الجزء التاسع

الصبح الساعه 8 نزلت شيخه و هيه مستانسه اول مادخلت الصاله سلمت على ابوها و امها و سالم ....
شيخه: ابووويه
بوسالم: نعم يابنتى
شيخه: خبر عمى انى موافق
سالم: و لله
ام سالم: انتى متاكده
شيخه: هيه يا امااايه القريب اولى من الغريب و سعيد ولد عمى و بيخاف على اكثر
بوسالم(يهز راسه)
ام سالم: ولله هذى حياتج
سالم: امااايه الدين دين يسر مب عسر
بوسالم: و نعم بالله ياولدى (يطالع شيخه) يعنى انتى موافقه
شيخه: هيه نعم يابوويه مااقدر اقول لا
سالم: ليش؟؟!!
شيخه: سالم .....انا ارتحت بعد ماصليت الاستخاره تجاه سعيد
سالم: لله يوفقج ياربى
ام سالم: مبروك يابنتى
شيخه: لله يبارك فيج يا امااايه
بوسالم: خلونى اتصل بعمج

طلع بوسالم تلفون و دق على اخوووه
بوصالح: السلام عليكم
بوسالم: و عليكم السلام ياخوى شحالك
بوصالح: بخير ربى يسلمك
بوسالم: اشفيك ؟؟!!
بوصالح: شو تبانى اقولك
بوسالم(خايف): شو صار
بوصالح: سعيد يابوووك ما ادرى شوفيه
بوسالم: شوفيه
بوصالح: من قلتله ان بنت يوها ناس شل بعمره و طلع ومارد الا فى عز الفير
بوسالم: يا بوصالح سير بشر ولدك وقوله البنيه حلال عليه
بوصالح(مب مصدق): لا و لله متى هالكلام
بوسالم: البنيه تخيرت بين احمد ربيع فيصل و سعيد و قالت ولد عمى واولى فينى
بوصالح: لله يبشرك بالخير ان شاء لله
بوسالم: ان شاء لله يارب وياك
بوصالح: بسير اقووله عيل
بوسالم: ان شاء لله عيل برايك
بوصالح: مع السلامه

بعد ماسكر بوصالح التلفون شاف بناته ابتسم لهم
مريم: ابوويه شو صار
بوصالح: اخوج سعيد
خلود: شوفيه
بوصالح: بياخذ شيخه بنت عمج
مريم(اطالع اختها): و لله
خلود: يا سلام
مريم: و اخيرا
بوصالح: شووه اخيرا
خلود: تذكر المرحومه يوم تقول حق سعيد هذى لك
بوصالح: هيه و لله خلونى اسير اشوفه
مريم: لالالالالالالالالا (تسحب ابوها الصاله)
بوصالح: شووو خلينى اشووفه
مريم: يوم بيطلع بشره
بوصالح: شورج
خلود: هي يابوويه العقل المدبر والا بلاش
مريم: خس لله عدوج (اطالع ابوها) تريقت
بوصالح: لاه
مريم: ورفجه انك تقوم تتريق
بوصالح: ان شاء لله
خلود: ياسلام بيعرسون اخوانى
بوصالح: ان شاء لله نصيبح اييج
خلود: لالالالالا تريد الفكاك منى
بوصالح: اعنبوووووه من لسان
مريم: يالله تريق ابوويه

قعدوا يتريقون ويسولفون و الفرحه تزيد عندهم عساهم كل يوم اما فى بيت بوسالم الفرحه غير شكل كلهم باركولها و نوره فرحت من قلبها حق اخوها و حق شيخه ....
فيصل: يالله بالبركه
شيخه: عاااااد بس
حمدان: اووونها تستحى
ام سالم: وين هندوه
شيخه: راقده
ام سالم: مينتى (تصرخ)
مينتى: يس ماما
ام سالم: سيرى النخل قطع قب
حمدان: ههههههههههههه حق شوه
ام سالم: بسير حق اختك
شيخه: امااايه برايها
ام سالم: شوفى الساعه كم 12 الظهر لا صلاه و لا عباد شوه من المذهب عندها
فيصل: عيل و ين ابوويه
حمدان: سار مع سالم و عمى بوصالح

::++ يدخل خالد::++

خالد: السلام عليكم
الكل: و عليكم السلام
ام سالم: شفت سعيد اليوم
خالد: ماشفته اليوم واتصلت عليه يا مغلق يا مايرد على
فيصل: ليش ؟؟!!
خالد: شودرانى فيه
حمدان: اماااااااااايه بغنى و لله
ام سالم: غنى عنى ما اخلى

