعياره للثغور المبسمات
عيب أقذف محصنات ن ذي فلانه كيت وكيت
الحيا يطري علي وعيب أوصف ها البنات
والكريم اللي إذا يظمى ما يصرخ ظميت
وانت أعّلمك الظما ولو على شط الفرات
جيت بأبكار المعاني ومن معانيها حييت
وإلا عيب أرقى قصيد ن تحت إسم المهزلات
هي طلاسم شعر لكن حُضَِّرَتْ قمت وأجيت
ضم وجر وجزم وكسر وفتح للي مجزلات
حط خـــط شد مد وبيت ينـــــطح ألف بيت
إرتكى العيار وجاب الشعر وبحر الفاعلات
تحيـــــــاتي للجميع..
_____________________
العـــــــيار
29 Apr 2008, 12:43 AM
طـــلاسم شـــعر...
(View-All)
الاعضاء الذين شاهدوا الموضوع : 0
.gif)
العرض العادي
