مسابقة.. كل واحد يكتب بيت قصيد والحرف الأخير يكمل فيه ببيت يديد ..

المرزم · 21 Jul 2005, 04:48 AM

اخواني الاعضاء والعضوات الغالين ..

انا طرحت هذي المسابقة وهي عبارة عن ان كل واحد يكتب بيت قصيد والحرف الأخير يكمل فيه لبيت ثاني وجذي ..

اتمنى ان تعجبكم اول شي الفكرة وبعدين المسابقة ولا تحرمونا من ردودكم الحلوة ..

وانا اول شخص ببدأ ..

خلاص ما به لا عتب لا أماسي ....... الباب يوصد واتلملم كراسي .........

شاعرة ظبيانية · 21 Jul 2005, 04:52 AM

يامرحبا بك أخويه ومشكور على هاللعبه الحلوه وان شاءالله بتتثبت ؛؛ كنت بحطها ولكني ترددت

ألف شكر ........

يـا طارد اللي راح خله وملوه

مـا يستقيم الظل لا عوج عوده

ولا يـنفع الـندمان قولة حولاه

جـحر لـدغ يمناك لا لا تعوده

مـد النظر في خلق ربي تمعناه

إلى انتقص من حال حال يزوده

الله جـعل لـلمبتلي داه ودواه

وكـل على عزمات قلبه حدوده

المرزم · 21 Jul 2005, 04:55 AM

مشكورة اختي واتمنى انها تتثبت اذا ما عند الاعضاء اي مانع ..

الشقاوي · 21 Jul 2005, 04:57 AM

هيه ياللي مكلفكن على برقع له=وسعن شذرته ترى عيونه وسيعه
فصلن له حريرن ناعمن ما يمله=حيث بشرت خدوده بالتاثر سريعه

شاعرة ظبيانية · 21 Jul 2005, 04:57 AM

أكيد لامانع بس اتريا علينا شوي

شاعرة ظبيانية · 21 Jul 2005, 04:59 AM

الهـــ

هذي حلات الحب صافين الاثنين "
" كـلن يـبيع الـود لـلي يسومه

ان كـان قالو بالسنه بس عيدين"
" الـيوم ثـالثهم وبـانت رسومه

احـنا فـرحنا وما نسينا المحبين "
" مـا ينسا ربعه من يقضى لزومه

الله يـهني قـلوبهم قـولي آمين "
" والـلي يـلوم العاشق الله يلومه

الشقاوي · 21 Jul 2005, 05:02 AM

هذا وانا مانـي براعـي ملاييـن= فقير وأفقر مـن طبيـب الحجامـا

المرزم · 21 Jul 2005, 05:12 AM

ألا يامرحبا حي بنفيــــــــــــــحه نسيم الشرق لي ياب الجوابي

هلا بللي عرف قاصي النصيحة عريب النسل واجدادن نجابي

الشقاوي · 21 Jul 2005, 05:15 AM

يا هلا واهلن هلا يا هلا واهلن هلا=ولو هلا تكمل على الكل لك ما تكتمل

شاعرة ظبيانية · 21 Jul 2005, 05:19 AM

لــيــتـك بـــزلاتــك عـــلــي تــــروى يـوم ان حـبي لـك من الروح للروح

إن كـــان حــبـل وصـالـنـا مـاتـقوى الله يـعين عـيون سـامر على iالنوح