::++ تدخل هندووه ::++

هندوه: السلااااااااااااااااااااااااام عليكووووووووو
الكل: و عليكم السلام
ام سالم: جان كملتى ارقاد
هندوه: انزين يالله برايكم
ام سالم: تعالى عنلات بليسج
هندوه(تقعد عدال امها): ان شاء لله هههههههه
حمدان: باركى حق اختج
خالد: شووو وافقتوا على ربيع فيصل
فيصل: لالالالالا
هندوه: خطبوووووووج
شيخه: بيخطبونى
هندوه: مبروك منج العيال و منه البيزات
ام سالم(تضرب هندوه على ثمها): يالله بقصه هالسان
هندوه: لسااااااااااانى امااايه
ام سالم: بقصه و لله لج
خالد: عيل ؟؟!!
فيصل: سعيد ولد عمى
خالد: اسميه هب هين و لله هالريال
حمدان: قووله مبروك طال عمرك
خالد: ههههههههههه (يطالع شيخه) مبروووك
شيخه(مستحيه): لله يبارك فيك
حمدان: يالله تستحى
ام سالم: حمدان بس (اطالع خالد) شو رايك اخطبلك اسماء و لا عذارى
خالد: مابااااااااااااااااااااااااااااااااااااااااااااااا ا
فيصل: خالد مايباهن
ام سالم: ليش
خالد: انا ما احب افضح حد انزين و انا ما اريدهن
فيصل: اماااايه نحن مانباهن و خلاص لا تفكرين فيهن
ام سالم: ان شاء لله و امرى لله
هندوه: مبروووك عقبالى
فيصل: ههههههههههههههههه
هندوه: انته ليش تضحك
فيصل: اضحك عليج ولله ما اتوقع وحده ملغوثه على العرس شراتج
هندوه: كيفى
حمدان: انا بعرس و بيب عيال و بصير يد و احفادى عدالى وانتى بعدج ماعرستى ههههههههههههه
ام سالم: لله لا قال شو ابابها عدالى تسير بيت ريلها بس هزرك بيستحمل لسانها
خالد: امااايه ما بيستحملها بيردها لج فى صندقه
هندوه: عيل محد قاله ياخذنى

يوقف فيصل عدالها : يالله قومى لاه
هندوه: شوفيك انته
فيصل: بسير مواعد الربع
هندوه: هذوووه الطريق

::++تدخل نوره ولدها عبدالله::++

عبدالله: عمى (يركض صوب عمه فيصل)
فيصل: هلا بعيونى انا
عبدالله: وينك من زمان
فيصل: انا اهناااااااااااااااك فى الشغل
عبدالله: ليش اتخلينى و اتروح
فيصل: ماخليتك

ام سالم(ترمس نوره): اخووج سعيد بعده ماخبروه
نوره: لا ياخالتى يقولون فى غرفته من امس
خالد: شوفيه (خايف)
نوره: ماادرى و لله
حمدان: سألى البنات
نوره: سألت مريم بس ماتعرف
حمدان: هههههههه سألى الخفاش خلود
نوره: ههههههههههه مافينى ادلعلى بلسان
ام سالم: ماعليه الحين ابااج تساعدين اختج علشان العرس ان شاء لله فى الصيف عرسهم
عبدالله: عرس منوه ؟؟!!
خالد: عمى فيصل
عبدالله(يطالع عمه فيصل): و لله
فيصل(يغير الموضوع): شو رايك نسير ميغا مارت
عبدالله(يشل بعمره عن عمه و يقعد مجابل التلفزيون)
فيصل: اماايه وقته هذا
حمدان: عبدالله وايد متعلق بفيصل واحس انه ينجرح
نوره: شوتبانى اقولك
ام سالم: تراكم تعودونه
شيخه: اماايه هذا عمه بحسبه ابووه بعد
نوره: بس بيكون عنده عيال بعدين فيصل ولازم يتم فيهم

سمعهم عبدالله وهم يقولون انه بيكون عنده عيال وقف جدامهم وهو يصيح: اصلا عمى فيصل بس حقى انا ماعنده عيال انزين (وطلع من الصاله ساير غرفته يصيح)
فيصل: ليش جيه ترمسون انزين (شل بعمره من الصاله و طلع ساير الدوام)

ام سالم: ماعليه المهم انتى سوى للى قتلج عليه
نوره: ان شاء لله خالووه
خالد: يالله انا بسير غرفتى
ام سالم: برايك ياولدى

حمدان: سمعووووووووواا هالاغنيه اليديده للى غنوها على شرفى
هندوه: وين ياحسره
حمدان: سمعى و انتى ساكته
ام سالم: سمعنى يالله
حمدان(يدز هندوه عن امه): قووووووووومى
هندوه: اوووووووووه حشى قلتبك الدنيا شووه
حمدان:

::++ يا حمدان للى سبانى شخص غالى له غلا ....هو عويد لبان متمز له الخصر الهضيم لى سلب روحى وقلبى والحشا منه ابتلى جد بى و اتعال معلل به ...يا هلا يابومحمد مرحبا بك ياهلا يالس يناجى صرت شعر مثل الدر الهضيم سالبنك ناهبنك من تميز بالحلا ايه يذبح و ماخلقج مثله عجيد ::++ (يطالع هندوه) ليش تنعشين

هندوه: اشارك وياك شوفيك
حمدان: انا ما ابااااااااااج
هندوه: يعنى انا للى ابااك
خالد: ههههههه يالله برايكم (يطالع حمدان) يارياااااااااااااال خلها عنك
هندوه: شو تشوفنى ؟؟!!
خالد: اشوفج ام ادويس
حمدان: تعرفين يوم اريد اهزب عيالى شو بسوووى
هندوه: شوووه
حمدان: بقوللهم رقدوا و الا يبلهم هذى
هندوه: منوه هذى عااد
حمدان: انتى ؟؟!!
شيخه+نوره: هههههههههههههههههههه
هندوه(معصبه): شو تشوفنى
خالد: احم احم برايكم واذا نشت الحرب العالميه الثالثه خبرونى علشان الم اغراضى
ام سالم: براايك ياولدى
حمدان: اشوفج ام دويس
هندوه(وقفت وحطت ايدها على خصرها): ماعاش من يشبهنى بها
حمدان: هههههههههه اشووويه بس
شيخه: هههههه بسج عاد (اتشوف نوره) خلينا انشوف عبدالله
نوره: يالله انسير

