عدنا .. :)



.. السلام عليكم ورحمة الله وبركاته ..


فالبداية ..

البنت مازالت صغيره .. يعني .. أكيد في فبالها أفكار اما ان تكون ايجابيه او سلبيه .. وهالافكار تأثر ع الانسان بعد اما ايجابا او سلبا ..

نصيحتي للبنت ..

اول شي تيلس يلسه مصارحه مع عمرها ..

تفكر فكل جزء من المشكله اللي هي عايشتنها

وتسأل عمرها كم سؤال وتجاوب عليه ..

مثلا :

1- شو الشي اللي يخليني انا اتمسك فربيعتي جذا وايد ..
2- شو الاشياء الايجابيه اللي صارت بعد ما اتمسك في ربيعتي زياده عن اللازم
3- شو الاشياء السلبيات اللي صارت بعد ما اتمسك في ربيعتي زياده عن اللازم
4- كيف انا احط آمالي وتعلقي بوحده يمكن تروح عني فأي وقت ؟
5- ليش ما احب ربي كثر ما احب هالبنت (هالسؤال الاساسي اللي لازم تسأل نفسها فيه )
6- هل انا مقتنعه بهالتصرف اللي اسويه ؟

بعد ما تسأل عمرها هالاسئلة

بتعرف شو الاشياء الصح .. والاشياء الغلط اللي هي تسويها ..

لازم تتخيل مواقف بتصير بعدين . .

يعني مثلا ان البنت انتقلت مدرسه ثانيه عنها ..

هل انا بتم زعلانه طول عمري .. وبرفض ادور ربيعه غيرها ..

ام اني بحاول اتغلب على كل العقبات اللي يمكن تصير لي فالمستقبل ..

لازم افكر دائما بعقلي وعواطفي .. وما اخلي عواطفي بس هي اللي تتحكم بقراراتي ..

يا اختي ..

انتي تعودتي انه ربيعتج دايما وياج ..

ابدي من باجر انج ما تكونين وياها وايد . .

يعني غيري الروتين اليومي اللي عايشتنه ..

ابدي تعرفي ع ربيعات يداد ..

ابدي غيري فحياتج للاحسن ..

حطي فبالج .. انج بتنسين الماضي ..

وتبدين حياه يديده ..

تبدين تتأقلمين على هالحياه ..

حسي ربيعتج اللي تحبينها .. انج تغيرتي مش مثل قبل ..

وانه الافكار اللي فبالج غيرتيها ..

وصدقيني يا اختي .. بتلقين ربيعتج هي اللي تتقرب منج ..


والسمووووحه ع التأخير ..
والرد البسيط ..

 

باك ..

غاليتي.. كم هي رائعة محبتكِ لصديقتكِ ~

كما تقولين أنها ابتعدت عنكِ لتعلمكِ بأنه لا بد من الفراق, و ربما أيضاً أزعجها كثرة الاهتمام..

عزيزتي.. حاولي أن تتغاضي قليلاً و تتحكمي بنفسكِ أكثر "

إن كنتِ تحبينها عليكِ أن تضحي لأجلها ~

الصداقة ليست اهتمام و محبة فقط .. بل أيضاً عليكِ أن تكوني متغاضية
فلا تعاتبينها على أي أمر.. و لا تكوني متسرعة في تصرفاتكِ "

(لا تجعلي قلبكِ هو القائد , بل فكري بعقلكِ)

فكري بالحياة من جميع جوانبها , تغلبي على عاطفتكِ و قلبكِ ~

هذا ما لدي.. على أمل أن تتخلص أختنا من مشكلتها ..^^

 

السلام عليكم ورحمة الله وبركاته

فترة 13 سنه يعني سن المراهقه
وهذي مشكله بسيطه ..

