السلام عليكم ورحمة الله وبركاته
..
كيف حالكم عربنا ,,
عساكم الا بخير واطياب وسهاله ,,
..
بما اني عضو يديد .. وتوني مسجل فالمنتدى
فحبيت اني أشارك بقصيده من قصايدي
..
جد خبرني ربيعي عن منتدى خلان ^^
فقلت شحقه ما أشارك فيه
..
~ { أعشق كتابة الشعر .. بل ان الشعر عشقي ,,
دايم البوح عندي في نزيف .. ما يوقف ولو ضاعت مني الهواجيس } ~
..
جد قلت في بيت من الأبيات :
+امن الشعر جفت كل بحور القوافي . وبحر شعري أبد ما صابه جفاف+
..
..
اتمنى انه قصيدتي تنال اعجابكم
من فتره وانا أريد أشارك بقصيده هنه
وحانت لي الفرصه الآن باني أشارك ..
..
باب الانتقاد مفتوح ,, وباب المجامله مغلق بالسلاسل والحديد
لا تحرموني من آرائكم ..
هالقصيده كانت مشاكاه لواحد من الأصدقاء
وهي بعنوان +[ مشاكاه ] +
وأقول فيها :
يـــارفيق الدرب يـــا خلــي=شوفني من فيض أوجاعي
صــار حالي حـال معتلــي=والقلب يــازيــن مـلتــاعي
مل قلبي امن الحشا ملي=طفرت بــه ونــة أظــلاعــي
زاد بي زوحي وأنا من لي=غيــر هــم ٍ يلـوي ذراعــي
يـا علي الـرمش مـبـتـلـي=والـدمـع فـالعيــن لـمـاعي
مــا لقيت الحـل انــا قلــي=كيف أداري ضيقة أوضاعي
صـار عقلـي عقل مختلـي=يشـري الآها بـلا داعــــي
ضميــة ٍ فيني وانــا أغلـي=مـالشقــا والهــم وزواعـي
آه انــا ونـيـت مــن ذلـــي=والكدر غطـى ولا يـراعــي
حاليه ممحون ومن مثلـي=يشري الطعنات مـابـاعـي
فزعتك يـالخـل أنـا كلـــي=مستصيبن والفكر ضاعـي
شوفني يـا زين أنـا يـلــي=دافننـي الهـم فـالقـاعــي
دمعتـي فـالعيـن تهمـلـي=تنسكـب ثنتين تــبـاعــي
وجنتي عيت وانا حملــي=يمتلي مالهم بلا متاعــي
يـوم ريت الوصف متجلـي=في خفوق الخل ينصاعي
وهـدب عينـه غدت ظلـي=غـرنـي ريـم ٍ وانـا واعـــي
سـاحرنـي لابـس التـلـي=ساكنن فالقلب طماعــي
هدنـي وحدي ومهمـلــي=قلت له ابقى وما طاعــي
ويوم فكري عاتبه جهلـــي=ويوم صيت الحب ماذاعــي
قلت له مسموح بالحلــي=كلمتن منـي لك وداعـــي
شعر : خالد بن عويد الشامسي
16 May 2008, 12:25 AM
{ لابس التلي } .. (( مشاكاه )) .. حياكم
.gif)