طلعن من الصاله وهندوه ماخلت حمدان فى حاله ..
حمدان: شوفيها اماااااااااااايه حشى وحش عوذ بالله
ام سالم: ويه غربلاتج من بنيه بتذبحين اخوج
هندوه: صبر اراويك (تقبضه من كندورته)
حمدان: شلوها عنى اماااااااااااااايه اخااااااااااااف هذى و حش
هندوه: لا و لله
حمدان: هههههههههههههه هيه و لله
هندوه: جان انته ريال اوقف جدامى
حمدان: انزين (وقف جدامها و هو طبعا اطول عنها) سيرى مناااااااك يالله
هندوه(ادزه على الكرسى): طولاااااااااااااااااان
حمدان: انتى دؤدؤ
ام سالم: شو هذا
حمدان: واحد من الاقزام
ام سالم: لله يهديكم يا عيالى
حمدان: مع السلامه دوؤدوؤ
هندوه: حمدااااااااااااااااااااااااااااااااااااااااااااااا اااااااان
ام سالم: واحطبه اشياج تناغجين
هندوه: شوفى ولدج
ام سالم: سكتى عنه ولا بيرمسج
هندوه: انزين
حمدان: امااايه بسير
ام سالم: وووين
حمدان: بسير الموووووووووول
هندوه: حمدان بسير وياااااااااااااااك
حمدان: لالالالا ماشى بنات يسيرن المولات
هندوه: ليش
حمدان: اتسيرين الصبح هيه بس الحين فى عز الظهر ماشى
هندوه: يالله شو هالقوانين الغريبه (تطلع من الصاله)
ام سالم: يالله ياهذى البنت
حمدان: ماعليج بتعقل يالله اخليج انا
ام سالم: و انا اقعد بروحى
حمدان: باييونج الباقى الحين ابوويه باييج لا تخافين
ام سالم: يالله محد يحبنى

حمدان: ++:: احبك بانظر عينى غناتى و احب الارض للى تمشى عليها ....واحب حتى اكثر من حياتى ..واسوم الروح الاجلك و اشتريها ...::++ (يحب راس امه و يطلع )

مر هاليوم عليهم بسرعه و سعيد بعده راقد ....على الساعه 7 المغرب بالظبط طلع من الغرفه وشاف خواته يطالعنه و يبتسمن
سعيد: و لله ناس شقيانه وناس مجابله البقرات الضاحكه
خلود: هههههههههههههههههه
سعيد: قومى عنى لاه
مريم: شوفيك انته

::++ يدخل بوصالح ::++

سعيد: السلام عليك بوويه (يوايهه ابووه)
بوصالح: شحالك
سعيد: الحمدلله
مريم: ولله انته هب فى الدنيا
سعيد: زين زين
خلود: شوفيك انته ليش جيه ترمسنا
مريم: شكله محبط من شى
سعيد: تقدرين تخلينى بروحى
بوصالح: ياولدى شو جيه مسوى بعمرك (يريد يضحك مب عارف كيف)
سعيد: مب مسوى شى ...ِشووه وافقت على عريس الغفله
بوصالح: هيه نعم وافقت
سعيد(يطالع ابووه): و لله (يلف يطالع التلفزيون)
بوصالح(يطالع بناته ويضحك): يا سعيد
سعيد: انا بسير بوظبى
بوصالح: اشعندك اهناك
سعيد: اريد ارتاح نفسيا
بوصالح: لا و لله و عمك
سعيد: شو اسووى عند عمى خبرنى
بوصالح: الحين شفت الريال يطرش ابووه واخوانه يخطبون و هو مرتغد
سعيد: و لله هذا شى راجعلهم (يوقف ) يالله برايكم
طلع سعيد من الصاله و هو مب عارف شو السالفه حاس بان ريله ثقيله مايقدر يمشى دش غرفته و سكر الباب بصوت عالى
مريم: ابوويه حرام ليش ماقلتله
بوصالح: هههه بقوله صبرى ؟؟!!
خلود: متى ما تشوفه شاب ضووو
بوصالح: الحين يوم بيطلع بقوله
مريم: فخاطرى اشووفه تعابير ويهه
بوصالح: اخ منج انتى
مريم: هههههههههه

الا و اشوى يطلع سعيد سفرته على كتفه ويمشى فى الممر للى فى الصاله ويزقره بوصالح

بوصالح: سعيد
سعيد: نعم بوويه
بوصالح: وين ساير
سعيد: بسير اى بقعه افر عمرى فيها
بوصالح: اول مره اشوف معرس بهالحاله
سعيد(امبحلق عيونه): شو معرس بعد ؟؟!!
خلود+مريم: مبرووووووووك
سعيد: شوفيكم انتوا على شووه مبروك
بوصالح: ياولدى شيخه قالت تريدك انته
سعيد(امبطل حلجه): لا و لله صدق
بوصالح: هيه و لله
سعيد(فرحان): يا سلاااااااااااااام فديتك عنى ما اخلى منك (يبوس راس ابووه)
بوصالح: وين تباااااااااااااا تعال
سعيد: صبر بسير اتعدل
خلود: يارب ان شاء لله دوم يفرح جيه
مريم: لله يسمع منج ان شاء لله
بوصالح: ان شاء لله

