يللأسف يا خاين الود بعناك

الخيل · 27 Jul 2005, 01:49 AM

أسمحولي أني أشارك بهالقصيدة قبل لا أترك المنتدى على خير

معاك أحلام وردية تلاشت يا رخيص الباس @@ ومن احلامــي وشوقي اقدم لك عذر شعري

أنا ماني من اللي هم لهم حرفين في قرطاس @@ أنا يا ولد أبـــوك الخيل حرفي دم بي يسري

اذا قلـــت اني بك مـــغرم فهذا قمة الاحساس @@ واذا عفتك تراك انته الذي همك بدا عسري

فلا تــشفع لك حصانة ولا تشــفع لك الجلاس @@ اذا قالت لك الشـــــيخة تسهل يا بعد عمري

رفيـــــع الشان له نسمع ونسمح له بلا مقياس @@ ولكن من رخص شانه فلا ينعاد وله نطري

أنا يا ولد هالـــــعالم قــــــوية ولا يهزني باس @@ ولي سمعة تكفـــــيني عن اللي مالهم قدري

ولي من رجال الــــــــشوامخ ألف ناس وناس @@ ولي من عضـــــــيد القوم واحد مالك فكري

تميز من وســــــط عالم وشوفه يكفي بالاطلاس @@ ولي من يــبزغ بنوره شعاعه فاق هالبدري

سعــــيد وغالي عــــندي وله قلب شرات ألماس @@ ولو يبـغي نظر عيني عطيته دون لا يدري

يعل أيامه أفــــراح وله ترخص جميع أجـــناس @@ ويعله دوم متــــــهني وعوقه دايـــــم يبري

ولايشكي من العسرة ولا يشكي من الوسواس @@ ولا يتعب من فراق ولا يشقى مدى العمري

الخيــــــــــــــــــــــــــــــــــــــــــــــ ل

شاعرة ظبيانية · 27 Jul 2005, 04:20 AM

عزيزتي الخيــــــــل

أولا سؤالي (( ليش تتركين المنتدى وانتي غاليه علينا وعلى هالقسم بالذات ))

أتمنى انج تتراجعين في قرارج واتفكرين عدل مانبغي نخسرج الغاليه ... ولاتنسين انج اختنا

ونحبج ...

القصيده في منتهى الروعه ؛؛ كلامتها شامخه بها من الغرور مايكفي للشموخ

(( صح الله لسانج ولاهان من عد ))

شاعره ... ومنوره قسم الشعر

كوني متواجده دائما

وبانتظار الجديد

شاعرة ظبيانية

Emaratee · 28 Jul 2005, 01:17 AM

لاهنتي الخيل ..

ابيات قويه ..

وصح الله لسانج الشاعره

ولد العين · 28 Jul 2005, 02:17 AM

صح لسانك اخويه الخيل

ولاهنت

وبصراحه ابيات رائعه خطتها يديك

وبانتظار المزيد

والله يعطيك العافيه

حلو المزوحي · 28 Jul 2005, 04:20 AM

حلو المزوحي

طارت أحلام ورديه وظاعت صوفت الجلااااااس -------- وصار الكّره في قلبه بضخ الدم هو يجري
تلاشت فرحة ايامي تلاشت من جذور وساااااااس -------- بعد ماراااااح يلي قال اقدم لك عذر شعري
طعنت القلب بظنونك وفي يوفي غرست اموااااس -------- تصدق كل ماينقال لو انه من واطي القدري
لاتظن انهم وافين وفالمحنه لكم حراااااااااااااااااااااس -------- ترى لو كنت واثق تحذر يا بعد عمــــــري
غمض عيونك ثواني .. تذكر منبع الاحساااااااااس -------- منهو الذي رقمك في دجى الليل له يـسري
ياوليف الروح ترى صدك جبرني عالطراااااااس --------- ولا انا مالي على الطرسات لو تــــــدري

شوق البحر · 28 Jul 2005, 06:24 PM

الغالية ...
على قد ما قريت قصيد في هالقسم ..
ما اعتقد انه كان بقوة القصيدة هذي ...
بصراحة ابداع على ابداع على ابداع هالقصيدة ..
وما دامج كتبتيها ..
ما ودنا نخسرج مول يالغلا ..
اتمنى تتراجعين عن هالقرار ..
لان فعلا القصيدة دشت خاطري وحفظتها عندي من زود ما هي حلوة وقوية ...
تكفي المعاني اللي تحملها ..
والله ما عليج قصور ..
مش مجاملة لا والله وربي يشهد علي ..
بس الوزن فيها وايد حلو ..
لا هانج الله يالغلا ..
خلج ويانا ..
ربي يحفظج

الخيل · 30 Jul 2005, 01:33 AM

شاعرة ظبــــــــــيانية

أماراتــــــــــــــــــــــــــــــــي

ولد العـــــــــــــين

حلو المزوحي

شوق البحـــــــــــــــــر

(( كل الأمنيات وكل الشكر وكل الحب لأعضاء منتدى خلان وصدق من سماه منتدى خلان ))

وفالكم طيب الخيل ما راح تترككم وان شالله الأيام الياية بتكون أحلى من اللي راحت

الخيـــــــــــــــــــــــــــــــــــــــــل

كيفي عنيدة · 30 Jul 2005, 02:10 AM

صح لسانج شاعرتنا

ولا هنتي

الكلمات قوية الشيخه

الخيل · 31 Jul 2005, 01:16 AM

السلام عليج يا ختيه كيفي عنيدة

بكل الحب والتفاؤل تحمل لك الخيل كل الشكر على مرورك الكريم

فبوجود امثالك من قراء وشعراء منتدى خلان سيصبح للشعر موقع وذات بين حنايا

أعضاء منتدانا الغالي

فأهلا بكي قارئة وناقدة ومتذوقة لقصائد الخيل

الخيـــــــــــــــــــــل

abdu allh · 25 Mar 2006, 05:54 AM

الــخــيـــلــــــ

ســلــمــتي ع هــ الــقــصــيــده الــرائــعـه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(View-All) الاعضاء الذين شاهدوا الموضوع : 0
There are no names to display.