ولكن الحل لازم يكون فنفس الفتره لا تكبر وتكبر مشكلتها وياها
أول شي تحب صديقتها واايد فوق المعدل الطبيعي
وصفتيه كحبها لاخواتها ولكن حب الاخوات طبيعي مب مثل الوصف الموجود
الحل بالنسبه لي اشوفه يكمن فالحوار :

يعني مواجهة البنت بأسئله تبين لها انه المحبه لاتعطيها الحق أن تتدخل في كل
جزئيه من حياة الشخص الأخر وإلا شي طبيعي بينفر ..

ثاني شي المحبه من الله اوجدها فكل خلقه ولكن حب الله فوق كل حب اخر
وحب الله الحب الوحيد اللي ممكن يكون بالنسبه لنا كل شي ..

حب من هذا النوع لخالق كل من احببتي ولخالقك يقربك له ..
" من تقرب إليّ شبراً تقربت إليه ذراعاً ، ومن تقرّب إليّ ذراعاً تقربت إليه باعاً
، ومن أتاني يمشي أتيته هرولة "

حبي صديقتج ولكن حبيلها الخير حبيها فالله
قال رسول الله صلى الله عليه وسلم
: " إذا أحب الله عبداً نادى جبريل : إني احببت فلاناً فأحبه
فينادي في السماء ثم ينزل له المحبة في أهل الأرض "

بعد كل كلامي هذا قارني وين وصل حبج لصديقتج
ووين أنتي من حبج لربج .. أكيد تحبين ربج
ولكن أعلى مراتب الحب لخالقج
أحب الناس صديقاتي أهلي والكل ولكن حب
احترام , حب الخير لهم وغيره , في المقابل
مااخلي هالحب يسطير علي وعلى غيري
واكون منفره لهم لكل شي حدود ونحن بشر
مهما اعطينا من مفردات وشعرنا بأحاسيس
لنهتم بغيرنا ونحبهم يبقى لي شخصي اللي
مااتركه يتأثر بعوامل تخليه يحب السيطره
ويكون حشري ويتجاوز حدود طبيعته ..

وشكرا لج ع الموضوع ^^

 

عودتكم طيبه خواتي
وتبشر بالخير الطيب
وياهلا باختي صدى الليل
:
:
اترقب البقية

في حفظ الرحمن
[عزيزي الزائر جميع محتويات الموقع التعليمية مجانية ولا تحتاج إلى رسوم خاصة أو تسجيل , لذلك لست مضطراً للتسجيل لدينا ما لم تكن لديك الرغبة في المشاركة بدروسك أو استفساراتك التي لا يمكن تجاهلها ولكن يتوجب عليك التسجيل للمشاهدة الرابطللتسجيل اضغط هنا]

 

السموحه بطيت وآيد س ظروووف

لكن تأكدوآ اني برجع وبرد على الموضوع

اسمحيليه يآبذور

 

شاعرة ظبيانيه
:
ياهلا فيج وبطلتج
مسموحه فديتج
نترياااج
ونترقب حضورج
ومشاركات اكثر من الاعضاء
:
ربي يحفظج
خويتج
بذورالعطاء

 

حلو الواحد يحب اصدقاءه ويعتبرهم شرات اخوانه


بس اليوم حتى الاخوان ما يوقفون مع بعض


فـلا تستغرب موقف ربيعتها


ويمكن ربيعتها تسوي كذي عسب تحسسها ياللي هيه تسويه


التعلق بـ الاخرين شي صعب

ومن الأصعب الابتعاد عن هذي الخصله



عامليها مثل ما تعاملج وحطي حدود لهذي الصداقه



لأن كل شي بحدود



صديقتج تقول انها متضايقه من تصرفاتج واسلوبك


يعني انتي افهمي من كلامها هي تباج تكونين صديقه بس بحدود



يعني لاتناقشينها في امور تخصها



وحاولي قد ماتقدرين تكون العلاقه سطحيه



يمكن هي مع الأيام تحس بـ الفرق وان ما في حد يوقف معاها



ويعاتبها على كل صغيره وكبيره



وتحاول ترد لج شرات قبل


وترجع الميه لمجاريها



والله ولي التوفيق