يطلع سعيد من غرفته وهو متكشخ و متعدل ..و عطره شال البيت كله
سعيد: يالله فمان لله انا وراى شغل احم ...
بوصالح: لله يهديك ياولدى
سعيد: ابووويه تبا عشا اليوم
بوصالح: ههههههه كيفك
سعيد(يطالع مريم): لا تسوون عشى
خلود: انزين تامر امر
سعيد: يالله برااااااااايكم
بوصالح: لله يحفظك

طلع سعيد من بيتهم و حالته حاله مب مصدق للى يصير واخيرا الحمدلله يارب وقف عند الاشاره شاف حد يسويله هرنات بالسياره لف سعيد جان يشوف خالد ....
سعيد: ويه هذا خالد...بتصل فيه

يتصل سعيد على تلفون خالد

خالد: مرحبا الساااااااااااااااااااااااااااع
سعيد: مرحبيتن
خالد: وينك ياريااااااااااااااااااال اعنبووووه من مذهب
سعيد: شوووه
خالد: لا و لله صدق انك خاين
سعيد: هههههه شو سويت انا
خالد: اوونه مايدرى جيه خاطب اختى
سعيد: شوفيها ؟؟!!
خالد: ههههههههه شو شووه فيها ليش ماتقولى
سعيد: خلاص فى المحكمه بخليك شاهد
خالد: لم ثمك وطوف جدامى
سعيد:وين بتسير
خالد: كارفور يالله
سعيد: تامر امر

 

........++الجزء العاشر..........++


سعيد و خالد كانوا قاعدين يسولفون مع بعض و فى الطاوله المجابله كانت شله بنات يطالعونهم ..خالد تقرب من سعيد يهمس له

خالد: اشفيهن هذيل يطالعنا
سعيد: معجبات يااخى
خالد: يخسن انا ماعندى انا سوالف حبنى واحبك و اعجاب وهالخربطان
سعيد: وانا شو قلت
خالد: خلنا نطلع قم (وقف)
سعيد: اقعد فضحتنى
خالد: لا و لله يالله انسير
سعيد: امرى لله

الا واشوى قبل لا يطلع خالد يسمع صوت وحده تزقره من البنات للى فى الشله ...

البنت: خالد
خالد(يلتفت يطالعها بنظرات استحقار ): خير شو تبين
هيفا: سلم على حمدان

سعيد وخالد قعدوا يطالعون بنظرات غريبه

خالد: انتى شو تبين فى اخووويه
هيفا: قوله انى مانسيت شو سوى فينى ذيج الليله
سعيد: اى ليله انتى بعد
هيفا: لليله للى سحبته فيه لين مركز الشرطه ولعوزته
خالد(معصب): انتى وين اهلج قاعده تتبلين على اخووويه
هيفا: اقولج شى بس لا تعصب
خالد(يفقد اعصابه): رمسى لا افضحج الحين
هيفا: اريد اتعرف عليك
خالد طالع الطاوله للى جدامه فيها كوب ماى ومسك الكوب و جب الماى على الارض
خالد: تشوفينى هذا الماى
هيفا(باستغراب): هيه
خالد: تقدرين تجمعينه و تحطينه مثل ماكان فى الكوب
هيفا(باستغراب اكثر): لا
خالد: البنيه جذا سمعته وانا ماارضى على نفسى لا على خواتى انى ابهدل بنات الناس دامج انتى مب حاطه فى بالج اهلج سيرى لله يستر عليج ان شاء لله
سعيد: خلنا انسير
خالد: يالله

طلعوا من كارفور و سعيد مستغرب من خالد كيف قدر يمسك اعصابه جذيه والمعروف عنه انه عصبى موت ...

فى السياره

سعيد: يااخى خلاص ماصار شى
خالد: اسمحلى ياسعيد ماكان ودى احطك بهذا الموقف
سعيد: افااااااااااااا جذيه يعنى ..
خالد: شوووه
سعيد: يالنسيب اذا ماوقفت وياك وانته ولد عمى مع منوه اوقف
خالد: نشمى و لله
سعيد(يغمزله): تسلملى فديتك
خالد: لله يسلمك
سعيد: وين تبا تسير
خالد: ما اعرف
سعيد: شو رايك انسير الميلس عند قوم حميد
خالد: يالله انزين


::++ فى بيت ام سالم::++

ام سالم: يالله ياربى منك انته حمدان
حمدان: شوفيج انزين
ام سالم: تعال
حمدان: ها (يقعد عدال امه)
ام سالم: ماتريدنى اخطبلك
حمدان: بسم لله عليه
ام سالم: وابووويه اشعنه
حمدان: انا حبيبج الحميدانى تبين اتعذبينه
ام سالم: لا و لله
حمدان: عيل شلى فكره العرس من بالج جيه جدامى خالد و هندوه
ام سالم: اريد اشوف عيالك
حمدان: بعدين امايه
ام سالم: يالله تعينى

::++ يدخل بو سالم++::

بوسالم: ويعين اليميع ان شاء لله يالغاليه
ام سالم: لله يسلمك ان شاء لله
حمدان(يضحك): روميو وجوليت ماشاء لله
ام سالم(تضربه بالجريده): وابووويه وشو يعنى
حمدان: خخخخخخخخخخخ ماشى

::++ يدخل راشد::++

راشد: السلام عليكم
الكل: و عليكم السلام
ام سالم: وينك ياولدى
راشد: و لله موجود خالوه
ام سالم: شو موجود
حمدان: اماايه اشفيج خذتيه بمشراع و ميداف
ام سالم: اناااااااااااااا
حمدان: هيه يا حرمه لا اله الا لله تعال يابوك اقعد عدالى (يسحب راشد)
راشد(مستغرب): ها قعدت (يطالع حمدان للى يضحك)
حمدان(يضحك): خخخخخخخخ اماااه
ام سالم: هااااا
حمدان: شورايج اسافر وياااا راشد
ام سالم: وين
حمدان: لندن
راشد: امووت فيك ياريااااال
حمدان: وانا بعد
ام سالم: على شوه تتفقون
حمدان: بتخلينا انسير و الا اشقايل الحين


