بسم الله الرحمن الرحيم ..
السلام عليكم ورحمة الله وبركاته ..
.
.
.
.. أخر مانظمه القلم ..
.. أتمنى ترتقي لذائقتكم المترفه ..
.
.
.
يامرحبا باللي بها الفكر يحتار
............................ في عينها بيت الشعر عن قصيده
وشلون عاد إللي بقى كلها أفكار
............................ وأنا أشوف الزين كله رصيده
لو إني أكتب فيها ديوان(ن) أشعار
............................ بيخلص الديوان وأرجع وأعيده
والله مدري ياعذابي وش أختار
............................ مافيه كلمه قلتها لك جديده
بس إعذريني لا لفيتك بالأعذار
............................ ياسيد كل الزين ياسيد سيده
مدري وش أكتب فيك والشاهد البار
............................ لكن مناي إنك تكوني سعيده
ما ألومهم لو قاموا إصغار وكبار
............................ لعيونك إللي من فقدهم فقيده
ثم إصفقوا كف(ن) على حامي الطار
............................ وقاموا يجرون اللحون الرغيده
من شاف وجهك تستحي منه الأنوار
............................ من نوره إللي جعل ربي يزيده
ودي أنا أنشد عن مزايين الأزهار
............................ إللي غدت من بينهن هي وحيده
هي الأميره والعمى بعين الأشرار
............................ شيهانة ٍ والحر الأشقر تبيده
من يدري عن هالوقت لو دار ماجار
............................ ثم ألتقاني وحط إيدي بإيده
أدري لو أن الحظ جابه بالأسرار
............................ والله ماينطق لساني وريده
لو إجمعتنا صدفة(ن) ضمن الأقدار
............................ أخاف أنا ما أقول جمله مفيده
مير إني بسكت وآتأمل بالأنظار
............................يمكنها تقرا بعيني نشيده
دام القصايد كلها منك تغتار
............................ وبيت القصيده يستحي من عضيده
بنت الكرم نسل الأصايل والأحرار
............................ أمعربة خال(ن) وأبوها وليده
محبتك تشهد لها شبة النار
............................ وكل الدلال إللي عليها شهيده
عساه من جابك طويل(ن) بالأعمار
............................ دامك على دروب المراجل طريده
وش يذبح الرجال في بعض الأمرار
............................ وش غير بنت(ن) في المواقف شديده
تاطا على كل المصاعب والأخطار
............................ لأجل إنها تاصل على ماتريده
ماني بناسيها ولو صار ماصار
............................ حتى ولو كانت ظروفي عنيده
إلها مكانه في ضميري ومقدار
............................ وكل المزايا الطيبه إلها عديده
دوك القصيده وأسمعي منها الأخبار
............................ ويالله عساها تكون مني زهيده
.
.
.
سطام فيصل الشمري
03 Jul 2008, 05:22 PM
(( الشمّريه ))
(View-All)
الاعضاء الذين شاهدوا الموضوع : 0
.gif)
العرض العادي