::++يدخل بو سالم::++
بو سالم: راشد ساير يدرس و انته ساير اشحقه
حمدان: بسير ادرس
ام سالم: صدق و لله
حمدان: هيه و لله بقدم اوراقى مع راشد
راشد: عيل خلاص عطنى اوراقك
حمدان: تامر امر يا شيخى انته اموووووووووواح فديتك
راشد: بسم لله شو هالبوز ماتقول تاير سياره
حمدان: خخخخخ احمد ربك و لله انا ماعطيته بو ستى حق حد الا انته
راشد: خخخخخخخخخ اهااا زين عيل
بوسالم: يالله ياحمدان سير يبلى اوراقك
حمدان: ان شاء لله

::++يطلع حمدان من الصاله و يشوف هندوه نازله::++

حمدان: ايييييييييييييه
هندوه(على غير العاده): هاااااا
حمدان: اشفيج هندوه
هندوه: ماشى حمدان حد عند قوم ابوووى
حمدان: هيه راشد
هندوه(يدق قلبها): هيه خلاص عيل
حمدان: لا تدخلين الصاله
هندوه: بسير اسلم على قوم ابووويه سير يادلوع الماما
حمدان: يالله مناك(يدفرها على السلم و تقبضت)
هندوه: حسبيى لله عليك من ولد جان تدفرنى

سارت هندوه صوب الصاله و قلبها اشوى و بيطلع ..:: اووف ياربى انا كيف بجابل هذا المخلوق للى داخل اخاف اقول كلمه و الا اخور فى الرمسه ياربى اووووف ...شو هالحاله لله ياخذ الحب يوم يسوى جذيه

ام سالم شافت هندوه و قعدت ترفع راسها علشان تتاكد انها هندوه و الا شيخوه
ام سالم: هندوووه
هندوه: السلام عليكم
الكل: و عليكم السلام
بو سالم: ها بنيتى شو هباتج
هندوه(تبتسم): بخير ربى يسلمك ابووويه
ام سالم: غريبه مريضه اليوم
هندوه: لالا مب مريضه
راشد: عيل ليش ماسبيتينى اليوم

هندوه رفعت عيونها للى هزت راشد و قعد يطالعها مستغرب شوفيها اتخبلت شوه البنيه
هندوه: امايه بسير اقرب الفواله
ام سالم(مستغربه): سيرى يابنتى بتلقين اختج شويخ فى المطبخ
هندوه: برايكم

طلعت من الصاله سايره صوب المبخ و هيه متضايجه و شافت اختها قاعده تسوى بسكوت و حلويات

هندوه: شيخووووه
شيخه: هلا هندوه
هندوه: راشد داخل ماقربتوا الفواله
شيخه: قولى حق الخدامه تشلهم داخل انا جهزت كل شى باقى بس البسكوت
هندوه: هيه يا حظج
شيخه(ترفع عيونها): اشفيج هندوه شو ياحظى
هندوه(مرتبكه): هاااا مااااشى

طلعت هندوه من المطبخ و قربت الفواله حق و لد خالتها للى قاعد يقرر مع حمدان السفره

راشد: خلاص عيل
حمدان: اتفقنا اريد تخصص هندسه الاتصالات
راشد: يااخى مجموعك يدخلك سانت هيرست خلنا ندخل
حمدان: شورك
راشد: هيه نعم انا و انته فى نفس الجامعه
حمدان: خلاص عيل
هندوه: وين بتسافرون
حمدان: لندن
هندوه: لا و لله
حمدان: هيه بكمل دراسه
راشد: انزين حمدان شو باقى

هندوه و قفت و طلعت من الصاله سايره صوب غرفتها و هيه سرحانه و فى الصاله للى فوق شافتها نوره ...

نوره: هندوه شوفيج
هندوه: مافينى شى
نوره: تعالى انزين قعدى انطالع التلفزيون
هندوه: مالى خاطر برايج
نوره: وين بتسيرين
هندوه: بروح ارقد
نوره: بسم لله شى فيج اكيد
هندوه: اووووف نوره و لله مافينى شى
نوره: عيل حد يرقد الحين الساعه تسع
هندوه: انا

سارت هندوه غرفتها و قعدت اطالع السطح و هيه سرحانه فى هذا المخلوق للى تحبه و تموت فيه و محد يعرف ... راشد ...هيه راشد ...تموت فيه و دوم تضارب وياه و تساب و ياه لانها تحب وايد بس هو بلا احساس ...غفت هندوه و راحت فى سابع نومها ...

فى الصاله فوق كانت نوره قاعده مع شيخه ...

نوره: شوفيها هندوه
شيخه: مافيها شى ..
نوره: بس شكلها يقول ان فيها شى
شيخه: و لله ما اعرف خليها برايها انا بسالها

يطلع عبدالله من قسمهم ....

عبدالله: ماماااااااااااه
نوره: هااا عبدالله
عبدالله: بسير برع
شيخه: شو تسوى برع
عبدالله: بلعب كوووره
نوره: مب الحين باجر
عبدالله: امااايه
نوره: عبدالله
عبدالله: عموووه و ين عمى فيصل
شيخه: بعد ماوصل من برع
عبدالله: راح عند اعياله
نوره: عبوووود
شيخوه: لا راح ويا ربعه
عبدالله: انزين
شيخه: يالله بسير عنكم عند امى
نوره: خلاص برايج

اول مانزلت شيخه مسكت نوره و لدها و دخلته القسم
نوره: شو هالكلام عبدالله
عبدالله: شوه انا ماقلت شى
نوره: ياباباتى حبيبى انته عمى فيصل يريد يعرس
عبدالله: لا مابيعرس
نوره(بدت تعصب): وليش
عبدالله: لانه مستحيل يخلينى
نوره: بياخذ خالوه مريوم
عبدالله(امبرطم): لا مستحيل
نوره: هيه و بيكون عنده عيال و هذيل العيال لازم يكون عندهم باباتهم
عبدالله(يصيح)
نوره: وانته عندك باباتك
عبدالله: بس انا احب عمى فيصل (يصيح)
نوره: يالله ليش تصيح الحيت
عبدالله(يطلع من قسمهم) وقف فى الصاله و شاف الممر للى صوب غرفه فيصل و قعد يمشى لين و صل غرفه عمه و دخل الغرفه و سكر الباب شاف صوره عمه وقعد يرمس يقول: عمى انا احبك انته حبيبى عمى لا تخلينى انا ابااااك وايد (يصيح) وحط راسه على السرير و هو حاظن الصوره و رقد .....نوره ادور ولدها مالقتيه و قعدت خايفه من فصل اكثر شى لان اذا يا و ماحصله بيقلب الدنيا على راسها و على راس سالم ....وصل فيصل و دش البيت سلم على اهله و سار فوق شاف اخته شيخه ادور

فيصل: عن منوه ادورين
شيخه(خايفه): عن ........عن
فيصل: عن منوووه ارمسى
شيخه: عن عبووود
فيصل: وينه
شيخه: ما اعرف
فيصل: بسير احط اغراضى فى الغرفه (معصب)
شيخه: ان شاء لله

ركض فيصل صوب غرفته وفتح الباب اول شى شافه عبدالله على سريره راقد مثل الملاك تقرب منه و شاف انه حاظن صورته وشاف دمعه من عينه تبا تنزل ...وصلت شيخوه وشافت للى شافته و خبرتهم ان عبدالله عند فيصل الكل ارتاح تقريبا ...
فيصل: عبدالله
عبدالله(يفتح عيونه البريئه): عمى
فيصل: هيه عمى
قفز عبدالله على عمه و قعد يصيح و فيصل مستغرب ليش شووفيه
عبدالله: عمى لا تعرس
فيصل(انصدم ): لا حبيبى منوه قال
عبدالله: ان شاء لله اموت و لا اشوفك تخلينى
فيصل: لا حبيبى مابخليك
عبدالله: صدق
فيصل(يهز راسه بالايجاب)
عبدالله: برقد عندك اليوم

::++يدخل سالم::++

سالم: وينك انته عبود
عبدالله: نعم باابااااااه
سالم: ليش ماتبا تقعد عندى
عبدالله: انته اقعد مع ماماه وانا بقعد مع عمى فيصل
فيصل: خله عندى اليوم
سالم(يبتسم): ان شاء لله بس لا تعذب عمى فيصل
عبدالله: ان شاء لله بس انته سير و سكر الباب خخخخخ
فيصل: خخخخخخخخ عيب
سالم: خخخخخخخخخخخ ماعليه
عبدالله: بابااااااااااااااااااااااااااااااااه
سالم: هااااا
عبدالله: قول حق عمى فيصل لا يعرس
سالم و فيصل قعدوا يطالعون ومنصدمين
سالم: ليش
عبدالله: لا ماماه قالتلى ان بيكون عنده عيال و بعديم بيحبهم اكثر عنى
فيصل(عصب من سمع رمسه عبدالله هذى نوره ليش جذيه تقوله ) سالم نفس الشى عصب وايد يعرف اشكثر عبالله يحب عمه فيصل

سالم: انته ارقد الحين يالله برايكم
فيصل: برايك

رقد عبدالله عدال عمه للى بعد ما غير انسدح على السرير غفت عينه و حلم ان عبدالله دعمته سياره و فز من نومه و قلبه يدق شافه مثل الملاك راقد ..قام صلى ركعتين ورد يرقد



الجزء الحادى عشر


الصبح ..على الساعه 9

ام سالم: هااا شوويخ شو تسووين من الصبح
شيخه: و لله ماشى يا امااايه قاعده بس صح سمعت ان حمدان بيسافر
ام سالم: ياويلى على و لدى هيه بيسافر
شيخه: شو فيها انزين امااايه
ام سالم: لو كلكم تسافرون برايكم بس الحميدانى لا مستحيل
شيخه: امااايه هو رايح يدرس لا تقعديله جذيه و لله بعديم بيهون
ام سالم: الحمدلله انه بيسافر و يا راشد
شيخه: الحمدلله بس متى بيسافرون
ام سالم: و لله ما اعرف

::++ يدخل حمدان::++

حمدان: السلام عليكم
ام سالم: مرحبا بوليدى مرحبا الساع
حمدان: مرحبا بغناتى و لله (يلوووووى على امه)
شيخه: يالله يالدلع كيف
حمدان: هااا شويخ تغارين
شيخه: افاااا عليك ما اغااااار
ام سالم: متى بتسافرون
حمدان: و ابوووى عليج بعدهم لا حجزوا و لا طرشوا الاوراق يباله وقت
ام سالم: الحمدلله
حمدان: شو بدينا نشتاق من الحين
ام سالم: هيه ياولدى لو لدن قريبه سرت وياك
حمدان: هههههههه حلوه هذى
ام سالم(تضربه بالمخده): تضحك علي
حمدان: ما اضحك عليج فديت خشمج

::++ يدخل بو سالم و سالم ::++

بو سالم+سالم: السلاااااااااام عليكم
الكل: و عليكم السلام
سالم: شحالج امااايه
ام سالم: بخير ياولدى
بو سالم: امنوه يضحك عليج
ام سالم: محد يا بو سالم
حمدان: هههههههه قصدها انا
شيخه: امااايه متضيجه ايون ليش بيسافر
سالم: لا اله الا لله امااايه رايح يدرس مب رايح يلعب
ام سالم: ادرى بس قلبى يعورنى
حمدان: خير ان شاء لله امااايه

:++ يدخل عبدالله ونوره::++

عبدالله تقرب وقعد عدال ابوووه
سالم: هلا و لله بوحميد قم يالله راوهم اك ريال سلم عليهم
عبدالله: انا ريااااال
سالم: قم سلم عليهم

سلم عبدالله عليهم و قعد عدال ابووووه
عبدالله: باباااااااه
سالم: عونك
عبدالله: اريد العب برع
سالم: وين
عبدالله: ويا عيال يراناااا الساعه4 العصر شو قلت
نوره: لا ماشى
عبدالله: قوللها ماتبانى العب كله اقعد داخل
سالم: خلاص روح العب بس لا تضارب وياهم
عبدالله: ان شاء لله

::++يدخل فيصل::++

فيصل : السلام عليكم
الكل: و عليكم السلام
عبدالله(وقف): عمى فيصل
فيصل: عيونه انته
ام سالم: فيصل متى بتمل........
فيصل: عبدالله سير فوق هات مفتاح سيارتى
عبدالله(يبتسم): انزين

راح عبدالله فوق ورد فيصل طالع امه: امااايه لا ترمسين جدام الولد عن سالفه العرس
ام سالم: وليش
فيصل: مب زين
ام سالم: متى بتملج
فيصل: يوم بتخلص دراسه يالله انا بسير
بو سالم: تعال اتريق
فيصل: لا مالى بارض
حمدان: اكيد العرس واهواله
فيصل يطالع حمدان و يضحك: بالله برايكم انزين

خذ فيصل المفتاح من عند عبدالله و طلع ..........ولحقه عبدالله

عبدالله: عمى تعال بسرعه
فيصل: من عيونى حبيبى يالله ادخل داخل
عبدالله: ان شاء لله عمى

طلع فيصل و هو يفكر فى عبدالله حاس ان شى مب طبيعى بيصير اليوم تعوذ من ابليس وسار الدوام ...



::++ العصر الساعه 4::++

طلع عبدالله يلعب فى الشارع و يا عيال اليران و الكل كان قاعد فى الصاله و يسولفون ...
عبدالله: لا فاول مالى خص
حميد: شو فاول
عبدالله: انا بسير اييب الكوره
سعيد: غشاش
عبدالله: انا مب غشاش

ركض عبدالله ايب الكوره وقعد ياشر على حميد و سعيد عيال يرانهم واشر لهم ان بسرعه اييى ...سار عبدالله يمشى فى الشارع وكانت سياره واحد هندى يسوق بسرعه كانت السياره قريبه وايد عبدالله ماقدر يسوى شى دعمته السياره و طار جسم عبدالله الصغير لين شبك الملعب و كانت الدعمه قووويه

فى بيت بو سالم

ام سالم: بسم لله شو صاير
حمدان: بسير اشوووف

::++ تنزل هندوووه::++

هندوه: شو صاير
ام سالم: ما اعرف و لله
شيخه: استر يارب

::++ينزل خالد::++

خالد: وين حمدان
ام سالم: برع

طلع خالد ...اما حمدان تقرب من اليهال و هم يصيحون
حمدان: شو صار
سعيد: عبدالله
حمدان(فتح عيونه): شوووفيه (يصرخ)
حميد(يصيح): دعمته السياره

ركض حمدان صوب شبك الملعب وشاف عبدالله و لف على الهندى و قبضه من ملابسه و يضربه وخالد اول ماشاف عبدالله ركض شغل السياره و سار مسرع للمستشفى

دخل حمدان البيت يصيح و الحريم داخل مايعرفن شو صار
ام سالم: شو صار ياولدى
نوره: شووصار
حمدان: عبدالله دعمته سياره
نوره(تصرخ): لا مستحيل (تصيح)

حمدان يتصل على سالم

سالم: الووو
حمدان: سالم (يصيح)
سالم(خايف): شوو صار
حمدان: عبدالله دعمته سياره
سالم: شووووووووووووووووه وينه ولدى
حمدان: شله خالد المستشفى
سالم: براايك

طلع سالم من الاجتماع مسره مستشفى توام شاف خالد قاعد يصيح
سالم: خالد ولدى شخباره
خالد: فى العنايه
سالم: شو صار
خالد: هذا الهندى دعمه
سالم: ياربى انا راس مالى هالولد

الاواشوى يدخل حمدان مع امه ونوره و شيخه و هندوه

نوره(سارت صوب سالم): ولدى شخباره
سالم: يانوووره هذى للى صار لله كاتبنه وهو فى العنايه
خالد: ابوويه خبرتوووه
حمدان: هيه
شيخه: وفيصل

الكل قعد يطالعون بعض مستغربين كيف بيخبرووونه

هندوه: عطنى تلفونك خالد
خالد: ليش
هندوه: بتصل على فيصل(تصيح)
خالد: انزين

خذت هندوه التلفونو اتصلت على فيصل للى رد بسرعه

فيصل: خااااااالد شى صار
هندوه: فيصل
فيصل( مستغرب): هندوووه
هندووه: تعال المستشفى
فيصل: ليش شو صار
هندوه: تعال و بتعرف كل شى
فيصل: انزين يايينج الحين برااايج
هندوه: برااايك

ردت هندوه التلفون و الا و اشووى بو سالم داش المستشفى ووراه فيصل للى مايعرف شو السالفه

فيصل: شو السالفه
كلهم قعدوا يطالعون
سالم: فيصل
فيصل: رمسوووا وكيف مخلين عبدالله روحه فى البيت
حمدان: عبدالله دعمته سياره
فيصل(فخاطره اعطيه كف هذا شو يقول): شووووو عن المزح
سالم(يصيح): هيه صح دعمته سياره
فيصل(يصيح و معصب يطالع نوره): وانتى شووو خانتج
نوره: بس فيصل
فيصل: شو بس كيف تخلينه برووحه

الا و اشوووى يطلع الدكتور للى منزل راااسه و كلهم تجمعوا عليه

سالم: هااا دكتور شحاله
الدكتور: اسف
فيصل: شو اااسف (يهز الدكتور)
الدكتور: الولد مااااااااااااااااااااااات

علت صرخااات الالم و طاح فيصل على ريوله و سالم طاح على الكرسى ...ماااااااااااات عبدالله وهو فى هالعمر نوره تصيح على صدر خالتها و حمدان قعد على الكرسى مامصدق للى يصير .. دفنوا عبدالله و ابووه المسكين حالته حاله و فيصل يمسك فيه
سالم: فيصل بدال مايدفنى ولدى انا دفنته (يصيح)
فيصل: قضاء وقدر يا اخووويه
سعيد: سالم لازم تكون قوى و هذى حكمه ربك
بوسالم: انسير الخيمه
سالم: ابووويه
بوسالم: عونك ياولدى
سالم: احظنى ابووويه و لله محتاجلك
بو سالم(يحظن ولده وهو يصيح خلاص مايعرف شو يسوى )
بوصالح: لا اله الا لله ياولدى قضاء و قدر
سالم: عمى هذا ولدى يا عمى

سرحوا الريياييل صوب الخيمه وتجمعوا الناس يعزووونهم و الحريم نفس الشى ...مرت اياااام العزا بشكل فظيع بدون ابتسامه عبدالله و بدون لعبه ....

قعد فيصل فى الصاله وهو يفكر فى الدنيا الا واشووى يدش حمدان
حمدان: فيصل
فيصل: هلا
حمدان: يااخوى هذا قضاء وقدر
فيصل: ادرى و لله بس مب مصدق للى صار
حمدان: حتى انا و لله بس هذا لله للى كاتبنه
فيصل: ونعم بالله (حط ايده على راسه)

قام حمدان من مكانه مايقدر يشوف اخوووه بهذى الطريقه


..مر ثلاث شهور على موت عبدالله ونوره حامل فى الشهر السابع ...قاعده فى غرفتها تقرى قراءن

سالم: نوره
نوره: هلا سالم
سالم: مااريدج تزعلين لان عبدالله حى بقلوبنا
نوره: ادرى
سالم: وان شاء لله انتى بتربين و بتيبين ولد ولا بنت لازم تهتمين فيهم علشانى
نوره(تبتسم): ان شاء لله
سالم: عبدالله كان فخاطره اسم فيصل صح
نوره: الا يموت فى شى اسمه فيصل
سالم: ان شاء لله اذا يبتى ولد بسميه فيصل
نوره: ان شاء لله يارب
سالم: يالله انا بلبس وبسير الدوام
نوره: ان شاء لله

طلع سالم ساير الدوام اما فى بيت بوسالم الحياه رجعت اشوويه لمجاريها ...بس للى ماتغير فيصل

بوسالم: وين فيصل (معصب)
حمدان: فى الميلس

طلع بو سالم من الصاله ساير صوب الميلس شاف ان فيصل قاعد بروحه
بوسالم: فيصل
فيصل: نعم بووويه
بوسالم: اقدر اعرف اشفيك
فيصل: يا ابووووويه انته تعرف معزه عبدالله اشكثر عندى
بوسالم(يمسك عمره): ادرى ياولدى و هذا قضاء و قدر مب مكتوب له عمر
فيصل: و نعم بالله يا ابووويه
بو سالم: عيل عهدن على عمرك انك تسمى ولدك عبدالله
فيصل: هذا شى اكيد اصلا (يبتسم)
بو سالم: عيل قوم لله يرضى عليك و شوف حلالك و شغلك
فيصل: ان شاء لله يابووويه و لله يرحمه و يغمد روحه الجنه
بو سالم: طير ان شاء لله من طيور الجنه
فيصل: لله يسمع منك


طلع فيصل عن ابوووه من الميلس وركب سيارته و طلع يريد يخفف من للى فيه


..اما فى بيت بو صالح

 

اتسلمين على هذيا لقصه الرائعه و اتريا التكلمه .. .. ..

 

مشكوور ع المرور واللحين بكمل القصه